شينحۋا اگەنتتىگى، 4 - ايدىڭ 9 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا تەلەگراف، توراپ الدامكوستىگى قىلمىستارىنا سوققى بەرۋ، جونگە سالۋ قىزمەتى جونىندە ماڭىزدى نۇسقاۋ بەرىپ بىلاي دەپ دارىپتەدى: جۋىرداعى جىلداردان بەرى وڭىرلەر، تاراۋلار پارتيا ورتالىق كوميتەتىنىڭ شەشىم، ورنالاستىرۋلارىن دايەكتىلەندىرىپ، تەلەگراف، توراپ الدامكوستىگى قىلمىستارىنا سوققى بەرۋدى، جونگە سالۋدى ءۇرتىس ورىستەتىپ، باستاپقى قادامدا ونىمدىلىككە قول جەتكىزدى. حالىقتى وزەك ەتۋدە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، جۇيە كوزقاراسىن، زاڭمەن جونگە سالۋ ويىن كۇشەيتىپ، قاينارىنان جونگە سالۋعا، جان - جاقتى جونگە سالۋعا ءمان بەرىپ، بىردەي يگەرىپ، تەڭ باسقارۋدا، جۇمىلا ساقتانىپ، جۇمىلا جونگە سالۋدا تاباندى بولىپ، سوققى بەرۋ، ساقتانۋ، باسقارۋ، تىزگىندەۋ شارالارىن جانە فينانس، حابارلاسۋ، ينتەرنەت سياقتى سالالاردىڭ باقىلاۋ - باسقارۋداعى تۇلعالىق جاۋاپكەرلىگىن جالپى بەتتىك تياناقتاندىرىپ، زاڭ - ءتۇزىم قۇرىلىسىن كۇشەيتىپ، قوعامدىق ۇگىتتەۋدى، تاربيەلەۋدى، ساقتانۋدى كۇشەيتىپ، حالىقارالىق زاڭ اتقارۋ سەلبەستىگىن ىلگەرىلەتىپ، وسى تۇردەگى قىلمىستاردىڭ كوپ تۋىلۋ، ءجيى تۋىلۋ اۋقىمىن باتىل تەجەپ، اناعۇرلىم جوعارى دەڭگەيدەگى تىنىش جۇڭگو، زاڭمەن جونگە سالىناتىن جۇڭگو قۇرۋعا تىڭ دا اناعۇرلىم زور ۇلەس قوسۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جاساپ بىلاي دەپ اتاپ كورسەتتى: تەلەگراف، توراپ الدامكوستىگى قىلمىستارىنا زاڭ بويىنشا سوققى بەرۋدىڭ ونىمدىلىگىن ۇزدىكسىز بەكەمدەپ ءارى تەرەڭدەتىپ، حالىق بۇقاراسىنىڭ مال - مۇلكىنىڭ اماندىعى مەن زاڭدى ۇقىق - مۇددەسىن اناعۇرلىم ويداعىداي قورعاۋ كەرەك.
تەلەگراف، توراپتاعى جاڭاشا زاڭعا قايشى قىلمىستارعا سوققى بەرۋ، جونگە سالۋ قىزمەتى مەملەكەتتىك تەلەۆيزور - تەلەفون ءماجىلىسى 4 - ايدىڭ 8 - كۇنى بەيجيڭدە اشىلدى. ءماجىلىس شي جينپيڭنىڭ ماڭىزدى نۇسقاۋى مەن لي كىچياڭنىڭ بەكىتۋىن جەتكىزدى. مەملەكەتتىك كەڭەستىڭ مۇشەسى، مەملەكەتتىك كەڭەستىڭ تەلەگراف، توراپتاعى جاڭاشا زاڭعا قايشى قىلمىستارعا سوققى بەرۋ، جونگە سالۋ قىزمەتى بويىنشا تاراۋلار ارا بىرىككەن ءماجىلىسىنىڭ باس شاقىرۋشىسى جاۋ كىجى ماجىلىستە ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى قازىرگى جانە مۇنان كەيىنگى ءبىر مەزگىلدەگى تەلەگراف، توراپ الدامكوستىگى قىلمىستارىنا سوققى بەرۋ، جونگە سالۋ قىزمەتىن جاقسى ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ تياناعىن ازىرلەدى. باس شۋجي شي جينپيڭنىڭ ماڭىزدى نۇسقاۋىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، سوققى بەرۋ، ساقتانۋ، باسقارۋ، تىزگىندەۋ شارالارىن شىن مانىندە ەگجەي - تەگجەيلى، ناقتى، تياناقتى يگەرىپ، تەلەگراف، توراپ الدامكوستىگى قىلمىستارىنىڭ كوپ تۋىلۋ، ءجيى تۋىلۋ اۋقىمىن باتىل تەجەپ، پارتيا قۇرىلعانىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
ورتالىق توراپ حاۋىپسىزدىگى جانە ينفورماتسيالاندىرۋ كوميتەتى كەڭسەسىندەگى، ونەركاسىپ جانە ينفورماتسيالاندىرۋ مينيسترلىگىندەگى، جۇڭگو حالىق بانكەسىندەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جاۋاپتى جولداستار ماجىلىستە ءسوز سويلەدى. ءماجىلىس بۇكىل ەل بويىنشا تەلەگراف، توراپتاعى جاڭاشا زاڭعا قايشى قىلمىستارعا سوققى بەرۋ، جونگە سالۋ قىزمەتىنىڭ قاتىستى جاعدايلارىن حابارلاندىردى.
مەملەكەتتىك كەڭەستىڭ تەلەگراف، توراپتاعى جاڭاشا زاڭعا قايشى قىلمىستارعا سوققى بەرۋ، جونگە سالۋ قىزمەتى بويىنشا تاراۋلار ارا بىرىككەن ءماجىلىسىن شاقىرۋشىلار، 25 مۇشە ورىنداعى جاۋاپتى جولداستار قاتارلىلار نەگىزگى ءماجىلىس ورنىندا ماجىلىسكە قاتىناستى، ولكە، قالا، اۋدان 3 دارەجەلى تەلەگراف، توراپتاعى جاڭاشا زاڭعا قايشى قىلمىستارعا سوققى بەرۋ، جونگە سالۋ قىزمەتى بويىنشا تاراۋلار ارا بىرىككەن ءماجىلىستى شاقىرۋشىلار، مۇشە ورىندارداعى جاۋاپتى جولداستار جەر - جەردەگى بولىمشە ءماجىلىس ورىندارىندا ماجىلىسكە قاتىناستى.
