شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 15 - كۇنى سەردار بەردىمۇحامەتوۆقا تەلەگرامما جولداپ، ونىڭ تۇركمەنستاننىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: تاۋەلسىزدىك العان 30 جىلدان بەرى تۇركمەنستاننىڭ مەملەكەت قۇرىلىسى جانە ۇلتتى گۇلدەندىرۋ ىستەرى جىلدام دامىدى. دوس جاقىن كورشى جانە ستراتەگيالىق سەرىكتەس رەتىندە، جۇڭگو جاق بۇعان شىن جۇرەكتەن قۋانادى. مەن جۇڭگو مەن تۇركمەنستان قارىم - قاتىناسىنىڭ دامۋىنا وسكەلەڭ ءمان بەرەمىن، زۇڭتۇڭ بولىپ سايلانعان بەردىمۇحامەتوۆپەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن جاڭا باستاما ەتىپ، الدىڭعىلاردىڭ ءىزىن باسىپ، بولاشاققا جول اشىپ، جۇڭگو مەن تۇركمەنستاننىڭ ستراتەگيالىق سەرىكتەستىك قارىم - قاتىناسىنىڭ جاڭا تاراۋىن بىرگە جازۋدى قالايمىن.
