1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

日期:2021年06月02日
来源:新疆日报
【字体:

 ”14 - بەسجىلدىق“ مەزگىلىندە حالىقتىڭ قارتتانۋىنا بەلسەنە توتەپ بەرۋدىڭ كەلەلى ساياسات - شارالارى جونىندەگى مالىمەتتى تىڭدادى

  «تۋىت ساياساتىن ساپالىلاندىرىپ، حالىق سانىنىڭ ۇزاق ۋاقىت بىركەلكى دامۋىن جەبەۋ جونىندەگى قاراردى» قارادى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 5 - ايدىڭ 31 - كۇنى ءماجىلىس اشىپ، ”14 - بەسجىلدىق“ مەزگىلىندە حالىقتىڭ قارتتانۋىنا بەلسەنە توتەپ بەرۋدىڭ كەلەلى ساياسات - شارالارى جونىندەگى مالىمەتتى تىڭداپ، «تۋىت ساياساتىن ساپالىلاندىرىپ، حالىق سانىنىڭ ۇزاق ۋاقىت بىركەلكى دامۋىن جەبەۋ جونىندەگى قاراردى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس مىنالاردى اتاپ كورسەتتى: حالىقتىڭ قارتتانۋىنا بەلسەنە توتەپ بەرۋ مەملەكەتتىڭ دامۋى مەن حالىق تۇرمىسىنىڭ ىرىس - قۇتىنا سايادى، بۇل ەكونوميكانىڭ جوعارى ساپالى دامۋىن جۇزەگە اسىرىپ، مەملەكەتتىڭ حاۋىپسىزدىگىن جانە قوعامنىڭ ورنىقتىلىعىن قورعاۋدىڭ ماڭىزدى شاراسى. پارتيا 18 - قۇرىلتايىنان بەرى جەر - جەر، تاراۋلار پارتيا ورتالىق كوميتەتىنىڭ حالىقتىڭ قارتتانۋىنا بەلسەنە توتەپ بەرۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، قوعامدىق قامتاماسىزداندىرۋ جۇيەسى مەن زەينەتكەرلىك قىزمەت وتەۋ جۇيەسىن جەدەل اقاۋسىزداندىرىپ، قىزمەتتەردە كورنەكتى ناتيجەگە قول جەتكىزدى.

ءماجىلىس مىنالاردى باسا دارىپتەدى: حالىقتىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن دايەكتىلەندىرىپ، تياناقتاندىرىپ، قاتىستى ساياسات جۇيەلەرى مەن ءتۇزىم جۇلگەلەرىن جەدەل ورناتۋ، اقاۋسىزداندىرۋ كەرەك. زاڭدا بەلگىلەنگەن زەينەتكە شىعۋ جاسىن بىرتىندەپ كەشەۋىلدەتۋدى ورنىقتى اتقارىپ، قىزمەتشىلەردىڭ نەگىزدىك زەينەتكەرلىك قامسىزداندىرۋىن بۇكىل ەلدە ءبىر تۇتاس جوسپارلاۋدى بەلسەنە ىلگەرىلەتىپ، زەينەتكەرلىكتى كوپ ساتىلى قامتاماسىزداندىرۋ جۇيەسىن كەمەلدەندىرىپ، ۇزاق ۋاقىت كۇتىمدەۋ قامسىزداندىرۋ ءتۇزىمى جۇلگەسىن ورناتۋ جونىندە ىزدەنىس جاساپ، ءۇي مەن الەۋمەتتىك اۋماق قۇرىلىمدارى ءبىر - بىرىنە سايكەسكەن، مەديتسينالىق كۇتىمدەۋ مەن سالاماتتىق كۇتىمدەۋ ءوزارا ۇشتاسقان زەينەتكەرلىك قىزمەت وتەۋ جۇيەسىن جانە سالاماتتىق تىرەگى جۇيەسىن جەدەل ورناتىپ، قارتتار كاسىپ سالاسىن دامىتىپ، ءار سالا، ءار كاسىپتىڭ قارتتارعا ۇيلەسۋ باعىتىنا قاراي تيبىن وزگەرتۋىن، دارەجەسىنىڭ جوعارىلاۋىن ىلگەرىلەتىپ، جۇڭحۋا ۇلتىنىڭ اتا - اناعا وپالى بولۋ، قارتتاردى قۇرمەتتەۋ ءداستۇرلى تاماشا ءمورالىن زور كۇشپەن اسقاقتاتىپ، قارتتاردىڭ زاڭدى ۇقىق - مۇددەسىن شىنايى قورعاۋ كەرەك. ءار دارەجەلى پارتكومدار مەن ۇكىمەتتەر قارتتار قىزمەتى جۇيەسىن اقاۋسىزداندىرىپ، كەمەلدەندىرىپ، قازىنالىق ۇسىنىلىم تەبىنىن ارتتىرىپ، قارتتار ءىسىنىڭ دامۋىنا قازىنالىق ۇسىنىلىم قوسۋ ساياساتىن جانە كوپ ارنامەن قارجى قۇراۋ مەحانيزمىن كەمەلدەندىرىپ، حالىقتىڭ قارتتانۋىنا بەلسەنە توتەپ بەرۋگە قاجەتتى قامتاماسىزدىق ازىرلەۋ كەرەك.

ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى ەلىمىز حالىق سانىنىڭ مولايۋ، وزگەرۋ جاعدايىنا ساي، بىرەۋى وتباسىنىڭ جالعىز پەرزەنتى بولعان اتا - انالاردىڭ 2 پەرزەنتتى بولۋى، جاپپاي 2 پەرزەنتتى بولۋ ساياساتىن اتقارۋ سياقتى كەلەلى شەشىمدەردى، ورنالاستىرۋلاردى ىركەس - تىركەس جاساپ، بەلسەندى ناتيجەگە قول جەتكىزدى. سونىمەن بىرگە ەلىمىزدە حالىق سانىنىڭ جالپى مولشەرى ايرىقشا مول بولىپ، سوڭعى جىلدارى حالىقتىڭ قارتتانۋ دەڭگەيى جوعارىلادى. تۋىت ساياساتىن ونان ارى ساپالىلاندىرۋ ءۇشىن، ءبىر جۇپ ەرلى - زايىپتىنىڭ 3 پەرزەنت كورۋىنە جول بەرۋ ساياساتىن جانە سايكەستى قولداۋ شارالارىن اتقارۋ ەلىمىزدىڭ حالىق سانى قۇرىلىمىن جاقسارتۋعا، حالىقتىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن تياناقتاندىرۋعا، ەلىمىزدىڭ ادام كۇشى بايلىعىنىڭ ساپالىق باسىمدىعىن ساقتاۋعا ءتيىمدى.

ءماجىلىس مىنالاردى باسا دارىپتەدى: ءار دارەجەلى پارتكومدار مەن ۇكىمەتتەر ءبىر تۇتاس جوسپارلاۋدى، جوبالاۋدى، ساياساتتىق سايكەستىرۋدى جانە قىزمەتتەردى تياناقتاندىرۋدى كۇشەيتىپ، 3 پەرزەنتتى بولۋ تۋىت ساياساتىن زاڭ بويىنشا ۇيىمداستىرىپ، اتقارىپ، تۋىت ساياساتى مەن قاتىستى ەكونوميكالىق، قوعامدىق ساياساتتاردىڭ سايكەستىرىلۋىن، ۇشتاستىرىلۋىن جەبەپ، كەلەلى ەكونوميكالىق، قوعامدىق ساياساتتاردىڭ حالىق سانىنا ىقپالىن باعالاۋ مەحانيزمىن اقاۋسىزداندىرۋ كەرەك. ۇيلەنۋدى، پەرزەنتتى بولۋدى، باعىپ - قاعۋدى تاربيەلەۋدى ءبىر تۇلعادا ويلاستىرىپ، ۇيلەنۋ جاسىنداعى جاستاردىڭ ۇيلەنۋ ماحاببات كوزقاراسى، وتباسى كوزقاراسى تاربيەسىن جۇرگىزۋدى، جەتەكشىلىك ەتۋدى كۇشەيتىپ، ۇيلەنۋدەگى سولەكەت سالت، ەرەپايسىز مول قالىڭمال سياقتى ۇنامسىز قوعامدىق سالتتاردى جونگە سالىپ، ساپالى پەرزەنت كورۋ، ساپالى تاربيەلەۋ بويىنشا قىزمەت وتەۋ دەڭگەيىن جوعارىلاتىپ، باعۋ - تاربيەلەۋگە اماناتتاۋ بويىنشا قىزمەت وتەۋدىڭ جالپىعا ءتيىمدى جۇيەسىن دامىتىپ، وقۋ - اعارتۋدىڭ ادىلدىگىن جانە ساپالى وقۋ - اعارتۋ بايلىعىمەن قامداۋدى ىلگەرىلەتىپ، وتباسى تاربيەسىنىڭ شىعىنىن تومەندەتۋ كەرەك. تۋىت دەمالىسى جانە تۋىت قامسىزداندىرۋى ءتۇزىمىن كەمەلدەندىرىپ، سالىق، تۇرعىن ءۇي سياقتى جاقتارداعى قولداۋ ساياساتتارىن كۇشەيتىپ، ايەلدەردىڭ جۇمىستانۋداعى زاڭدى ۇقىق - مۇددەسىن قامتاماسىز ەتۋ كەرەك. جاپپاي 2 پەرزەنتتى بولۋ ساياساتىنىڭ رەتتەلۋىنەن بۇرىنعى جالعىز پەرزەنتتى وتباسىلار مەن اۋىل - قىستاقتاعى جوسپارلى تۋىتتا 2 قىز پەرزەنتتى بولعان وتباسىلارىنا قازىر اتقارىلىپ وتىرعان سيلاۋ، سۇيەمەلدەۋ - كومەكتەسۋ ءتۇزىمىن جانە ءتيىمدى ساياساتتاردى ۇزدىكسىز اتقارۋ كەرەك. جوسپارلى تۋىتتاعى ەرەكشە وتباسىلارىن جان - جاقتى سۇيەمەلدەۋ - كومەكتەسۋ، قامتاماسىز ەتۋ ءتۇزىمىن ورناتىپ، اقاۋسىزداندىرىپ، ۇكىمەت جەتەكشى بولاتىن، قوعامدىق ۇيىمدار ات سالىساتىن سۇيەمەلدەۋ - كومەكتەسۋ، قامقورلىق جاساۋ قىزمەت مەحانيزمىن كەمەلدەندىرىپ، جوسپارلى تۋىتتى اتقارعان وتباسىلارىنىڭ زاڭدى ۇقىق - مۇددەسىن ويداعىداي قورعاۋ كەرەك. مەملەكەت حالىق سانىنىڭ ورتا، ۇزاق مەرزىمدىك دامۋ ستراتەگياسىن جانە وڭىرلىك حالىق سانى دامۋ جوسپارلارىن زەرتتەۋدى تەرەڭدەتىپ، حالىق سانىنىڭ ۇزاق ۋاقىت بىركەلكى دامۋىن جەبەۋ كەرەك.

ءماجىلىس باسقا دا ىستەردى اقىلداستى.