1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

حالىق قۇرىلتايى تۇراقتى كوميتەتىنىڭ زاڭ اتقارۋدى تەكسەرۋ گرۋپپاسى شانشيدە جاراقسىز قاتتى زاتتاردىڭ ورتانى لاستاۋىنان ساقتانۋ زاڭىنىڭ اتقارىلۋ احۋالىن تەكسەردى

لي جانشۋ مىنانى دارىپتەدى: زاڭداعى بەلگىلەمەلەردى جاپپاي تياناقتاندىرىپ، جاراقسىز قاتتى زاتتاردى زالالسىزداندىرىپ ءبىر جاقتى ەتۋ، بايلىققا اينالدىرىپ پايدالانۋ كەرەك

日期:2021年04月15日
来源:人民网
【字体:

 «حالىق گازەتى»، 4 - ايدىڭ 13 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 4 - ايدىڭ 9 - كۇنىنەن 13 - كۇنىنە دەيىن مەملەكەتتىك حالىق قۇرىلتايى تۇراقتى كوميتەتىنىڭ زاڭ اتقارۋدى تەكسەرۋ گرۋپپاسىن باستاپ شانشي ولكەسىندە جاراقسىز قاتتى زاتتاردىڭ ورتانى لاستاۋىنان ساقتانۋ زاڭىنىڭ اتقارىلۋ جاعدايىن تەكسەردى. ول مىنالاردى دارىپتەدى: شي جينپيڭ ەكولوگيالىق وركەنيەت يدەياسى مەن باس شۋجي شي جينپيڭنىڭ جاراقسىز قاتتى زاتتاردىڭ لاستاۋىنان ساقتانۋ جانە ونى جونگە سالۋ جونىندەگى ماڭىزدى نۇسقاۋىنىڭ تالاپتارىن ىشكەرىلەي ۇيرەنىپ، دايەكتىلەندىرىپ، وسى زاڭدى قاتاڭ، جاپپاي اتقارىپ، زاڭ بەلگىلەمەلەرىن تارماق، تارماقشالار بويىنشا ناقتاپ تياناقتاندىرىپ، جاراقسىز قاتتى زاتتاردى زالالسىزداندىرىپ ءبىر جاقتى ەتىپ جانە بايلىققا اينالدىرىپ پايدالانىپ، كەرەكسىزدى اسىلعا اينالدىرۋ كەرەك.

  تەكسەرۋ گرۋپپاسى ىلگەرىندى - كەيىندى يۇيلين، يان - ان، حانجۇڭ، شي - ان سياقتى جەرلەرگە بارىپ، كاسىپورىن سەحتارىن، قۇرىلىس ورىندارىن، جاسىلداندىرۋ ينجەنەريالارىن ارالاپ، ونەركاسىپ قوقىر - قوقسىقتارىن زالالسىزداندىرىپ ءبىر جاقتى ەتۋ جانە اينالمالى پايدالانۋ، قۇرىلىس قوقىر - قوقسىقتارى مەن تۇرمىستىق قوقىر - قوقسىقتاردى جيناپ الىپ ءبىر جاقتى ەتۋ جاعدايىن ۇعىسىپ، ەكولوگيالىق ورتانى جونگە سالۋ جانە لاستانۋدان ساقتانۋ - جونگە سالۋ جاعدايىن تەكسەردى. لي جانشۋ اڭگىمە ءماجىلىسىن باسقارىپ اشىپ، قاتىستى جاعدايلار جونىندەگى مالىمەت پەن ۇسىنىس - پىكىرلەردى تىڭدادى. ول مىنالاردى اتاپ كورسەتتى: شانشي جاراقسىز قاتتى زاتتاردىڭ ورتانى لاستاۋىنان ساقتانۋ زاڭىن مۇقيات ۇيرەنىپ، ۇگىتتەپ، دايەكتىلەندىرىپ، كورنەكتى ونىمدىلىككە قول جەتكىزگەن، زاڭنىڭ اتقارىلۋىن تەكسەرۋ ارقىلى ساقتانۋ – جونگە سالۋ قىزمەتىندە تىڭ قادام تاستالۋىن ىلگەرىلەتۋدى ءۇمىت ەتەمىز.

  لي جانشۋ مىنالاردى دارىپتەدى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى لاستانۋدان ساقتانۋ جانە ونى جونگە سالۋدان قامال الۋ شايقاسىن ەكولوگيالىق وركەنيەت قۇرىلىسىنىڭ ماڭىزدى ستراتەگيالىق مىندەتى ەتىپ، ەكولوگيانى الدىمەن ەسكەرۋدى، جاسىل دامۋدى باعدار ەتكەن ساپالى دامۋدىڭ جاڭا جولىن قاراستىردى. قاتتى جاراقسىز زاتتاردىڭ لاستاۋىنان ساقتانۋ جانە ونى جونگە سالۋ − ەكولوگيالىق ورتانى قورعاۋدىڭ ماڭىزدى مازمۇنى، قىزمەتتىڭ ءتۇيىنىن ويداعىداي يگەرىپ، زاڭنىڭ اتقارىلۋىن ىشكەرىلەي ىلگەرىلەتۋ كەرەك. ءبىرىنشى، زاڭدا بەلگىلەنگەن كەلەلى پرينسيپتەر مەن قاتىستى بەلگىلەمەلەردى دايەكتى تياناقتاندىرۋ كەرەك. مولشەرىن ازايتۋ، بايلىققا اينالدىرۋ، زالالسىزداندىرۋ پرينسيبىندە تاباندى بولىپ، بايلىقتى ۇنەمدەيتىن، ورتاسى جاراسىمدى، جاسىل، تومەن كومىرتەكتى ءوندىرىس، تۇرمىس ءتاسىلىن قالىپتاستىرۋ جونىندە ىزدەنىس جاساۋ كەرەك. ەكىنشى، زاڭ قارۋىنان پايدالانىپ قيىن ماسەلەلەر مەن بوگەتتەردى شەشۋ كەرەك. زاڭعا وزگەرىس ەنگىزىلگەننەن كەيىنگى ءبىرقىدىرۋ جاڭا تۇزىمدىك شارانى تولىق اتقارىپ، قاتەرلى جاراقسىز زاتتاردى جونگە سالۋدى كورنەكتىلەندىرىپ، شەتەل قوقىر - قوقسىعىنىڭ شەكارادان كىرۋىنە جاپپاي تيىم سالىپ، تۇرمىستىق قوقىر - قوقسىقتى تۇرگە ايىرۋدىڭ باياندى مەحانيزمىن جەدەل ورناتىپ، ەمدەۋ جاراقسىز زاتتارىن ءبىر جاقتى ەتۋ قۇرىلعىلارى مەن قابىلەت قۇرىلىسىن كۇشەيتىپ، بۇقارانىڭ دەنساۋلىعى مەن ورتانىڭ حاۋىپسىزدىگىنە كەپىلدىك ەتىپ، ونەركاسىپتىك جاراقسىز قاتتى زاتتاردى، قۇرىلىس قوقىر - قوقسىعىن، اۋىل شارۋاشىلىعىنداعى جاراقسىز قاتتى زاتتاردى زالالسىزداندىرىپ ءبىر جاقتى ەتۋ جانە پايدالانۋ كەرەك. ءۇشىنشى، ۇكىمەت زاڭدا بەلگىلەنگەن مىندەتىن شىنايى اتقارۋى كەرەك. قاتتى جاراقسىز زاتتاردىڭ لاستاۋىنان ساقتانۋ جانە ونى جونگە سالۋ نىسانالىق جاۋاپكەرلىك ءتۇزىمى مەن تەكسەرۋ، باعالاۋ ءتۇزىمىن زاڭ بويىنشا ورناتىپ جانە اتقارىپ، ءار دارەجەلى ۇكىمەتتەر مەن تاراۋلاردىڭ جاۋاپكەرلىگىن قاتايتىپ، ناقتىلاندىرىپ، اكىمشىلىك رايون اتتاعان بىرلەسىپ ساقتانۋ، بىرلەسىپ تىزگىندەۋ مەحانيزمىن ورناتۋ جونىندە ىزدەنىس جاساۋ كەرەك. ءتورتىنشى، زاڭ اتقارۋ جانە ءادىليا تەبىنىن ارتتىرۋ كەرەك. سوققى بەرۋ تەبىنىن ۇزدىكسىز ارتتىرىپ، اكىمشىلىك زاڭ اتقارۋ مەن قىلمىستىق ىستەر ءادىلياسىنىڭ ءونىمدى ۇشتاسۋىن ىلگەرىلەتىپ، زاڭنىڭ قۇدىرەتىن تولىق ساۋلەلەندىرۋ كەرەك. بەسىنشى، سايكەستى زاڭ - ەرەجەلەردى، سونداي - اق قاتىستى ولشەمدەردى، تىزىمدىكتەردى جاساۋدى جانە وعان وزگەرىس ەنگىزۋدى جەدەلدەتىپ، زاڭداردى جاپپاي، ءونىمدى اتقارۋعا، زاڭ اتقارۋ، ءادىليا قىزمەتىن ويداعىداي ىستەۋگە ماڭىزدى كەپىلدىك ازىرلەۋ كەرەك. التىنشى، تۇتاس قوعام بىرگە جونگە سالاتىن، بىرگە قورعايتىن جاعداي قالىپتاستىرۋ كەرەك. ساياساتتىق جەتەكتەۋ مەن باقىلاۋدى كۇشەيتىپ، كاسىپورىنداردى لاستانۋدى جونگە سالۋدىڭ تۇلعالىق جاۋاپكەرلىگىن تياناقتاندىرۋعا قۋزاۋ كەرەك. زاڭدى ۇگىتتەۋدى، جالپىلاستىرۋدى كەڭ كولەمدە ىشكەرىلەي ورىستەتىپ، ءتىپتى دە كوپ ادامنىڭ جۇمىلىپ، ەكولوگيالىق ورتانى جاقسارتۋعا ۇلەس قوسۋىنا مۇمكىندىك جاساۋ كەرەك.

  لي جانشۋ شانشيدەگى كەزىندە پارتيانىڭ 7 - قۇرىلتايى اشىلعان جەردى، ج ك پ ورتالىق كوميتەتى باتىس سولتۇستىك بيۋروسىنىڭ بايىرعى جۇرتى سياقتى توڭكەرىستىك ەسكەرتكىش ورىندارىن قۇرمەتپەن كورىپ، يان - ان رۋحىمەن قالىڭ پارتيا مۇشەلەرىن، كادرلاردى تاباندىلىقپەن تاربيەلەپ، قىزىل بايلىقتىڭ وزگەشە ابزالدىعىن تولىق ساۋلەلەندىرىپ، پارتيا تاريحىن ۇيرەنۋ تاربيەسىن ويداعىداي ورىستەتىپ، قىزىل مادەنيەتتى ويداعىداي جالعاستىرىپ، ۇيرەنۋ تاربيەسىنىڭ ونىمدىلىگىن ساپالى دامۋدىڭ قۇدىرەتتى قوزعاۋشى كۇشىنە اينالدىرۋدى دارىپتەدى.

  لي جانشۋ تاعى ولكەلىك حالىق قۇرىلتايى ورگانىنا بارىپ تەكسەرۋ - زەرتتەۋ جۇرگىزىپ، اڭگىمە ءماجىلىسىن باسقارىپ اشىپ، 5 دارەجەلى حالىق قۇرىلتايى ۋاكىلدەرىنىڭ جاڭا داۋىردەگى حالىق قۇرىلتايى قىزمەتىن كۇشەيتۋ جانە جاقسارتۋ جونىندەگى ۇسىنىس - پىكىرلەرىن تىڭدادى.