1. اعىمداعى ورىن:
  2. باس بەت
  3. ءبىزدىڭ شينجياڭ جاقسى جەر
  4. زاڭ - ەرەجە

قۇلجا اۋدانى اققۋ بۇلاعى سازدىق باقشاسى قىستاۋعا كەلگەن سىبىرلاق اققۋلاردى قارسى الدى

日期:2020年11月18日
来源:天山网
【字体:

    ”قازىر بۇل جەردىڭ قورشاعان ورتاسى بارعان سايىن جاقسارىپ، بۇل ارانى قىستايتىن سىبىرلاق اققۋلار بارعان سايىن كوبەيۋدە“،-دەدى 11 ـ ايدىڭ 17 ـ كۇنى اققۋلارعا ازىق بەرىپ بولعان ىلە قازاق اۆتونوميالى وبلىسى قۇلجا اۋدانى اققۋ بۇلاعى سازدىق باقشاسىنىڭ باسقارۋشىسى حان شينلين تىلشىگە.

  اققۋ بۇلاعى سازدىق باقشاسى جاڭاتام قالاشىعى شاقلىق قىستاعى ىلە وزەنىنىڭ سولتۇستىك جاعالاۋىنا ورنالاسقان، اققۋ بۇلاعىنىڭ جىل بويى اعىپ جاتاتىن بۇلاق سۋى جەر استى اراسانىنان كەلەدى، قىستا مۇز قاتپايدى، ءار جىلى بۇل اراعا كەلىپ قىستايتىن جابايى قۇستاردىڭ ءتۇرى وننان اسادى، مۇنىڭ ىشىندە سىبىرلاق اققۋلار ساياحاتشىلاردىڭ قىزۋ قارسى الۋىنا يە بولعان.

  سىبىرلاق اققۋ مەملەكەتتىك 2 - دارەجەلى قورعالاتىن حايۋاناتتار تىزىمدىگىنە ەنگىزىلگەن. جاقىنعى جىلداردان بەرى، قۇلجا اۋدانى كوپ ءتۇرلى شارا قولدانىپ، اققۋ بۇلاعى سازدىق باقشاسىنىڭ ماڭىنداعى سۋ ايدىنىن قورعادى، جەرگىلىكتى ورىن سىبىرلاق اققۋلار 1997 - جىلى تۇڭعىش رەت وسى اراعا كەلگەننەن باستاپ، وزدىكتەرىنەن قورعاۋ اترەتىن ۇيىمداستىرىپ، اققۋ سياقتى سازدىق سۋ قۇستارىنىڭ ٴوسىپ - وربۋىنە تىرشىلىك ورتا شارت - جاعدايىن جاراتىپ بەرگەندىكتەن، وسى اراعا كەلىپ مەكەندەگەن جىل قۇستارىنىڭ سانى جىل سايىن ارتتى. ٴتىلشىنىڭ ۇعىسۋىنشا، تاياۋ جىلداردان بەرى، اققۋ بۇلاعى سازدىق باقشاسى ىلگەرىندى - كەيىندى كۇزەت ٴۇيى، قورعانىس قورشامى قاتارلى جابدىقتاردى ورناتقان ٴارى باسقارۋعا ارناۋلى ادام ورنالاستىرعان، كەزەكتە، اققۋ بۇلاعى ىلە وزەنى اڭعارىنداعى ”ەكولوگيالىق تانىسقىعا“ اينالعان.