«ارميانى قۇدىرەتتەندىرۋدىڭ ماڭىزدى ءتۇيىنى دارىندىلاردى دايىنداۋدا − بۇكىل ارميانىڭ شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە دارىندىلار قىزمەتىنىڭ جاڭالىق اشا دامۋىن ىلگەرىلەتكەندىگى جونىندە جالپى شولۋ»

　　شينحۋا اگەنتتىگى كولەمدى ادەبي حابار تاراتتى

　　«ارميانى قۇدىرەتتەندىرۋدىڭ ماڭىزدى ءتۇيىنى دارىندىلاردى دايىنداۋدا − بۇكىل ارميانىڭ شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە دارىندىلار قىزمەتىنىڭ جاڭالىق اشا دامۋىن ىلگەرىلەتكەندىگى جونىندە جالپى شولۋ»

　　شينحۋا اگەنتتىگىنىڭ 11 - ايدىڭ 25 - كۇنى بەيجيڭنەن بەرگەن حابارى. شينحۋا اگەنتتىگى 11 - ايدىڭ 25 - كۇنى «ارميانى قۇدىرەتتەندىرۋدىڭ ماڭىزدى ءتۇيىنى دارىندىلاردى دايىنداۋدا − بۇكىل ارميانىڭ شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە دارىندىلار قىزمەتىنىڭ جاڭالىق اشا دامۋىن ىلگەرىلەتكەندىگى جونىندە جالپى شولۋ» اتتى كولەمدى ادەبي حابار تاراتتى.

　　ماقالادا بىلاي دەلىندى: 2021 - جىلى 7 - ايدىڭ 1 - كۇنى بەيجيڭ تيان - انمىن الاڭىندا جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايبىندى تۇردە بىلاي دەدى: ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم - تەحنيكا ارقىلى قۇدىرەتتەندىرۋدى، ارميانى دارىندىلار ارقىلى قۇدىرەتتەندىرۋدى، ارميانى زاڭمەن باسقارۋدى جالپى بەتتىك ىلگەرىلەتىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ كەرەك.

　　100 جىلدىق ۇلى پارتيا كەمەلىنە كەلگەن شاقتا جاڭا جورىق جالپى بەتتىك باستالدى؛ حالىق ارمياسى كوكىرەك كەرە ارشىندى قادام تاستاپ، ارميانى دارىندىلار ارقىلى قۇدىرەتتەندىرۋ ۇندەۋى جورىققا دەم بەردى.

　　2013 - جىلى 11 - ايدا ءتوراعا شي جينپيڭ مەملەكەت قورعانىسى عىلىم - تەحنيكا داشۋەسىن كوزدەن كەشىرگەندە، ارميانى دارىندىلار ارقىلى قۇدىرەتتەندىرۋ ستراتەگياسىن اتقارۋدى ورتاعا قويدى.

　　2014 - جىلى 10 - ايدا گۋتيان سىندى وسى جاڭاشا حالىق ارمياسى تۇلعالانعان جەردە ءتوراعا شي جينپيڭ بۇكىل ارميانىڭ ساياسي قىزمەت ءماجىلىسىن ءوزى باسشىلىق ەتىپ اشتى، ارميانىڭ جاقسى كادر ولشەمى، ”ءتورت بولۋ“ سىندى جاڭا داۋىردەگى توڭكەرىستىك اسكەريلەردىڭ تاماشا بەينەسى وسىدان باستاپ ورنادى.

　　2015 - جىلى 11 - ايدا مەملەكەت قورعانىسى مەن ارميا رەفورماسىن تەرەڭدەتۋدىڭ شىمىلدىعى اشىلدى، ءتوراعا شي جينپيڭ ورتالىق اسكەري ىستەر كوميتەتىنىڭ رەفورما قىزمەتى ماجىلىسىندە ستراتەگيالىق شەشىم جاساپ، اسكەري ىستەر ادام كۇشى بايلىعىن اشۋدى، باسقارۋدى، ويداعىداي پايدالانۋدى كوزدە ۇستاپ، دارىندىلاردى دامىتۋدىڭ ءتۇزىلىس رەفورماسىن جانە ساياساتتىق جاڭالىق اشۋدى ىلگەرىلەتىپ، دارىندىلار توپ - توبىمەن شىعاتىن، اركىم ءوز تالانتىن تولىق ايگىلەيتىن جالىندى جاعداي قالىپتاستىردى.

　　پارتيا 19 - قۇرىلتايى مەملەكەت قورعانىسى مەن ارميانى وسىزامانداندىرۋدى جالپى بەتتىك ىلگەرىلەتۋ جونىندە جاڭا ستراتەگيالىق جوسپار جانە جالپى بەتتىك ورنالاستىرۋ جاسادى، ءتوراعا شي جينپيڭ اسكەري ىستەر نازارياسىنىڭ وسىزاماندانۋىن، ارميانىڭ ۇيىمدىق فورماتسياسىنىڭ وسىزاماندانۋىن، اسكەري قىزمەتكەرلەردىڭ وسىزاماندانۋىن، قارۋ - جاراقتىڭ وسىزاماندانۋىن جالپى بەتتىك ىلگەرىلەتۋ كەرەكتىگىن العا قويدى.

　　”قازىرگى زامانعى سوعىس، سايىپ كەلگەندە، دارىندىلار باسەكەسى“، ”14 - بەسجىلدىق“ جوبانىڭ باستالۋى بايلانىسىمەن، ءتوراعا شي جينپيڭ بۇكىل ارمياعا ارميانى دارىندىلار ارقىلى قۇدىرەتتەندىرۋ ستراتەگياسىن جەدەل اتقارىپ، جوعارى ساپالى، ماماندانعان جاڭاشا اسكەري دارىندىلار قوسىنىن سومداۋ تۋرالى بۇيرىق بەردى.

　　ءتوراعا شي جينپيڭ شەكارا قورعانىسىن ارالاپ، قاراۋىلحانالارعا بارىپ، سوعىس ۇشاعىنا وتىرىپ، شايقاس ورنىنا كىرىپ، اسكەري بولىمدەرگە بارىپ كوزدەن كەشىردى، مەكتەپتەرگە بارىپ تەكسەرۋ - زەرتتەۋ جۇرگىزدى، ورتالىق اسكەري ىستەر كوميتەتىنىڭ جاتتىعۋدى باستاۋعا جۇمىلدىرۋ جينالىسىنا ءوزى قاتىناسىپ، اسكەري ىستەر كوميتەتىنىڭ بىرلەسىپ سوعىس جۇرگىزۋ قولباسشىلىق ورتالىعىنا ءوزى باردى... سوعىسقا دايىندالىپ، سوعىس جۇرگىزۋدى قاي - قاشان دا ەسىنەن شىعارمادى، ءجىتى قاداعالادى، دارىندىلار قىزمەتى باستان - اياق باسا نازار اۋدارعان ءتۇيىنى بولدى.

　　ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى ءتوراعا شي جينپيڭ حالىق ارمياسىنا باسشىلىق ەتىپ پارتيا دارىندىلاردى باسقارۋ ساياسي ءتارتىبىن قايتا اسقاقتاتىپ، سوعىس ءۇشىن ادام تاربيەلەۋ ايقىن باعدارىن ورناتىپ، قىزمەتكەرلەر قوسىنى قۇرىلىمىنىڭ ورنالاسۋىن ساپالىلاندىرىپ، ادام كۇشى بايلىعى ساياساتىندا، تۇزىمىندە جاڭالىق اشىپ، ارميامىزدىڭ دارىندىلار قىزمەتىندە تاريحي تابىستارعا قول جەتكىزۋىن، تاريحي وزگەرىس تۋدىرۋىن ىلگەرىلەتتى.

　　ماقالا جالپى 4 بولىككە بولىنگەن: تۋدى جەتەكشى ەتۋگە تاباندى بولىپ، ارميامىزدىڭ دارىندىلار قىزمەتىنىڭ دۇرىس ساياسي بەتالىسىن باستان - اياق ساقتاۋ؛ پارتيا دارىندىلاردى باسقارۋعا تاباندى بولىپ، قارۋلى كۇشتى پارتياعا شارتسىز ادال ادامداردىڭ مەڭگەرۋىنە شىنايى كەپىلدىك ەتۋ؛ سوعىس ءۇشىن ادام تاربيەلەۋگە تاباندى بولىپ، بولاشاقتاعى سوعىستىڭ جەڭىسىنە جەتۋگە دارىندىلار جاعىنان پارمەندى تىرەك ازىرلەۋ؛ رەفورمالاۋعا، جاڭالىق اشۋعا تاباندى بولىپ، ارميامىزدىڭ دارىندىلار قىزمەتىندە جاڭا بەينە ايگىلەۋ، جاڭا جاعداي اشۋ.

　　ماقالادا مىنالار اتاپ كورسەتىلدى: ارميانى قۇدىرەتتەندىرۋ، ارميانى كوركەيتۋ ءۇشىن، جاڭا داۋىردەگى ارميانى دارىندىلار ارقىلى قۇدىرەتتەندىرۋ ىستەرى دابىرالى جۇرگىزىلدى؛ گۇلدەنۋ جورىعىندا جوعارى ساپالى جاڭاشا اسكەري دارىندىلار شىڭدالا تولىسىپ كەلەدى. بۇكىل ارميا شي جينپيڭنىڭ ارميانى قۇدىرەتتەندىرۋ يدەياسىنىڭ جەتەكشىلىگىندە، اۋەلگى ماقساتتى ۇمىتپاي، بورىشتى ەستە بەرىك ساقتاپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، كۇش - قۋاتتى تيبىن جاڭالاپ، دارەجەسىن جوعارىلاتۋعا شوعىرلاندىرىپ، جاڭا داۋىردەگى ارميانى دارىندىلار ارقىلى قۇدىرەتتەندىرۋ ستراتەگياسىن جالپى بەتتىك اتقارىپ، اسكەري قىزمەتكەرلەردىڭ وسىزاماندانۋىن جەدەل ىلگەرىلەتىپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋعا، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋعا دارىندىلار جاعىنان پارمەندى تىرەك ازىرلەدى.