شينحۋا اگەنتتىگىنىڭ 6 - ايدىڭ 3 - كۇنى بەيجيڭنەن بەرگەن حابارى. 6 - ايدىڭ 3 - كۇنى مەملەكەت ءتوراعاسى شي جينپيڭ شاڭحاي سەلبەستىك ۇيىمىنىڭ حالىقتار دوستىعى تالقى مىنبەرىنە قۇتتىقتاۋ حات جولدادى.
شي جينپيڭ بىلاي دەپ باسا دارىپتەدى: مەن بىلتىر 11 - ايدا شاڭحاي سەلبەستىك ۇيىمىنىڭ حالىقتار دوستىعى تالقى مىنبەرىن وتكىزۋ باستاماسىن ورتاعا قويدىم، بۇل ءارقايسى مۇشە ەلدەردىڭ قىزۋ ءۇن قوسۋى مەن بەلسەندى قولداۋىنا يە بولدى. تالقى مىنبەرىنىڭ ءار جاقتىڭ تۇسىنىكتى ارتتىرۋىنىڭ، دوستىقتى تەرەڭدەتۋىنىڭ، سەلبەستىكتى كۇشەيتۋىنىڭ ماڭىزدى تۇعىرى بولاتىندىعىنا سەنەمىن.
شي جينپيڭ بىلاي دەپ اتاپ كورسەتتى: ءار جاقتىڭ ”شاڭحاي رۋحىن“ بەرىك ۇستانىپ، اۋەلگى ماقساتتان اينىماي، قيىن - قىستاۋدى بىرگە وتكەرىپ، ءوزارا قارايلاسىپ، سەلبەستىكتى تەرەڭدەتۋىن ءۇمىت ەتەمىن. حالىقتىق ديپلوماتيانىڭ ارتىقشىلىعىن ساۋلەلەندىرىپ، ءار ەل حالىقتارىنىڭ تىلەك توعىستىرۋ ارناسىن كەڭەيتىپ، شاڭحاي سەلبەستىك ۇيىمىنىڭ دامۋىنا بەلسەندى ۇلەس قوسۋ كەرەك.
شاڭحاي سەلبەستىك ۇيىمىنىڭ حالىقتار دوستىعى تالقى مىنبەرىن جۇڭگو حالىق شەتەلدەرمەن دوستىق قوعامى، حۋبەي ولكەلىك حالىق ۇكىمەتى، شاڭحاي سەلبەستىك ۇيىمىنىڭ تاتۋ كورشى دوستىق سەلبەستىك كوميتەتى بىرگە وتكىزدى، سول كۇنى حۋبەي ولكەسى ۋحان قالاسىندا اشىلدى، تاقىرىبى ”حالىقتار دوستىعىن جەبەپ، ’شاڭحاي رۋحىن‘ جالعاستىرايىق“.
