شينحۋا اگەنتتىگىنىڭ 3 - ايدىڭ 9 - كۇنى بەيجيڭنەن بەرگەن حابارى. تاياۋدا بىرلەسكەن مەملەكەتتەر ۇيىمىنىڭ باس حاتشىسى گۋتەرەس مەملەكەت ءتوراعاسى شي جينپيڭگە حات جولداپ، جۇڭگونىڭ كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزگەندىگىن قۇتتىقتادى.
گۋتەرەس مىنالاردى ءبىلدىردى: ءسىز جۋىقتا جۇڭحۋا حالىق رەسپۋبليكاسىنىڭ مۇلدەم كەدەيلىكتى ءساتتى جويعاندىعىن جاريالادىڭىز. مەن جۇڭگو ۇكىمەتىنە جانە وزىڭىزگە ەڭ ىقىلاستى تىلەك جولدايمىن. وسى ءبىر ەلەۋلى تابىس 2030 - جىلعا دەيىنگى باياندى دامۋ كەڭەستىك ءتارتىبى بەينەلەگەن اناعۇرلىم تاماشا جانە گۇلدەنگەن دۇنيە ءجۇزىن تۇلعالاۋعا ماڭىزدى ۇلەس قوستى. مەن ءسىزدىڭ ەرەكشە كورەگەندىگىڭىز بەن ءدانىشپان باسشىلىعىڭىزدى ەرەكشە القايمىن. جۇڭگو قول جەتكىزگەن كەرەمەت تابىستار بۇكىل حالىقارالىق قوعامعا ءۇمىت اكەلىپ، دەم بەردى. بۇل تابىس ۇكىمەتتىڭ ساياسي ۋادەسى مەن ساياساتىنىڭ ورنىقتىلىعى ەڭ كەدەي جانە ەڭ ءالسىز قاۋىمنىڭ جاعدايىن جاقسارتۋدا اسا ماڭىزدى ەكەندىگىن، جاڭالىق اشۋ ارقىلى دەم بەرەتىن، جاسىل، اشىق دامۋ ۇلگىسى كەلەلى وراي بولعاندىعىن، بارلىق ادامعا قۇت - ىرىس اكەلەتىندىگىن دالەلدەدى. جۇڭگونىڭ اناعۇرلىم زور تابىستارعا قول جەتكىزىپ، ”ەشكىمدى قاتاردان قالدىرماۋ“ نىساناسىن جۇزەگە اسىراتىندىعىنا سەنەمىن.
