1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

ورتالىق كوميتەت ۇيىمداستىرۋ ءبولىمىنىڭ جاۋاپتىسى پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندە شينحۋا اگەنتتىگى ءتىلشىسىنىڭ سۇراۋىنا جاۋاپ بەردى

日期:2021年11月20日
来源:新疆日报
【字体:

  شينحۋا اگەنتتىگىنىڭ 11 - ايدىڭ 19 - كۇنى بەيجيڭنەن بەرگەن حابارى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 20 - قۇرىلتايىن 2022 - جىلدىڭ سوڭعى جارتىسىندا بەيجيڭدە اشۋدى ۇيعاردى. تاياۋدا جۇڭگو كوممۋنيستىك پارتياسى ورتالىق كوميتەتى «پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىندى) باسىپ تاراتتى. ورتالىق كوميتەت ۇيىمداستىرۋ ءبولىمى دەرەۋ ءماجىلىس اشىپ، 20 - قۇرىلتاي ۋاكىلدەرىن سايلاۋ قىزمەتى جونىندە ورنالاستىرۋ جاسادى. جۋىقتا ورتالىق كوميتەت ۇيىمداستىرۋ ءبولىمىنىڭ جاۋاپتىسى 20 - قۇرىلتاي ۋاكىلدەرىن سايلاۋ قىزمەتىن ويداعىداي ىستەۋگە قاتىستى ماسەلەلەر جونىندە شينحۋا اگەنتتىگى ءتىلشىسىنىڭ سۇحباتىن قابىلدادى.

  سۇراۋ: 20 - قۇرىلتاي ۋاكىلدەرىن سايلاۋ قىزمەتى ورىستەتىلۋ الدىندا تۇر، بۇل قىزمەتتى ويداعىداي ىستەۋدىڭ كەلەلى ماڭىزى جونىندە ايالداپ وتسەڭىز؟

  جاۋاپ: پارتيانىڭ 20 - قۇرىلتايى پارتيامىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىنا قادام تاستاعان ماڭىزدى ساتتە اشىلاتىن ءبىر رەتكى اسا ماڭىزدى قۇرىلتاي بولادى، پارتيا مەن مەملەكەتتىڭ ساياسي ومىرىندەگى ءىرى ءىس. 20 - قۇرىلتاي ۋاكىلدەرىن ويداعىداي سايلاۋ 20 - قۇرىلتايدى ويداعىداي اشۋ جونىنەن ايرىقشا ماڭىزدى.

  ءبىرىنشى، ۋاكىلدەردى سايلاۋ قىزمەتىن ويداعىداي ىستەۋ − 20 - قۇرىلتايدىڭ ءساتتى اشىلۋىنا، قۇرىلتايدىڭ ءتۇرلى مىندەتتەرىن تولىق تابىسپەن ورىنداۋعا شىنايى كەپىلدىك ەتۋدىڭ ماڭىزدى نەگىزى. پارتيا ۋستاۆىندا بىلاي دەپ بەلگىلەنگەن: پارتيانىڭ ەڭ جوعارى باسشى ورگانى − پارتيانىڭ مەملەكەتتىك قۇرىلتايى جانە ول سايلاعان ورتالىق كوميتەت. پارتيانىڭ مەملەكەتتىك قۇرىلتايى 5 جىلدا ءبىر رەت وتكىزىلەدى. پارتيانىڭ 20 - قۇرىلتايى وتكەن 5 جىلداعى قىزمەتتەردى قورىتىندىلاۋ، ونان كەيىنگى پارتيا مەن مەملەكەتتىڭ العا باسۋ بەتالىسىن، كۇرەس نىساناسىن، ارەكەت تۇعىرناماسىن ايقىنداۋ، جاڭا كەزەكتى ورتالىق باسشىلىق كوللەكتيۆىن سايلاۋ سىندى كەلەلى بورىش ارقالايدى. 20 - قۇرىلتايدىڭ ۋاكىلدەرى بارلىق پارتيا مۇشەلەرىنىڭ اراسىنان سان رەتكى سارالاۋدان تاڭدالىپ شىققان ۇزدىك ەلەمەنتتەر، ءار دارەجەلى پارتيا ۇيىمدارى دارەجە بويىنشا تاڭداپ شىققان تاڭداۋلى ۋاكىلدەر بولۋعا ءتيىس، ولار 95 ميلليوننان استام پارتيا مۇشەسىنىڭ، 4 ميلليون 800 مىڭنان استام پارتيا ۇيىمىنىڭ ماڭىزدى تاپسىرماسىن ارقالايدى، بۇكىل پارتيانىڭ ەرىك - جىگەرىن توپتايدى، حالىقتىڭ ءۇمىت - تىلەگىن ارقالايدى، قاسيەتتى مىندەت جاۋاپكەرشىلىگىن اتقارادى. قۇرىلتاي كەزىندە ۋاكىلدەر ورتالىق كوميتەتتىڭ بايانداماسىن تىڭدايدى جانە تەكسەرەدى، ورتالىق ءتارتىپ تەكسەرۋ كوميتەتىنىڭ بايانداماسىن تەكسەرەدى، قالىڭ پارتيا مۇشەلەرىنىڭ، بۇقارانىڭ پىكىرى مەن تالابىن جەتكىزەدى، پارتيانىڭ ەلەۋلى ماسەلەلەرىن تالقىلايدى جانە ۇيعارادى، جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلايدى. ۋاكىلدەردىڭ ساپاسىنىڭ، قابىلەتىنىڭ، ستيلىنىڭ قانداي بولۋى ىستەردى كەڭەسۋدىڭ، شەشىم قابىلداۋدىڭ ساپاسىنا تىكەلەي اسەر ەتەدى، قۇرىلتايدىڭ بەينەسىنە اسەر ەتەدى. 20 - قۇرىلتاي ۋاكىلدەرىن ويداعىداي سايلاپ، قۇرىلتايدىڭ ءتۇرلى مىندەتتەرىن تولىق تابىسپەن ورىنداۋ پارتيانىڭ باسشىلىق ۇيتقىلىق رولىنىڭ تولىق ساۋلەلەنۋىنە سايادى، پارتيا مەن مەملەكەت ىستەرىنىڭ كوركەيىپ - گۇلدەنۋىنە، باياندى تىنىشتىعىنا سايادى.

  ەكىنشى، ۋاكىلدەردى سايلاۋ قىزمەتىن ويداعىداي ىستەۋ − پارتيانى جاپپاي قاتاڭ جونگە سالۋعا تاباندى بولۋدىڭ، پارتيا ىشىندەگى ساياسي تۇرمىستى كۇشەيتۋدىڭ جانە ارناعا ءتۇسىرۋدىڭ جاندى امالياتى. پارتيا پارتيانى باسقارۋدى، ءسوز جوق، پارتيا ىشىندەگى ساياسي تۇرمىستى باسقارۋدان باستاۋى، پارتيانى قاتاڭ جونگە سالۋدى، ءسوز جوق، پارتيا ىشىندەگى ساياسي تۇرمىستى قاتايتۋدان باستاۋى كەرەك. 20 - قۇرىلتاي ۋاكىلدەرىن سايلاپ شىعۋ − قالىڭ پارتيا مۇشەلەرىنىڭ دەموكراتيالىق ورتالىقتاندىرۋ ءتۇزىمى پرينسيبى بويىنشا دەموكراتيالىق ۇقىقتارىن دۇرىس اتقارىپ، پارتيا ىشىندەگى ساياسي تۇرمىسقا ارالاسۋىنىڭ ماڭىزدى جولى جانە فورماسى. ۇيرەنۋ، ۇگىتتەۋ، ۇيىمداستىرۋ، جۇمىلدىرۋ، كورسەتۋ، ۇسىنۋ، ماجىلىستە سايلاۋ، ءتارتىپتى قاتايتۋ سياقتى قىزمەتتەردى ويداعىداي ىستەۋ ارقىلى ۋاكىلدەردى سايلاپ شىعۋ بارىسىن شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ بارىسىنا اينالدىرىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋ، تياناقتاندىرۋ بارىسىنا اينالدىرىپ، مۇرات - سەنىم تاربيەسى مەن پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسى بارىسىنا اينالدىرىپ، پارتيا ىشىندەگى ساياسي تۇرمىستىڭ جاندى امالياتى مەن دەموكراتيالىق ورتالىقتاندىرۋ ءتۇزىمى تاربيەسى بارىسىنا اينالدىرىپ، ءار دارەجەلى پارتيا ۇيىمدارى مەن قالىڭ پارتيالى كادرلاردى پارتيا ۋستاۆىن ارداقتاۋعا، پارتيا ۋستاۆىنا بويسۇنۋعا، ساياسي ىسىلۋدان، پارتيالىلىق شىڭداۋدان وتۋگە، ساياسي ءتارتىپتى، ساياسي قاعيدانى قاتاڭ ساقتاۋعا، سانالى تۇردە ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋعا جەتەكتەۋ كەرەك.

  ءۇشىنشى، ۋاكىلدەردى سايلاۋ قىزمەتىن ويداعىداي ىستەۋ − بۇكىل پارتيانىڭ كۇش - قۋاتىن ۇيىستىرىپ، اۋەلگى ماقساتتى، بورىشتى ەستە بەرىك ساقتاپ، جاڭا ەمتيحان تاپسىرۋ جولىمەن ويداعىداي جۇرۋگە پارمەندى جۇمىلدىرۋ بولىپ تابىلادى. باس شۋجي شي جينپيڭ ”1 - شىلدەدەگى“ سوزىندە: قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى دا قادام تاستادى، - دەپ اتاپ كورسەتىپ، تاريحتى اينا ەتىپ، بولاشاق اشۋدىڭ ”توعىز ءسوز جوق“ ءتۇبىرلى تالابىن ايقىن ورتاعا قويدى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى مىنالاردى تالاپ ەتتى: بۇكىل پارتيا تاريح دامۋىنىڭ زور اۋقىمىن يگەرىپ، مۇرات - سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، العان بەتتەن قايتپايتىن قايسارلىقپەن بەلگىلەنگەن نىسانانى كۇش سالا جۇزەگە اسىرىپ، ءجۇز شاقىرىم جولدىڭ توقسان شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋ كەرەك. 20 - قۇرىلتايدىڭ ۋاكىلدەرىن سايلاپ شىعۋدا بۇقارالىق لۋشيانمەن جۇرۋگە تاباندى بولىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن بەلسەنە ات سالىسۋعا ىشكەرىلەي ۇيىمداستىرىپ، جۇمىلدىرىپ، اتتانىسقا كەلتىرىپ، ۋاكىلدەردىڭ ىزگى ىستەرىن ۇگىتتەپ، پارتيا قۇرۋ ۇلى رۋحىن ساۋلەلەندىرۋ پارتيالى كادرلاردىڭ قامال الىپ، قيىنشىلىقتاردى جەڭىپ، ءىس تىندىرىپ، ناتيجە شىعارۋ بەلسەندىلىگىن، ىرىقتىلىعىن قاۋلاتۋعا، يدەيانى پارتيا ورتالىق كوميتەتىنىڭ رۋحىمەن بىرلىككە كەلتىرىپ، زەيىن - زەردەنى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرىپ، كەزەكتەگى ءتۇرلى قىزمەتتەردى ويداعىداي ىستەۋگە باعىتتاۋعا، جاڭا داۋىردە كۇرەس جاساپ، جاڭا جورىقتا ەكپىندەي العا باسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇش - قۋاتىن ۇيىستىرۋعا ءتيىمدى.

  سۇراۋ: پارتيا ورتالىق كوميتەتىنىڭ 20 - قۇرىلتاي ۋاكىلدەرىن سايلاۋ قىزمەتى جونىندەگى باستى نۇسقاۋلارىنىڭ رۋحى قايسىلار ەكەنىن ايتساڭىز؟

  جاۋاپ: پارتيا ورتالىق كوميتەتى 20 - قۇرىلتاي ۋاكىلدەرىن سايلاۋ قىزمەتىن ويداعىداي ىستەۋگە ايرىقشا ءمان بەردى، باس شۋجي شي جينپيڭ تالاي رەت مالىمەت تىڭداپ، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، «حابارلاندىرۋدى» قاراپ ماقۇلداپ، ۋاكىلدەردى سايلاۋ قىزمەتىنە جان - جاقتى ورنالاستىرۋ جاساپ، ايقىن تالاپتار قويدى.

  پارتيا ورتالىق كوميتەتىنىڭ ورنالاستىرۋىنا ساي، 20 - قۇرىلتاي ۋاكىلدەرىن سايلاۋ قىزمەتىن ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ۋستاۆىن ءتۇبىرلى بويسۇنۋ ولشەمى ەتۋگە تاباندى بولىپ، پارتيانىڭ سيپاتىنا، ءتۇبىرلى ماقساتىنا تاباندى بولىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، تولىمدىلىق شارتتارىن قاتايتىپ، سايلاۋ رەت ءتارتىبىن قاتاڭداستىرىپ، سايلاۋ ءتارتىبىن قاتايتىپ، سايلانعان 20 - قۇرىلتاي ۋاكىلدەرىنىڭ ساپاسى جوعارى، قۇرىلىمى ۇيلەسىمدى، تارالۋى كەڭ بولۋىنا، پارتيا مۇشەلەرىنىڭ قولداۋىنا يە بولۋىنا شىنايى كەپىلدىك ەتۋ كەرەك.

  باس شۋجي شي جينپيڭنىڭ ماڭىزدى نۇسقاۋىنىڭ رۋحى مەن «حابارلاندىرۋدىڭ» تالابىنا ساي، 20 - قۇرىلتاي ۋاكىلدەرىن سايلاۋ قىزمەتىندە تومەندەگى ءبىرقانشا جاقتار باسا دارىپتەلەدى: پارتيانىڭ باسشىلىعىن كۇشەيتۋدى ۋاكىلدەردى سايلاۋ قىزمەتىنىڭ تۇتاس بارىسىنا ءسىڭىرۋ كەرەك. تۋى ايقىن تۇردە، ايبىندى ەكپىنمەن پارتيانىڭ ۋاكىلدەردى سايلاۋ قىزمەتىنە باسشىلىعىن كۇشەيتىپ، كورسەتۋ، ۇسىنۋ، ۇيىمدىق تەكسەرۋ، كانديداتتاردى تۇراقتاندىرۋ، ماجىلىستە سايلاۋ سياقتى ءتۇرلى بۋىنداردا پارتيا ۇيىمىنىڭ باسشىلىق ەتۋ جانە وتكەلدى يگەرۋ رولىن شىنايى ساۋلەلەندىرۋ كەرەك. پارتيا ىشىندەگى دەموكراتيانى تولىق ساۋلەلەندىرىپ، بۇقارالىق لۋشيانمەن جۇرۋگە تاباندى بولىپ، نەگىزگى ساتى پارتيا ۇيىمدارىنىڭ، پارتيا قۇرىلتايى ۋاكىلدەرىنىڭ، پارتيا مۇشەلەرىنىڭ جانە بۇقارانىڭ پىكىرىن كەڭىنەن تىڭداۋ كەرەك. كانديداتتاردىڭ ساياسي وتكەلى مەن پاكتىك وتكەلىن قاتاڭ يگەرۋ كەرەك. ساياسي ولشەمدى ماڭداي الدى ورىنعا قويۋعا تاباندى بولۋدا، ەڭ ماڭىزدىسى، ساياسيدا تاباندى بولۋ، پارتياعا ادال بولۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ساياسي ساپانى تەكسەرۋدى كۇشەيتىپ، كانديداتتاردىڭ ساياسي تۇجىرىمداۋ قابىلەتىنە، ساياسي ءتۇسىنۋ قابىلەتىنە، ساياسي اتقارۋ قابىلەتىنە، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى جاقتارداعى بەينەسىنە، احۋالىنا قاراپ، ساياسيدا شىڭدالۋىنا شىنايى كەپىلدىك ەتۋ كەرەك. پاكتىك تومەنگى شەگىن مىقتاپ يگەرىپ، ”ءتورت ءسوزسىز“ تالابىن مۇقيات تياناقتاندىرۋ، كىناراتى بار، ءمىنى بار ادامداردى سايلاۋعا بولمايدى. ۋاكىلدەر قۇرىلىمىن اناعۇرلىم ساپالىلاندىرۋ كەرەك. پارتيانىڭ سيپاتى مەن ءتۇبىرلى ماقساتىن، العاباسارلىعى مەن كەڭ كولەمدى ۋاكىلدىك سيپاتىن تولىق ايگىلەۋ ءۇشىن ءار شەپتىڭ، ءار جاقتىڭ ۋاكىلدەرى بولۋى كەرەك. جۇمىسشى، شارۋا جانە كاسىپتىك - تەحنيكالىق قىزمەتكەر پارتيا مۇشەلەرى اراسىنداعى ۇزدىك، ونەگەلى تۇلعالاردى ۋاكىلدىككە كورسەتۋگە باسا ءمان بەرۋ كەرەك. كانديداتتاردىڭ سالاۋات وتكەلىن قاتاڭ يگەرىپ، سالاۋاتىن دالمە - ءدال تۇراقتاندىرۋ كەرەك. ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سالىستىرماسىنا كەپىلدىك ەتۋ ءارى كەڭەيتىپ جىبەرمەۋ كەرەك. ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتۋ كەرەك. تاربيەنى الدىڭعى ورىنعا قويۋعا، ساقتاندىرۋدى الدىڭعى ورىنعا قويۋعا، الدىن الۋدى الدىڭعى ورىنعا قويۋعا تاباندى بولىپ، ءتارتىپ پەن قاعيدانى باستان - اياق ماڭداي الدى ورىنعا قويىپ، حۋناننىڭ حىڭياڭى، سىچۋاننىڭ نانچۇڭى، لياۋنيڭ سياقتى جەرلەردە تۋىلعان داۋىس جيناۋ، پارا بەرىپ سايلانۋ، سايلاۋدى ءبۇلدىرۋ دەلولارىنان تەرەڭ ساباق الىپ، بىرەۋى ارقىلى وزگەسىن تۇسپالداپ، ساباق الىپ، عيبىرات ەتۋ كەرەك. باقىلاۋ، تەكسەرىپ ءبىر جايلى ەتۋ جانە جاۋاپقا تارتۋ تەبىنىن ارتتىرىپ، داۋىس جيناۋ، پارا بەرىپ سايلانۋ، اراعا ادام سالىپ قۇلاق قاعىس ەتۋ، سايلاۋدى ءبۇلدىرۋ سياقتى تارتىپكە، زاڭعا قايشى ارەكەتتەردى بىرەۋى بايقالسا بىرەۋىن تەكسەرىپ ءبىر جايلى ەتۋ كەرەك. سالتى دۇرىس بولماعان، تەكسەرىپ ءبىر جاقتى ەتۋى پارمەندى بولماعان، ناشار ىقپال تۋدىرعان قاتىستى پارتيا ۇيىمدارى مەن باسشى كادرلاردىڭ جاۋاپكەرشىلىگىن قاتاڭ قۋزاستىرۋ كەرەك. ۋاكىلدەردى سايلاۋ جونىندەگى ۇگىت قىزمەتىن ويداعىداي ىستەۋ كەرەك. دۇرىس قوعامدىق پىكىر بەتالىسىنان جازباي، ىنتىماقتى، ورنىقتىلىقتى، شابىتتاندىرۋدى، ۇنامدى جاقتان ۇگىتتەۋدى نەگىز ەتۋگە تاباندى بولىپ، تاماشا قوعامدىق پىكىر رايىن قالىپتاستىرۋ كەرەك.

  سۇراۋ: 20 - قۇرىلتاي ۋاكىلدەرىن سايلاۋ ورىندارى قالاي جىكتەلەدى؟ ۋاكىلدەر سانى قالاي تۇراقتاندىرىلادى جانە بولىنەدى؟

  جاۋاپ: جالپى جاقتان جاقىنعى بىرنەشە رەتكى مەملەكەتتىك پارتيا قۇرىلتايى ۋاكىلدەرىن سايلاۋ ءادىسىن قولدانىپ، جاڭا جاعداي مەن مىندەتكە ساي، 20 - قۇرىلتاي ۋاكىلدەرىن سايلاۋ ولكە، رايون، قالا، ورتالىق جانە مەملەكەت ورگاندارى، ورتالىق فينانس جۇيەسى، ورتالىق كاسىپورىندارى جۇيەسى (بەيجيڭدەگى) سياقتى جيىنى 38 سايلاۋ ورنىنا ءبولىندى.

  پارتيا ورتالىق كوميتەتى 20 - قۇرىلتاي ۋاكىلدەرىنىڭ سانى جالپى 2300 ادام بولىپ، 19 - قۇرىلتايداعى كەزبەن ۇقساس بولاتىندىعىن ايقىن بەلگىلەدى. 20 - قۇرىلتاي ۋاكىلدەر سانىن بولۋدە، نەگىزىنەن، پارتيا ۇيىمى سانى مەن پارتيا مۇشەلەرى سانى ارقىلى تۇراقتاندىرىلادى، سونىمەن بىرگە الدىڭعى بىرنەشە رەتكى پارتيانىڭ مەملەكەتتىك قۇرىلتايى ۋاكىلدەر سانى سياقتى فاكتورلار دا ويلاستىرىلادى. وسى ءبولىس ءادىسى بويىنشا، ءارقايسى سايلاۋ ورىندارىنىڭ ۋاكىل سانى 19 - قۇرىلتاي كەزىندەگىمەن نەگىزىنەن ۇقساس بولادى. داعدى بويىنشا پارتيا ورتالىق كوميتەتى باسشىلىق قىزمەت ورنىنان شەگىنگەن ءبىر ءبولىم ساقا پارتيا مۇشەلەرىنىڭ ەرەكشە ۇسىنىس ەتىلگەن ۋاكىل رەتىندە قۇرىلتايعا قاتىناسۋىن بەلگىلەيدى.

  سۇراۋ: پارتيا ورتالىق كوميتەتى 20 - قۇرىلتاي ۋاكىلدەرىنىڭ تولىمدىلىق شارتىن قاتايتىپ، ساياسي ولشەمدى ماڭداي الدى ورىنعا قويۋعا تاباندى بولۋدى تالاپ ەتتى، ناقتى قانداي شارتتاردى ازىرلەۋ قاجەت؟

  جاۋاپ: «حابارلاندىرۋدا» 20 - قۇرىلتاي ۋاكىلدەرى كوممۋنيستىك پارتيا مۇشەلەرىنىڭ ىشىندەگى ۇزدىك ەلەمەنتتەر بولۋى، پارتيا ۋستاۆىن باستاماشىلدىقپەن قاستەرلەپ، پارتيا ۋستاۆىنا ونەگەلىلىكپەن بويسۇنۋى، پارتيا مۇشەسى ولشەمى بويىنشا وزىنە قاتاڭ تالاپ قويۋى، كوممۋنيستىك پارتيا مۇشەلەرىنىڭ العاباسارلىعى بولۋى ءتيىس دەپ بەلگىلەندى ءارى يدەيا، ساياسي، قابىلەت، ستيل، ناتيجە، مىندەت وتەۋ سياقتى 6 جاقتان ۋاكىلدەر ازىرلەۋگە ءتيىستى مىناداي شارتتار ايقىن بەلگىلەندى: ءبىرىنشى، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن قۇلشىنا ۇيرەنەتىن، ماركسيزم ۇستانىمى، جۇڭگوشا سوتسياليزم نانىمى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ سەنىمى بەكەم، پارتيا قۇرۋ ۇلى رۋحىن ساۋلەلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن مۇقيات دايەكتىلەندىرىپ، سانالى تۇردە پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتەتىن بولۋى كەرەك. ەكىنشى، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداي الاتىن، ساياسيدا سەنىمدى، پارتياعا ادال، نەداۋىر كۇشتى ساياسي تۇجىرىمداۋ قابىلەتى، ساياسي ءتۇسىنۋ قابىلەتى، ساياسي اتقارۋ قابىلەتى بولۋ، كەلەلى ماسەلەدە وي - ساناسى سەرگەك، شەشۋشى ساتتە سىننان وتە الاتىن، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاي الاتىن بولۋى كەرەك. ءۇشىنشى، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مۇقيات دايەكتىلەندىرىپ، ”مەملەكەتتىڭ زور ءىسىن“ ەستە بەرىك ساقتاپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ تالابىن باستاماشىلدىقپەن تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتەتىن، ءبىرشاما جوعارى قابىلەت ساپاسىنا جانە ءبىرشاما مول اماليات تاجىريبەسىنە يە بولۋى كەرەك. ءتورتىنشى، اۋەلگى ماقساتتى، بورىشتى ەستە بەرىك ساقتاپ، پارتيانىڭ ءتۇبىرلى باس ماقساتى مەن سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، حالىقتى وزەك ەتۋگە تاباندى بولۋى، حالىقتىق تۇرعىدان تاپجىلماي، پارتيانىڭ داڭقتى ءداستۇرى مەن تاڭداۋلى ستيلىن ساۋلەلەندىرىپ، پارتيا مۇشەسىمەن جانە حالىقپەن تىعىز بايلانىس جاساپ، ”ۇشتە قاتاڭ، ۇشتە شىنايى بولۋدى“ امالياتتا ايگىلەۋى، ءادىل، تۋراشىل بولۋى، ءوزىن تەجەپ، كوپتىڭ قامىن ويلاۋى، تارتىپكە، زاڭعا بويسۇنىپ، پاك، كىرشىكسىز بولۋى، تاماشا ءمورال قاسيەتى، ستيلى جانە وبرازى بولۋى كەرەك. بەسىنشى، كوممۋنيستىك پارتيا مۇشەلەرىنىڭ اۆانگارد، ۇلگىلىك رولىن تولىق ساۋلەلەندىرىپ، قۇلشىنىپ، كاسىپتى ارداقتاپ، جاۋاپكەرشىلىك ارقالاپ، ىسكەرلىك كورسەتىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، شىندىققا جۇگىنىپ، ناقتى ىستەر ىستەپ، ءورىس اشا جاڭالىق اشىپ، ءوندىرىس جانە قىزمەت بارىسىندا كورنەكتى ناتيجە جاراتۋى كەرەك. التىنشى، پارتيالىق پرينسيپكە ساي ءىس ىستەپ، دەموكراتيالىق ۇقىقتى دۇرىس جۇرگىزىپ، ۋاكىلدىك مىندەتىن ادال اتقارۋى، ءبىرشاما كۇشتى كەڭەسۋ قابىلەتى مەن بۇقارالىق قىزمەت قابىلەتى بولۋى كەرەك، پارتيا مۇشەلەرىنىڭ، بۇقارانىڭ پىكىرى مەن تالاپتارىن بەلسەندى ءارى شىنايى جەتكىزىپ، باقىلاۋدى سانالىلىقپەن قابىلداۋى كەرەك.

  سۇراۋ: 20 - قۇرىلتاي ۋاكىلدەرى بۇكىل پارتياداعى 95 ميلليوننان استام پارتيا مۇشەسىنىڭ ماڭىزدى تاپسىرماسى مەن تىلەگىن ارقالاۋدا كەڭ كولەمدى ۋاكىلدىك سيپاتقا يە بولۋ ءتيىس، وسى جاعى قالاي بەينەلەنەدى، قانداي تالاپتار بار؟

  جاۋاپ: پارتيا ورتالىق كوميتەتى مىناداي تالاپ قويدى: 20 - قۇرىلتاي ۋاكىلدەرى كەڭ كولەمدى ۋاكىلدىك سيپاتقا يە بولىپ، ءار سالاداعى، ءار كاسىپتەگى، ءار جاقتاعى پارتيا مۇشەلەرىنىڭ تىلەگىنە ۋاكىلدىك ەتۋى جانە ونى اڭىس ەتۋى ءتيىس. قۇرىلىمى ۇيلەسىمدى، ورنالاسۋى كەڭ كولەمدى بولۋ − ۋاكىلدەردىڭ كەڭ كولەمدى ۋاكىلدىك سيپاتقا يە بولۋىنىڭ ماڭىزدى بەينەسى. «حابارلاندىرۋدا» ۋاكىلدەردىڭ قۇرىلىمىن اناعۇرلىم ساپالىلاندىرۋ جونىندە ايقىن تالاپ قويىلعان. ناقتى ايتار بولساق، باستىسى، تومەندەگى بىرنەشە جاقتان بەينەلەنەدى:

  ءبىرىنشى، ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سالىستىرماسىنا كەپىلدىك ەتۋ. بۇل پارتيانىڭ تاپتىق نەگىزىن بەكەمدەۋدىڭ، پارتيانىڭ بۇقارالىق نەگىزىن كەڭەيتۋدىڭ قاجەتتى تالابى ءارى ۋاكىلدەر قۇرىلىمىن ساپالىلاندىرۋدىڭ ءتۇيىندى مىندەتى. «حابارلاندىرۋ» مىنالاردى ايقىندادى: ولكە، رايون، قالالاردىڭ، ورتالىق فينانس جۇيەسىنىڭ جانە ورتالىق كاسىپورىندارى جۇيەسىنىڭ (بەيجيڭدەگى) ۋاكىلدەرى اراسىندا ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرىنىڭ ۇستايتىن سالىستىرماسى ادەتتە ۇشتەن ءبىر بولىگىنەن از بولماۋ كەرەك، پارتيالى باسشى كادرلاردىڭ (باسشى قىزمەتكەرلەر) ۇستايتىن سالىستىرماسى ادەتتە ۇشتەن ەكى بولىگىنەن اسپاۋ كەرەك. ۋاكىلدەردىڭ قۇرامىن ءبىر تۇتاس جوسپارلاپ ويلاستىرىپ، ءتۇرلى ۋاكىل كانديداتتاردىڭ سانىن ۇيلەسىمدى تۇراقتاندىرىپ، تەكسەرۋدى، وتكەلدى يگەرۋدى قاتايتىپ، ەگجەي - تەگجەيلى، دالمە - ءدال مەڭگەرىپ، پارتيا ورتالىق كوميتەتى العا قويعان ءوندىرىس پەن قىزمەتتىڭ ءبىرىنشى شەبىندەگى ۋاكىلدەر سالىستىرماسى تالابىن جۇزەگە اسىرۋعا شىنايى كەپىلدىك ەتۋ كەرەك.

     سونىمەن بىرگە، ۋاكىلدەردىڭ كاسىپ، سالا جانە ءوڭىر بويىنشا ورنالاسۋىن جالپى بەتتىك ويلاسىپ، ەكونوميكا، عىلىم - تەحنيكا، مەملەكەت قورعانىسى، ساياسي - زاڭ، وقۋ - اعارتۋ، ۇگىت، مادەنيەت، دەنساۋلىق ساقتاۋ، دەنە تاربيە جانە قوعامدىق باسقارۋ سياقتى ءتۇرلى سالالاردىڭ، ولكە، قالا، اۋدان، اۋىل، قىستاقتار مەن ءمالى، الەۋمەتتىك اۋماق سياقتى ءتۇرلى دارەجەلەردىڭ، سونداي - اق ورگان، كاسىپورىن، ءىسورىن، حالىقتىق ۇيىمدار سياقتى ءتۇرلى جاقتاردىڭ بارلىعىنان ۋاكىل بولۋىن مۇمكىندىكتىڭ بارىنشا ورىنداپ، ءار سالاداعى، ءار كاسىپتەگى، ءار جاقتاعى پارتيا مۇشەلەرىنىڭ تىلەگىنە ۋاكىلدىك ەتۋگە جانە ونى اڭىس ەتۋگە شىنايى كەپىلدىك ەتۋ كەرەك.

  ەكىنشى، جۇمىسشى، شارۋا جانە كاسىپتىك - تەحنيكالىق قىزمەتكەر پارتيا مۇشەلەرى اراسىنداعى ۇزدىك، ونەگەلى تۇلعالاردى كورسەتۋگە ءمان بەرۋ كەرەك. ۇزدىكتەردى كورسەتۋدى باعدار ەتۋگە تاباندى بولىپ، وزات، ۇلگىلى پارتيا مۇشەلەرىن ۋاكىل كانديداتى رەتىندە بەلسەنە كورسەتۋ كەرەك. مەملەكەتتىڭ كەلەلى دامۋ ستراتەگيالارىن اتقارۋ، ءۇش ۇلكەن قامال الۋ شايقاسىن ويداعىداي جۇرگىزۋ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، اپاتتان ساقتانۋ، اپاتتان قۇتقارۋ سياقتى شۇعىل، قيىن، قاتەرلى، اۋىر مىندەتتەر مەن جاپالى ورتادا بەينەسى كورنەكتى بولعان تاڭداۋلى كوممۋنيستىك پارتيا مۇشەلەرىن كورسەتۋگە باسا ءمان بەرۋ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە، پارتيا تاريحىن ۇيرەنۋ تاربيەسىندە جارىققا شىققان ءوندىرىس پەن قىزمەتتىڭ ءبىرىنشى شەبىندەگى وزات تيپتەردى كورسەتۋگە باسا ءمان بەرۋ، جاڭا جۇڭگو قۇرىلعاندىعىنىڭ 70 جىلدىعى، پارتيا قۇرىلعاندىعىنىڭ 100 جىلدىعى سياقتى ماداقتاپ - سيلاۋ قيمىلدارىندا ماداقتالىپ - سيلانعان نەمەسە داڭق اتاعى بەرىلگەن وزات، ۇلگىلى پارتيا مۇشەلەرىن كورسەتۋگە باسا ءمان بەرىپ، نەگىزگى ساتىداعى قالىڭ پارتيا ۇيىمدارى مەن پارتيا مۇشەلەرىنىڭ كورسەتۋدە نەگىز بولۋىنا، ۇسىنۋدا ولشەم بولۋىنا، سالىستىرا تاڭداۋدا ونەگە بولۋىنا مۇمكىندىك جاساپ، كورسەتۋ اياسىن اناعۇرلىم كەڭەيتىپ، جاقسىلاردىڭ اراسىنداعى ۇزدىكتەرىن تاڭداۋدى ورىنداۋ كەرەك.

  ءۇشىنشى، ايەل پارتيا مۇشەلەرى مەن از ۇلت پارتيا مۇشەلەرى بەلگىلى سالىستىرمانى ۇستاۋ كەرەك. «حابارلاندىرۋ» مىنالاردى ايقىندادى: ولكە، رايون، قالالارداعى ايەل پارتيا مۇشەلەرى ۋاكىلدەرىنىڭ سالىستىرماسى ادەتتە ءوز وڭىرىندەگى پارتيا مۇشەلەرى جالپى سانى اراسىندا ايەل پارتيا مۇشەلەرىنىڭ ۇستاعان سالىستىرماسىنان جوعارى بولۋ؛ ورتالىق پەن مەملەكەت ورگاندارىنىڭ، ورتالىق فينانس جۇيەسىنىڭ، ورتالىق كاسىپورىندارى جۇيەسىنىڭ (بەيجيڭدەگى)، ازاتتىق ارميانىڭ جانە قارۋلى ساقشى اسكەري بولىمدەرىنىڭ ۋاكىلدەرى اراسىندا بەلگىلى مولشەردە ايەل پارتيا مۇشەلەرى بولۋى كەرەك. «حابارلاندىرۋ» تاعى مىنالاردى ايقىندادى: ولكەلەردىڭ، توتە قاراستى قالالاردىڭ ۋاكىلدەرى اراسىندا از ۇلت پارتيا مۇشەلەرى بەلگىلى مولشەردە بولۋ كەرەك؛ اۆتونوميالى رايوننىڭ ۋاكىلدەرى اراسىندا از ۇلت پارتيا مۇشەلەرىنىڭ ۇستايتىن سالىستىرماسىن اۆتونوميالى رايوندىق پارتكوم ءىس جۇزىندىك جاعدايعا نەگىزدەلىپ تۇراقتاندىرادى. ءارقايسى سايلاۋ ورىندارى «حابارلاندىرۋدىڭ» تالابىنا ساي، ءوز ءوڭىرىنىڭ، ءوز ورنىنىڭ ءىس جۇزىندىك جاعدايىن جالپىلىق ويلاسىپ، ايەل پارتيا مۇشەلەرى، از ۇلت پارتيا مۇشەلەرى ۋاكىلدەرىنىڭ سالىستىرماسى مەن قۇرامىن ويداعىداي يگەرۋ كەرەك.

  ءتورتىنشى، كانديدات سالاۋاتى وتكەلىن قاتايتىپ، ”اتىن جامىلۋدان“ ساقتانۋ. ۋاكىلدەردىڭ قۇرىلىم سالىستىرماسى تالابىن جۇزەگە اسىرۋعا شىنايى كەپىلدىك ەتۋ ءۇشىن، پارتيالى باسشى كادرلاردىڭ، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرىنىڭ، سونداي − اق جۇمىسشى، شارۋا جانە كاسىپتىك - تەحنيكالىق قىزمەتكەر پارتيا مۇشەلەرى كولەمىن ايقىن بەلگىلەۋ كەرەك. شىندىقتى ءىس جۇزىنەن ىزدەۋگە تاباندى بولىپ، كانديداتتاردىڭ سالاۋاتىن دالمە - ءدال تۇراقتاندىرىپ، كورسەتۋگە، ۇسىنۋعا قاتىناسقان كەزدە شۇعىلدانىپ وتىرعان كاسىبىن ولشەم ەتىپ، كوپ سالاۋاتقا يە بولعانداردى قىزمەت سيپاتىنىڭ باستى، باستى ەمەس بولۋىنا جانە ۋاكىلدىك سيپاتىنا قاراي تۇراقتاندىرىپ، سالاۋاتى شىنايى بولماۋدان، ناقتى بولماۋدان ساقتانىپ، ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سانىن يەلەپ الۋىنان ساقتانۋ كەرەك.

  سۇراۋ: ءسىز جوعارىدا 20 - قۇرىلتاي ۋاكىلدەرىن سايلاۋدىڭ قاتاڭ تارتىبىنە توقتالعاندا ءار دارەجەلى پارتيا ۇيىمدارىنىڭ دارەجە بويىنشا سارالاۋىنان ءوتىپ سايلاناتىندىعىن ايتتىڭىز، مۇندا ناقتى قانداي تارتىپتەر مەن بۋىندار بار؟

  جاۋاپ: پارتيا باسشىلىعى مەن دەموكراتيانى ساۋلەلەندىرۋدىڭ بىرلىگىنە تاباندى بولىپ، بەلگىلەنگەن ءتارتىپ بويىنشا 20 - قۇرىلتاي ۋاكىلدەرىن قاتاڭ تۇردە ويداعىداي سايلاۋ ۋاكىلدەردىڭ العاباسارلىق سيپاتى مەن كەڭ كولەمدى ۋاكىلدىك سيپاتىن كۇشەيتۋدىڭ ماڭىزدى كەپىلى. «حابارلاندىرۋدا» 20 - قۇرىلتاي ۋاكىلدەرىن سايلاۋدا پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، تومەننەن جوعارىعا، جوعارىدان تومەنگە قاراي كورسەتۋدى ۇشتاستىرۋ، قايتا - قايتا اقىلداسۋ، دارەجە بويىنشا سارالاۋ ادىسمەن جۇرگىزىلەتىندىگى بەلگىلەندى ءارى ۋاكىلدەردى سايلاۋ ءتارتىبىنىڭ مىناداي 5 نەگىزگى بۋىنى ايقىندالدى، ناقتى تومەندەگىدەي:

  1. كورسەتۋ، ۇسىنۋ. بۇقارالىق لۋشيانمەن جۇرۋگە تاباندى بولىپ، كورسەتۋدى، ۇسىنۋدى نەگىزگى ساتىدان باستاۋ، نەگىزگى ساتىداعى بارلىق پارتيا ۇيىمدارى مەن پارتيا مۇشەلەرى قاتىناسۋ كەرەك. نەگىزگى ساتى پارتيا ۇيىمدارى بولىنگەن سانعا نەگىزدەلىپ، ۋاكىلدەردىڭ شارتى مەن قۇرىلىم تالابى سياقتىلار بويىنشا، كانديداتتى بايىپتىلىقپەن، مۇقياتتىلىقپەن كورسەتۋ كەرەك. نەگىزگى ساتى پارتكومدارى كوپ ساندى نەگىزگى ساتى پارتيا ۇيىمدارى مەن پارتيا مۇشەلەرىنىڭ پىكىرىنە نەگىزدەلىپ، كوللەكتيۆ اقىلداسىپ، سارالاۋ ارقىلى كورسەتكەن كانديداتتى جوعارىعا جولداۋ كەرەك. قالا، اۋدان جانە باسقا دا كورسەتەتىن ورىندار كورسەتكەن كانديداتتى اقىلداسىپ سارالاپ، پارتكوم جالپى ءماجىلىسىن اشىپ جوعارىعا جولداناتىن كورسەتكەن كانديداتتى تالقىلاپ ۇيعارۋ كەرەك. سايلاۋ ورىندارى پارتكوم تۇراقتى كوميتەتىنىڭ ءماجىلىسىن (قىزمەت كوميتەتى ءماجىلىسى، پارتيا باسشىلىق گرۋپپاسىنىڭ ءماجىلىسى) اشىپ، ۋاكىل كانديداتتاردىڭ العاشقى كانديداتتارىنىڭ تەكسەرۋ وبيەكتى ەسىمدىگىن تۇراقتاندىرۋ كەرەك.

  2. ۇيىمدىق تەكسەرۋ. سايلاۋ ورىندارى ۋاكىل كانديداتتاردىڭ العاشقى كانديداتتارىنىڭ تەكسەرۋ وبيەكتىسىنە قاراتا جالپى بەتتىك ىشكەرىلەي تەكسەرۋ جۇرگىزىپ، نەگىزگى ساتى پارتيا ۇيىمدارىنىڭ، پارتيا قۇرىلتايى ۋاكىلدەرىنىڭ، پارتيا مۇشەلەرىنىڭ جانە بۇقارانىڭ پىكىرىن جان - جاقتى تىڭداۋ كەرەك. پارىقتى سانمەن تەكسەرۋدى جانە تەكسەرۋدى الدىن الا حابارلاندىرۋدى اتقارۋ. كانديداتتاردىڭ ساياسي وتكەلىن قاتاڭ يگەرىپ، ساياسي ولشەمدى الدىڭعى ورىنعا قويۋعا تاباندى بولىپ، كانديداتتاردىڭ مۇرات - سەنىمىن، ساياسي قاسيەتىن جانە ءمورال جەتىلىمىن تەكسەرۋدى كورنەكتىلەندىرىپ، كانديداتتاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن بىلۋگە، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى جاقتارداعى بەينەسىنە، جاعدايىنا باسا ءمان بەرىپ، ساياسي جاقتاعى ەكىبەتكەيلەردىڭ سايلانۋىنان ساقتانۋ كەرەك. كانديداتتاردىڭ پاكتىك وتكەلىن قاتاڭ يگەرىپ، ”ءتورت ءسوزسىز“ تالابىن مۇقيات تياناقتاندىرىپ، بارلىق تەكسەرۋ وبيەكتىلەرىنە قاراتا قاراستى ورىندارىنداعى پارتيا ۇيىمدارىنىڭ جانە ءتارتىپ تەكسەرۋ، باقىلاۋ - تەكسەرۋ ورگاندارىنىڭ پىكىرىن الىپ، قاتىستى ارحيۆ ماتەريالدارىن تەكسەرىپ، ولاردىڭ پاكتىك، تارتىپشەڭدىك جاعدايىنا جانە تارتىپكە، زاڭعا قايشىلىق جاساۋ دەرەكتەرىنە قاراتا ناقتى، تەكسەرۋگە بولاتىن ارىز - ارمان، اشكەرەلەۋ سياقتىلار جونىندە تەكسەرۋ جۇرگىزۋ، قورىتىندى شىعارۋ كەرەك، تەكسەرۋ وبيەكتى پارتيالى باسشى كادرلار بولسا، جەكە باسىنا قاتىستى ىستەر مالىمەتىن تەكسەرىپ، ”كىناراتى بارلاردىڭ ۇسىنىلۋىنان“ باتىل ساقتانۋ كەرەك.

  3. ۋاكىل كانديداتتارىنىڭ العاشقى كانديداتىن تۇراقتاندىرۋ. سايلاۋ ورىندارى پارتكوم تۇراقتى كوميتەتى ءماجىلىسىن (قىزمەت كوميتەتى ءماجىلىسى، پارتيا باسشىلىق گرۋپپاسى ءماجىلىسى) اشىپ، تەكسەرۋ جاعدايى مەن ۋاكىلدەر قۇرىلىمى تالابى سياقتىلارعا نەگىزدەلىپ، ۋاكىل كانديداتتارىنىڭ العاشقى كانديداتىن اقىلداسىپ العا قويۋ ءارى سايلاۋ ورىندارىنىڭ كولەمى ىشىندە ۇيلەسىمدى ءتاسىل ارقىلى اشىق جاريالاپ، پارتيا ۇيىمدارىنىڭ، پارتيا قۇرىلتايى ۋاكىلدەرىنىڭ جانە پارتيا مۇشەلەرىنىڭ پىكىرىن ىشكەرىلەي الۋ كەرەك. ۋاكىل كانديداتتارىنىڭ العاشقى كانديداتتارىن تۇراقتاندىرۋدان بۇرىن دارەجەلەس ءتارتىپ تەكسەرۋ، باقىلاۋ - تەكسەرۋ ورگاندارىنىڭ پىكىرىن الۋ ءتيىس. فينانس قۇرىلىمدارى، كاسىپورىن سياقتى جاقتاردىڭ العاشقى كانديداتتارىنا قاراتا اكىمشىلىك زاڭ اتقارۋ، سالالاردى باقىلاۋ - باسقارۋ سياقتى قاتىستى تاراۋلاردىڭ پىكىرىن باعىتتامالى تۇردە تىڭداۋ كەرەك.

  4. ۋاكىل كانديداتتىققا دايىندالعان كانديداتتاردى تۇراقتاندىرۋ. سايلاۋ ورىندارى پارتيا كوميتەتى جالپى ءماجىلىسىن (قىزمەت كوميتەتى ءماجىلىسى، پارتيا باسشىلىق گرۋپپاسىنىڭ ءماجىلىسى) اشىپ، ۋاكىل كانديداتتىققا دايىندالعان كانديداتتاردى داۋىس بەرىپ تۇراقتاندىرۋ كەرەك. ۋاكىل كانديداتتىققا دايىندالعان كانديداتتاردى تەڭ سانمەن تۇراقتاندىرۋعا بولادى، پارىقتى سانمەن تۇراقتاندىرۋعا دا بولادى.

  5. ماجىلىستە سايلاۋ. سايلاۋ ورىندارى پارتيا قۇرىلتايىن نەمەسە پارتيا ءماجىلىسىن اشىپ سايلاۋ جۇرگىزەدى. الدىمەن پارىقتى سانمەن سايلاۋ ءادىسىن قولدانىپ، دايىندىق سايلاۋ جۇرگىزىپ، كانديداتتاردىڭ ەسىمىن شىعارىپ، ونان كەيىن بىردەي سانمەن سايلاۋ ءادىسىن قولدانىپ، رەسمي سايلاۋ جۇرگىزسە بولادى؛ ءارى دايىندىق سايلاۋ وتكىزبەي - اق پارىقتى سانمەن سايلاۋ ءادىسىن قولدانىپ، تىكەلەي رەسمي سايلاۋ جۇرگىزسە دە بولادى. پارىقتى سانمەن سايلاۋدىڭ سالىستىرماسى %15تەن جوعارى بولۋى ءتيىس.

  پارتيا 20 - قۇرىلتايى اشىلۋ قارساڭىندا 20 - قۇرىلتاي ۋاكىلدەرىنىڭ تولىمدىلىعىن تەكسەرۋ القاسى ۋاكىلدەردىڭ تولىمدىلىعىنا تەكسەرۋ جۇرگىزۋ كەرەك.

  سۇراۋ: سوڭىندا 20 - قۇرىلتاي ۋاكىلدەرىن سايلاۋ قىزمەتىنىڭ ۇيىمدىق باسشىلىعى جاعىندا قانداي شارالار مەن تالاپتاردىڭ بارلىعىنا توقتالا كەتسەڭىز؟

  جاۋاپ: 20 - قۇرىلتاي ۋاكىلدەرىن سايلاۋ قىزمەتىن ويداعىداي ىستەۋ − كەلەلى ساياسي مىندەت. پارتيا ورتالىق كوميتەتى مىنالاردى تالاپ ەتتى: ءارقايسى سايلاۋ ورىندارىنداعى پارتيا ۇيىمدارى وسكەلەڭ ءمان بەرىپ، باسشىلىقتى شىنايى كۇشەيتىپ، جان - جاقتى ورنالاستىرۋ جاساۋ كەرەك، نەگىزگى جاۋاپتى جولداستار ساياسي جاۋاپكەرشىلىكتى شىن مانىندە ارقالاۋ كەرەك، ءتارتىپ تەكسەرۋ، باقىلاۋ - تەكسەرۋ ورگاندارى مەن ۇيىمداستىرۋ، ۇگىت سياقتى فۋنكتسيالىق تاراۋلار ءوز مىندەتتەرىن ارقالاپ، تىعىز سەلبەسىپ، قىزمەتتى بىرگە ويداعىداي ىستەۋ كەرەك. ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتىپ، ۋاكىل سايلاۋ قىزمەتىنە تۇتاس بارىستىق باقىلاۋدى كۇشەيتىپ، داۋىس جيۋ، پارا بەرىپ سايلانۋ، اراعا ادام سالىپ قۇلاق قاعىس ەتۋ، سىبىس تاراتىپ سىر جايۋ، كوزبوياۋشىلىق ىستەۋ سياقتى بۇرىس ستيلدەردى باتىل توسىپ، ەرەجەگە، تارتىپكە، زاڭعا قايشى ماسەلەلەرگە تيتتەي دە راقىم ەتپەي، بايقالعان زامان باتىل تەكسەرىپ ءبىر جاقتى ەتىپ، استە ىرقىنا جىبەرمەي، ستيلى پاك، سالتى دۇرىس بولۋعا شىنايى كەپىلدىك ەتۋ كەرەك. يدەيالىق - ساياسي قىزمەت پەن ۇگىت قىزمەتىن كۇشەيتىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىن ۋاكىل كانديداتتارىن كورسەتۋگە، ۇسىنۋعا بەلسەنە ات سالىسۋعا ىنتالاندىرىپ، پارتيا مۇشەلەرىن، كادرلاردى كورسەتۋ، ۇسىنۋ جانە سايلاۋ ناتيجەسىنە دۇرىس مامىلە جاساۋعا تاربيەلەپ، جەتەكتەپ، كورسەتىلگەنىمەن، ۇسىنىلعانىمەن سايلانباي قالعان جولداستارعا قاراتىلعان يدەيالىق قىزمەتتى باعىتتامالى تۇردە ويداعىداي ىستەۋ كەرەك. ۋاكىل سايلاۋ قىزمەتى ۇگىتىن بەلسەنە ورىستەتىپ، پارتيا 20 - قۇرىلتايى ۋاكىلدەرىنىڭ العاباسارلىق سيپاتى مەن كەڭ كولەمدى ۋاكىلدىك سيپاتىن ۇگىتتەۋگە، ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ ۇزدىك، ونەگەلى ىستەرىن ۇگىتتەۋگە، ۋاكىلدەردى سايلاۋ بارىسىندا پارتيا ىشىندەگى دەموكراتيانى ساۋلەلەندىرۋدەگى، بۇقارالىق لۋشيانمەن جۇرۋدەگى تاماشا تاجىريبەلەردى، تاماشا ادىستەردى ۇگىتتەۋگە باسا ءمان بەرىپ، 20 - قۇرىلتاي ۋاكىلدەرىن سايلاۋ قىزمەتىن تابىستى ورىنداۋعا تاماشا قوعامدىق پىكىر ورتاسىن ازىرلەۋ كەرەك.

  پارتيا ورتالىق كوميتەتى مىنالاردى باسا دارىپتەدى: ءار دارەجەلى پارتيا ۇيىمدارى وسكەلەڭ ساياسي جاۋاپكەرشىلىك سەزىم جانە قاتاڭ، ىجداعاتتى قىزمەت ستيلى ارقىلى 20 - قۇرىلتاي ۋاكىلدەرىن سايلاۋدىڭ ءتۇرلى قىزمەت مىندەتتەرىن مۇقيات ورىنداپ، قالىڭ پارتيا مۇشەلەرىن، كادرلاردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قامال الىپ، قيىندىقتى جەڭىپ، ءورىس اشا ەكپىندەي ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جاڭا دا اناعۇرلىم زور ۇلەس قوسۋعا جۇمىلدىرۋ كەرەك.