شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 10 - كۇنى پولشانىڭ زۇڭتۇڭى دۋداعا تەلەگرامما جولداپ، دۋدانىڭ جاڭا تيپتى ايدارشا ۆيرۋسپەن جۇعىمدالعاندىعىنا بايلانىستى حال سۇرادى.
شي جينپيڭ مىنالاردى ءبىلدىردى: ءسىزدىڭ جاڭا تيپتى ايدارشا ۆيرۋسپەن جۇعىمدالعاندىعىڭىزدان حابار تاپتىم، سىزدەن شىنايى حال سۇرايمىن، ءسىزدىڭ ەرتەرەك ساۋىعۋىڭىزعا تىلەكتەسپىن ءارى پولشا حالقىنىڭ ىندەتتى ەرتەرەك جەڭۋىن تىلەيمىن. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو مەن پولشا ەكى ەل ءوزارا قولداۋ كورسەتىپ، ىندەتكە قول ۇستاسا قارسى اتتاندى، ءداستۇرلى دوستىق تەرەڭدەي ءتۇستى. مەن جۇڭگو مەن پولشا قارىم - قاتىناسىنىڭ دامۋىنا وسكەلەڭ ءمان بەرەمىن، سىزبەن بىرگە قۇلشىنىپ، جۇڭگو مەن پولشانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايمىن.
