لي جانشۋ باسقاردى
شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 4 - ءماجىلىسى ءتوراعالار القاسى تۇراقتى ءتوراعالارىنىڭ 3 - رەتكى جيىنى 3 - ايدىڭ 11 - كۇنى تۇستەن بۇرىن حالىق سارايىندا وتكىزىلدى. ءماجىلىس ءتوراعالار القاسىنىڭ تۇراقتى ءتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى.
جيىن ءماجىلىس ءتوراعالار القاسىنىڭ تۇراقتى ءتوراعاسى، ءماجىلىستىڭ ورىنباسار باس حاتشىسى، مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋ جاساعان ءماجىلىس حاتشىلار باسقارماسىنىڭ ۇكىمەت قىزمەتىنەن بايانداما، ”14 - بەسجىلدىق“ جوبا جانە 2035 - جىلعا دەيىنگى بولاشاقتىق نىسانا باعدارلاماسى، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپارى، 2020 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىننىڭ مەجە ەسەبى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 7 قاۋلى جوبانى قاراۋ جاعدايى جونىندەگى مالىمەتتى تىڭداپ، وسى 7 قاۋلى جوبانىڭ داۋىسقا سالۋ نۇسقاسىن قارادى.
جيىن جوعارىداعى قاۋلى جوبالاردىڭ داۋىسقا سالىناتىن نۇسقالارىن ءماجىلىس ءتوراعالار القاسىنىڭ 4 - ءماجىلىسىنىڭ قاراۋىنا جولداۋعا قوسىلدى.
ءماجىلىس ءتوراعالار القاسىنىڭ تۇراقتى ءتوراعالارى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا جيىنعا قاتىناستى.
