شينحۋا اگەنتتىگى، 6 - ايدىڭ 9 - كۇنى، بەيجيڭ (ءتىلشى ان بەي). ءتىلشىنىڭ 6 - ايدىڭ 9 - كۇنى ۇعىسۋىنشا، مەملەكەتتىك دامۋ جانە رەفورما كوميتەتى تاياۋدا مەملەكەتتىك بەينە ەكران ءماجىلىسىن اشىپ، حالىق تۇرمىسىنا قاتىستى ماڭىزدى تاۋارلاردىڭ باعاسىن رەتتەۋ مەڭگەرۋ مەحانيزمىن جەدەل كەمەلدەندىرىپ، قامداۋعا كەپىلدىك ەتۋ، باعانى ورنىقتىرۋ قۋاتىن ۇزدىكسىز جوعارىلاتىپ، حالىق تۇرمىسىنا قاتىستى تاۋارلارمەن قامداۋدىڭ جانە باعا تولقۋىنىڭ بۇقارانىڭ تۇرمىسىنا جاسايتىن ىقپالىن ءونىمدى شەشۋدى تالاپ ەتكەن.
تانىستىرۋعا قاراعاندا، «ماڭىزدى حالىق تۇرمىسى تاۋارلارىنىڭ باعاسىن رەتتەۋ مەڭگەرۋ مەحانيزمىن كەمەلدەندىرۋ جونىندەگى پىكىر» ورتالىقتىڭ رەفورمانى جاپپاي تەرەڭدەتۋ كوميتەتىنىڭ 18 - رەتكى ماجىلىسىندە قاراپ ماقۇلدانعان، تاياۋدا مەملەكەتتىك دامۋ رەفورما كوميتەتى، قازىنا مينيسترلىگى، اۋىل شارۋاشىلىعى، اۋىل قىستاق مينيسترلىگى، ساۋدا مينيسترلىگى، مەملەكەتتىك بازار باقىلاۋ باسقارۋ باس مەكەمەسى، مەملەكەتتىك استىق جانە زات زاپاسى مەكەمەسى سىندى 6 تاراۋ اتقارۋعا بىرلەسىپ باسىپ تاراتقان.
تاياۋ جىلداردان بەرى ماڭىزدى حالىق تۇرمىسى تاۋارلارىنىڭ باعاسىن تىزگىندەۋ مەحانيزمى ۇزدىكسىز كەمەلدەنىپ، قامداۋعا كەپىلدىك ەتىپ، باعانى ورنىقتىرۋ قىزمەتىندە كورنەكتى ونىمدىلىككە قول جەتتى. الايدا، ماڭىزدى حالىق تۇرمىسى تاۋارلارىنىڭ ءوندىرۋ، قامداۋ، ساقتاۋ، مانەرلەۋ، ساتۋ تىزبەگى ۇزاق، بۋىندارى كوپ، شارپيتىن كولەمى كەڭ، «شاعىن ءوندىرىس، ءىرى بازار» ەرەكشەلىگى كورنەكتى، جاراتىلىستىق اپات، بازار حاۋىپ قاتەرى، توسىن ۋاقيعالار الدىندا باعا وڭاي ورلەپ، قۇلدىرايدى.
ءماجىلىسى مىنانى دارىپتەدى: حالىق تۇرمىسىنا قاتىستى ماڭىزدى تاۋارلاردىڭ باعاسىن تىزگىندەۋ مەحانيزمىن كەمەلدەندىرۋدە حالىقتى وزەك ەتكەن دامۋ يدەياسىندا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، نازاردى نەگىزگى حالىق تۇرمىسىنا قاتىستى ماڭىزدى تاۋارلارعا شوعىرلاندىرىپ، ءوندىرىس، اينالىم، تۇتىنۋ سياقتى كوپتەگەن بۋىندى ىركىلىسسىزدەندىرۋدى تىعىز ارقاۋ ەتىپ، ۇكىمەت، بازار، قوعام سياقتىلاردىڭ رولىن ساۋلەلەندىرىپ، ەكونوميكا، زاڭ، اكىمشىلىك سياقتى كوپ ءتۇرلى تاسىلدەن پايدالانىپ، باعانى رەتتەۋ مەڭگەرۋ قابىلەتى مەن دەڭگەيىن جوعارىلاتىپ، ماڭىزدى حالىق تۇرمىسىنا قاجەتتى تاۋارلارمەن ءونىمدى قامداۋدى جانە باعانىڭ جالپى تۇلعالىق ورنىقتىلىعىن پارمەندى قامتاماسىزداندىرۋ كەرەك.
ءماجىلىس مىنالاردى تالاپ ەتتى: جەر جەر، تاراۋلار ءونىمدى بازار مەن تىندىرىمدى ۇكىمەتتى ۇشتاستىرۋدا تاباندى بولىپ، باعانىڭ قالىپسىز تولقۋىنا ءتۇيىندى تۇردە توتەپ بەرىپ، تۋ باستان جونگە سالۋدى كۇشەيتىپ، جاۋاپكەرلىك ءتۇزىمىن قاتاڭ تياناقتاندىرىپ، باعانى باقىلاۋ ولشەۋ، مەجەلەۋ، ساقتاندىرۋ جۇيەسى، باعانى ورنىقتىرۋدىڭ باياندى مەحانيزمى، باعانىڭ قالىپسىز تولقۋىنان ساقتانۋ، تىزگىندەۋ مەحانيزمى، توسىن شۇعىل جاعدايعا توتەپ بەرۋ، تىزگىندەۋ مەحانيزمى، زات باعاسىنىڭ جوعارىلاۋىنا توتەپ بەرۋ سىندى حالىق تۇرمىسىن قامتاماسىز ەتۋ مەحانيزمى، بازار باعاسىن باقىلاۋ باسقارۋ مەحانيزمى سياقتى ءتۇزىم جۇيەلەرىن ورناتىپ جانە كەمەلدەندىرىپ، حالىق تۇرمىسىنا قاتىستى ماڭىزدى تاۋار باعاسىن تىزگىندەۋدىڭ «ارقالىعى مەن تىرەگىن» قالىپتاستىرۋ كەرەك. ءوندىرىس جاۋاپكەرلىگىن ناقتىلاندىرىپ، ءوندىرۋ مەن ساتۋدى ۇشتاستىرۋدى مىقتى يگەرىپ، زاپاس رەتتەۋدى كۇشەيتىپ، شۇعىل جاعدايعا توتەپ بەرۋ جوباسىن جاساپ، حالىق تۇرمىسىنىڭ ەڭ تومەنگى شەگىن ساقتاۋ قىزمەتىن ويداعىداي ىستەپ، بازاردى باقىلاۋ باسقارۋدى كۇشەيتىپ، مەجەگە ۇيلەسىمدى جەتەكشىلىك ەتىپ، ءوندىرۋ، قامداۋ، ساقتاۋ، مانەرلەۋ، ساتۋ بۋىندارىنىڭ جالپىلىق رەتتەۋ قۋاتىن كۇش سالا جوعارىلاتىپ، قامداۋدىڭ ورنىقتىلىعى ارقىلى باعانىڭ ورنىقتىلىعىن قامتاماسىز ەتىپ، باعانىڭ ورنىقتىلىعى ارقىلى قامداۋدىڭ ورنىقتىلىعىن جەبەپ، باعانىڭ قاۋىرت كوتەرىلۋىنىڭ، قاۋىرت تومەندەۋىنىڭ نەگىزگى حالىق تۇرمىسىنا ىقپال جاساۋىنان ساقتانۋ كەرەك. جەر جەر، تاراۋلار ۇيىمدىق باسشىلىقتى كۇشەيتىپ، جان جاقتى ورنالاستىرۋ جاساپ، قولداۋ قامتاماسىز ەتۋدى كۇشەيتىپ، قۋزاۋ تياناقتاندىرۋدى مىقتى يگەرىپ، ۇيىمداستىرۋ، اتقارۋ قىزمەتىن مۇقيات جاقسى ىستەپ، ساياساتتىڭ تياناقتانىپ، ناتيجە بەرۋىنە كەپىلدىك ەتۋى كەرەك.
ءماجىلىس تاعى قازىرگى جانە بۇدان بىلايعى ءبىر مەزگىلدەگى زات باعاسى اۋقىمىنا تالداۋ جاساپ، بيىلعى ماڭىزدى حالىق تۇرمىسى تاۋارلارىمەن قامداۋدى ورنىقتىرۋ قىزمەتىنە جاپپاي ورنالاستىرۋ جاسادى، وندا مىنالار تالاپ ەتىلدى: ماڭىزدى حالىق تۇرمىسى تاۋارلارىنىڭ باعاسىن تىزگىندەۋ مەحانيزمىن كەمەلدەندىرۋمەن ۇشتاستىرىپ، جۇگەرى، ءبيداي، ازىقتىق ماي، شوشقا ەتى، كوكونىس سياقتى ءتۇيىندى ءونىم تۇرلەرىنە نازار اۋدارىپ، ءوندىرۋ، قامداۋ، ساقتاۋ، مانەرلەۋ، ساتۋ بۋىندارىنىڭ ءونىمدى ۇشتاسۋىن جەبەۋ، سونىمەن بىرگە، كوپ قولدى تاۋارلار بازارىن رەتتەۋ مەڭگەرۋ قىزمەتىن بەلسەنە جاقسى ىستەپ، بازاردى باقىلاۋ باسقارۋدى كۇشەيتىپ، ماڭىزدى حالىق تۇرمىسى تاۋارلارىمەن قامداۋدىڭ جەتكىلىكتى، باعانىڭ نەگىزىنەن ورنىقتى بولۋىن بار كۇشپەن قامتاماسىز ەتۋ كەرەك.
