شي جينپيڭ قارتتار قىزمەتىنە ماڭىزدى نۇسقاۋ بەرىپ بىلاي دەپ باسا دارىپتەدى
حالىقتىڭ قارتتانۋىنا بەلسەنە توتەپ بەرۋدەگى مەملەكەتتىك ستراتەگيانى دايەكتىلەندىرىپ، تياناقتاندىرىپ، قارتتاردىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە، ءومىرىنىڭ سوڭىن الاڭسىز، باقىتتى وتكىزۋىنە مۇمكىندىك جاساۋ كەرەك
چۇڭياڭ مەرەكەسى قارساڭىندا بۇكىل ەلدەگى قارتتارعا مەرەكەلىك تىلەك تىلەدى
شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى. جۇڭگونىڭ ءداستۇرلى مەرەكەسى چۇڭياڭ مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قارتتار قىزمەتى جونىندە ماڭىزدى نۇسقاۋ بەرىپ، پارتيا ورتالىق كوميتەتى اتىنان بۇكىل ەلدەگى قارتتاردىڭ دەنساۋلىقتارىنىڭ مىقتى، عۇمىرلارىنىڭ ۇزاق، تۇرمىستارىنىڭ باقىتتى بولۋىن تىلەدى.
شي جينپيڭ بىلاي دەپ اتاپ كورسەتتى: ءار دارەجەلى پارتكوم مەن ۇكىمەت قارتتار قىزمەتىنە ايرىقشا ءمان بەرىپ، شىنايى ويداعىداي ىستەپ، حالىقتىڭ قارتتانۋىنا بەلسەنە توتەپ بەرۋدەگى مەملەكەتتىك ستراتەگيانى دايەكتىلەندىرىپ، تياناقتاندىرىپ، بەلسەندى قارتتانۋ كوزقاراسىن، اقاۋسىز قارتتانۋ ۇستانىمىن ەكونوميكالىق، قوعامدىق دامۋدىڭ تۇتاس بارىسىمەن توعىستىرىپ، تۇزىمدە جاڭالىق اشۋ، ساياسات بەرۋ، قازىنالىق ۇسىنىلىم تەبىنىن كۇشەيتىپ، قارتتار قىزمەتى جۇيەسىن اقاۋسىزداندىرىپ، كەمەلدەندىرىپ، نەگىزگى ساتىعا كۇش سەپتەۋدى كۇشەيتىپ، قوعامدىق قامتاماسىز ەتۋ جۇيەسىن، قارتتاردى كۇتىمدەۋگە قىزمەت وتەۋ جۇيەسىن، سالاماتتىق تىرەگى جۇيەسىن جەدەل اقاۋسىزداندىرۋ كەرەك.
شي جينپيڭ بىلاي دەپ باسا دارىپتەدى: اتا - اناعا وپالى بولۋ، قارتتاردى قۇرمەتتەۋ ءداستۇرلى تاماشا ءمورالىن زور كۇشپەن اسقاقتاتىپ، قارتتارعا قامقورلىق جاساۋ ساياساتىن ويداعىداي تياناقتاندىرىپ، قارتتاردىڭ زاڭدى ۇقىق - مۇددەسىن ويداعىداي قورعاپ، قارتتاردىڭ بەلسەندى رولىن ويداعىداي ساۋلەلەندىرىپ، قارتتاردىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە، ءومىرىنىڭ سوڭىن الاڭسىز، باقىتتى وتكىزۋىنە مۇمكىندىك جاساۋ كەرەك.
