مەملەكەتتىڭ حاۋىپسىزدىگىن، قوعامنىڭ تىنىشتىعىن، حالىقتىڭ الاڭسىزدىعىن ويداعىداي قورعاۋ كەلەلى جاۋاپكەرشىلىگىن شىنايى اتقارىپ، حالىق بۇقاراسىنا ادىلدىكتىڭ، تۋراشىلدىقتىڭ ءوز جانىندا ەكەندىگىن شىن مانىندە سەزىندىرۋ كەرەك

شي جينپيڭ ساياسي - زاڭ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

مەملەكەتتىڭ حاۋىپسىزدىگىن، قوعامنىڭ تىنىشتىعىن، حالىقتىڭ الاڭسىزدىعىن ويداعىداي قورعاۋ كەلەلى جاۋاپكەرشىلىگىن شىنايى اتقارىپ، حالىق بۇقاراسىنا ادىلدىكتىڭ، تۋراشىلدىقتىڭ ءوز جانىندا ەكەندىگىن شىن مانىندە سەزىندىرۋ كەرەك

　　شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا ساياسي - زاڭ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: 2021 - جىلى ساياسي - زاڭ شەبى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، مەملەكەتتىڭ ساياسي حاۋىپسىزدىگىن جانە قوعام ورنىقتىلىعىن قورعاۋ، ساياسي - زاڭ سالاسىندا رەفورمانى جالپى بەتتىك تەرەڭدەتۋ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋ، ساياسي - زاڭ قوسىندارىن تاربيەلەۋ، رەتتەۋ سياقتى جاقتاردا تىڭ ناتيجەلەرگە قول جەتكىزدى.

　　شي جينپيڭ بىلاي دەپ باسا دارىپتەدى: پارتيانىڭ ساياسي - زاڭ قىزمەتىنە بولعان شارتسىز باسشىلىعىنا تاباندى بولىپ، پارتيانىڭ 100 جىلدىق كۇرەس تاريحىنان اقىل - پاراسات جانە كۇش - قۋات قابىلداپ، پارتيا قۇرۋ ۇلى رۋحىن اسقاقتاتىپ، ەلەۋلى حاۋىپ - قاتەردەن ساقتانۋ جانە ونى جويۋ قابىلەتىن جوعارىلاتىپ، زاڭ اتقارۋ، ءادىليا ساياسات - شارالارىن كەمەلدەندىرىپ، ساياسي - زاڭ رەفورماسىن جالپى بەتتىك تەرەڭدەتىپ، ساياسي - زاڭ قوسىندارىن تاربيەلەۋدىڭ، رەتتەۋدىڭ جەتىستىكتەرىن بەكەمدەپ، تەرەڭدەتىپ، مەملەكەتتىڭ حاۋىپسىزدىگىن، قوعامنىڭ تىنىشتىعىن، حالىقتىڭ الاڭسىزدىعىن ويداعىداي قورعاۋ كەلەلى جاۋاپكەرشىلىگىن شىنايى اتقارىپ، حالىق بۇقاراسىنا ادىلدىكتىڭ، تۋراشىلدىقتىڭ ءوز جانىندا ەكەندىگىن شىن مانىندە سەزىندىرۋ كەرەك. ءار دارەجەلى پارتكومدار ساياسي - زاڭ قىزمەتىنە تۇساۋ بولىپ وتىرعان كورنەكتى ماسەلەلەردى دەر كەزىندە اقىلداسىپ شەشىپ، ساياسي - زاڭ ورىندارىنىڭ زاڭ بويىنشا مىندەت اتقارۋىن قولداپ، اناعۇرلىم جوعارى ورەدەگى تىنىش جۇڭگو، زاڭمەن باسقارىلاتىن جۇڭگو قۇرۋعا پارمەندى قامتاماسىزدىق ازىرلەپ، ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋلارى كەرەك.

　　ورتالىقتىڭ ساياسي - زاڭ قىزمەتى ءماجىلىسى 1 - ايدىڭ 15 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ، بىلاي دەپ باسا دارىپتەدى: بۇكىل ەلدەگى ساياسي - زاڭ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جان - جاقتى دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي ۇيرەنىپ، ءتۇسىنىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋدى نەگىزگى جەلى ەتىپ، پارتيانىڭ ساياسي قۇرىلىسىن كۇشەيتۋدى ءبىر تۇتاس باسشىلىققا الىپ، ساياسي - زاڭ رەفورماسىن جالپى بەتتىك تەرەڭدەتۋدى قوزعاۋشى كۇش ەتىپ، ستيلدى كۇشەيتۋدى، تياناقتاندىرۋعا ءمان بەرۋدى، ونىمدىلىكتى جوعارىلاتۋدى باعدار ەتىپ، جاڭا داۋىردەگى ساياسي - زاڭ قىزمەتىنىڭ جوعارى ساپالى دامۋىن قۇلشىنا ىلگەرىلەتۋ كەرەك.

　　مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترلىگىنىڭ مينيسترى جاۋ كىجى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى.