1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

ناقتى دا ماۋەلى جەتىستىك

日期:2021年11月21日
来源:新疆日报
【字体:

− باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىنە قاتىناسقاندىعى تۋرالى ەستەلىك

□ شينحۋا اگەنتتىگىنىڭ تىلشىلەرى جاڭ شياۋسۇڭ، ان بەي

  ”جاڭا داۋىردە سىرتقا ەسىك اشۋدىڭ تىڭ ىزدەنىسى، جاڭا امالياتى رەتىندە، 8 جىلدان بەرى’ ءبىر بەلدەۋ، ءبىر جولدى‘ بىرگە قۇرۋدا ناقتى دا ماۋەلى جەتىستىكتەرگە قول جەتكىزدىك“.

  11 - ايدىڭ 19 - كۇنى تۇستەن بۇرىن بەيجيڭ حالىق سارايى، باس شۋجي شي جينپيڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىنە قاتىناستى ءارى ماڭىزدى ءسوز سويلەدى، بۇل ماجىلىسكە قاتىناسقانداردى ايرىقشا شابىتتاندىردى.

  2013 - جىلى كۇزدە باس شۋجي شي جينپيڭ باتىستا قازاقستانعا، وڭتۇستىكتە يندونەزياعا ساپارلاي بارىپ، ۇلكەن اۋقىمدى باعامداپ، جالپى جاعدايدى ءبىر تۇتاس مەڭگەرىپ، جىبەك جولى ەكونوميكالىق بەلدەۋىن جانە 21 - عاسىرداعى تەڭىز جىبەك جولىن قۇرۋ سىندى كەلەلى باستامانى ىركەس - تىركەس جاسامپازدىقپەن العا قويدى.

  8 جىلدان بەرى باس شۋجي شي جينپيڭ ”ءبىر بەلدەۋ، ءبىر جول“ قۇرىلىسىن ناقتى ىسكەرلىكپەن ىلگەرىلەتىپ، ارت - ارتىنان 2016 - جىلى جانە 2018 - جىلى 2 رەت ”ءبىر بەلدەۋ، ءبىر جول“ قۇرىلىسىنا قاتىستى اڭگىمە ماجىلىسكە قاتىناسىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋعا بۇرىلىس جاساۋىن ىلگەرىلەتىپ، وسى ”ۇلكەن جوبانى“ دەن قويا كەسكىندەپ، كەمەلدى، بايسالدى، ەگجەي - تەگجەيلى ”نازىك جوباعا“ اينالدىردى.

  8 جىلدان بەرى ”ءبىر بەلدەۋ، ءبىر جول“ سىندى ارمان تۇقىمى كوك تىرەگەن الىپ بايتەرەك بولىپ ءوسىپ، ماۋەلى جەمىس بەردى. دۇنيە جۇزىندە 100 جىلدا بولماعان زور وزگەرىس بارىسىندا، ءار ەل ءۇشىن بىرگە گۇلدەنۋدىڭ وراي جولىن اشتى.

  ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسىندا تۇرىپ، دۇنيە جۇزىندە 100 جىلدا بولماعان زور وزگەرىستىڭ جەدەل قۇبىلۋى الدىندا، ورتالىق 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ءماجىلىسىن اشۋدى ۇيعارىپ، 8 جىلدان بەرى قول جەتكەن كەلەلى تابىستاردى ەسكە الىپ، قورىتىندىلاپ، جاڭا كەزەڭدە ءدوپ كەلەتىن جاڭا جاعدايلارعا تالداۋ جۇرگىزىپ، تۇجىرىم جاساپ، كەزەكتەگى جانە الداعى ءبىر مەزگىلدەگى ءتۇيىندى قىزمەتتەر مەن مىندەتتەردى اقىلداسىپ ورنالاستىرىپ، يدەيانى ونان ارى بىرلىككە كەلتىرىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن مىزعىماس تاباندىلىقپەن ىلگەرىلەتتى.

  11 - ايدىڭ 19 - كۇنى تۇستەن بۇرىن حالىق سارايىنىڭ شىعىس ۇلكەن زالىنان كوكتەم شۋاعىنداي جىلى لەپ ەستى، ”ءبىر بەلدەۋ، ءبىر جول“ قۇرىلىسىن ىلگەرىلەتۋ قىزمەتى باسشىلىق گرۋپپاسىنا مۇشە ورىنداردان، ورتالىق پەن مەملەكەت ورگاندارىنىڭ قاتىستى تاراۋلارىنان كەلگەن نەگىزگى جاۋاپتى جولداستار، قاتىستى كاسىپورىنداردىڭ جاۋاپتىلارى جانە سالالىق ساۋدا قوعامدارىنىڭ، مامان - وقىمىستىلاردىڭ ۋاكىلدەرى، ت . ب ءبىر ارادا باس قوستى، ءارقايسى ولكە، رايون، قالالار مەن شينجياڭ ءوندىرىس - قۇرىلىس بيڭتۋانىنداعى نەگىزگى جاۋاپتى جولداستار، ت . ب بەينە ەكران ءماجىلىسى جۇيەسى ارقىلى ءارقايسى بولىمشە ءماجىلىس ورىندارىندا اڭگىمە ماجىلىسكە قاتىناستى، ءسويتىپ، وسى رەتكى ءماجىلىستىڭ قامتۋ اۋماعى الدىڭعى 2 رەتكىدەن اناعۇرلىم كەڭ، كولەمى اناعۇرلىم زور بولدى.

  ساعات ءدال 10دا، قىزۋ شاپالاق ءۇنى ىشىندە، باس شۋجي شي جينپيڭ قاتارلىلار ءماجىلىس زالىنا كىردى.

  مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ، سىرتقى ىستەر مينيسترلىگىنىڭ مينيسترى ۋاڭ ي، شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو، جياڭسۋ ولكەلىك پارتكومنىڭ شۋجيى ۋ جىڭلۇڭ، جۇڭگو شالعاي مۇحيت تەڭىز تاسىمالى توبى شەكتى سەرىكتەستىگىنىڭ القا باستىعى ۋان مين، جىڭتاي توبى جارنا شەكتى سەرىكتەستىگىنىڭ القا باستىعى نان سۇنحۇي، جۇڭگو حالىقارالىق ەكونوميكالىق اۋىس - كۇيىس ورتالىعىنىڭ باس ەكونوميسى چىن ۋىنليڭ نەگىزگى ءماجىلىس ورنىندا نەمەسە بەينە ەكران ءماجىلىسى جۇيەسى ارقىلى ىركەس - تىركەس سوزگە شىعىپ، ءىس جۇزىندىك جاعدايمەن بىرلەستىرە وتىرىپ قىزمەت جاعدايىن تانىستىرىپ، پىكىر جانە ۇسىنىس العا قويدى.

  تابىستاردى باياندادى −

  ۋان مين مىنالاردى ءبىلدىردى: ”ءبىر بەلدەۋ، ءبىر جولدى“ بىرگە قۇرۋ جۇڭگو كاسىپورىندارىنىڭ جاھاندانىپ دامۋىنا ايقىن جاڭا بەتالىس كورسەتىپ، جەلى بويىنداعى ەلدەرمەن اۋىس - كۇيىس جاساۋدىڭ، ۇلاسۋدىڭ دوستىق كوپىرىن سالدى، ول جۇڭگو كاسىپورىندارىن حالىقارالانۋ جولىندا نىق قاداممەن الىسقا جەتۋگە ۇزدىكسىز جەتەكتەي بەرەدى.

  اسەرلەرىن اڭگىمەلەدى −

  نان سۇنحۇي بىلاي دەپ قارادى: ”ءبىر بەلدەۋ، ءبىر جولدى“ بىرگە قۇرۋدا، ءسوز جوق، ”جاسىل بولۋدان“ كوز جازباي، ەكولوگياعا پايدالى تيپتەگى دامۋ ۇلگىسىن قاراستىرۋ؛ ”سيفرلاندىرۋ مەن زەردەلىلەندىرۋدەن“ كوز جازباي، حالىقارالىق كاسىپ سالاسىن سەلبەسە دامىتۋ ۇلگىسىن قاراستىرۋ؛ ”تەڭ يگىلىكتەنۋدەن“ كوز جازباي، قىزمەتكەرلەردىڭ الەۋمەتتىك اۋماق كاسىپورىندارمەن بىرگە ءوسىپ - جەتىلۋىنە مۇمكىندىك جاساۋ كەرەك.

  وي - ماقساتتارىن ورتاعا سالدى −

  ”’ءبىر بەلدەۋ، ءبىر جولدى‘ بىرگە قۇرۋ سىندى ’نازىك جوبانى‘ ويداعىداي كەسكىندەۋگە جياڭسۋدىڭ ەرەكشەلىگىمەن ءار بەرەمىز“. ۋ جىڭلۇڭ بىلاي دەدى: بۇدان كەيىن جاسىل، تومەن كومىر قىشقىل گازدى بولۋعا، بىرگە قۇرۋعا، بىرگە يگىلىكتەنۋگە، جۇرت تىلەگىن توعىستىرۋعا، حاۋىپ - قاتەرلەردىڭ الدىن الۋعا اناعۇرلىم ءمان بەرۋ كەرەك.

  ۇسىنىس العا قويدى −

  چىن ۋىنليڭ مىناداي ۇسىنىس قويدى: حالىقارالىق ۇيىمداردىڭ رولىن بەلسەنە ساۋلەلەندىرىپ، نازاردى ۇلگى كورسەتۋ قالىپتارىن ءتۇيىندى تۇردە قالىپتاستىرۋعا شوعىرلاندىرىپ، ءار جاقتىڭ سايكەسىمدى جانە بىركەلكى بولۋىنا ءمان بەرىپ، ءۇشىنشى جاق بازارىمەن سەلبەسۋ ءتاسىلىن كوبىرەك قولدانىپ، ”ءبىر بەلدەۋ، ءبىر جولدى“ بىرگە قۇرۋ نازاريالىق جۇلگەسىن نەمەسە جۇيەسىن ورناتۋ كەرەك.

  ...

     ”بىرنەشە جولداستىڭ ءسوزىن تىڭداپ، تەرەڭ وي ءتۇيدىم“. كوپشىلىكتىڭ ءسوزىن مۇقيات تىڭداعاننان كەيىن، باس شۋجي شي جينپيڭ ماڭىزدى ءسوز سويلەدى.

  باس شۋجي شي جينپيڭ الدىمەن ”ءبىر بەلدەۋ، ءبىر جولدى“ بىرگە قۇرۋدىڭ 8 جىلدان بەرى باسىپ وتكەن بارىستارىن ەسكە الدى:

  2013 - جىلى ”ءبىر بەلدەۋ، ءبىر جولدى“ بىرگە قۇرۋ باستاماسى مەن ”بەستى ۇلاستىرۋ“ ويىن العا قويعاننان قاتىستى جوسپاردى ماقۇلداپ، ”بىرگە اقىلداسۋ، بىرگە قۇرۋ، بىرگە يگىلىكتەنۋ“ پرينيسبىن ايقىنداۋعا دەيىن؛ 2 رەت قاتىستى اڭگىمە ءماجىلىس اشۋدان 2 رەت ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن وتكىزگەنگە دەيىن...

  جاكارتا - باندۇڭ جوعارى جىلدامدىقتى تەمىر جولى، جۇڭگو - لاوس تەمىر جولى، ۆەنگەريا - سەربيا تەمىر جولى، مومباسسا - نايروبي تەمىر جولى، گۆادار پورتى، حامبانتوتا پورتى سياقتى ءبىر توپ نەگىزدىك قۇرىلعى نىساندارىنىڭ تىڭعىلىقتى ىلگەرىلەۋىنەن ەلىمىزدىڭ باستاماسىمەن قۇرىلعان ازيا نەگىزدىك قۇرىلعىلارعا قارجى قوسۋ بانكەسى، جىبەك جولى قورى سياقتى فينانس قۇرىلىمدارىنىڭ نەگىزدىك قۇرىلعى قۇرىلىسى ءۇشىن قارجى ارنالارىن كەڭەيتۋىنە دەيىن...

  8 جىلدان بەرى ”ءبىر بەلدەۋ، ءبىر جولدى“ بىرگە قۇرۋ ەلىمىزدىڭ سىرتقا جان - جاقتى ەسىك اشۋىنىڭ اۋقىمدى جۇلگەسىن سومدادى؛ كەڭ كولەمدە دوستار شەڭبەرىن قالىپتاستىردى، ەلىمىز 140تان استام مەملەكەتپەن، 32 حالىقارالىق ۇيىممەن سەلبەستىك حۇجاتتارىنا قول قويدى؛ بىرگە دامۋدى جەبەۋدىڭ جاڭا جولدارىن قاراستىرىپ، دۇنيە جۇزىندەگى باسىم كوپ ساندى ەلدەردىڭ دامۋعا تالپىنعان ورتاق تىلەگىنە ۇيلەستى.

  باس شۋجي شي جينپيڭ بىلاي دەپ باسا دارىپتەدى: جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، اناعۇرلىم جوعارى سەلبەستىك دەڭگەيىن، اناعۇرلىم جوعارى ۇسىنىلىم ونىمدىلىگىن، اناعۇرلىم جوعارى قامداۋ ساپاسىن، اناعۇرلىم جوعارى دامۋ سەرپىمدىلىگىن جۇزەگە اسىرۋعا قۇلشىنۋ كەرەك.

  كەزەكتە ءدوپ كەلگەن جاڭا جاعدايعا تەرەڭ تالداۋ جاساعاننان كەيىن، باس شۋجي شي جينپيڭ ”ءبىر بەلدەۋ، ءبىر جولدى“ بىرگە قۇرۋدى مىزعىماس تاباندىلىقپەن ىلگەرىلەتۋدە ”بەستى ءبىر تۇتاس جوسپارلاۋدى“ ويداعىداي تياناقتاندىرۋ كەرەكتىگىن العا قويدى: دامۋ مەن حاۋىپسىزدىكتى ءبىر تۇتاس جوسپارلاۋ، ەل ءىشى مەن حالىقارانى ءبىر تۇتاس جوسپارلاۋ، سەلبەستىك پەن كۇرەستى ءبىر تۇتاس جوسپارلاۋ، ساقتالعان شاما مەن ارتقان شامانى ءبىر تۇتاس جوسپارلاۋ، تۇتاس تۇلعا مەن ماڭىزدى ءتۇيىندى ءبىر تۇتاس جوسپارلاۋ.

  ”ورنىقتىلىق بارىسىندا ىلگەرىلەۋگە تاباندى بولۋدى“ ارقاۋ ەتىپ، باس شۋجي شي جينپيڭ تاعى ءسوزسىز، ويداعىداي يگەرۋگە ءتيىستى 7 ءتۇيىندى قىزمەتتى ورتاعا قويدى:

  − سەلبەستىكتىڭ نەگىزگى تاعانىن نىعايتىپ، دامۋ نەگىزىن بەكەمدەۋ. ول بىلاي دەپ باسا دارىپتەدى: ءبىز مەملەكەتتەردىڭ ۇشتەن ەكىسىمەن جانە حالىقارالىق ۇيىمداردىڭ ۇشتەن بىرىمەن ورتاق تانىمعا كەلىپ وتىرمىز، وسى نەگىزگى تاعاندى نىعايتۋىمىز كەرەك.

  − سەلبەستىكتىڭ جاڭا سالالارىن ورنىقتى قاداممەن كەڭەيتىپ، بىرگە دامۋدىڭ تىڭ ءورىسىن اشۋ. ول بىلاي دەپ باسا دارىپتەدى: ىندەتكە قارسى اتتانۋدىڭ حالىقارالىق سەلبەستىگىن كۇشەيتىپ، بىرگە قۇرۋشى مەملەكەتتەرگە قولدان كەلگەنشە ۇزدىكسىز كومەك كورسەتۋ كەرەك.

  − ستراتەگيالىق تىرەك قابىلەتىن كۇشەيتىپ، جاڭا دامۋ ارناسىن قالىپتاستىرۋعا اناعۇرلىم ويداعىداي قىزمەت ەتۋ. ول بىلاي دەپ باسا دارىپتەدى: جاڭا دامۋ ارناسىن قالىپتاستىرۋ مەن ”ءبىر بەلدەۋ، ءبىر جولدى“ بىرگە قۇرۋدى ءبىر تۇتاس ويلاستىرىپ جانە جوسپارلاپ، نازاردى جاڭا كۇش سالۋ تۇيىندەرىنە شوعىرلاندىرىپ، جاڭا ۇشتاسۋ تۇيىندەرىن قالىپتاستىرۋ كەرەك.

  − نىشاندىق ينجەنەريالاردى ساپالى تۇلعالاپ، ۇلگى كورسەتۋ، جەتەكتەۋ رولىن جوعارىلاتۋ. ول بىلاي دەپ باسا دارىپتەدى: ”شاعىن دا تاماشا“ نىسانداردى سىرتپەن سەلبەستىكتىڭ الدىمەن ويلاستىرىلاتىن نىساندارى ەتۋ كەرەك.

  − حاۋىپ - قاتەردەن ساقتانۋدى جانە ونى تىزگىندەۋدى جاپپاي كۇشەيتىپ، حاۋىپسىزدىكتى قامتاماسىز ەتۋ دەڭگەيىن جوعارىلاتۋ. ول بىلاي دەپ باسا دارىپتەدى: حاۋىپ - قاتەردەن ساقتانۋ جانە ونى تىزگىندەۋ ءتۇزىمىن تياناقتاندىرىپ، كاسىپورىنداردىڭ تۇلعالىق جاۋاپكەرشىلىگى مەن باسقارۋشى تاراۋلاردىڭ باسقارۋ جاۋاپكەرشىلىگىن قاتايتىپ، ناقتىلاندىرىپ، حاۋىپتى جەرلەرگە بارماۋدى، بىلىققان جەرلەرگە بارماۋدى ىسكە اسىرۋ كەرەك.

  − حالىقارالىق تاراتۋدى كۇشەيتىپ جانە جاقسارتىپ، تاماشا قوعامدىق پىكىر رايىن قالىپتاستىرۋ. ول بىلاي دەپ باسا دارىپتەدى: ”ءبىر بەلدەۋ، ءبىر جولدى“ بىرگە قۇرۋ ۇستانىمى، پرينسيبى، ءتاسىلى سياقتىلاردى ىشكەرىلەي ءتۇسىندىرىپ، ”ءبىر بەلدەۋ، ءبىر جولدى“ بىرگە قۇرۋ حيكايالارىن بىرگە ويداعىداي بايانداۋ كەرەك.

  − ءبىر تۇتاس جوسپارلاۋدى، سايكەستىرۋدى كۇشەيتىپ، قىزمەتتەگى بىرىككەن كۇشتى نىعايتۋ. ول بىلاي دەپ باسا دارىپتەدى: پارتيانىڭ ورتالىقتانعان ءبىر تۇتاس باسشىلىعىنا تاباندى بولۋ كەرەك؛ جونگە سالۋ سەرپىنىن ارتتىرىپ، مەملەكەت اتتاعان، شەكارا اتتاعان شىرىكتەسۋ حاۋىپ - قاتەرىنەن ساقتانىپ، تارتىپكە، زاڭعا قايشى ماسەلەلەر بايقالعان زامان قاتاڭ ءبىر جاقتى ەتۋ كەرەك.

  بۇل جاڭا داۋىردە ”ءبىر بەلدەۋ، ءبىر جولدى“ بىرگە قۇرۋ قىزمەتىن ىلگەرىلەتۋدىڭ ءتۇبىرلى بويسۇنۋ ولشەمى، بۇل ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدەگى جاڭا اتتانىس.

  5 جىلدىڭ الدىندا 1 - رەتكى اڭگىمە ماجىلىستە، باس شۋجي شي جينپيڭ ”ءبىر بەلدەۋ، ءبىر جول“ قۇرىلىسىنىڭ جەلى بويىنداعى ءار ەل حالقىن باقىتقا كەنەلتۋىنە مۇمكىندىك جاساۋ كەرەكتىگىن ورتاعا قويدى.

  3 جىلدىڭ الدىندا 2 - رەتكى اڭگىمە ماجىلىستە، باس شۋجي شي جينپيڭ ”ءبىر بەلدەۋ، ءبىر جولدى“ بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتىپ، حالىقتى باقىتقا كەنەلتۋدى باسا دارىپتەدى.

  وسى رەتكى اڭگىمە ماجىلىستە، باس شۋجي شي جينپيڭ جاعدايدى باعامداپ، باعدار بەلگىلەدى: ”ءبىر بەلدەۋ، ءبىر جول“ قۇرىلىسىندا جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتۋ كەرەك.

  3 رەتكى اڭگىمە ماجىلىستە، ”حالىقتى باقىتقا كەنەلتۋ، حالىق تۇرمىسىنا تيىمدىلىك جاساۋ“ ”ءبىر بەلدەۋ، ءبىر جول“ قۇرىلىسىنىڭ ۇلى جوباسىنا 3 رەت جازىلدى. بۇل − بەيبىتشىلىك جولى، گۇلدەنۋ جولى، ەسىك اشۋ جولى، جاسىل جول، جاڭالىق اشۋ جولى، وركەنيەت جولى.