1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

وزگەشە جىل حالىق قۇرىلتايىنىڭ كۇشىنە كۋا بولدى

− 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى اشىلۋ قارساڭىندا

日期:2021年03月04日
来源:人民网
【字体:

«حالىق گازەتىنىڭ»ءتىلشىسى ۋاڭبيشۋە

 2020 - جىل جاڭا جۇڭگو تاريحىنداعى وزگەشە جىل بولدى. سونداي – اق وسى جىلدا ەلىمىزدىڭ دەموكراتيالىق ساياسيىنىڭ تاريحي ۇردىسىندەگى ايبىندى تاراۋ جازىلدى، 51 زاڭ جوباسى، قاۋلى جوباسى قارالدى، 30 قاتىستى بايانداما تىڭدالدى، قارالدى، 6 زاڭ مەن ءبىر قاۋلىنىڭ اتقارىلۋ جاعدايى تەكسەرىلدى، 2 رەت ارناۋلى تاقىرىپتا پىكىر الىندى، 6 ءتۇرلى ارناۋلى تاقىرىپتا تەكسەرۋ - زەرتتەۋ جۇرگىزىلدى ...

  ءبىرسىپىرا سارا زاڭ شىعارىلدى، قايتا - قايتا پارمەندى باقىلاۋ جۇرگىزىلدى، ۋاكىلدەر مىندەتتەرىن تىڭعىلىقتى ورىندادى، ناتيجە كورنەكتى بولىپ، حالىققا ريزا بولارلىقتاي جاۋاپ قايتارىلدى.

  شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى مەن ونىڭ تۇراقتى كوميتەتى پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، مىندەتىن زاڭ بويىنشا اتقارىپ، جاۋاپكەرلىگىن ادا ەتىپ، 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ورنالاستىرعان ءتۇرلى مىندەتتەردى مۇقيات ورىندادى.

  وزگەشە جىلدا ءبىز حالىق قۇرىلتايىنىڭ كۇشىنە كۋا بولدىق، حالىق قۇرىلتايى ءتۇزىمىنىڭ ابزالدىعىن ءتىپتى دە سەزىندىك.

  پارتيا ورتالىق كوميتەتىنىڭ شەشىم، ورنالاستىرۋلارىن تىعىز ارقاۋ ەتىپ، ءىرى، ماڭىزدى ىستەردە جاۋاپكەرلىك ارقالاپ، مىندەتتى ادا ەتتى

  تۇراقتى كوميتەتتىڭ 9 رەتكى ماجىلىسىندە، كوميتەت باستىقتارىنىڭ 34 رەتكى ماجىلىسىندە، تۇراقتى كوميتەت پارتگرۋپپاسىنىڭ 20 رەتكى ماجىلىسىندە پارتيانىڭ جاڭالىق اشۋ نازارياسى ارقىلى حالىق قۇرىلتايى قىزمەتى ءبىر تۇتاس مەڭگەرىلدى جانە وعان جەتەكشىلىك ەتىلدى

  7 رەت تۇراقتى كوميتەت پارتگرۋپپاسىنىڭ توپتىق ۇيرەنۋىن، 6 رەت تۇراقتى كوميتەتتىڭ ارناۋلى تاقىرىپتىق لەكسياسىن وتكىزىپ، باس شۋجي شي جينپيڭنىڭ ماڭىزدى ءسوزى مەن پارتيا ورتالىق كوميتەتىنىڭ ماڭىزدى ءماجىلىسىنىڭ، قۇجاتتارىنىڭ رۋحىن دەر كەزىندە جەتكىزدى، ۇيرەندى، سوڭعى ءبىر جىلدان بەرى مەملەكەتتىك حالىق قۇرىلتايى تۇراقتى كوميتەتىنىڭ پارتگرۋپپاسى حالىق قۇرىلتايى قىزمەتىن پارتيانىڭ جاڭالىق اشۋ نازارياسىمەن ءبىر تۇتاس مەڭگەرىپ جانە وعان جەتەكشىلىك ەتىپ، پارتيانىڭ نازارياسى مەن لۋشيان، باعىت - ساياساتىنىڭ حالىق قۇرىلتايىندا جاپپاي دايەكتىلەنۋىنە، تياناقتانۋىنا، حالىق قۇرىلتايى قىزمەتىنىڭ دۇرىس ساياسي بەتالىسپەن جۇرۋىنە كەپىلدىك ەتتى.

  پارتيانىڭ جاپپاي باسشىلىق ەتۋىندە تاباندى بولۋدا نازاريالىق ۇيرەنۋدى كۇشەيتىپ، يدەيالىق تانىمدى جوعارىلاتتى. وسى كەزەكتى مەملەكەتتىك حالىق قۇرىلتايىنىڭ تۇراقتى كوميتەتى مىندەت اتقارعاننان بەرى ءار جىلى باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنۋ، دايەكتىلەندىرۋ جونىندە پىكىر اۋىستىرۋ ءماجىلىسىن تاباندىلىقپەن اشىپ وتىردى. ءار دارەجەلى حالىق قۇرىلتايلارىندا ۇيرەنۋ ورلەۋى كوتەرىلىپ، جاڭا داۋىردەگى حالىق قۇرىلتايى قىزمەتىنىڭ جاڭا جاعدايىن اشۋعا قۇدىرەتتى يدەيالىق قوزعاۋشى كۇش جانە عىلمي ارەكەت باعدارناماسى ازىرلەندى.

  2020 - جىلدىڭ سوڭىندا جىلىنا ءبىر رەت وتكىزىلەتىن اۋىس - كۇيىس ءماجىلىسى بەيجيڭدە وتكىزىلدى، مەملەكەتتىك حالىق قۇرىلتايى تۇراقتى كوميتەتىنىڭ باسشىلارى مەن جەرگىلىكتى حالىق قۇرىلتايى تۇراقتى كوميتەتتەرىنىڭ جاۋاپتىلارى شي جينپيڭ زاڭمەن جونگە سالۋ يدەياسى مەن باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەندى.

  وسى رەتكى اۋىس - كۇيىس ماجىلىسىندە كوميتەت باستىعى لي جانشۋ مىناداي ءۇش جاقتاعى «تەرەڭ ءتۇسىنۋدى» ورتاعا قويدى: پارتيانىڭ باسشىلىعى حالىقتىڭ وزىنە - ءوزى قوجا بولۋى مەن مەملەكەتتى زاڭمەن باسقارۋدىڭ ءتۇبىرلى كەپىلى ەكەنىن تەرەڭ ءتۇسىنۋ؛ حالىقتىڭ وزىنە - ءوزى قوجا بولۋى سوتسياليستىك دەموكراتيالىق ساياسيدىڭ ماندىك ەرەكشەلىگى ەكەنىن تەرەڭ ءتۇسىنۋ؛ مەملەكەتتى زاڭمەن جونگە سالۋ پارتيانىڭ حالىققا باسشىلىق ەتىپ، مەملەكەتتى جونگە سالۋىنىڭ نەگىزگى ءتاسىلى ەكەنىن تەرەڭ ءتۇسىنۋ كەرەك.

  حۋبەي ولكەلىك حالىق قۇرىلتايى تۇراقتى كوميتەتى مەڭگەرۋشىسىنىڭ ورىنباسارى، پارتگرۋپپا شۋجيى ۋاڭ ليڭ حۋبەي ولكەسىنىڭ ىندەتكە قارسى اتتانۋ كۇرەسىندە جەڭىسكە جەتۋىمەن ۇشتاستىرا وتىرىپ مىنانى ءبىلدىردى: «ىندەتكە قارسى اتتانۋ ۇلى كۇرەسىندە ءبىز جۇڭگو كوممۋنيستىك پارتياسى باسشىلىعىنىڭ كورنەكتى ابزالدىعى جونىندە اناعۇرلىم تەرەڭ تۇسىنىككە يە بولدىق، شي جينپيڭ جاڭا ءداۋىر جۇڭگوشا سوتسياليزم يدەياسى جونىندە اناعۇرلىم تەرەڭ تۇسىنىككە يە بولدىق، مەملەكەتتىڭ ءتۇبىرلى ساياسي ءتۇزىمىنىڭ كورنەكتى ومىرشەڭدىك كۇشى مەن وراسان زور ابزالدىعى جونىندە اناعۇرلىم تەرەڭ تانىمعا يە بولدىق».

  مەملەكەتتىك حالىق قۇرىلتايى تۇراقتى كوميتەتى قىزمەتىنىڭ ەڭ كورنەكتى ەرەكشەلىگى − پارتيا ورتالىق كوميتەتىنىڭ شەشىم، ورنالاستىرۋلارىن تىعىز ارقاۋ ەتىپ، ءىرى، ماڭىزدى ىستەردە جاۋاپكەرلىك ارقالاپ، مىندەتتى ادا ەتۋ. پارتيا ورتالىق كوميتەتى ورنالاستىرعان، رەفورما جاساپ، ەسىك اشۋ قاجەت ەتكەن، حالىق بۇقاراسى كۇتكەن ىستەردىڭ قاي – قايسىسى بولسىن، حالىق قۇرىلتايىنىڭ قىزمەت جاۋاپكەرلىگىن تياناق ەتە وتىرىپ جەدەل جوسپارلاپ، ورنالاستىرىپ، ناقتى تياناقتاندىرۋدى ىلگەرىلەتۋ كەرەك.

  ازاماتتىق ىستەر زاڭناماسىن قۇراستىرۋدان لاستانۋدان ساقتانۋ - جونگە سالۋدان قامال الۋ شايقاسىنا دەم بەرۋگە دەيىنگى، ودان شياڭگاڭنىڭ نەگىزگى زاڭدىق ءتۇزىم ءتارتىبىن، زاڭمەن جونگە سالۋ ءتارتىبىن قورعاۋعا دەيىنگى ىستەر مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ باستان - اياق پارتيانىڭ جاپپاي باسشىلىق ەتۋىندە تاباندى بولىپ، حالىق قۇرىلتايىنىڭ پارتيا مەن مەملەكەت ىستەرىندەگى فۋنكتسيالىق رولىن اناعۇرلىم ويداعىداي ساۋلەلەندىرگەنىن تولىق ايگىلەدى.

  − پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ازاماتتىق ىستەر زاڭناماسىن قۇراستىرۋدى ۇيعاردى. بۇل − مەملەكەتتى جاپپاي زاڭمەن جونگە سالۋداعى كەلەلى مىندەت. ازاماتتىق ىستەر زاڭناماسىن قۇراستىرۋ قىزمەتى باستان - اياق پارتيا ورتالىق كوميتەتىنىڭ ءبىر تۇتاس باسشىلىعىندا جۇرگىزىلدى. باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن 3 رەت باسقارىپ اشىپ، ازاماتتىق ىستەر زاڭناماسىن قۇراستىرۋ قىزمەتى جونىندە ماڭىزدى نۇسقاۋ بەرىپ، ازاماتتىق ىستەر زاڭناماسىن قۇراستىرۋ قىزمەتىنە ماڭىزدى جەتەكشىلىك جانە نەگىزگى تياناق ازىرلەدى.

  − باس شۋجي شي جينپيڭ «ءار دارەجەلى حالىق قۇرىلتايلارى مەن ونىڭ تۇراقتى كوميتەتتەرى ەكولوگيالىق وركەنيەت قۇرىلىسىن ءتۇيىندى قىزمەت سالاسى ەتىپ، زاڭنىڭ اتقارىلۋىن تەكسەرۋدى ورىستەتىپ، دارەجەلەس ۇكىمەتتىڭ قىزمەت جاعدايى جونىندەگى باياندامانى مەرزىم بويىنشا تىڭداپ جانە قاراپ وتىرۋى كەرەك» دەپ ايقىن اتاپ كورسەتكەن بولاتىن، وسى كەزەكتى مەملەكەتتىك حالىق قۇرىلتايى تۇراقتى كوميتەتى مىندەت اتقارعاننان بەرى 3 جىل جۇمساپ اتموسفەرانىڭ لاستانۋىنان ساقتانۋ - جونگە سالۋ زاڭى، سۋدىڭ لاستانۋىنان ساقتانۋ - جونگە سالۋ زاڭى، توپىراقتىڭ لاستانۋىنان ساقتانۋ - جونگە سالۋ زاڭى سىندى 3 زاڭنىڭ اتقارىلۋ جاعدايىن ىلگەرىندى - كەيىندى تەكسەرىپ، زاڭمەن جونگە سالۋ ءتاسىلى ارقىلى لاستانۋدان ساقتانۋ - جونگە سالۋدان قامال الۋ شايقاسىن ويداعىداي جۇرگىزۋگە ۇزدىكسىز دەم بەردى.

  − شياڭگاڭداعى زورلىقتى كۇش ارەكەتىنىڭ ۇزدىكسىز اسقىنۋىنا بايلانىستى 13 - كەزەكتى مەملەكەتتىك حالىق قۇرىلتايىنىڭ 3 – ءماجىلىسى شياڭگاڭعا ساياتىن مەملەكەت حاۋىپسىزدىگى جونىندە قاۋلى شىعاردى، وسىدان كەيىن تۇراقتى كوميتەت ءبىر اي ىشىندە شياڭگاڭعا ساياتىن مەملەكەت حاۋىپسىزدىگى زاڭىن قاراپ ماقۇلدادى، سونداي - اق شياڭگاڭنىڭ 6 - كەزەكتى زاڭ شىعارۋ كەڭەسىنىڭ مىندەتىن ءۇرتىس اتقارۋى جونىندەگى قاۋلى، شياڭگاڭ زاڭ شىعارۋ كەڭەسى مۇشەلەرىنىڭ تولىمدىلىعى ماسەلەسى جونىندەگى قاۋلى سياقتىلاردى ارت - ارتىنان شىعاردى. شىعارىلعان وسى ءبىرقىدىرۋ زاڭ مەن قاۋلى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، شياڭگاڭنىڭ ۇزاق ۋاقىت ورنىقتى گۇلدەنۋىنە كەپىلدىك ەتتى.

  مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى زەرتتەۋ كەڭسەسىنىڭ جاۋاپتىسى پارتيانىڭ زاڭ شىعارۋ قىزمەتىندەگى ورتالىقتانعان ءبىر تۇتاس باسشىلىعىندا تاباندى بولۋ جونىندە توقتالعاندا بىلاي دەدى: «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، زاڭ شىعارۋ قىزمەتىن شي جينپيڭ زاڭمەن جونگە سالۋ يدەياسىمەن سانالى تۇردە سالىستىرىپ، پارتيا ورتالىق كوميتەتىنىڭ شەشىم، ورنالاستىرۋلارىمەن سالىستىرىپ، پارتيانىڭ نەگىزگى نازارياسىمەن، نەگىزگى لۋشيانىمەن، نەگىزگى جالپى جوباسىمەن سالىستىرىپ، زاڭ شىعارۋ قىزمەتىنىڭ دۇرىس ساياسي بەتالىسىنا كەپىلدىك ەتۋ كەرەك. زاڭ شىعارۋ قىزمەتىندەگى كەلەلى ىستەر، ماڭىزدى ماسەلەلەر، ماڭىزدى جاعدايلاردىڭ قاي – قايسىسىندا بولسىن، پارتيا ورتالىق كوميتەتىنەن دەر كەزىندە نۇسقاۋ سۇراپ، مالىمەت بەرۋ كەرەك.

  اماليات پارتيانىڭ جاپپاي باسشىلىق ەتۋىندە تاباندى بولۋ حالىق قۇرىلتايى قىزمەتىنىڭ ماڭداي الدى ساياسي پرينسيبى ءارى حالىق قۇرىلتايى قىزمەتىنىڭ جاڭالىق اشا دامۋىنىڭ ءتۇبىرلى كەپىلى ەكەنىن دالەلدەدى.

  سانى كوپ، سالماعى اۋىر، ريتىمى تەز، تالابى جوعارى بولدى، زاڭ شىعارۋ ساپاسى مەن ونىمدىلىگى بىرلىككە كەلدى

  9 زاڭ جاسالدى، 12 زاڭعا وزگەرىس ەنگىزىلدى، زاڭدىق ماسەلە مەن كەلەلى ماسەلەگە قاتىستى 12 قاۋلى ماقۇلداندى

  باس شۋجي شي جينپيڭ ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ماجىلىسىندە كەمەلدى زاڭدىق ولشەم جۇيەسىن جەدەل قالىپتاستىرۋ كەرەكتىگىن ايقىن اتاپ كورسەتكەن بولاتىن.

  وسى ءبىر جىلعا دەن قويا نازار سالساق، قوعام نازار اۋدارىپ، بۇقارا كوڭىل ءبولىپ وتىرعان زاڭدار ارت - ارتىنان شىعارىلدى، مەملەكەتتىك حالىق قۇرىلتايى تۇراقتى كوميتەتى زاڭ شىعارۋ ساپاسىنا كەپىلدىك ەتۋ العى شارتىندا زاڭ شىعارۋ، زاڭعا وزگەرىس ەنگىزۋ اياق الىسىن جەدەلدەتتى، زاڭ شىعارۋ قىزمەتىندە سانى كوپ، سالماعى اۋىر، ريتىمى تەز، تالابى جوعارى بولۋ سىندى ەرەكشەلىك جارىققا شىقتى.

  مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى زاڭ شىعارۋ جوبا كەڭسەسىنىڭ جاۋاپتىسى وتكەن ءبىر جىلداعى زاڭ شىعارۋ بارىسىن بىلايشا قورىتىندىلادى:

  − زاڭ شىعارۋ ريتىمى ۇزدىكسىز تەزدەدى. جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭدىك، 2020 - جىلى مەملەكەتتىك حالىق قۇرىلتايى تۇراقتى كوميتەتىنىڭ كەزەكتى ءماجىلىسى اۋەلگىدەي وتكىزىلۋمەن بىرگە، تاعى 3 رەت تۇراقتى كوميتەت ءماجىلىسىن اشىپ، 2020 - جىلعى زاڭ شىعارۋ قىزمەت جوسپارىنىڭ تولىق اتقارىلۋىنا كەپىلدىك ەتتىك. ءۇرتىس قاراۋعا ورنالاستىرىلعان 12 زاڭ جوباسى تۇگەلدەي قاراپ ماقۇلداندى؛ العاش قارالعان 29 زاڭ جوباسىنىڭ ىشىندە 9 زاڭ جوباسى سول جىلى ماقۇلداندى، 12 زاڭ جوباسى قاراۋعا ۇسىنىلدى، 3 كەڭەستىك جوبا ورتاعا قويىلدى.

  − زاڭ شىعارۋ فورماسى ۇزدىكسىز بايىدى. 2020 - جىلى مەملەكەتتىك حالىق قۇرىلتايى مەن ونىڭ تۇراقتى كوميتەتى 9 زاڭ شىعارىپ، 12 زاڭعا وزگەرىس ەنگىزىپ، زاڭدىق ماسەلە مەن كەلەلى ماسەلەگە قاتىستى 12 قاۋلىنى ماقۇلدادى. جاڭادان جاسالعان زاڭ سانىنىڭ سالىستىرماسى جوعارى بولىپ، كوپتەگەن ماڭىزدى سالاعا سايدى. زاڭ شىعارۋ فورماسى دا ۇزدىكسىز بايىپ، دامىپ، «ۇيعارىم + زاڭ شىعارۋ» ءتاسىلى ارقىلى شياڭگاڭعا ساياتىن مەملەكەت حاۋىپسىزدىگى زاڭىن شىعاردى.

  − زاڭ شىعارۋدىڭ، زاڭعا وزگەرىس ەنگىزۋدىڭ سالماعى اۋىر بولدى. 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندە ازاماتتىق ىستەر زاڭناماسى ماقۇلدانىپ، ازاماتتاردىڭ ءومىرى مەن دەنساۋلىعى، مال - مۇلكىنىڭ اماندىعى، ساۋدا - ساتىق قولايلىلىعى، تۇرمىس باقىتى، ادامدىق ار - نامىسى سياقتى جاقتارداعى ۇقىقتارى اناعۇرلىم ويداعىداي قورعالدى؛ شياڭگاڭعا ساياتىن مەملەكەت حاۋىپسىزدىگى زاڭى شىعارىلىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ ءتۇزىمى مەحانيزمى جونىندە زاڭدىق، جۇيەلى، ايقىن تۇزىمدىك ورنالاستىرۋ جاسالدى؛ نازار بيولوگيالىق حاۋىپسىزدىك حاۋىپ - قاتەرىنەن ساقتانۋ - تىزگىندەۋ ءتۇزىلىس، مەحانيزمىنە شوعىرلاندىرىلىپ، بيولوگيالىق حاۋىپسىزدىك زاڭى جاسالىپ، بيولوگيالىق حاۋىپسىزدىك نەگىزگى ءتۇزىم جۇيەسى ورناتىلىپ جانە كەمەلدەندىرىلىپ، بيولوگيالىق حاۋىپسىزدىككە قاتىستى قيمىلدار جاپپاي ارناعا ءتۇسىرىلدى؛ سوتسياليستىك دەموكراتيالىق ساياسي دامىتىلىپ، سوتسياليستىك وزەكتى قۇن كوزقاراسى ساۋلەلەندىرىلىپ، سايلاۋ زاڭىنا، مەملەكەت تۋى زاڭىنا، مەملەكەت بەلگىسى زاڭىنا وزگەرىس ەنگىزىلدى؛ مەملەكەتتىڭ ساندى مالىمەت حاۋىپسىزدىگى قامتاماسىزداندىرىلىپ، جەكەلىك ينفورماتسيانى قورعاۋ كۇشەيتىلىپ، ساندى مالىمەت حاۋىپسىزدىگى زاڭى جوباسى، جەكەلەردىڭ ينفورماتسياسىن قورعاۋ زاڭى جوباسى سياقتىلار قارالدى.

  − زاڭ شىعارۋدى قامتاماسىزداندىرۋ رەفورماسىنىڭ قادامى تەز ءارى ورنىقتى بولدى. شۇعىل پايدالانىلاتىندارىن الدىمەن جۇرگىزۋدە تاباندى بولىنىپ، كەلەلى رەفورما جونىندە زاڭ شىعارۋ نىساندارى ءبىر تۇتاس سايكەستىرۋ نەگىزىندە ويداعىداي ىستەلدى؛ مەملەكەتتىڭ كەلەلى ستراتەگيالارىن زاڭمەن جونگە سالۋدى قامتاماسىز ەتۋ كۇشەيتىلىپ، چاڭجياڭ وزەنىن قورعاۋ زاڭى جاسالىپ، حاينان ەركىن ساۋدا پورتى زاڭ جوباسى قارالدى؛ باقىلاۋ - تەكسەرۋ ءتۇزىلىسى رەفورماسىنىڭ قاجەتىنە سايكەسۋ نەگىزىندە ۇكىمەت قىزمەتكەرلەرىن اكىمشىلىك جاقتان جازالاۋ زاڭى شىعارىلىپ، باقىلاۋ - تەكسەرۋ ءمانساپتىلارى زاڭ جوباسى قارالدى؛ ءبىلىم مەنشىك ۇقىعى ءتۇزىلىس، مەحانيزم رەفورماسى تەرەڭدەتىلىپ، پاتەنت زاڭىنا، اۆتورلىق ۇقىق زاڭىنا وزگەرىس ەنگىزىلدى.

  − ىندەتتەن ساقتانۋ - تىزگىندەۋ جونىندە زاڭ شىعارىلدى، زاڭعا وزگەرىس ەنگىزىلدى. الەۋمەتتىك دەنساۋلىق ساقتاۋدى زاڭمەن جونگە سالۋدىڭ كۇشەيتىلۋىن قامتاماسىزداندىرۋداعى زاڭ شىعارۋ، زاڭعا وزگەرىس ەنگىزۋ قىزمەت جوسپارى تۇڭعىش رەت جاسالىپ، كەلەلى الەۋمەتتىك دەنساۋلىق ساقتاۋ حاۋىپ - قاتەرىنەن ساقتانۋ جانە ونى جويۋ، حالىق بۇقاراسىنىڭ باس اماندىعى مەن دەنساۋلىق حاۋىپسىزدىگىن قامتاماسىز ەتۋ ءۇشىن زاڭمەن جونگە سالۋ قورعانىس شەبى بەكەمدەلدى. قازىر 5 زاڭ جوباسى ماقۇلداندى، 3 زاڭ جوباسى قارالىپ جاتىر، باسقا تۇرلەر دە قاۋىرت جۇرگىزىلۋدە.

  دۇرىس، ءونىمدى، زاڭ بويىنشا باقىلاۋدا تاباندى بولىپ، زاڭنىڭ پارمەنى نىعايتىلدى

  6 ءتۇر بويىنشا زاڭنىڭ اتقارىلۋىن تەكسەرۋ، 2 رەت ارناۋلى تاقىرىپتا پىكىر الۋ، 30 ءتۇر بويىنشا باقىلاۋ نىسانى زاڭ بويىنشا ءتارتىپتى ورىستەتىلدى

  11 ارناۋلى قىزمەت بايانداماسى، جوسپار مەجە ەسەبى مەن سوڭعى ەسەپتى باقىلاۋعا ساياتىن 5 بايانداما تىڭدالدى جانە قارالدى، زاڭنىڭ اتقارىلۋىنا بايلانىستى 6 ءتۇرلى تەكسەرۋ ورىستەتىلدى، 2 رەت ارناۋلى تاقىرىپتا پىكىر الىندى، 6 ءتۇرلى ارناۋلى تاقىرىپتا تەكسەرۋ - زەرتتەۋ جۇرگىزىلدى، تۇتاس جىلدا 30 ءتۇرلى باقىلاۋ نىسانى زاڭ بويىنشا، جوسپارلى تۇردە ءساتتى، ءتارتىپتى ورىستەتىلدى.

  وسى باقىلاۋ ناتيجەسى مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، زاڭدا بەلگىلەنگەن قىزمەت جاۋاپكەرلىگىن نەگىز ەتۋ، زاڭدا بەلگىلەنگەن كولەممەن شەكتەلۋ، زاڭدا بەلگىلەنگەن تارتىپتەرگە بويسۇنۋ پرينسيبىن باستان - اياق يگەرىپ، دۇرىس باقىلاۋدا، ءونىمدى باقىلاۋدا، زاڭ بويىنشا باقىلاۋدا تاباندى بولىپ، نەگىزگى زاڭ مەن زاڭداردىڭ جاپپاي ءونىمدى اتقارىلۋىن ىلگەرىلەتىپ، اكىمشىلىك ۇقىقتىڭ، باقىلاۋ - تەكسەرۋ ۇقىعىنىڭ، سوتتاۋ ۇقىعىنىڭ، پروكۋراتۋرا ۇقىعىنىڭ زاڭ بويىنشا جۇرگىزىلۋىنە كەپىلدىك ەتىپ، زاڭ - ءتۇزىمنىڭ پارمەنىن شىن مانىندە نىعايتقانىن ايگىلەدى.

  لاستانۋدان ساقتانۋ - جونگە سالۋدان قامال الۋ شايقاسىن ويداعىداي جۇرگىزۋگە دەم بەرۋ ءۇشىن، كوميتەت باستىعى لي جانشۋ بىلتىر زاڭنىڭ اتقارىلۋىن تەكسەرۋ گرۋپپاسىنىڭ باستىعى مىندەتىن تاعى ءبىر رەت اتقارىپ، اترەتتى باستاپ توپىراقتىڭ لاستانۋىنان ساقتانۋ - جونگە سالۋ زاڭىنىڭ اتقارىلۋىنا تەكسەرۋ جۇرگىزدى؛ الەۋمەتتىك دەنساۋلىق ساقتاۋ حاۋىپسىزدىگىن زاڭمەن جونگە سالۋ قورعانىس شەبىن اناعۇرلىم بەكەمدەۋ ءۇشىن، 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى اياقتاپ، كوپ وتپەي جابايى حايۋاناتتاردى قورعاۋ جونىندەگى «ءبىر قاۋلى، ءبىر زاڭ» بويىنشا زاڭنىڭ اتقارىلۋىن تەكسەرۋ باستالدى؛ جەمقورلىققا قارسى تۇرۋدى ىلگەرىلەتۋدە اناعۇرلىم زور تابىستارعا قول جەتكىزۋ ءۇشىن، مەملەكەتتىك باقىلاۋ - تەكسەرۋ كوميتەتىنىڭ ارناۋلى قىزمەت بايانداماسى تۇڭعىش رەت تىڭدالدى جانە قارالدى؛ جاپپاي دوڭگەلەك داۋلەتتى قوعام قۇرۋدى ىلگەرىلەتۋ ءۇشىن، مەملەكەتتىك كەڭەستىڭ كەدەيلىكتەن ارىلتۋدان قامال الۋ بايانداماسى تىڭدالدى...

  اكىمشىلىك زاڭ - ەرەجە، جەرگىلىكتى زاڭ - ەرەجە، ءادىليالىق تۇسىندىرمە سياقتى ولشەمدى قۇجاتتاردى ەستەلىككە الىپ تەكسەرۋ − نەگىزگى زاڭ مەن زاڭدار نەگىزىندە مەملەكەتتىك حالىق قۇرىلتايى تۇراقتى كوميتەتىنە بەرىلگەن ماڭىزدى قىزمەت ۇقىعىنىڭ ءبىرى.

  ءبىر مىڭ 310 پارشا قۇجات ىرىقتىلىقپەن تەكسەرىلىپ، 5 مىڭ 146 قۇجات ءوتىنىش بويىنشا تەكسەرىلدى، وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، جابايى حايۋاناتتاردى قورعاۋ، ازاماتتىق ىستەر زاڭناماسىنىڭ اتقارىلۋىنا سايكەسۋ، ازىق - تۇلىك، ءدارى - دارمەك حاۋىپسىزدىگى، تيجارات - ساۋدا ورتاسىن ساپالىلاندىرۋ سياقتى 5 جاقتى ارقاۋ ەتىپ، ارناۋلى تەكسەرۋ مەن شوعىرلى اداقتاۋدى ورىستەتتى. وزگەرىس ەنگىزۋگە نەمەسە كۇشىنەن قالدىرۋعا ءتيىستى 3 مىڭ 372 ولشەمدى قۇجاتتى بايقاپ، قاتىستى جاقتاردى دەر كەزىندە تۇزەتۋگە قۋزادى.

  مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتىندەگى جاۋاپتى جولداس بىلاي دەپ تانىستىردى: ەستەلىككە الىپ تەكسەرۋ قىزمەتىندە دۇرىس ساياسي بەتالىستا تاباندى بولىپ، نەگىزگى زاڭعا، زاڭدارعا ۇيلەسەتىن جانە لايىقتى تەكسەرۋدى مۇقيات ورىستەتىپ، نەگىزگى زاڭداعى بەلگىلەمەلەرگە، نەگىزگى زاڭ پرينسيبىنە نەمەسە نەگىزگى زاڭ رۋحىنا قايشىلىق جاساعان، پارتيا ورتالىق كوميتەتىنىڭ كەلەلى شەشىم، ورنالاستىرۋلارىنا ۇيلەسپەيتىن نەمەسە مەملەكەتتىڭ كەلەلى رەفورما بەتالىسىمەن بىردەي بولماعان، جوعارىنىڭ زاڭدىق بەلگىلەمەلەرىنە قايشىلىق جاساعان نەمەسە كورنەكتى ۇيلەسىمسىز ماسەلەلەر ورىن تەپكەندەرىن تۇرلىشە جاعدايلاردى پارىقتاندىرا وتىرىپ جەكە - جەكە تۇزەتىپ، ءبىر جاقتى ەتتىك.

  زاڭنىڭ اتقارىلۋىن تەكسەرۋ − زاڭنىڭ اتقارىلۋ احۋالىن باقىلاۋدىڭ باستى فورماسى. زاڭدى ولشەم ەتۋدە، سالىستىرىپ تەكسەرۋدە، اشىق، جاسىرىن تەكسەرۋدە تاباندى بولىپ، باقىلاۋ قىسىمىن قالىپتاستىرۋ وسى كەزەكتى مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ داعدىسىنا اينالدى.

  اتموسفەرانىڭ لاستانۋىنان ساقتانۋ - جونگە سالۋ زاڭىنىڭ، سۋدىڭ لاستانۋىنان ساقتانۋ - جونگە سالۋ زاڭىنىڭ اتقارىلۋىن تەكسەرگەننەن كەيىن، مەملەكەتتىك حالىق قۇرىلتايىنىڭ تۇراقتى كوميتەتى توپىراقتىڭ لاستانۋىنان ساقتانۋ - جونگە سالۋ زاڭىنىڭ اتقارىلۋىن تەكسەرۋدى ورىستەتىپ، 31 ولكەدە (اۆتونوميالى رايون، توتە قاراستى قالا) زاڭنىڭ اتقارىلۋىن تەكسەرۋدى «جاپپاي قامتۋدى» جۇزەگە اسىردى ءارى زاڭنىڭ اتقارىلۋىن تەكسەرۋ بايانداماسىن تىڭداۋمەن، قاراۋمەن ۇشتاستىرىپ، ارناۋلى تاقىرىپتا پىكىر الىپ، اشىق اسپان، تۇنىق سۋ، تازا توپىراق سىندى «3 ۇلكەن قورعاۋ شايقاسىن» ويداعىداي جۇرگىزۋگە بەلسەندى ۇلەس قوستى.

  ۋاكىلدەردىڭ مىندەتىن زاڭ بويىنشا اتقارۋىن قامتاماسىز ەتىپ، ۋاكىلدەردىڭ رولىن ونان ارى ساۋلەلەندىردى

  170 تەن استام ۋاكىل تۇراقتى كوميتەتتىڭ ماجىلىسىنە سىرتتاي قاتىناسۋعا، 500 دەن استام ۋاكىل زاڭنىڭ اتقارىلۋىن تەكسەرۋ، تەكسەرۋ - زەرتتەۋ سياقتى قيمىلدارعا قاتىناسۋعا ۇسىنىس ەتىلدى، ۋاكىلدەردىڭ 506 كەڭەس جوباسى، 9 مىڭ 180 ۇسىنىسى ءبىر جاقتى ەتىلدى

  ەلىمىزدىڭ حالىق قۇرىلتايى ۋاكىلدەرى كەڭ كولەمدى ۋاكىلدىك سيپاتقا يە، حالىق اراسىندا ءومىر سۇرەدى، حالىققا ەڭ زور دارەجەدە ۋاكىلدىك ەتەدى. ءبىر جىلدان بەرى مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ مىندەتىن زاڭ بويىنشا وتەۋىن پارمەندى قامتاماسىز ەتىپ، ۋاكىلدەردىڭ كەڭەس جوبالارىن، ۇسىنىستارىن مۇقيات ءبىر جاقتى ەتىپ، ۋاكىلدەردىڭ زاڭ شىعارۋ، باقىلاۋ سياقتى قىزمەتتەرگە ات سالىسۋىن تەرەڭدەتىپ، حالىقتىڭ ارمان - تىلەگىن اڭىس ەتىپ، حالىقتىڭ اقىل - پاراساتىن شوعىرلاندىرىپ، حالىق قۇرىلتايى ۋاكىلدەرىنىڭ بۇقارامەن اناعۇرلىم تىعىز بايلانىس جاساپ، پارتيا مەن مەملەكەتتىڭ حالىق بۇقاراسىمەن بايلانىس جاساۋىنداعى كوپىرى، دانەكەرى بولۋىن ىلگەرىلەتتى.

  وتكەن ءبىر جىلدا ىندەتكە قارسى اتتانۋ جانە كەدەيلىكتەن ارىلتۋدان قامال الۋ سىندى ەكى رەتكى ءتۇتىنسىز سوعىستا حالىق قۇرىلتايى ۋاكىلدەرى ءبىرىنشى شەپتە اتويلاپ الدا ءجۇرىپ، مىندەتىن اتقارىپ، جاۋاپكەرلىگىن ادا ەتتى.

  «ىندەت جاعدايى باسەڭدەمەسە، شەگىنبەيمىن!» جاڭ بولي سياقتى حالىق قۇرىلتايىنىڭ ءبىر توپ ۋاكىلى قىسىلتاياڭ ساتتە كەۋدە كەرىپ العا شىعىپ، ءوز ومىرلەرىمەن وزگەلەردىڭ ءومىرىن قورعادى. ولار ىندەتتەن ساقتانۋ - تىزگىندەۋگە بەلسەنە ات سالىسىپ، جۇمىستى، ءوندىرىستى قالپىنا كەلتىرۋگە دەم بەرىپ، حالىق قۇرىلتايى ۋاكىلدەرىنىڭ فۋنكتسيالىق رولىن تولىق ساۋلەلەندىرىپ، حالىق قۇرىلتايى ۋاكىلدەرىنىڭ بورىشى مەن جاۋاپكەرلىگىن ايگىلەدى.

  «مەن شارۋالاردى باستاپ جاسىل تاۋدى التىن تاۋعا اينالدىرماقشى ەدىم، وسىلاي بولعاندا شارۋالار كەدەيلىكتەن ارىلعاننان كەيىن قايتا كەدەيلەنبەيدى». «شارۋا اكادەميك» جۋ يوۋيۇڭ سياقتى حالىق قۇرىلتايىنىڭ ءبىر توپ ۋاكىلى كەدەيلىكتەن ارىلتۋدان قامال الۋ ىستەرىنە ىرىقتىلىقپەن ات سالىسىپ، كەدەي وڭىرلەرگە تامىر تارتىپ، قىزۋ ىنتامەن عىلىم - تەحنيكا تابىسىنان پايدالانىپ، ءتىپتى دە كوپ كەدەي وتباسىنىڭ كەدەيلىك قالپاعىن الىپ تاستاپ، اۋقاتتانۋ جولىنا تۇسۋىنە باستاماشىلىق ەتتى.

  مەملەكەتتىك حالىق قۇرىلتايىنىڭ تۇراقتى كوميتەتى تۇراقتى كوميتەتتىڭ ۋاكىلدەرمەن بايلانىس جاساۋ تۇزىمىندە تاباندى بولىپ جانە ونى كەمەلدەندىرىپ، 170 نەشە ۋاكىلدى (رەت) تۇراقتى كوميتەتتىڭ ماجىلىسىنە سىرتتاي قاتىناسۋعا ۇسىنىس ەتىپ، 2 رەت ۋاكىلدەر اڭگىمە ءماجىلىسىن اشتى؛ ۋاكىلدەردىڭ تۇراقتى كوميتەت قىزمەتىنە قاتىناسۋىن ىشكەرىلەي جۇرگىزىپ، 500 دەن استام ۋاكىل (رەت) زاڭنىڭ اتقارىلۋىن تەكسەرۋ، قىزمەتتى تەكسەرۋ - زەرتتەۋ، جوسپار جانە مەجە ەسەپتى تەكسەرۋ - باقىلاۋ سياقتى قيمىلدارعا قاتىناستى.

  حالىق قۇرىلتايى ۋاكىلدەرى ءبىرىنشى شەپكە تامىر تارتىپ، بۇقارامەن تىعىز بايلانىس جاساپ، بۇقارانىڭ ارمان - تىلەگىن، نەگىزگى ساتىنىڭ ناقتى جاعدايىن ۇعىستى، ولار وزدەرىنىڭ كاسىپتىك سالاسىن شىعار ءتۇيىن ەتىپ، حالىقتىڭ ۇنىنە قۇلاق اسىپ، حالىقتىڭ جاعدايىن تەكسەرىپ، حالىقتىڭ اقىل - پاراساتىن شوعىرلاندىرىپ، حالىقتىڭ مۇڭ - مۇقتاجىن شەشىپ، ەكونوميكالىق، قوعامدىق دامۋعا قىرۋار جۇيەلى، باي مازمۇندى ۇسىنىس قويدى.

  مەملەكەتتىك حالىق قۇرىلتايى تۇراقتى كوميتەتىنىڭ كەڭسەسىنەن ۇعىسۋىمىزشا، 2020 - جىلى 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندە ۋاكىلدەر 506 كەڭەستىك جوبا، 9 مىڭ 180 ۇسىنىس العا قويعان. قازىر وسى كەڭەستىك جوبالار مەن ۇسىنىستار تۇگەلدەي ءبىر جاقتى ەتىلگەن ءارى ۋاكىلدەرگە جاۋاپ قايتارىلعان. ۋاكىلدەردىڭ قۇرىلتاي جابىق كەزدە ورتاعا قويعان 400 گە جۋىق ۇسىنىسى دا تاپسىرىپ الىنعان سوڭ ءبىتىرىلىپ، ءبىر - بىرلەپ اڭىس قايتارىلعان.

  اشىلۋ الدىندا تۇرعان 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ءتۇرلى باياندامالار مەن زاڭ جوبالارىن قارايدى، 14 - بەسجىلدىق جوسپار مەن 2035 - جىلعى بولاشاقتىق نىسانا باعدارلاماسىنىڭ جوباسىن تەكسەرىپ بەكىتەدى. قازىر جاڭا باستامادا تۇرمىز، ەندى جاڭا ساپارعا قادام تاستايمىز، وسىنداي ساتتە 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى كوپشىلىكتىڭ ءۇمىتىن اقتاپ، قۇلشىنا العا باسادى.