شينحۋا اگەنتتىگى، 3 - ايدىڭ 7 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 3 - ايدىڭ 7 – كۇنى 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسقان ءىشىنارا ۋاكىلدەر ۇيىرمەسىنىڭ باياندامانى قاراۋىنا جەكە – جەكە قاتىناستى.ل
ي كىچياڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى. داي يۋان، سۇي گىنلياڭ، ۋ حۇيفاڭ قاتارلى ۋاكىلدەردىڭ لەبىزىن تىڭداعاننان كەيىن لي كىچياڭ بىلاي دەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بىلتىر جياڭسۋ بۇكىل ەلىمىز سياقتى ەكونوميكالىق، قوعامدىق دامۋدا تىڭ تابىستارعا قول جەتكىزىپ، كوپتەگەن قىزمەتتە الدىڭعى لەكتە ءجۇردى. بيىل ەلىمىزدىڭ دامۋى ءالى دە كوپتەگەن حاۋىپ - قاتەر مەن سىن - سايىسقا ءدوپ كەلىپ وتىر، جياڭسۋدىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ۇزدىكسىز قايراتتانا العا ۇمتىلىپ، بۇكىل ەل ەكونوميكاسىنىڭ ورنىقتىلىعىن، قالپىنا كەلۋ نەگىزىن بەكەمدەۋ، ساپالى دامۋدى ىلگەرىلەتۋ بارىسىندا ەكونوميكاداعى ءىرى ولكە رولىن اناعۇرلىم ويداعىداي ساۋلەلەندىرۋىن ءۇمىت ەتەمىن. رەفورمانى تەرەڭدەتۋ، ەسىكتى ايقارا اشۋ جاعىندا اناعۇرلىم زور قادام تاستاپ، ساۋدا ورتاسىن ۇزدىكسىز ساپالىلاندىرىپ، بازار تۇلعالارىنىڭ ومىرشەڭدىك كۇشىن اناعۇرلىم تاسقىنداتۋ كەرەك. زات اينالىمى سياقتى وزىندىك قۇندى اناعۇرلىم تومەندەتىپ، جاڭا قوزعاۋشى كۇشتى جەتىلدىرۋ، زورايتۋ كەرەك. دامۋ بارىسىندا حالىقتىڭ ىرىسىن ۇزدىكسىز ارتتىرىپ، وقۋ - اعارتۋ، ەمدەۋ سياقتى حالىق تۇرمىسى سالاسىنا قاراتىلعان ولقىلىقتاردى تولىقتاۋ ۇسىنىلىمىن ارتتىرۋ، اسىرەسە، اۋىل - قىستاقتىڭ، نەگىزگى ساتىنىڭ نەگىزگى الەۋمەتتىك قىزمەت وتەۋ قابىلەتىن جوعارىلاتىپ، ۇزاق بولاشاقتىق دامۋعا نەگىز قالاۋ كەرەك.
لي جانشۋ گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى. ما يىنپيڭ، ياڭ حايرۇڭ، فان پىڭ قاتارلى ۋاكىلدەردىڭ لەبىزىن مۇقيات تىڭداعاننان كەيىن لي جانشۋ بىلاي دەدى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتى حاۋىپ - قاتەر مەن سىن - سايىسقا بايىپتىلىقپەن توتەپ بەرىپ، پارتيا مەن مەملەكەت ىستەرىندە تىڭ دا كەلەلى ىلگەرىلەۋشىلىككە قول جەتكىزۋدى ىلگەرىلەتتى، بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنە اناعۇرلىم سەندى جانە ونى قولدادى. لي جانشۋ مىنالاردى ءۇمىت ەتتى: گانسۋ ولكەسى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ گانسۋ ءۇشىن كورسەتكەن العا باسۋ بەتالىسىندا تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىسكە اسىرىپ، كەدەيلىكتەن ارىلتۋدان قامال الۋدىڭ تابىسىن بەكەمدەپ، كەڭەيتىپ، اۋىل - قىستاقتى گۇلدەندىرۋ ستراتەگياسىن جاپپاي ىلگەرىلەتىپ، پارتيا تاريحىن ۇيرەنۋ تاربيەسىن جاقسى ورىستەتىپ، جاڭا داۋىردەگى جەرگىلىكتى حالىق قۇرىلتايى قىزمەتىن جاقسى ىستەپ، «14 - بەسجىلدىقتا» جاقسى باستاما جاراتۋدى، جاقسى قادام تاستاۋدى قۇلشىنا جۇزەگە اسىرىپ، باقىتتى، كوركەم جاڭا گانسۋ قۇرۋدى كۇش سالا ىلگەرىلەتىپ، حالىقتى اۋقاتتاندىرىپ، مەكەندى گۇلدەندىرۋدىڭ جاڭا جاعدايىن جاراتۋى كەرەك.
ۋاڭ ياڭ تايۋان ۋاكىلدەر ۇيىرمەسىنىڭ باياندامانى قاراۋىنا قاتىناستى. چىن جۇن، ساي پەيحۇي، چىن يۇن - يىڭ قاتارلى ۋاكىلدەردىڭ لەبىزىن تىڭداعاننان كەيىن ۋاڭ ياڭ مىنالاردى اتاپ كورسەتتى: تايۋان بۇعازىنىڭ جاعدايى ءالى دە قاتاڭ دا كۇردەلى، حاۋىپ - قاتەر مەن سىن - سايىستى تومەن مولشەرلەۋگە بولمايدى، الايدا ىرىقتىلىق ۇقىعى پەن جەتەكشىلىك ۇقىعى باستان - اياق ءبىزدىڭ جاقتا. باس شۋجي شي جينپيڭنىڭ تايۋان قىزمەتى جونىندەگى ماڭىزدى پايىمداۋلارىن ۇيرەنىپ، دايەكتىلەندىرىپ، ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، «تايۋان تاۋەلسىزدىگى» بولشەكتەۋشىلىك ارەكەتى مەن سىرتقى كۇشتەردىڭ كيلىگۋىن باتىل تەجەپ، «تاۋەلسىزدىككە» قارسى تۇرىپ، بىرلىكتى جەبەۋدىڭ قۇدىرەتتى بىرىككەن كۇشىن كەڭىنەن ۇيىستىرىپ، ەكى جاعالاۋ قاتىناسىنىڭ بەيبىت دامۋىن جەبەۋىمىز كەرەك. «ەكى جاعالاۋداعىلار ءبىر شاڭىراقتىڭ ادامى» دەيتىن ۇستانىمدى ۇستانىپ، تايۋاندىق ساۋداگەرلەردىڭ، تايۋان كاسىپورىندارىنىڭ مەملەكەتتىڭ «14 - بەسجىلدىق» جوسپار مەن 2035 - جىلعا دەيىنگى بولاشاقتىق نىسانانى بەلگىلەۋ، اتقارۋ ورايىن مىقتى يگەرۋىن قولداپ، تايۋاندىق باۋىرلاستاردىڭ ىرىس - قۇتىن قامتاماسىز ەتۋ جانە ۇلى قۇرلىقتا بىردەي مامىلەدەن يگىلىكتەنۋ ءتۇزىمى مەن ساياساتىن كەمەلدەندىرىپ، تايۋاندىق باۋىرلاستاردى ۇلتتىڭ ۇلى مۇراتىن بىرگە ارقالاپ، گۇلدەنۋ ۇلى ىسىنە بىرگە ات سالىسۋعا ىنتىماقتاستىرۋىمىز، جەتەكتەۋىمىز كەرەك.
ۋاڭ حۋنيڭ يۇننان ۋاكىلدەر ۇيىرمەسىنىڭ باياندامانى قاراۋىنا قاتىناستى. ياڭ حۇڭبو، راما شيڭگاۋ، ياڭ شياۋشۋە قاتارلى ۋاكىلدەردىڭ لەبىزىن تىڭداعاننان كەيىن ول مىنانى ءبىلدىردى: يۇننان شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ يۇننان قىزمەتى جونىندەگى ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، پارتيا مۇشەلەرىن، كادرلاردى ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن جوعارىلاتۋعا، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋعا جەتەكتەۋى كەرەك. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، مەملەكەتتىڭ كەلەلى ستراتەگياسىمەن ىرىقتى تۇردە توعىسىپ، ساپالى دامۋدى ىلگەرىلەتۋدە تىڭ قادام تاستاۋ كەرەك. كەدەيلىكتەن ارىلتۋدان قامال الۋدىڭ تابىسىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ۇلتتىق وڭىرلەردىڭ ءوزىن - ءوزى دامىتۋ قابىلەتىن كۇشەيتىپ، شەكارانى قۇدىرەتتەندىرۋدىڭ، ورنىقتىرۋدىڭ، بايۋدىڭ بىرلىگىن جۇزەگە اسىرۋ كەرەك. پارتيانىڭ باسشىلىعى مەن پارتيا قۇرىلىسىن جاپپاي كۇشەيتىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيا قۇرىلعانىنىڭ 100 جىلدىعىن ەرەن ناتيجەلەرمەن قۇتتىقتاۋ كەرەك.
جاۋ لىجي نيڭشيا ۋاكىلدەر ۇيىرمەسىنىڭ باياندامانى قاراۋىنا قاتىناستى. ما يۇيشان، ما حۇيجۋان، ۋاڭ دۇڭشين قاتارلى ۋاكىلدەردىڭ لەبىزىن تىڭداعاننان كەيىن جاۋ لىجي نيڭشيادان شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ نيڭشيا قىزمەتى جونىندەگى ماڭىزدى نۇسقاۋىنىڭ رۋحىن مۇقيات تياناقتاندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جاڭا دامۋ جاعدايىنا كۇش سالا قىزمەت وتەپ جانە ونىمەن توعىسىپ، ءىس جۇزىندىك جاعدايمەن ۇشتاستىرىپ، ورنىن ءدال تاۋىپ، ابزالدىقتى ساۋلەلەندىرىپ، ۇلتتار ىنتىماعىن جەبەۋ، ساياسي حاۋىپسىزدىكتى قورعاۋ، ەكولوگيالىق ورتانى جاقسارتۋ سىندى «ءۇش جان تامىردى» ويداعىداي ساقتاپ، ساپالى دامۋدىڭ جاڭا جولىن اشۋدى ءۇمىت ەتتى. جاۋ لىجي مىنالاردى دارىپتەدى: ستيل قۇرىلىسىن تاباندىلىقپەن مىقتى يگەرىپ، قاتاڭ نەگىزگى اۋەننەن جازباي، ورتالىقتىڭ «8 ءتۇرلى بەلگىلەمەسىنىڭ» رۋحىن باتىل تياناقتاندىرىپ، «4 ءتۇرلى بۇرىس ستيلدى» تۇزەتىپ، بۇقارانىڭ ماڭايىنداعى شىرىكتەسۋ مەن بۇرىس ستيلدەردى ۇزدىكسىز وڭاپ، قالىڭ پارتيالى كادرلاردى اۋەلگى ماقساتتان، بورىشتان جازباۋعا باستاپ، پارتيانىڭ داڭقتى ءداستۇرى مەن تاڭداۋلى ستيلىنە مۇراگەرلىك ەتىپ جانە ونى ساۋلەلەندىرىپ، «14 - بەسجىلدىق» جوسپاردىڭ جاقسى باستالۋىنا شىنايى كەپىلدىك ەتۋ كەرەك.
حان جىڭ شياڭگاڭ ۋاكىلدەر ۇيىرمەسىنىڭ، اۋمىن ۋاكىلدەر ۇيىرمەسىنىڭ باياندامانى قاراۋىنا جەكە - جەكە قاتىناستى. شياڭگاڭ، اۋمىن رايوندارىنداعى مەملەكەتتىك حالىق قۇرىلتايى ۋاكىلدەرىنىڭ ءسوزىن مۇقيات تىڭداعاننان كەيىن حان جىڭ مىنانى ءبىلدىردى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا تاعى دا تىڭ دا كەلەلى ىلگەرىلەۋشىلىككە قول جەتتى. ورتالىقتىڭ زور كۇشپەن قولداۋىندا، ەرەكشە رايونداردىڭ اكىمدەرى مەن ەرەكشە رايون ۇكىمەتتەرىنىڭ جەتەكشىلىگىندە شياڭگاڭ مەن اۋمىن ىندەتتەن ساقتانۋ - تىزگىندەۋگە، ەكونوميكانى قالپىنا كەلتىرۋگە، حالىقتىڭ قيىنشىلىعىن شەشۋگە كۇش سالىپ، بەلسەندى تابىستارعا قول جەتكىزدى. تاياۋ جىلداردان بەرى، اسىرەسە، 2019 - جىلى شياڭگاڭدا «ەرەجەگە وزگەرىس ەنگىزۋگە بايلانىستى جاڭجال» تۋىلعاننان بەرى شياڭگاڭ قوعامىندا جارىققا شىققان كەيبىر بىلىقپالىقتار شياڭگاڭ ەرەكشە اكىمشىلىك رايونىنىڭ قازىرگى سايلاۋ تۇزىمىندە، مەحانيزمىندە كورنەكتى ولقىلىقتار مەن جەتەرسىزدىكتەر ورىن تەۋىپ وتىرعانىن ايگىلەدى. شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋدىڭ ماڭىزى زور، بۇل ءارى شۇعىل مىندەت سانالادى. «وتانشىلداردىڭ شياڭگاڭدى باسقارۋى» − «ءبىر ەل، ەكى ءتۇزىم» باعىتىندا بولۋعا ءتيىستى مازمۇن، ورتالىقتىڭ وسى ماسەلەدەگى پوزيتسياسى دايەكتى، ەشقاشان وزگەرگەن جوق. ءسوز جوق، قاجەتتى شارالاردى قولدانىپ، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرىپ، وتانشىلداردى نەگىزگى تۇلعا ەتكەن «شياڭگاڭدى شياڭگاڭدىقتار باسقارۋعا» كەپىلدىك ەتىپ، شياڭگاڭ ەرەكشە اكىمشىلىك رايونى ۇكىمەتىنىڭ زاڭ بويىنشا بيلىك جۇرگىزۋىنە جانە ءونىمدى جونگە سالۋىنا، شياڭگاڭنىڭ «ءبىر ەل، ەكى ءتۇزىم» امالياتىنىڭ باستان - اياق دۇرىس بەتالىسپەن العا باسۋىنا كەپىلدىك ەتۋ كەرەك. شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ نەگىزگى پرينسيبىن دۇرىس يگەرىپ، «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، وسكەلەڭ اۆتونوميا باعىتىندا باستان - اياق تاباندى بولىپ جانە ونى جاپپاي، دۇرىس دايەكتىلەندىرىپ، «وتانشىلداردىڭ شياڭگاڭدى باسقارۋىندا» باستان - اياق تاباندى بولىپ، شياڭگاڭدى زاڭمەن جونگە سالۋدا باستان - اياق تاباندى بولۋ كەرەك. حان جىڭ شياڭگاڭ، اۋمىن رايوندارىنداعى مەملەكەتتىك حالىق قۇرىلتايى ۋاكىلدەرىنىڭ قىزمەتىن تولىق تۇراقتاندىرىپ، كوپشىلىكتىڭ جاۋاپكەرلىگىن قۇلشىنا ادا ەتىپ، قايراتتانا ۇمتىلىپ، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قاۋلىسى مەن زاڭعا وزگەرىس ەنگىزۋىن بار كۇشپەن قولداپ، اكىم مەن ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن باتىل قولداپ، ىندەتتەن ساقتانۋ - تىزگىندەۋدى كۇشەيتىپ، ەكونوميكا، حالىق تۇرمىسى سالالارىنداعى قات - قابات ماسەلەلەردى شەشىپ، شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن توعىسۋىن جەبەپ، «ءبىر ەل، ەكى ءتۇزىم» امالياتىنىڭ ورنىقتى، باياندى بولۋىنا تىڭ ۇلەس قوسۋىن ءۇمىت ەتتى.
ياڭ شياۋدۋ قاتارلىلار باياندامانى قاراۋعا قاتىناستى.
