جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ
بەيجيڭ 13 - كەزەكتى مۇگەدەكتەر قىسقى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى
جۇڭگو دەنە تاربيە ۋاكىلدەر ۇيىرمەسىنە:
بەيجيڭ 13 - كەزەكتى مۇگەدەكتەر قىسقى وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسى ەرلىكپەن العا ۇمتىلىپ، 18 التىن مەدال، 20 كۇمىس مەدال، 23 قولا مەدال ەنشىلەپ، التىن مەدال تاقتاسىندا، مەدال تاقتاسىندا ءبىرىنشى ورىنعا يە بولىپ، ەلىمىزدىڭ قىسقى وليمپيادا سپورت جارىسىنا قاتىناسۋ تاريحىنداعى ەڭ تاماشا ناتيجەگە قول جەتكىزىپ، وتان مەن حالىققا داڭق اپەرىپ، بەيجيڭ مۇگەدەكتەر قىسقى وليمپيادا سپورت جارىسىنىڭ ءساتتى وتكىزىلۋىنە ەلەۋلى ۇلەس قوستى. پارتيا ورتالىق كوميتەتى، مەملەكەتتىك كەڭەس سىزدەردى قىزۋ قۇتتىقتايدى ءارى سىزدەردەن ىقىلاستى حال سۇرايدى!
وسى كەزەكتى مۇگەدەكتەر قىسقى وليمپيادا سپورت جارىسىندا، سىزدەر پارتيا مەن حالىقتىڭ تاپسىرماسىن ەستە بەرىك ساقتاپ، بورىش ارقالايتىن، كۇرەس جۇرگىزەتىن رۋحتى ساۋلەلەندىرىپ، بارلىق ءتۇر بويىنشا جارىسقا قاتىناسىپ، باتىلدىقپەن وزىپ شىعىپ، تالىقپاي تالپىنىپ، ىنتىماقتاسا سايىس جۇرگىزىپ، قاجىماس قايسارلىقتىڭ، ۇمىتپەن العا ىلگەرىلەۋدىڭ سالتاناتتى ءومىر جىرىن اسقاقتاتا شىرقاپ، سپورت ناتيجەسى مەن رۋحاني وركەنيەتتىڭ قوس جەمىسىنە قول جەتكىزدىڭىزدەر. سىزدەر ءىس جۇزىندىك ارەكەتتەرىڭىز ارقىلى ءمورالدىڭ التىن مەدالىن، مىنەز - قۇلىقتىڭ التىن مەدالىن، كىرشىكسىزدىكتىڭ التىن مەدالىن الۋ تالابىن تياناقتاندىرىپ، دۇنيە ءجۇزىنىڭ ءارقايسى ەلدەرىنەن، وڭىرلەرىنەن كەلگەن مۇگەدەك سپورتشىلارمەن ءوزارا ۇيرەنىپ، دوستىق اۋىس - كۇيىس جاساپ، جارىس سالتاناتىن ءبولىسىپ، جاڭا داۋىردەگى جۇڭگولىق مۇگەدەكتەردىڭ رۋحاني بەينەسىن تولىق ايگىلەدىڭىزدەر. سىزدەردىڭ تاماشا بەينەلەرىڭىز جۇڭحۋانىڭ دەنە تاربيە رۋحىن تولىق ايگىلەپ، جۇڭگونىڭ ادامدىق ۇقىقتى قامتاماسىز ەتۋ جانە مەملەكەتتى دامىتۋداعى ناتيجەلەرىن تولىق ايگىلەپ، ەل ءىشى - سىرتىنداعى جۇڭحۋا پەرزەنتتەرىنىڭ وتاندى ءسۇيۋ ىنتا - ىقىلاسىن ونان ارى تاسقىنداتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا زەيىن - زەردەنى شوعىرلاندىرىپ، كۇش - قۋات ۇيىستىرىپ، ىنتىماقتاسا كۇرەس جۇرگىزۋىنە رۋحاني كۇش - قۋات ۇستەدى. وتان مەن حالىق سىزدەردى ماقتانىش ەتەدى جانە سىزدەرمەن ماقتانادى.
كەزەكتە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ءار ۇلت حالقى ەكىنشى 100 جىلدىق كۇرەس نىساناسىنا قاراي اسقاق جىگەرمەن ارشىندى قادام تاستاۋدا. سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مۇگەدەكتەر دەنە تاربيەسىنىڭ داڭقتى ءداستۇرىن ۇزدىكسىز ساۋلەلەندىرىپ، وتانمەن تىلەكتەس بولىپ، قايسارلىقپەن كۇرەس جۇرگىزىپ، تاعى دا تاماشا ناتيجەلەرگە قول جەتكىزىپ، ەلىمىزدىڭ مۇگەدەكتەر دەنە تاربيە ىستەرىنىڭ دامۋىن ىلگەرىلەتىپ، قالىڭ مۇگەدەكتەردى ءوزىن قۇرمەتتەپ، وزىنە سەنىپ، ءوزىن الۋەتتەندىرىپ، ءوز كۇشىنە سۇيەنىپ، سىن - سايىسقا ەرلىكپەن توتەپ بەرىپ، بەلسەندىلىكپەن سالاماتتىقتى قالپىنا كەلتىرىپ، دەنە شىنىقتىرىپ، ءساليقالى ءومىر ورنەكتەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراساتى مەن كۇش - قۋاتىن قوسۋعا شابىتتاندىرۋلارىڭىزدى جانە جىگەرلەندىرۋلەرىڭىزدى ءۇمىت ەتەمىز.
جۇڭگو كوممۋنيستىك پارتياسى ورتالىق كوميتەتى
مەملەكەتتىك كەڭەس
2022 - جىلى 3 - ايدىڭ 13 - كۇنى
