شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 18 - كۇنى تۇستەن كەيىن وڭتۇستىك افريكانىڭ زۇڭتۇڭى رامافوسامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن وڭتۇستىك افريكا ەكى ەل ”جولداس ۇستىنە باۋىرلاس بولۋداي“ ەرەكشە دوستىق قارىم - قاتىناسقا يە. جۇڭگو − وڭتۇستىك افريكا قارىم - قاتىناسىن بەكەمدەۋ جانە دامىتۋ جۇڭگو − وڭتۇستىك افريكا قارىم - قاتىناسىنا جەتەكشىلىك ەتۋ جانە وركەندەپ كەلە جاتقان ەلدەردىڭ ىنتىماعى، سەلبەستىگى جونىنەن ماڭىزدى ءمان الادى. جۇڭگو جاق وڭتۇستىك افريكامەن بىرگە جۇڭگو − وڭتۇستىك افريكا قارىم - قاتىناسىنىڭ اناعۇرلىم جوعارى ساپاعا، اناعۇرلىم كەڭ سالاعا، اناعۇرلىم تەرەڭ دەڭگەيگە قاراي قادام تاستاۋىن ىلگەرىلەتۋدى قالايدى. ەكى جاق ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءبىرىن - ءبىرى ۇزدىكسىز باتىل قولداۋى، جۇڭگو − افريكا سەلبەستىك تالقى مىنبەرىنىڭ ”9 ءتۇرلى ينجەنەرياسىن“ جەدەل تياناقتاندىرىپ، «جۇڭگو مەن وڭتۇستىك افريكانىڭ 10 جىلدىق سەلبەستىگى ستراتەگيالىق جوباسىن» ويداعىداي تياناقتاندىرىپ، ەكى ەلدىڭ ءتۇرلى سالاداعى سەلبەستىگىن ىلگەرىلەتىپ، جاڭا جەتىستىكتەرگە ۇزدىكسىز قول جەتكىزۋى كەرەك. جۇڭگو جاق وڭتۇستىك افريكانىڭ اناعۇرلىم كوپ ساپالى ونىمدەرىن جۇڭگوعا ەكسپورت ەتۋىن قارسى الادى، ەكى جاقتىڭ جاڭا ەنەرگيا، ەلەكتروندى ساۋدا سياقتى جاڭادان گۇلدەنگەن سالالارداعى سەلبەستىكتى كەڭەيتۋىن قولدايدى، جۇڭگو كاسىپورىندارىن وڭتۇستىك افريكاعا بارىپ قارجى قوسىپ، سەلبەستىك جاساسۋعا شابىتتاندىرىپ، وڭتۇستىك افريكانىڭ ”جاڭا قارجى قوسۋ باستاماسى“ دامۋ نىساناسىن جۇزەگە اسىرۋعا دەم بەرەدى. جۇڭگو جاق وڭتۇستىك افريكامەن بىرگە ۆاكسينا ءوندىرۋ سەلبەستىگى جونىندە كەڭەسىپ، وڭتۇستىك افريكانىڭ جانە افريكا ەلدەرىنىڭ ىندەتكە قارسى اتتانۋىنا قولداۋ كورسەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو بيىل بريكس ەلدەرىنە ءتوراعا ەل رەتىندە، وڭتۇستىك افريكامەن بىرگە بريكس سەلبەستىك مەحانيزمىنىڭ دامۋ تەبىنىن ساقتاۋىن ىلگەرىلەتىپ، اناعۇرلىم جان - جاقتى، ەتەنە، ناقتى، سيىسىمدى جوعارى ساپالى سەرىكتەستىك قارىم - قاتىناسىن ورناتىپ، مۇشە ەلدەردىڭ ءوز دامۋىن جۇزەگە اسىرىپ، الەمدىك دامۋدىڭ اناعۇرلىم تەبىندى، جاسىل، اقاۋسىز بولۋىن ىلگەرىلەتەدى. جۇڭگو جاق ءارقايسى جاقپەن بىرگە ناعىز كوپ جاقتىلىققا تاباندى بولىپ، حالىقارالىق ادىلدىكتى، تۋراشىلدىقتى قورعاپ، بازارى جاڭادان گۇلدەنگەن ەلدەردىڭ جانە وركەندەپ كەلە جاتقان ەلدەردىڭ ورىندى ۇقىق - مۇددەسىن جانە ورتاق مۇددەسىن قورعاپ، دۇنيە ءجۇزى ەكونوميكاسىنىڭ ورنىقتى تۇردە قايتا جاندانۋىن ىلگەرىلەتۋگە بەلسەندى ۇلەس قوسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
رامافوسا مىنالاردى ءبىلدىردى: مەن جۇڭگو كوممۋنيستىك پارتياسىنىڭ 100 جىلدىق مەرەيتويىن تاعى ءبىر مارتە قۇتتىقتايمىن ءارى جۇڭگو جاقتىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزگەندىگىن قۇتتىقتايمىن. جۇڭگو − وڭتۇستىك افريكانىڭ جانە افريكا ەلدەرىنىڭ سەنىم ارتاتىن ناعىز سەرىگى جانە دوسى، جۇڭگو جاقتىڭ ادىلەتتى تۇرعىدا تاباندى بولعاندىعىنا، وڭتۇستىك افريكانىڭ جانە افريكا ەلدەرىنىڭ ۋاقىتتىق قيىنشىلىقتى بىرگە جەڭۋىنە كومەكتەسكەن قىمباتتى كومەگىنە العىس ايتامىن. وڭتۇستىك افريكا ءبىر جۇڭگو ساياساتىن تاباندىلىقپەن اتقارىپ، جۇڭگو جاقتىڭ شيزاڭعا ساياتىن ىستەر سياقتى كەلەلى ماسەلەلەردەگى تۇرعىسىن باتىل قولدايدى. بۇكىل الەم قيىندىقتا قالعان ساتتە، وڭتۇستىك افريكا جۇڭگومەن تىعىز قارىم - قاتىناستى ساقتاپ، دوستىقتى بەكەمدەپ، ەكى ەلدىڭ ءبىرىن - ءبىرى قولداپ - قۋاتتاۋ، ءوزارا كومەكتەسۋ سىندى تاڭداۋلى ءداستۇرىن جالعاستىرىپ، وڭتۇستىك افريكا مەن جۇڭگونىڭ ءتۇرلى سالاداعى ناقتى سەلبەستىگىن جانە افريكا مەن جۇڭگونىڭ جالپى بەتتىك ستراتەگيالىق سەلبەستىگىن تەرەڭدەتۋىن ءۇمىت ەتەدى. وڭتۇستىك افريكا جۇڭگو جاقتىڭ بيىل بريكس ەلدەرىنە ءتوراعا ەل رەتىندە قىزمەت ورىستەتۋىن قولدايدى، بيىلعى بريكس ەلدەرى باسشىلارى ديدارلاسۋىنىڭ تابىستى بولۋىن ءۇمىت ەتەدى.
ەكى ەل باسشىلارى تاعى ۋكراينا جاعدايى جونىندە پىكىر اۋىستىردى. ەكى جاق ءبىر اۋىزدان بىلاي دەپ قارادى: جۇڭگو − وڭتۇستىك افريكا ەكى جاقتىڭ ۋكراينا ماسەلەسى جونىندەگى تۇرعىسى توتەنشە قارايلاس، ەگەمەندى ەل دەربەس، وزىنە - ءوزى قوجايىن بولىپ، ءوز تۇرعىسىن بەلگىلەۋگە ۇقىقتى، رەسەي − ۋكراينا ەكى جاقتىڭ بەيبىتشىلىك كەلىسسوز وتكىزۋ جاعدايىن ساقتاپ، تىلدەسۋ، كەلىسسوز وتكىزۋ ارقىلى تالاستى شەشۋىن قولدايدى. ەكى ەل باسشىلارى وسى ءىس جونىندە بايلانىستى، سايكەسۋدى كۇشەيتۋدى قالايتىندىقتارىن ءبىلدىردى.
شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 18 - كۇنى تۇستەن كەيىن كامبودجانىڭ باس ءۋازىرى حۇڭسىنمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو − كامبودجا ەكى جاقتىڭ ورتاق قۇلشىنۋىندا، جۇڭگو − كامبودجا قارىم - قاتىناسى سىنداردان سۇرىنبەي ءوتىپ، بارعان سايىن بەكەمدەلدى. دۇنيە جۇزىندەگى 100 جىلدىق وزگەرىس پەن عاسىرلىق ىندەت الدىندا، جۇڭگو مەن كامبودجا تاعدىرلاس ورتاق تۇلعا قۇرىلىسىن باتىل ىلگەرىلەتىپ، جاڭاشا حالىقارالىق قارىم - قاتىناس ورناتۋدىڭ ۇلگىسىن قالىپتاستىردى. ەكى جاق ”ءبىر بەلدەۋ، ءبىر جولدى“ جوعارى ساپادا بىرگە قۇرىپ، جوعارى جىلدامدىقتى تاس جول، اۋەجاي، ەكونوميكالىق ەرەكشە رايون سياقتى ءىرى نىساندار قۇرىلىسىن جەدەل ىلگەرىلەتىپ، فينانس، سيفرلى ەكونوميكا سياقتى جاڭادان گۇلدەنگەن سالالارداعى سەلبەستىكتى كەڭەيتۋى كەرەك. «وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنەن» جانە جۇڭگو − كامبودجا ەركىن ساۋدا كەلىسىمىنەن ويداعىداي پايدالانىپ، ەكى جاقتى ساۋدادا تىڭ دەڭگەيگە جەتۋدى ىلگەرىلەتۋ كەرەك. جۇڭگو جاق كامبودجانىڭ ساپالى اۋىل شارۋاشىلىق ونىمدەرىن يمپورت ەتۋدى زورايتىپ، كامبودجا جاقپەن بىرگە ءتىپتى دە كوپ حالىق تۇرمىسى سەلبەستىگىن ورىستەتىپ، اۋىل - قىستاق جولى، وقۋ - اعارتۋ سياقتى نىسانداردى ويداعىداي تياناقتاندىرىپ، كامبودجانىڭ اۋىل شارۋاشىلىعىن دامىتۋىنا جانە شارۋالاردى كەدەيلىكتەن ارىلتۋىنا دەم بەرەدى. جۇڭگو جاق كامبودجانىڭ ىندەتكە قارسى اتتانۋىن ۇزدىكسىز قولداپ، كامبودجا جاقپەن بىرگە جاڭا تيپتى ايدارشا ۆيرۋس وكپە قابىنۋ ىندەت جاعدايىندا ەكى ەلدىڭ گۋمانيتارلىق اۋىس - كۇيىسىنىڭ جاڭا ۇلگىسى جونىندە ىزدەنىس جاسايدى.
شي جينپيڭ بىلاي دەپ باسا دارىپتەدى: جۇڭگو جاق شىعىس وڭتۇستىك ازيا ەلدەرى وداعىنىڭ وڭىرلىك سەلبەستىك جۇلگەسىندەگى وزەكتى ورنىن باتىل قولدايدى، شىعىس وڭتۇستىك ازيا ەلدەرى وداعىنىڭ وڭىرلىك جانە حالىقارالىق ىستەردە ءتىپتى دە زور رول ساۋلەلەندىرۋىن قولدايدى، كامبودجانىڭ بيىل شىعىس وڭتۇستىك ازيا ەلدەرى وداعىنىڭ كەزەكشى ءتوراعا ەلى مىندەتىن جاقسى اتقارۋىن قولدايدى، كامبودجا جاقپەن جانە شىعىس وڭتۇستىك ازيا ەلدەرى وداعىنداعى ەلدەرمەن بىرگە جۇڭگو مەن شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتۋدى قالايدى.
حۇڭسىن مىنالاردى ءبىلدىردى: جۇڭگو جاقتىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن تابىستى وتكىزگەندىگىن، سونداي - اق مەملەكەتتىك ەكى ءماجىلىستى ءساتتى اشقاندىعىن شىن جۇرەكتەن قۇتتىقتايمىن، ءتوراعا شي جينپيڭنىڭ پارمەندى باسشىلىعىندا، جۇڭگونىڭ الدا ءتىپتى دە ۇلى تابىستارعا قول جەتكىزەتىندىگىنە سەنەمىن. كامبودجا − جۇڭگو ەكى جاقتى ساۋداسىنىڭ جىلدام ارتۋى، ”ءبىر بەلدەۋ، ءبىر جولدى“ بىرگە قۇرۋ جۇلگەسىندەگى ءىرى نىسان قۇرىلىستارىنىڭ ءساتتى ىلگەرىلەۋى كامبودجا مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ جانە كامبودجا − جۇڭگو تاعدىرلاس ورتاق تۇلعا قۇرىلىسىنىڭ تابىستارىن ايگىلەدى، كامبودجا − جۇڭگو ەكى ەلدىڭ ناعىز سەنىمدى باۋىرلاس ەكەندىگىن كورسەتتى. كامبودجا جاق ءبىر جۇڭگو ساياساتىن باتىل اتقارىپ، جۇڭگو جاقتىڭ تايۋانعا ساياتىن، شينجياڭعا ساياتىن، ت.ب ماسەلەلەردەگى تۇرعىسىن باتىل قولدايدى. كامبودجا جاق كەلەر جىلى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعىن وراي ەتىپ، ەكونوميكا - ساۋدا، اۋىل شارۋاشىلىعى، گۋمانيتارلىق سياقتى سالالارداعى اۋىس - كۇيىستى، سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، كامبودجا مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن تىڭ دەڭگەيگە كوتەرۋدى قالايدى. جۇڭگو جاقتىڭ كامبودجانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىن زاتتىق جاقتان جانە ۆاكسينا سياقتى كومەكپەن قامداعاندىعىنا العىس ايتامىن، ىندەتكە قارسى اتتانۋ سەلبەستىگىن ۇزدىكسىز كۇشەيتۋدى ءۇمىت ەتەمىن. بيىل شىعىس وڭتۇستىك ازيا ەلدەرى وداعىنىڭ كەزەكشى ءتوراعا ەلى رەتىندە، كامبودجا جاق شىعىس وڭتۇستىك ازيا ەلدەرى وداعى مەن جۇڭگونىڭ قارىم - قاتىناسىن دامىتۋدى ۇزدىكسىز بەلسەنە جەبەۋدى قالايدى.
ەكى ەل باسشىلارى تاعى ۋكراينا جاعدايى جونىندە پىكىر اۋىستىردى. ەكى جاق ءبىر اۋىزدان بىلاي دەپ قارادى: تەپە - تەڭ، ءادىل بولۋ تۇرعىسىنان جازباي، تاتۋلاستىرۋدى جانە كەلىسسوز وتكىزۋدى جەبەۋدە بەلسەندى قۇلشىنىس جاساۋ كەرەك.
