جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس
مەملەكەتتىڭ ولشەمدەندىرىلگەن دامۋ باعدارلاماسىن باسىپ تاراتتى
شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «مەملەكەتتىڭ ولشەمدەندىرىلگەن دامۋ باعدارلاماسىن» باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«باعدارلامادا» مىنالار اتاپ كورسەتىلدى: ولشەم − ەكونوميكالىق قيمىل مەن قوعامدىق دامۋدىڭ تەحنيكالىق تىرەگى، مەملەكەتتىڭ نەگىزدىك ءتۇزىمىنىڭ ماڭىزدى جاعى. ولشەمدەندىرۋ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە نەگىزدىك، جەتەكشىلىك رول اتقارادى. جاڭا داۋىردە جوعارى ساپالى دامۋدى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋ ولشەمدەندىرۋ قىزمەتىن اناعۇرلىم كۇشەيتۋدى شۇعىل قاجەت ەتەدى.
«باعدارلامادا» مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جوعارى ساپالى دامۋدى ىلگەرىلەتۋدىڭ ولشەم جۇيەسىن جەدەل ورناتىپ، 2025 - جىلعا بارعاندا، ولشەممەن قامداۋدىڭ ۇكىمەت جەتەكشى ەتۋدەن ۇكىمەت پەن بازارعا تەڭ ءمان بەرۋگە بۇرىلىس جاساۋىن، ولشەمدەردىڭ قولدانىلۋىنىڭ كاسىپ سالاسى مەن ساۋدانى نەگىز ەتۋدەن ەكونوميكانىڭ، قوعامنىڭ جالپى سالاسىنا بۇرىلىس جاساۋىن، ولشەمدەندىرۋ قىزمەتىنىڭ ەل ءىشىن جەتەك ەتۋدەن ەل ءىشى مەن حالىقارا ءوزارا جەبەۋگە بۇرىلىس جاساۋىن، ولشەمدەندىرىلگەن دامۋدىڭ ساندى كولەم تيبىنەن ساپالىق ونىمدىلىك تيبىنە بۇرىلىس جاساۋىن جۇزەگە اسىرۋ كەرەك. ولشەمدەندىرۋ مەملەكەتتىڭ جالپىلىق باسەكە قۋاتىنىڭ جوعارىلاۋىن اناعۇرلىم ءونىمدى ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن جەبەپ، جاڭا دامۋ ارناسىن قالىپتاستىرۋدا اناعۇرلىم ۇلكەن رول اتقارادى. 2035 - جىلعا بارعاندا، قۇرىلىمى ساپالى، وزىق تا ۇيلەسىمدى، حالىقارانى ءوز ىشىنە الاتىن ولشەمدەر جۇيەسىن اناعۇرلىم اقاۋسىزداندىرىپ، جۇڭگوشا ەرەكشەلىككە يە ولشەمدەندىرۋدى باسقارۋ ءتۇزىلىسىن اناعۇرلىم كەمەلدەندىرىپ، بازار تۇرتكى بولاتىن، ۇكىمەت جەتەكشىلىك جاسايتىن، كاسىپورىنداردى نەگىز ەتەتىن، قوعام ات سالىساتىن، اشىق، توعىسقان ولشەمدەندىرۋ قىزمەتى ارناسىن جاپپاي قالىپتاستىرۋ كەرەك.
«باعدارلامادا» تاعى ولشەمدەندىرۋ مەن عىلىم - تەحنيكادا جاڭالىق اشۋدىڭ ءوزارا ىقپالداسا دامۋىن ىلگەرىلەتۋ، كاسىپ سالاسىنىڭ ولشەمدەندىرىلۋ دەڭگەيىن جوعارىلاتۋ، جاسىل دامۋدىڭ ولشەمدەندىرۋ قامتاماسىزدىعىن كەمەلدەندىرۋ، قالا، اۋىل قۇرىلىسى مەن قوعامدىق قۇرىلىستىڭ ولشەمدەندىرىلۋ ءۇردىسىن جەدەلدەتۋ، ولشەمدەندىرۋدىڭ سىرتقا ەسىك اشۋ دەڭگەيىن جوعارىلاتۋ، ولشەمدەندىرۋدى رەفورمالاۋدى جانە وندا جاڭالىق اشۋدى ىلگەرىلەتۋ، ولشەمدەندىرىلگەن دامۋ نەگىزىن بەكەمدەۋ سياقتىلار جونىندە ايقىن ورنالاستىرۋ جاسالدى.
