1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

زاڭعا قۇرمەت ەتۋدە، زاڭدى ۇيرەنۋدە، زاڭعا بويسۇنۋدا، زاڭدى قولدانۋدا ۇلگىلى بولايىق (جينتاي وتكىر شولۋى . مەملەكەتتى جاپپاي زاڭمەن جونگە سالۋ جەلىلەس سۇحباتى ⑤)

日期:2021年01月14日
来源:人民网
【字体:

  باس شۋجي شي جينپيڭ ورتالىقتىڭ مەملەكەتتى جاپپاي زاڭمەن باسقارۋ قىزمەتى ماجىلىسىندە مىنانى باسا دارىپتەگەن: ءار دارەجەلى باسشى كادرلار پارتيا ورتالىق كوميتەتىنىڭ مەملەكەتتى جاپپاي زاڭمەن باسقارۋ جونىندەگى كەلەلى شەشىمدەرى مەن ورنالاستىرۋلارىن باتىل، دايەكتى تياناقتاندىرۋى، باستاماشىلدىقپەن زاڭمەن جونگە سالۋدى قاستەرلەۋى، زاڭنان يمەنۋى، زاڭدى ءتۇسىنۋى، زاڭدى مەڭگەرۋى، زاڭمەن جونگە سالۋ وي جەلىسى مەن زاڭمەن جونگە سالۋ امالىنان پايدالانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتاردى شەشىم ەتۋ، ورنىقتىلىقتى ساقتاۋ، حاۋىپ – قاتەرگە توتەپ بەرۋ قابىلەتىن ۇزدىكسىز جوعارىلاتۋى، زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋدا ۇلگىلى بولۋى كەرەك.

  تەك زاڭمەن جونگە سالۋعا قۇرمەت ەتىپ، زاڭنان يمەنگەندە عانا، ۇقىقتى دۇرىس قولدانۋعا بولادى. ۇقىق — ەكى ءدۇزدى قىلىش، ۇقىقتى زاڭمەن جونگە سالۋ ارناسىمەن قولدانعاندا، حالىققا باقىت جاراتۋعا بولادى، زاڭنان تىسقارى قولدانعاندا، مەملەكەتكە جانە حالىققا اپات اكەلەرى داۋسىز. سونىمەن بىرگە، ءار دارەجەلى باسشى كادرلار پارتيانىڭ باسشىلىعى مەملەكەتتى جاپپاي زاڭمەن باسقارۋدى ىلگەرىلەتۋدىڭ ءتۇبىرلى كەپىلى ەكەنىن، ءسوزسىز، سەرگەكتىكپەن تانىپ جەتۋى كەرەك. پارتيانىڭ باسشىلىعى دەگەنىمىز پارتيانى بيلىك جۇرگىزەتىن تۇتاس تۇلعا رەتىندە قاراۋدى بىلدىرەدى، پارتيانىڭ بيلىك جۇرگىزۋ بەدەلى مەن باسشىلىق بەدەلىن بىلدىرەدى. ءاربىر پارتيا ۇيىمدارى، ءار قايسى پارتيالى باسشى كادرلار جونىنەن ايتقاندا، ءسوزسىز، نەگىزگى زاڭعا بويسۇنۋى، ءوز ءسوزىن زاڭ ەسەپتەمەۋى، ۇقىعىمەن زاڭدى تەجەمەۋى، كوڭىلگە قاراپ جازا باسپاۋى كەرەك.

  كەيبىر باسشى كادرلاردا زاڭ بويىنشا ءىس ءبىتىرۋ وزدەرىنىڭ قول – اياعىنا تۇساۋ بولادى، جۇمىس ءبىتىرۋ ونىمدىلىگىنە ىقپال ەتەدى دەگەن قاتە تۇسىنىك بار. تەجەم بولماسا، ءوز قالاۋى جەڭىپ كەتەرىن، ناتيجەدە اسىققان جولدا قالادىنىڭ اياعىن قۇشىپ، ايىقپاس اپات بولارىن ويلامايدى. ءىشىنارا باسشى كادرلاردىڭ زاڭعا قۇرمەت ەتۋى مەن زاڭنان يمەنۋى جەتەرسىز، شەشىم قابىلداعاندا زاڭداعى ەڭ تومەنگى شەكتەن اتتاپ كەتەدى، ءادىليالىق دەلولارعا كيلىگەدى دە قارا – سۇرقيا كۇشتەردىڭ «باسقالقاسى بولۋ» رولىن اتقارادى ... پارتيا مەن حالىقتىڭ مۇددەسىنە زيان جەتكىزىپ قالماستان، ءوزى دە زاڭنىڭ جازاسىنا ۇشىرايدى.

  ايلالى ادام ءىس بىتىرەدى، اقىلدى ادام جۇرتتى جونگە سالادى، پاراساتتى ادام زاڭ جاسايدى. ءبىر مەملەكەتتى، ءبىر قوعامدى جونگە سالۋدىڭ تەتىگى — قاعيدا بەكىتۋ، قاعيدانى دارىپتەۋ، قاعيداعا بويسۇنۋدا. زاڭ — ەل باسقارۋداعى ەڭ ءىرى، ەڭ ماڭىزدى قاعيدا. اماليات بىزگە ۇنەمى مىنانى ۇعىندىرادى: تەك زاڭمەن جونگە سالۋعا ءمان بەرىپ، زاڭمەن جونگە سالۋدى بۇلجىتپاي ورىنداپ، زاڭمەن جونگە سالۋ وي جەلىسى مەن زاڭمەن جونگە سالۋ ادىسىنەن ۇتىمدى پايدالانا وتىرىپ، ءتۇرلى قىزمەتتەردى ىلگەرىلەتكەندە عانا، از كۇشپەن كوپ جۇمىس تىندىرۋ ونىمدىلىگىنە قول جەتكىزۋگە بولادى.

http://kazakh.people.com.cn/15835242.html