شينحۋا اگەنتتىگى، 6 - ايدىڭ 8 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 8 - كۇنى 2 - كەزەكتى جۇڭگو - ورتا، شىعىس ەۆروپا ەلدەرى كورمەسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: جۇڭگو - ورتا، شىعىس ەۆروپا ەلدەرىنىڭ سەلبەستىك مەحانيزمى − جۇڭگو مەن ورتا، شىعىس ەۆروپا ەلدەرىنىڭ دوستىقتى كۇشەيتۋدەگى، سەلبەستىكتى كەڭەيتۋدەگى، دامۋدى بىرگە جوسپارلاۋداعى ماڭىزدى تۇعىرى. بيىل 2 - ايدا جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋى ءساتتى وتكىزىلدى، مەن جاڭا جاعدايدا جۇڭگو - ورتا، شىعىس ەۆروپا ەلدەرى سەلبەستىگىندە ناقتى بەتالىستا تاباندى بولىپ، ءوزارا تيىمدىلىك جاساپ، ءوزارا پايدا جەتكىزەتىن سەلبەستىك جەتىستىكتەرىن كەڭەيتىپ، بۇدان بىلايعى 5 جىلدا شىعىس ەۆروپا ەلدەرىنەن 170 ميلليارد دوللاردان استام تاۋار يمپورت ەتۋدى جوسپارلاپ، الداعى 5 جىلدا ورتا، شىعىس ەۆروپا ەلدەرىنىڭ اۋىل شارۋاشىلىق ونىمدەرىن يمپورت ەتۋ سوماسىن ەسەلەپ ارتتىرۋعا كۇش سالىپ، نيڭبو سياقتى جەرلەردەگى جۇڭگو - ورتا، شىعىس ەۆروپا ەلدەرى ەكونوميكا - ساۋدا سەلبەستىگىنەن ۇلگى كورسەتۋ رايونى قۇرىلىسىن ۇزدىكسىز ىلگەرىلەتۋدى العا قويدىم. قاتىستى جاقتاردىڭ بىرگە قۇلشىنۋىندا باسشىلار باس قوسۋىنىڭ ءتۇرلى جەتىستىكتەرى تياناقتانۋدا.
شي جينپيڭ بىلاي دەپ دارىپتەدى: وسى كەزەكتى جۇڭگو - ورتا، شىعىس ەۆروپا ەلدەرى كورمەسىنىڭ وتكىزىلۋى جۇڭگو بازارىنىڭ ورتا، شىعىس ەۆروپا تاۋارلارىنا بولعان تۇسىنىگىن ارتتىرۋعا، ورتا، شىعىس ەۆروپا ەلدەرىنىڭ جۇڭگوعا ەكسپورتىن كەڭەيتۋگە، ءار جاقتىڭ جاڭا تيپتى ايدارشا ۆيرۋس وكپە قابىنۋىنان تۋىنداعان سايىستاردى جەڭىپ، ەكونوميكانىڭ قالپىنا كەلۋىن جەبەۋىنە ءتيىمدى. ءار جاقتىڭ وسىنى وراي ەتىپ، سەلبەستىك كومەسكى كۇشىن ۇزدىكسىز اشىپ، اناعۇرلىم كەڭ سەلبەستىك ءورىسىن قول ۇستاسا اشۋىن ءۇمىت ەتەمىن.
2 - كەزەكتى جۇڭگو - ورتا، شىعىس ەۆروپا ەلدەرى كورمەسى سول كۇنى جىجياڭ ولكەسىنىڭ نيڭبو قالاسىندا اشىلدى، نەگىزگى تاقىرىبى − «جاڭا جاعداي قالىپتاستىرىپ، جاڭا ورايدان بىرگە يگىلىكتەنۋ». كورمەنى ساۋدا مينيسترلىگى مەن جىجياڭ ولكەلىك حالىق ۇكىمەتى بىرگە وتكىزدى، جۇڭگودان جانە ورتا، شىعىس ەۆروپا ەلدەرىنەن كەلگەن سيلى قوناقتار مەن كاسىپورىندار كورمەگە قاتىناستى.
