تاڭداۋلى ستيلدى جالعاستىرىپ، گۇلدەنۋ جورىعىندا ەكپىندەي ىلگەرىلەدى

− 2021 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستيل قۇرىلىسىن ىلگەرىلەتكەندىگى جونىندە ەستەلىك

□ شينحۋا اگەنتتىگىنىڭ تىلشىلەرى حۋاڭ يۋە، ديڭ شياۋشي، ليۋ شو

　　”ستيل قۇرىلىسى ماڭگى جالعاسادى، ءارقانداي ۋاقىتتا دا بوساڭسىتۋعا بولمايدى. وزىنە - ءوزى توڭكەرىس جاساۋعا تاباندى بولىپ، شەگە قاعۋ رۋحىمەن ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋدىڭ ەگجەي - تەگجەيلى ەرەجەسىن دايەكتىلەندىرىپ، ’ءتورت ءتۇرلى بۇرىس ستيلدى‘ وڭاپ، جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ بەلگىلەمەلەرىن تياناقتاندىرىپ، ءونىمى باياندى مەحانيزمدى كەمەلدەندىرۋ كەرەك“.

　　2021 - جىلدىڭ سوڭى بەيجيڭ جۇڭنانحاي، جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ارناۋلى تاقىرىپتىق دەموكراتيالىق تۇرمىس جيىنىن اشتى.

　　اۋەلگىدەي، جيىن نازاردى ستيل قۇرىلىسىنا تاعى دا شوعىرلاندىرىپ، «2021 - جىلعى ورتالىق كوميتەت ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى بايانداما» مەن «2021 - جىلعى فورماشىلدىقتى وڭاپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جاعدايى جونىندەگى باياندامانى» قارادى.

　　باس شۋجي شي جينپيڭ جيىندى باسقارىپ ءارى ماڭىزدى ءسوز سويلەپ، ورتالىق كوميتەت ساياسي بيۋروسىنداعى جولداستاردىڭ ۇزدىكسىز قۇلشىنىپ، بۇكىل پارتياعا جاقسى باستاماشى، ونەگە بولۋ كەرەكتىگى جونىندە تالاپ قويىپ، ستيل قۇرىلىسىن ىلگەرىلەتۋدە بوساڭسىماۋ، توقىراماۋ، قايتا اتتانۋ جونىندە نۇسقاۋ بەردى.

　　2021 - جىل پارتيا مەن مەملەكەت تاريحىندا بەلەستىك ماڭىز الاتىن ءبىر جىل بولدى. جۇڭگو كوممۋنيستىك پارتياسى 100 جىلدىق مەرەيتويىن قارسى الدى، ”14 - بەسجىلدىق“ باستالدى، ”قوس 100 جىلدىق“ كۇرەس نىساناسى تاريحي توعىستى.

　　جۇڭحۋا ۇلتىنىڭ ۇلى گۇلدەنۋ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، شي جينپيڭ جولداستى ۇيتقى ەتكەن پارتيا ورتالىق كوميتەتى تاريحي بورىش ارقالاپ، تاريحي ىرىقتىلىقتى يگەرىپ، ستيل قۇرىلىسىن العان بەتتەن جازباي ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ رۋحىن دايەكتىلەندىرۋدى، تياناقتاندىرۋدى قاجىماي - تالماي تاباندىلىقپەن ىلگەرىلەتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ارىندى ەكپىنمەن ەكىنشى 100 جىلدىق كۇرەس نىساناسىن جۇزەگە اسىرۋداعى جاڭا ەمتيحان تاپسىرۋ جولىنا قادام تاستادى.

　　تاريحتى اينا ەتىپ، 100 جىلدىق پارتيا تاريحىنان تاڭداۋلى ءداستۇردى جالعاستىردى

　　100 جىلدىق كۇرەس ايبىندى تاريحي داستان جازدى؛ قۇلاشىن كەڭ جايعان جورىق توتەنشە مىعىم ستيل شىڭدادى.

　　”پارتيانىڭ تاڭداۋلى ءداستۇرى جانە ستيلى تاربيەسىن ىشكەرىلەي ورىستەتىپ، ستيل قۇرىلىسىنىڭ باياندى مەحانيزمىن كەمەلدەندىرىپ، جاقسى ءداستۇردى جاڭا ساپارعا الىپ كىرىپ، جاقسى ستيلدى جاڭا داۋىردە اسقاقتاتۋ كەرەك“.

　　2021 - جىلى 1 - ايدا 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە باس شۋجي شي جينپيڭ جاڭا كەزەڭدە پارتيا قۇرىلىسىن ىلگەرىلەتۋگە جالپى ارنا بەلگىلەپ، ايقىن بەتالىس كورسەتتى.

　　100 جىلدىق ەرەكشە تاريحي بەلەستەن وتكەن جۇڭگو كوممۋنيستىك پارتياسى قاشاندا داڭقتى ءداستۇر مەن تاڭداۋلى ستيلدى توڭكەرىسكە، قۇرىلىسقا، رەفورماعا باسشىلىق ەتۋدىڭ جالپى بارىسىنا ءسىڭىرىپ، قاشاندا ونى ءبىزدى ماشاقات - قيىندىقتان تايسالماي، ەرلىكپەن العا ۇمتىلۋعا ىنتالاندىراتىن باعالى رۋحاني بايلىق ەتتى.

　　تاريحتىڭ شىت جاڭا باستاماسىن تياناق ەتىپ، بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ قارساڭىندا، باس شۋجي شي جينپيڭ تاريحتىڭ تەرەڭ قويناۋىنا كوپ مارتە بويلاپ، پارتيانىڭ اۋەلگى ماقساتى مەن بورىشىن قايتا پىسىقتاپ، بۇكىل پارتيانى، بۇكىل قوعامدى پارتيانىڭ داڭقتى ءداستۇرى مەن تاڭداۋلى ستيلىن جالعاستىرۋعا، ساۋلەلەندىرۋگە جەتەكتەدى.

　　− قىزىل توڭكەرىستىك بايىرعى جۇرتتاردى قۇرمەتپەن كورىپ، پارتيانىڭ تاڭداۋلى ءداستۇرى مەن ستيلىن قايتا پىسىقتادى.

　　2021 - جىلى 9 - ايدىڭ 13 - كۇنى شانشيدىڭ يۇيلينىندە قىزمەت تەكسەرگەن باس شۋجي شي جينپيڭ ياڭجياگوۋ توڭكەرىستىك بايىرعى جۇرتىنا كەلدى. 70 نەشە جىلدىڭ الدىندا ماۋ زىدۇڭ جولداس وسى جەردە كوممۋنيستەرگە ”تۋعان كۇندى تويلاماۋ“ قاعيداسىن ورناتتى: ”بۇكىل ەل ازات بولعان كۇندە دە پارتيا ىشىندە تۋعان كۇندى تويلاۋ قيمىلىن وتكىزۋگە بولمايدى“.

　　تۇسىندىرمەنى تىڭداعان باس شۋجي شي جينپيڭ پارتيا 7 - كەزەكتى ورتالىق كوميتەتىنىڭ ەكىنشى جالپى ماجىلىسىندە كوممۋنيستەرگە ورناتىلعان ”تۋعان كۇندى تويلاماۋ“، ”تارتۋ - تارالعى ۇسىنباۋ“ سياقتى 6 تارماقتى بەلگىلەمەسىمەن سالىستىرا وتىرىپ، تياناقتاندىرۋ جاعدايىن ءبىر - بىرلەپ بايانداپ شىقتى: ”قازىرگىدەن قاراعاندا،’ تۋعان كۇندى تويلاماۋدى‘ ورىنداۋعا بولادى؛ ’ اراق سيلاۋدى ازايتۋدى‘ ورىنداۋعا بولادى، ءبىز قازىر اراقتى از ىشەتىن بولدىق؛’ جەردىڭ اتىنا كىسى ەسىمىن بەرمەۋ‘ مۇنى دا ورىنداي الامىز“.

　　بۇگىنگى ارقىلى كەشەگىنى ەسكە تۇسىرگەن باس شۋجي شي جينپيڭ بىلاي دەپ باسا دارىپتەدى: ”ءبىز توڭكەرىستىك ءداستۇر مەن تاڭداۋلى ستيلدى جالعاستىرىپ جانە ساۋلەلەندىرىپ، حالىقتىڭ مۇددەسىن باستان - اياق ەڭ جوعارى ورىنعا قويىپ، اۋەلگى ماقساتتى ۇمىتپاۋىمىز، بورىشتى ەستە بەرىك ساقتاۋىمىز كەرەك“.

　　− باستاماشىلدىقپەن پارتيا تاريحىن ۇيرەنىپ، بۇكىل پارتيانى داڭقتى توڭكەرىستىك داستۇرگە تاباندى بولۋعا جەتەكتەدى.

　　2021 - جىلى ”1 - شىلدە“ قارساڭىندا، باس شۋجي شي جينپيڭ ورتالىق كوميتەت ساياسي بيۋروسىنداعى جولداستاردى باستاپ بەيجيڭ داشۋەسىنىڭ قىزىل عيماراتىن، فىڭزىيۋانداعى ماۋ زىدۇڭ جولداستىڭ بايىرعى تۇراعىن ەكسكۋرسيالاپ، ەكسكۋرسيالاۋ مەن تالقىلاۋدى ءوزارا ۇشتاستىرۋ فورماسىن قولدانىپ، پارتيا تاريحىن ۇيرەنۋ تاربيەسىن باستاماشىلدىقپەن ورىستەتتى.

　　”مەملەكەتتىڭ قۇدىرەتتەنىپ كوركەيۋى، ۇلتتىڭ گۇلدەنۋى ماتەريالدىق وركەنيەتتىڭ توپتالۋىن قاجەت ەتەدى، ونان دا ماڭىزدىسى، رۋحاني وركەنيەت دەڭگەيىنىڭ كوتەرىلۋىن قاجەت ەتەدى“، باس شۋجي شي جينپيڭ تەرەڭ ماعىنادا بىلاي دەپ اتاپ كورسەتتى: توڭكەرىستىك جان قيارلىق رۋحتى جوعالتۋىمىزعا استە بولمايدى، كىشى پەيىل دە بايسالدى بولاتىن، داندايسۋدان، ۇشقالاقتىقتان ساقتاناتىن، قاجىرلىلىقپەن كۇرەس جاسايتىن، ۇقىپتى دا ۇنەمشىل بولاتىن ءداستۇردى جوعالتۋىمىزعا استە بولمايدى، ازۋلى جاۋدان تايسالمايتىن، حاۋىپ - قاتەردەن قورىقپايتىن، ەرلىكپەن كۇرەس جۇرگىزەتىن، باتىلدىقپەن جەڭىسكە جەتەتىن ەرلىك - جىگەردى جوعالتۋىمىزعا استە بولمايدى.

　　ءوز باسىنان ونەگە كورسەتۋ جانە باسى - قاسىندا ءتالىم بەرۋ ارقىلى باس شۋجي شي جينپيڭ قالىڭ پارتيا مۇشەلەرىن قاشاندا داڭقتى توڭكەرىستىك داستۇرگە تاباندى بولىپ، ارىندى رۋحاني كۇيمەن پارتيا مەن مەملەكەتتىڭ ءتۇرلى قىزمەتىن ويداعىداي ىستەۋگە تاربيەلەدى، جەتەكتەدى.

　　− تاقىرىپتىق كورمەنى ەكسكۋرسيالاپ، ستيل قۇرىلىسىنىڭ ماڭگى جالعاساتىندىعىن باسا دارىپتەدى.

　　2021 - جىلى 6 - ايدىڭ 18 - كۇنى پارتيا مەن مەملەكەت باسشىلارىنان باس شۋجي شي جينپيڭ قاتارلى جولداستار جۇڭگو كوممۋنيستىك پارتياسى تاريحى كورمە سارايىنا كەلىپ، ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسىن“ ەكسكۋرسيالاپ، پارتيانىڭ 100 جىلدىق كۇرەس جولىنان اسەر الدى.

　　ورتالىقتىڭ 8 ءتۇرلى بەلگىلەمەسى كورمە تاقتاسىنىڭ الدىندا باس شۋجي شي جينپيڭ ايالداپ بىلاي دەدى: ”قازىر وسى تاقتانىڭ ىشىندەگى 8 تارماقتا ءماجىلىس قيمىلدارىن ىقشامداۋ، قورعاۋ قىزمەتىن جاقسارتۋ، اقپاراتتىق حابارلاۋدى جاقسارتۋ، ۇنەمشىل دە ۇقىپتى بولۋدى بۇلجىتپاي اتقارۋ بارلىعى جاقسى ىستەلىپ جاتىر، تاعى دا قايتا - قايتا دارىپتەۋ، قايتا - قايتا يگەرۋ كەرەك...“

　　”8 ءتۇرلى بەلگىلەمەنى باستان - اياق دايەكتىلەندىرۋ كەرەك“، - دەدى باس شۋجي بەرىك بەكىممەن.

　　2021 - جىلى 11 - ايدا پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى جەڭىسپەن اشىلدى. جالپى ءماجىلىس پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ ماسەلەسىن ءتۇيىندى تۇردە اقىلداسىپ، پارتيانىڭ ءۇشىنشى تاريحي قارارى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى.

　　”ورتالىقتىڭ 8 ءتۇرلى بەلگىلەمەسى“ قارارعا جازىلىپ، جاڭا داۋىردەگى پارتيانى جاپپاي قاتاڭ باسقارۋدىڭ تابىسى مەن تاجىريبەسى رەتىندە رەال ومىرگە اينا بولىپ، بولاشاققا جول نۇسقادى.

　　تاريحتان وي ءتۇيىپ، تاريحتان بولاشاقتى يگەردى.

　　قازىر ەكىنشى 100 جىلدىق كۇرەس نىساناسىنا شەرۋ تارتۋدىڭ دابىلى قاعىلىپ، ءبىز 100 جىلدىق وزگەرىس پەن عاسىرلىق ىندەت قاباتتاسقان قاتاڭ جاعدايمەن، جاڭا جورىقتى باستاۋدىڭ كۇردەلى، اۋىر مىندەتتەرىمەن بەتپە - بەت كەلىپ وتىرمىز، بۇل قاتاڭ دا ناقتى ستيلمەن پارتيالىلىقتى شىڭداۋدى، كۇرەسكەرلىكتى شىڭداۋدى شۇعىل قاجەت ەتەدى.

　　”حاۋىپ - قاتەر نەعۇرلىم ۇلكەن، سىن - سايىس نەعۇرلىم كوپ، مىندەت نەعۇرلىم اۋىر بولعان سايىن، پارتيانىڭ ستيل قۇرىلىسىن سولعۇرلىم كۇشەيتۋ، تاماشا ستيلمەن رۋحتى سەرپىلتۋ، كۇرەس جىگەرىن قاۋلاتۋ، وبراز ورناتۋ، حالىق قالاۋىنا قول جەتكىزۋ كەرەك“، - دەدى باس شۋجي شي جينپيڭ باتىل ەمەۋرىنمەن.

　　2021 - جىلى 3 - ايدىڭ 1 - كۇنى نەگىزگى تاقىرىبى پارتيانىڭ داڭقتى ءداستۇرى مەن تاڭداۋلى ستيلىن اسقاقتاتۋعا شوعىرلانعان ”پارتيا ساباعى“ پارتيانىڭ ەڭ جوعارى وقۋ ورنىندا ساباق باستادى.

　　زالدا وتىرعان قالىڭ ورتا جاس، جاس كادرلار الدىندا باس شۋجي شي جينپيڭ تەرەڭنەن تولعاپ بىلاي دەدى: ”وتكەندە بولسىن، قازىر نەمەسە بولاشاقتا بولسىن، پارتيانىڭ داڭقتى ءداستۇرى مەن تاڭداۋلى ستيلى ءبىزدى ماشاقاتتان، قيىندىقتان تايسالماي، جۇرەكتىلىكپەن العا ۇمتىلۋعا ىنتالاندىراتىن قىمباتتى رۋحاني بايلىق بولىپ كەلەدى. جاس كادرلار − پارتيا مەن مەملەكەت ىستەرىنىڭ ءىزباسارى، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتۋى كەرەك“.

　　جاڭا جورىققا قادام تاستاپ، پارتيانىڭ داڭقتى ءداستۇرى مەن تاڭداۋلى ستيلىن ساۋلەلەندىرىپ، حالىق ءۇشىن ىستەيتىن جاۋاپكەرشىلىكتى بۇلجىتپاي اتقارعان، كۇرەسكەرلىك بەينەنى تاسقىنداتقان قالىڭ پارتيا مۇشەلەرى، كادرلار، ءسوز جوق، ”جاڭا جاعداي اشۋدىڭ“، ”جاڭا تاراۋ جازۋدىڭ“ تاريحي ساتىندە ەڭبەك ءسىڭىرىپ، ۇلەس قوسادى.

　　جوعارى ارقىلى تومەنگە ونەگە كورسەتىپ، كوممۋنيستەردىڭ ايقىن ساياسي قاسيەتىن ايگىلەدى

　　بەيجيڭ قىسقى وليمپيادا سپورت جارىسى باستالۋ الدىندا تۇر.

　　2021 - جىلى، 2022 - جىلى قاتارىنان 2 جىل ەل ىشىندە جۇرگىزگەن جاڭا جىلدىق العاشقى قىزمەت تەكسەرۋىندە باس شۋجي شي جينپيڭ قاقاعان ايازعا قاراماي قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ دايىندىعى، جارىسقا قاتىناسۋ دايىندىعى جاعدايىن باسى - قاسىنا بارىپ ۇعىسىپ، قىسقى وليمپيادا سپورت جارىسىنا دايىندىق قىزمەتىنە ايرىقشا ءمان بەرەتىندىگىن ايگىلەدى.

　　باس شۋجي شي جينپيڭ باستان - اياق پاك وليمپيادا سپورت جارىسىن وتكىزۋ ۇستانىمىن وتكىزۋ دايىندىعى قىزمەتىنىڭ جالپى بارىسىنا ءسىڭىرۋدى تالاپ ەتتى.

　　بۇل جونىندە ول بىلاي دەپ ايرىقشا باسا دارىپتەدى: ”ءتۇرلى ەرەجە - تۇزىمدەردى قاتاڭ اتقارىپ، مەجە ەسەپ باسقارۋدى قاتايتىپ، وليمپيادا سپورت جارىسىن وتكىزۋ وزىندىك قۇنىن مەڭگەرىپ، ۇقىپتى دا ۇنەمشىل بولىپ، شىرىكتەسۋدى تيىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ قارداي اپپاق، مۇزداي كىرشىكسىز بولۋىنا مۇمكىندىك جاساۋ كەرەك“.

　　ۇقىپتى، پاك بولۋ قاي كەزدە دە توتەنشە ماڭىزدى. باس شۋجي شي جينپيڭ كۇشتى بورىشتىلىقپەن، جاۋاپكەرشىلىكپەن ستيل قۇرىلىسىن باستان - اياق دايەكتى ىلگەرىلەتتى.

　　ءبىر جىلدان بەرى باس شۋجي شي جينپيڭ ورتالىق كوميتەتتىڭ جالپى ءماجىلىسى، ورتالىق ءتارتىپ تەكسەرۋ كوميتەتىنىڭ جالپى ءماجىلىسى سياقتى ماجىلىستەردە جانە ورتالىق كوميتەت ساياسي بيۋروسىنىڭ توپتىق ۇيرەنۋلەرىندە ماڭىزدى ءسوز سويلەپ، ستيل قۇرىلىسى جونىندە ايقىن تالاپ قويدى؛ باسقارىپ اشقان ورتالىق كوميتەت ساياسي بيۋروسى تۇراقتى كوميتەتىنىڭ ماجىلىستەرىندە، ورتالىق كوميتەت ساياسي بيۋروسىنىڭ ماجىلىستەرىندە جەكە - جەكە 20 جانە 9 كەڭەستىك تاقىرىپ ستيل قۇرىلىسىنا قاتىستى بولدى؛ پارتيا ستيلى، پاكتىك قۇرىلىسى، بۇقارا ءۇشىن ناقتى ءىس ىستەۋ، فورماشىلدىققا قارسى تۇرۋ، اس - سۋ ىسىراپشىلدىعىن تيۋ، بەلگىلەمەگە قايشى تۇردە سالىنعان ساياجايلاردى رەتتەۋ - جونگە سالۋ سياقتىلارعا باعىتتاي وتىرىپ 60 نەشە رەت ماڭىزدى بەكىتۋ جاساپ، ستيل قۇرىلىسىن العان بەتتەن جازباي كۇشەيتۋ جونىندە ايقىن بەتالىس كورسەتتى.

　　ارەكەت − ءۇنسىز بۇيرىق، ءوزى ونەگە كورسەتۋ − اتقارۋدىڭ ۇلگىسى.

　　باس شۋجي شي جينپيڭ پارتيانىڭ تاڭداۋلى ستيلىن باستاماشىلدىقپەن ساۋلەلەندىرىپ، ورتالىقتىڭ 8 ءتۇرلى بەلگىلەمەسىن باستاماشىلدىقپەن دايەكتىلەندىرىپ، اتقارىپ، ستيل قۇرىلىسىنىڭ ماڭگى جالعاسۋىن ىلگەرىلەتتى.

　　بۇل كۇنى - ءتۇنى كوپتىڭ قامىن ويلاپ قۇلشىنا، جىگەرلەنە العا باسۋ −

　　2021 - جىلى 5 - اي، حىناننىڭ نانياڭى؛ سول جىلى 9 - اي، شانشيدىڭ يۇيلينى. باس شۋجي شي جينپيڭ قىزمەت تەكسەرۋ ساپارىندا 2 رەت جولشىباي كولىكتەن ءتۇسىپ، اتىز ىشىنە ەندەي كىرىپ، ەگىس داقىلدارىنىڭ ءوسۋ جاعدايىن كوردى؛

　　شاندۇڭنىڭ دۇڭيىڭ جەڭىس مۇناي الابىندا جاڭا تەحنيكانىڭ امالياتتا قولدانىلۋ جاعدايىن باسى - قاسىندا ۇعىسۋ ءۇشىن، باس شۋجي تەمىر باسپالداقپەن 10 نەشە مەتر بيىكتەگى بۇرعىلاۋ تەكشەسىنە شىعىپ، جابدىقتىڭ اينالىم جاعدايىن تەكسەرىپ كوردى؛

　　حۋاڭحى وزەنى اتىراۋى اۋىل شارۋاشىلىعىنىڭ جوعارى، جاڭا تەحنيكالىق كاسىپ سالالارىنان ۇلگى كورسەتۋ اۋماعىنا كەلىپ، باس شۋجي ەگىنجايدى ارالاپ، ەڭكەيىپ ءبىر تال بۇرشاق ءدانىن ءۇزىپ، قابىعىن ارشىپ بۇرشاقتى الىپ شىعىپ، ونى اۋزىنا سالىپ باپپەن شايناپ: ”بۇرشاق جاقسى ءوسىپتى“، - دەدى؛

　　...

　　ءبىر جىلدان بەرى باس شۋجي شي جينپيڭ شارشاپ - شالدىعۋمەن ساناسپاي، تاۋ اسىپ، تاس باسىپ، ۇلى داريانىڭ تۇستىگى مەن تەرىستىگىن، ىشكى قۇرلىق پەن شەكارا ءوڭىردى تۇگەل ارالاپ قىزمەت تەكسەرىپ، حالىقتىڭ تۇرمىسىن ۇعىستى، ناقتى جاعدايدى تەكسەردى، ورنالاستىرۋلار جاسادى.

　　بۇل حالىقتى بارىنەن جوعارى قوياتىن تەرەڭ سۇيىسپەنشىلىك −

　　گۇيجوۋدىڭ چيانشي اۋدانى حۋا - ۋ قىستاعىندا مياۋزۋ كەستەسىن ءار ساباق ءجىبىنىڭ ءوزى ”قانداي تاماشا“ دەپ القادى؛ فۋجياننىڭ شاشيان اۋدانى يۇيباڭ قىستاعىندا شاشيان اۋدانىنىڭ ۇساق - تۇيەك تاعامدارىنىڭ قازىرگى احۋالىمەن جانە بولاشاعىمەن ەگجەي - تەگجەيلى تانىستى؛ گۋاڭشيدىڭ چۋانجوۋ وبلىسى ماۋجۋشان قىستاعىندا اۋىل شارۋاشىلىق تەحنيكتەرىنە ۇلەس قوسۋدى بايتاق دالادا ايگىلەۋدى تاپسىردى ...

　　تاپتەشتەي قاراپ، ەگجەي - تەگجەيلى سۇراستىردى. باس شۋجي شي جينپيڭ قاي جەرگە بارسا دا قيىنشىلىعى بار بۇقارا، كاسىپورىن جۇمىسشى - قىزمەتشىلەرى، نەگىزگى ساتى كادرلارى، ت. ب مەن بىرگە كىرىستى ەسەپتەپ، وزگەرىستى اڭگىمەلەپ، دامۋدى جوسپارلادى. 

     بۇل ءىرى ەل كوسەمىنىڭ اسقاق قاسيەتى −

　　جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ءماجىلىسىن باسقاردى، جۇڭگو - افريكا سەلبەستىك تالقى مىنبەرى 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناستى، جۇڭگو كوممۋنيستىك پارتياسى مەن دۇنيە ءجۇزى ساياسي پارتيالار باسشىلارى كەڭەسىنە قاتىناستى...

　　وسى ءبىر جىلدا باس شۋجي شي جينپيڭ ”بۇلتتىق ديپلوماتيانى“ ءجيى ورىستەتىپ، 120دان استام ماڭىزدى ديپلوماتيالىق قيمىلعا الۋان ءتۇرلى فورمامەن قاتىناسىپ، وزىمەن ساناسپاعان كۇيدە دامىل تاپپاي قىزمەت ىستەپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتىپ، ءىرى ەل كوسەمىنىڭ بورىشىن، جاۋاپكەرشىلىگىن ايگىلەدى.

　　لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جولداستار جانە ورتالىق كوميتەت ساياسي بيۋروسىنداعى باسقا دا جولداستار وزدەرىنەن باستاپ ىستەپ، باسقارعان وڭىرلەردەن، جاۋاپتى سالالاردان جانە تاراۋلاردان باستاپ يگەرىپ، ورتالىقتىڭ 8 ءتۇرلى بەلگىلەمەسىن جانە ونى اتقارۋدىڭ ەگجەي - تەگجەيلى ەرەجەسىن جوعارى ولشەممەن، قاتاڭ تالاپپەن دايەكتىلەندىردى، اتقاردى.

　　تەكسەرۋ - زەرتتەۋدى جاقسارتۋ جاعىندا، بەيجيڭدەگى ورتالىق كوميتەت ساياسي بيۋروسىنىڭ مۇشەلەرى جەرگىلىكتى ورىندارعا بارىپ جالپى 228 رەت، 600 كۇن قىزمەت تەكسەردى، تەكسەرۋ - زەرتتەۋ جۇرگىزدى، ادام باسىنا شاققاندا، 13 رەت، 35 كۇننەن تۋرا كەلدى. تەكسەرۋ - زەرتتەۋ بارىسىندا كوپ ادام ەرتپەي جۇرۋگە، شىنايى، ۇنەمشىل بولۋعا تاباندى بولدى.

　　ءماجىلىس قيمىلدارىن ىقشامداۋ جاعىندا، مەملەكەتتىك ماجىلىستەر جونىندە وتكەلدى قاتاڭ يگەردى. قىرۋار ءماجىلىس قيمىلدارى تەلەۆيزور - تەلەفون فورماسىندا اشىلىپ، نەگىزگى ساتىداعى اناعۇرلىم كوپ كادردىڭ ”اۋەلگى داۋىستى تىڭداۋىنا، ناقتى ادامدى كورۋىنە“ مۇمكىندىك جاسالدى، پارتيا ورتالىق كوميتەتىنىڭ شەشىمدەرى، ورنالاستىرۋلارى ءوز قالپىندا نەگىزگى ساتىعا، ءبىرىنشى شەپكە توتە جەتتى.

　　حۇجاتتى، قىسقا مالىمەتتى ىقشامداۋ جاعىندا، «ورتالىقتىڭ حۇجات شىعارۋ قىزمەت بەلگىلەمەسىن» جاريالاپ، حۇجات شىعارۋدى جوسپارعا كىرگىزۋ ءتۇزىمىن تۇراقتاندىرىپ، حۇجات تاراتۋ وتكەلىن قاتاڭ يگەرىپ، شىعارىلاتىن حۇجاتتىڭ جالپى مولشەرى مەن ولشەمىن قاتاڭ تىزگىندەدى. پارتيا ورتالىق كوميتەتى ءبىر تۇتاس ورنالاستىرعاننان تىس، ورتالىق كوميتەت ساياسي بيۋروسىنداعى جولداستاردىڭ ءوزىنىڭ شىعارماسى، سوزدەرىنىڭ جەكە كىتاپشاسى، سونداي - اق قۇتتىقتاۋ حاتى، قۇتتىقتاۋ تەلەگرامماسى، ارناۋ ءسوزى، كوركەم جازۋ، العى ءسوز سياقتىلاردى اشىق باسپادان شىعارۋ جاعدايى بولمادى.

　　شەتەلگە ساپارلاۋ قيمىلدارىن ارناعا ءتۇسىرۋ جاعىندا، ىندەتتىڭ شەكارا سىرتىنان كىرۋىنەن قاتاڭ ساقتانۋ، قىزمەتكەرلەردىڭ حاۋىپسىزدىگىنە شىنايى كەپىلدىك ەتۋ تالابى بويىنشا، پارتيا مەن مەملەكەت باسشىلارىنىڭ ديپلوماتيالىق قيمىلدارى بەينە ەكران، تەلەفون ”بۇلتتىق ديپلوماتيا“ ءتاسىلىن نەگىز ەتتى. شەتەلگە ساپارلاۋ قيمىلىندا ۇيىرمە كولەمىن قاتاڭ تىزگىندەپ، قاراجات جۇمسالىمىن ۇنەمدەپ، ”ديپلوماتيانى ۇنەمشىل دە ۇقىپتى جۇرگىزۋدى“ شىنايى ورىندادى.

　　اقپاراتتىق حابارلاۋدى جاقسارتۋ جاعىندا، ماقالانىڭ كولەمى، ءارىپ سانى، بەتكە ورنالاستىرىلۋى، ۋاقىت كەزەڭى، ۋاقىت ۇزىندىعى سياقتى جاقتاردا وتكەلدى ۇزدىكسىز قاتاڭ يگەرىپ، ءتۇيىندى اناعۇرلىم كورنەكتىلەندىردى، كولەمىن اناعۇرلىم ىقشامدادى، جازۋ ستيلىن اناعۇرلىم جاڭالادى.

　　قورعاۋ قىزمەتىن جاقسارتۋ جاعىندا، باسقارۋدى ازايتىپ، جولداردى بەكىتپەي، ساقتىق كولەمىن كىشىرەيتىپ، الاڭدى جيناستىرماي، سارايدى جاۋىپ تاستاماي، جۇرتتىڭ مازاسىن الۋدى ەڭ جوعارى شەكتە ازايتىپ، حاۋىپسىزدىك ونىمدىلىگىنىڭ، ساياسي ونىمدىلىكتىڭ، قوعامدىق ونىمدىلىكتىڭ ورگانيكالى بىرلىگىنە شىنايى كەپىلدىك ەتتى.

　　ۇنەمشىل دە ۇقىپتى بولۋدى بۇلجىتپاي اتقارۋ جاعىندا، ورتالىق كوميتەت ساياسي بيۋروسىنداعى جولداستار ءوزىن باۋلىپ، تەجەمدى بولىپ، وتباسىن پاك، رەتتى باسقارىپ، كەڭسە ۇيلەرى، تۇرعىن ءۇي، كولىكتەن پايدالانۋ سياقتى قىزمەت، تۇرمىس مامىلەسى بەلگىلەمەلەرىن قاتاڭ اتقاردى.

　　ۇلكەن جاقتى كوزدە ۇستادى، ەلەۋسىز تۇستاردى دا قاعىس قالدىرمادى. ورتالىق كوميتەت ساياسي بيۋروسىنداعى جولداستار ”مەملەكەتتىڭ زور ءىسىن“ مىقتى يگەرىپ، ستيل قۇرىلىسىن پارتيا مەن مەملەكەت قىزمەتىنىڭ كەلەلى جاعدايىنا توعىستىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن تاماشا ستيلمەن ىلگەرىلەتىپ، ءتۇرلى قىزمەتتەردە تاماشا باستاما اشۋعا، جاقسى قادام تاستاۋعا بەرىك ستيلدىك قامتاماسىزدىق ازىرلەدى.

　　تاباندىلىقپەن جالعاستىرىپ، العان بەتىنەن قايتپايتىن، ەكپىندەي ىلگەرىلەيتىن كۇش ۇيىستىردى

　　2021 - جىلى 12 - ايدىڭ 27 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كەلگەن 10 تيپتىك ماسەلەنى اشىق حابارلاندىردى. جاڭا جىل، كوكتەم مەرەكەسى قارساڭىندا ستيل قۇرىلىسىن سوڭىنا دەيىن جۇرگىزۋدىڭ ايقىن سيگنالىن تاراتتى.

　　شەشۋشى تۇيىندەردى قاتاڭ قاداعالاپ، تاباندىلىقپەن جالعاستىرىپ، باياندى، ناتيجەلى ىستەۋگە شەبەر بولدى.

　　”جالپى بەتتىك قاتاڭ بولۋعا، تۇبەگەيلى قاتاڭ بولۋعا تاباندى بولىپ، بۇقارانىڭ اڭىسى كۇشتى بولىپ وتىرعان ۇكىمەت اقشاسىمەن ءىشىپ - جەۋ، اس - سۋداعى ىسىراپشىلدىق سياقتى بۇرىس سالت، ناشار ادەتتەرگە قىلپى بىلىنە سالا سوققى بەرۋ، قايتا - قايتا سوققى بەرۋ كەرەك“، 2021 - جىلى 1 - ايدا اشىلعان 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە باس شۋجي شي جينپيڭ وسىلاي دەپ تاعى ءبىر رەت باسا دارىپتەدى.

　　ءبىر جىلدان بەرى وڭىرلەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيا قۇرۋ ۇلى رۋحىن بارىنشا اسقاقتاتىپ، اۋەلگى ماقساتتى، بورىشتى ادالدىقپەن امالياتتا ايگىلەپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋ جەتىستىكتەرىن ۇزدىكسىز بەكەمدەپ، كەڭەيتىپ، ستيل قۇرىلىسىنىڭ اناعۇرلىم تىڭعىلىقتى تابىسقا قول جەتكىزۋىن ىلگەرىلەتتى، پارتيا ستيلىنىڭ، ۇكىمەت ستيلىنىڭ، قوعامدىق سالتتىڭ، حالىقتىق سالتتىڭ ۇزدىكسىز جاقسارۋىن ىلگەرىلەتتى.

　　− 100 جىلدىق پارتيا تاريحىنان ستيل قۇرىلىسىنىڭ اقىل - پاراساتى مەن كۇش - قۋاتىن قابىلدادى.

　　وڭىرلەر، تاراۋلار پارتيا تاريحىن ۇيرەنۋ تاربيەسىن تۇتاس جىلعا ساباقتاسقان كەلەلى ساياسي مىندەت ەتىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، پارتيانىڭ داڭقتى ءداستۇرى مەن تاڭداۋلى ستيلى تاربيەسىن بار كۇشپەن ورىستەتىپ، قالىڭ پارتيا مۇشەلەرىن، كادرلاردى باس ماقسات تانىمى مەن حالىق ءۇشىن ىستەۋ سۇيىسپەنشىلىگىن كۇشەيتۋگە جەتەكتەدى.

　　”ەكىنى قورعاۋدى“ ورىنداۋدى باستان - اياق ماڭداي الدى مىندەت ەتىپ، ساياسي ورگان قۇرىلىسىن ءۇرتىس تەرەڭدەتىپ، پارتيالى كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، پارتيانىڭ ساياسي قۇرىلىسى ارقىلى ستيل قۇرىلىسىنىڭ ىشكەرىلەي ىلگەرىلەۋىنە ءبىر تۇتاس باسشىلىق ەتتى.

　　2021 - جىلى 6 - ايدىڭ 1 - كۇنى «جۇڭگو كوممۋنيستىك پارتياسى ورتالىق كوميتەتىنىڭ ”ءبىرىنشى باسشىنى“ جانە باسشىلىق القاسىن باقىلاۋدى كۇشەيتۋ جونىندەگى پىكىرى» اشىق جاريالاندى. پارتيامىزدىڭ ”ءبىرىنشى باسشىنى“ جانە باسشىلىق القاسىن باقىلاۋعا باعىتتاي جاسالعان العاشقى ارناۋلى حۇجاتى رەتىندە پىكىردە ”شەشۋشى ازشىلىققا“ قاراتىلعان باقىلاۋ كورنەكتىلەندىرىلىپ، ءار دارەجەلى باسشى كادرلاردىڭ، اسىرەسە، جوعارى دارەجەلى كادرلاردىڭ ”ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، وتباسىن پاك باسقارىپ، ەرەكشە ۇقىق يدەياسىنا، ەرەكشە ۇقىق قۇبىلىسىنا سانالى تۇردە قارسى تۇرىپ، كوممۋنيستەردىڭ تۋراشىل، پاك ساياسي قاسيەتىن باستان - اياق ساقتاپ“، ”ءبىرىنشى باسشىعا“ قاراتىلعان باقىلاۋدى ءتۇزىم ولشەمى ارقىلى كۇشەيتۋ تالاپ ەتىلدى.

　　− ”قاتاڭ بولۋ“ نەگىزگى ارناسىمەن ”ءتورت بۇرىس ستيلدى“ ءۇرتىس تۇزەتتى، جاڭا سالت ورناتتى.

　　”بۇكىل ەل بويىنشا ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسىنەن جالپى 11 مىڭ 24ىن تەكسەرىپ ءبىر جاقتى ەتىپ، 16 مىڭ 483 ادامعا سىن ايتىپ، تاربيە بەرىپ كومەكتەستى جانە ءبىر جاقتى ەتتى“. 2021 - جىلى 12 - ايدىڭ 28 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى 2021 - جىلى 11 - ايدا بۇكىل ەل بويىنشا ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەلەرىن تەكسەرىپ ءبىر جاقتى ەتۋ جاعدايى جونىندەگى ايلىق مالىمەت سانىن جاريالادى. بۇل ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ ايلىق مالىمەت سانىن ءۇرتىس جاريالاعان 99 - اي بولىپ تابىلادى.

　　بۇلجىماي تاباندى بولىپ، سوڭىنا دەيىن يگەرىپ، ماسەلەنى يگەرۋدەن بوساڭسىمادى.

　　اس - سۋ ىسىراپشىلدىعىن باتىل تەجەۋدى ستيل قۇرىلىسىنىڭ ماڭىزدى مازمۇنى ەتۋدەن باسشى كادرلاردىڭ جۇبايلارىنىڭ، پەرزەنتتەرىنىڭ جانە ولاردىڭ جۇبايلارىنىڭ ساۋدامەن اينالىسىپ، كاسىپورىن اشۋ ارەكەتتەرىن ارناعا تۇسىرۋگە، ونان وتباسى تاربيەسى، وتباسى ستيلى قۇرىلىسى مەن پارتيا ستيلى، پاكتىك قۇرىلىسىن ۇشتاستىرۋعا دەيىن...

　　ءبىر جىلدان بەرى وڭىرلەر، تاراۋلار فورماشىلدىقتى، تورەشىلدىكتى ىشكەرىلەي رەتتەپ - وڭاپ، جاۋاپكەرشىلىك ارقالاماۋ، ىسكەرلىك كورسەتپەۋ، جاۋاپكەرشىلىكتەن جالتارىپ، ءبىر - بىرىنە يتەرمەلەۋ، جاۋاپكەرسىزدىك ىستەپ، تايساقتاۋ، ءمانساپ - بەدەلىن بۇلداۋ، ەرەكشە ۇقىق ىستەتۋ سياقتى ماسەلەلەردى باتىل تەكسەرىپ ءبىر جاقتى ەتىپ، باسشى كادرلاردى جاڭا سالتتى، تۋراشىلدىقتى باستاماشىلدىقپەن امالياتتا ايگىلەۋگە قۋزادى.

　　2021 - جىلى 1 - ايدان 11 - ايعا دەيىن بۇكىل ەل بويىنشا فورماشىلدىق، تورەشىلدىك ماسەلەسىنەن جالپى 44 مىڭى تەكسەرىلىپ ءبىر جاقتى ەتىلدى؛ راقاتقۇمارلىق، استا - توك ىسىراپشىلدىق ماسەلەسىنەن 47 مىڭى تەكسەرىلىپ ءبىر جاقتى ەتىلدى.

　　− بۇقارانىڭ ماڭىنداعى ماسەلەلەردى شەشۋ ارقىلى ستيلدە بۇرىلىس جاسادى، ستيلدى جاقسارتتى.

　　زەردەلىلەنگەن تاسىلدەن پايدالانىپ قارتتاردى ”كۇتىمدەۋ قيىن بولۋ“ ماسەلەسىن شەشتى، باقىلاۋ - باسقارۋ ۇلگىسىندە جاڭالىق اشىپ، بۇقارانىڭ ”اس - سۋ“ جانە ”ساپارعا شىعۋ“ حاۋىپسىزدىگىن قورعادى، مۇگەدەك بالالاردى ساۋىقتىرۋ، قۇتقارۋ - كومەكتەسۋ بويىنشا ”قۇتقارۋعا تيىستىلەرىن مۇمكىندىكتىڭ بارىنشا قۇتقارۋدى“ ىلگەرىلەتتى...

　　ءبىر جىلدان بەرى جەر - جەر، تاراۋلار ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، بۇقارانىڭ ماڭىنداعى شىرىكتەسۋ، ستيل ماسەلەلەرىن كۇش سالا رەتتەپ - وڭادى.

　　نازاردى قارا كۇشتەرگە، سۇرقيا كۇشتەرگە ساياتىن، بەلگىلەمەگە قايشى الباتى اقى الۋ، حالىق تۇرمىسى قارجىسىن يەمدەنىپ الۋ، تارتىپ قالۋ سياقتى بۇقارا ”ەڭ نارازى بولعان، ەڭ جەك كورگەن“ ماسەلەلەرگە شوعىرلاندىردى، وڭىرلەر، تاراۋلار حالىق تىلەگىن قۇلشىنىس بەتالىسى ەتىپ، بۇقارانىڭ اڭىسى كۇشتى، بۇقارانىڭ مۇددەسىن زيانداعان حالىق تۇرمىسىنداعى شىمبايلى ماسەلەلەردى ارقاۋ ەتە وتىرىپ شوعىرلى رەتتەۋ - وڭاۋ جۇرگىزدى. 2021 - جىلى 1 - ايدان 11 - ايعا دەيىن بۇكىل ەل بويىنشا بۇقارانىڭ ماڭىنداعى شىرىكتەسۋ جانە ستيل ماسەلەلەرىنەن جالپى 137 مىڭى تەكسەرىلىپ ءبىر جاقتى ەتىلدى.

　　− شىڭدالعان ستيل ارقىلى ءتۇيىندى قىزمەتتەردىڭ ءساتتى ىلگەرىلەۋىن قامتاماسىز ەتتى.

　　كەزەك اۋىستىرۋ سايلاۋىندا سالەم - ساۋقىت، سياقى الۋ - بەرۋ سياقتى بۇرىس ستيل، تەرىس پيعىلداردى قاتاڭ اۋىزدىقتادى، ىندەتتەن ساقتانۋ - تىزگىندەۋ جانە اپاتقا قارسى اتتانىپ، قاتەردەن اراشالاۋ بارىسىندا قابىلەت سىنىنان ءوتتى، اۋىل - قىستاقتى گۇلدەندىرۋدى جاپپاي ىلگەرىلەتۋ بارىسىندا تىڭعىلىقتى ستيلدى شىڭدادى...

　　وڭىرلەر، تاراۋلار ستيلدە قامال الۋ مەن ءتۇيىندى قىزمەتتەردەن قامال الۋدى ۇشتاستىرىپ، تياناقتاندىرۋدى مىقتى يگەرۋ، ناقتى ىستەۋ، قاجىرلىلىقپەن ىستەۋ سىندى ەرىك - جىگەر ستيلىن شىڭداپ، ۇلكەن شايقاستا، ۇلكەن سىناقتا سىننان ءوتىپ، ستيلدى شىڭدادى.

     ەمتيحان تاپسىرۋ ماڭگى جالعاسادى، پارتيانى قاتاڭ باسقارۋ دا ماڭگى جالعاسادى.

　　شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل پارتيا تاريح سەنىمىن بەكەمدەپ، اۋەلگى ماقساتتى، بورىشتى ۇمىتپاي، ستيل قۇرىلىسىن تىنباي ىشكەرىلەي ورىستەتەتىن بولسا، تاماشا ستيل ارقىلى ءبىر ميلليارد 400 ميلليوننان استام حالىقتىڭ ءبىر نيەتپەن ىنتىماقتاسقان تەلەگەي كۇشىن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا قاراي اسقاق ارىنمەن ەكپىندەي ىلگەرىلەيتىن بولادى.