پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ «ۇسىنىسىندا» مىنالار ورتاعا قويىلدى: «14 - بەسجىلدىق» مەزگىلىندەگى ەكونوميكالىق، قوعامدىق دامۋدا جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەك. «14 ـ بەسجىلدىق» كەزىندە، ءبىز جوعارى ساپالى دامۋدى ىلگەرىلەتۋ سىندى نەگىزگى تاقىرىپتان جازباي ، دامۋدىڭ ساپاسى مەن ونىمدىلىگىن كۇش سالا جوعارىلاتۋىمىز كەرەك.
جوعارى ساپالى دامۋدىڭ ءبىرىنشى قوزعاۋشى كۇشى − جاڭالىق اشۋ، جاڭالىق اشۋ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىندا وزەكتى ورىندا تۇرادى. پارتيا 19 ـ قۇرىلتايىنىڭ بايانداماسىندا مىنالار اتاپ كورسەتىلدى: وسى عاسىردىڭ ورتا شەنىنە بارعاندا، ەلىمىزدى باي دا قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ كەرەك. ەلىمىز وسىزاماندانۋ بارىسىندادامىعان ەلدەردى قۋىپ جەتۋدەن باسىپ وزۋعا دەيىنگى بارىستى ، ءسوز جوق، باسىپ وتەدى، بۇل ەلىمىز ىلگەرى باستىراتىن عىلىم - تەحنيكا العاباسارلىعىنىڭ ىلەسۋ دەڭگەيىندە توقتاپ قالماۋىن بەلگىلەدى، قاتارلاسا جۇگىرۋدى جۇزەگە اسىرىپ قانا قويماي، كەيبىر سالالاردا باستاماشى بولۋدى جۇزەگە اسىرۋ كەرەك. شەتەلدىڭ وزىق تەحنيكاسىن ەنگىزۋ عىلىم - تەحنيكانىڭ العا باسۋىن ىلگەرىلەتكەنىمەن، اماليات مىنانى دالەلدەدى: ەڭ الدىڭعى لەكتەگى تەحنيكانى ەنگىزە المايمىز، ءتىپتى تەحنيكا قۇرساۋلاۋىنا جولىعامىز. مىنە بۇل عىلىم - تەحنيكانىڭ ءوز كۇشىنە سۇيەنىپ ءومىر ءسۇرۋىن، ءوزىن قۇدىرەتتەندىرۋىن تالاپ ەتەدى. عىلىم - تەحنيكانىڭ ءوز كۇشىنە سۇيەنىپ ءومىر ءسۇرۋىن، ءوزىن قۇدىرەتتەندىرۋىن مەملەكەت دامۋىنىڭ ستراتەگيالىق تىرەگى ەتۋ، نەگىزدىك زەرتتەۋدى كۇشەيتۋ، ءتول جاڭالىق جاراتۋ مەن الدىڭعى لەكتەگى وزەكتى تەحنيكادا جاڭالىق جاراتۋعا ءمان بەرۋ، دۇنيە ءجۇزى عىلىم - تەحنيكاسىنىڭ الدىڭعى لەگىنە، ەكونوميكانىڭ نەگىزگى شايقاس مايدانىنا، مەملەكەتتىڭ كەلەلى قاجەتىنە، حالىقتىڭ ءومىرى مەن دەنساۋلىعىنا باعىتتالۋعا تاباندى بولىپ، جەتەكشىلىك سيپاتتى ءتول جاسامپازدىق جەتىستىككە قول جەتكىزۋ، عىلىم - تەحنيكادا جاڭالىق اشۋدى جەدەل ىلگەرىلەتۋ كەرەك.
جوعارى ساپالى دامۋدىڭ ماڭىزدى تىرەگى − دەربەس مەڭگەرۋگە بولاتىن وسى زامانعى كاسىپ جۇيەسىن قۇرۋ، ول عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن جەبەۋدى قاجەت ەتەدى. ادامزات قوعامىنىڭ وسىزاماندانۋ بارىسىن نەگىزىنەن عىلىم - تەحنيكا توڭكەرىسى مەن كاسىپ سالاسى توڭكەرىسى ىلگەرىلەتەدى. ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستادى، ينفورماتسيالاندىرۋدى بەلگى ەتكەن جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى ورايىن مىقتى يگەرىپ، وسىزامانعى كاسىپ جۇيەسىن قۇرۋدى جەدەلدەتۋ كەرەك. وسىزاماندانۋ ورەسىن ايگىلەيتىن جاڭا ۇرپاق ينفورماتسيا كاسىبىن دامىتۋمەن بىرگە، ينفورماتسيالاندىرۋدىڭ ەڭ جاڭا جەتىستىكتەرىن قولداناتىن ءتۇرلى كاسىپتەردى، اتاپ ايتقاندا، ينتەرنەت، ءىرى ساندى مالىمەت جانە جاساندى زەردە مەن تۇلعالىق ەكونوميكا ىشكەرىلەي توعىسقان كاسىپتەردى دامىتۋ كەرەك. بۇل ءۇشىن «عىلىمدى» «تەحنيكاعا» اينالدىرۋ ماسەلەسىن ويداعىداي شەشۋگە تۋرا كەلەدى، عىلىم - تەحنيكادا قۇدىرەتتى بولۋدان كاسىپ سالاسى، ەكونوميكاسى، مەملەكەت قۇدىرەتتى بولۋعا جول اشىپ، جاڭالىق اشۋ جەتىستىكتەرىن شارۋاشىلىقتاندىرۋعا ءتيىمدى مەحانيزم ورناتۋ كەرەك. دەربەس مەڭگەرۋگە بولاتىن وسىزامانعى كاسىپ جۇيەسى مەن دەربەس، ءوزىن قۇدىرەتتەندىرەتىن عىلىم - تەحنيكا جۇيەسى ءوزارا سايكەس كەلىپ، وسىزاماندانۋدىڭ پارمەندى تىرەگىنە اينالادى.
http://kazakh.people.com.cn/158373/15834303.html
