«سوڭعى جىلداردان بەرى، مەملەكەت ءتۇرلى ساياساتتاردى ارت – ارتىنان شىعارىپ، ەمدەۋ مەن كۇتىمدەلۋ توعىسقان جاڭا زەينەتكەرلىك فورماسىنا شابىت بەردى. بۇل ساياساتتار ءمالىم جەتىستىكتەرگە قول جەتكىزدى، الايدا ەمدەۋ – كۇتىمدەلۋدىڭ توعىسۋىندا كەدەرگىلەر ءالى دە كوپ، سالاماتتىق، جان سانىنىڭ قارتتاسۋ جاريانى ۇزاق بولۋدا» دەدى ۋحان ۋنيۆەرسيتەتى الەمدىك سالاماتتىقتى زەرتتەۋ ورتالىعىنىڭ مەڭگەرۋشىسى، ۋاكىل ماۋ زۇڭفۋ.
ۋاكىل ماۋ زۇڭفۋ بىلاي دەدى: سالاماتتىقتى باسقارۋ تانىمىن زەينەتكەرلىك ىستەرىنە ەنگىزۋ كەرەك. ءبىر جاعىنان، وتباسى، الەۋمەتتىك اۋماق جانە ءوزارا كومەكتەسەتىن كۇتىمدەۋ جۇمىستارىندا، سەميالىق شيپاگەرمەن كەلىسۋ قىزمەت وتەۋىن كەڭىنەن جالپىلاستىرىپ، شيپاگەردى قارتتار اقاۋسىزدىعىنىڭ «قورعاۋشىسىنا» اينالدىرىپ، قارتتاردى كۇندەلىكتى كۇتىمدەۋ، سالاماتتىعىن جەبەۋ، دەنساۋلىعىن اسىرۋ سىندى قىزمەت وتەۋلەرمەن ءۇرتىس قامداپ وتىرۋ كەرەك؛ تاعى ءبىر جاعىنان، نەگىزگى ساتىنىڭ ەمدەۋ رەفورماسىن، ەمدەۋ ساپاسىن جاقسارتۋ وزەك ەتىلگەن ەمدەۋ – ساقتانۋدى توعىستىرۋدى ىلگەرىلەتىپ، شيپاگەرلەردىڭ سالاماتتىقتى باسقارۋ قىزمەت وتەۋ بەلسەندىلىگىن ارتتىرۋ كەرەك.
