ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويىپ
«ارميانىڭ جابدىق ساتىپ الۋ توقتامىن باقىلاۋ - باسقارۋ ۋاقىتشا بەلگىلەمەسىن» جاريالادى
شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇيرىققا قول قويىپ، «ارميانىڭ جابدىق ساتىپ الۋ توقتامىن باقىلاۋ - باسقارۋ ۋاقىتشا بەلگىلەمەسىن» جاريالادى، 2022 - جىلى 3 - ايدىڭ 20 - كۇنىنەن باستاپ اتقارىلادى.
«بەلگىلەمە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، سوتسياليستىك بازار شارۋاشىلىعى زاڭدىلىعى مەن ارميانى جابدىقتاۋ قۇرىلىسى زاڭدىلىعىنا بويسۇنىپ، جاڭا جاعدايدا، جاڭا تۇزىلىستە جابدىق ساتىپ الۋ توقتامىن باقىلاۋ - باسقارۋ قىزمەتىنىڭ نەگىزگى مىندەتىن، نەگىزگى مازمۇنىن جانە نەگىزگى باسقارۋ ءتۇزىمىن عىلمي ارناعا ءتۇسىرىپ، جابدىق ساتىپ الۋ ساپاسى مەن ونىمدىلىگىن جوعارىلاتتى.
«بەلگىلەمە» جيىنى 6 تاراۋ، 35 تارماق، ”اسكەري ىستەر كوميتەتى جالپى جاقتان باسقارۋ، سوعىس رايوندارى سوعىس جۇرگىزۋگە جاۋاپتى بولۋ، ارميا تۇرلەرى قۇرىلىس جۇرگىزۋگە جاۋاپتى بولۋ“ باس پرينسيبىنە ساي، جابدىق ساتىپ الۋ توقتامىن باقىلاۋ - باسقارۋ قىزمەتىنىڭ باسقارۋ ءتۇزىلىسىن ايقىندادى؛ زاڭ بويىنشا باقىلاۋ - باسقارۋدى كۇشەيتىپ، باقىلاۋ - باسقارۋ مىندەتى، باقىلاۋ - باسقارۋ كەلىسىمى، باقىلاۋ - باسقارۋ جوباسى سياقتى ءتۇزىم - مەحانيزمدى ساپالىلاندىرىپ، كەمەلدەندىرىپ، جابدىق ساتىپ الۋ توقتامىن باقىلاۋ - باسقارۋ قىزمەتىنىڭ ونىمدىلىگىن جوعارىلاتتى؛ ساپانى بارىنەن جوعارى قويۋعا تاباندى بولىپ، جابدىق ساتىپ الۋ توقتامىن باقىلاۋ - باسقارۋ قىزمەتىنىڭ مازمۇنى، ءتارتىبى جانە تالابى سياقتىلاردى جان - جاقتى، جۇيەلى جوبالاپ، تولىمدى جابدىقتى اسكەري بولىمگە تاپسىرىپ بەرۋگە شىنايى كەپىلدىك ەتتى؛ باقىلاۋ - باسقارۋ ۇلگىسىن جاڭالاپ، جۇمىستان ىلگەرى ساقتانۋدى، جۇمىس ۇستىندە باسقارۋدى، جۇمىستان كەيىن باعالاۋدى ءوزارا ۇشتاستىرۋ ءتاسىلىن قولدانىپ، جابدىق ساتىپ الۋ توقتامىن باقىلاۋ - باسقارۋ قىزمەتىنىڭ جاڭالىق اشا دامۋىن ىلگەرىلەتتى.
