«جاڭا دامۋ ارناسىن قالىپتاستىرۋدا كەلەر جىلى العاشقى قادامدى جاقسى باسىپ، تىڭ بەينە كورسەتۋ كەرەك». ورتالىقتىڭ ەكونوميكالىق قىزمەت ءماجىلىسى كەلەر جىلعى ەكونوميكالىق قىزمەت جونىندە ماڭىزدى ورنالاستىرۋ جاساپ، ءتۇيىندى مىندەتتەردى ايقىنداپ، قۇلشىنۋ بەتالىسى مەن قىزمەتتىڭ كۇش سالۋ ءتۇيىنىن ايقىن كورسەتتى.
ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ەلىمىزدىڭ دامۋ كەزەڭىنىڭ، ورتاسىنىڭ، شارت - جاعدايىنىڭ وزگەرىسىنە نەگىزدەلىپ، جاعدايدى باعامداپ جاساعان كەلەلى شەشىمى. باس شۋجي شي جينپيڭ بىلاي دەپ باسا دارىپتەدى: ”جاڭا دامۋ ارناسىن قالىپتاستىرۋ ەلىمىزدىڭ ەكونوميكالىق دامۋ ورەسىن ۋاقىتپەن جارىسا جوعارىلاتۋداعى ستراتەگيالىق تالعام، سونداي - اق ەلىمىزدىڭ حالىقارالىق ەكونوميكالىق سەلبەستىك پەن باسەكەدەگى جاڭا باسىمدىعىن تۇلعالاۋداعى ستراتەگيالىق تاڭداۋ“. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرعان ءبىز مىنانى تەرەڭدەي تانۋىمىز كەرەك: جاڭا دامۋ ارناسىن جەدەل قالىپتاستىرۋدى ورتاعا قويۋ − ءارى ەلىمىز دامۋىنداعى جاڭا ورايلاردى، جاڭا باسەكەلەردى تەرەڭ تانۋ، ءارى ەلىمىزدىڭ وبيەكتيۆتىك دامۋ زاڭدىلىعى مەن دامۋ اۋقىمىن سانالىلىقپەن يگەرۋ، «14 – بەسجىلدىق» پەن بولاشاقتاعى ونان دا ۇزاق مەزگىلدەگى ەلىمىزدىڭ ەكونوميكالىق دامۋ ستراتەگياسىنا، جولىنا جاسالعان كەلەلى رەتتەۋ، كەمەلدەندىرۋ، ەلىمىزدىڭ ۇزاق بولاشاقتىق دامۋى مەن باياندى تىنىشتىعىن كوزدە ۇستاي وتىرىپ جاسالعان كەلەلى ستراتەگيالىق ورنالاستىرۋ بولىپ تابىلادى، ەلىمىزدىڭ اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋىنا، دۇنيە ءجۇزى ەكونوميكاسىنىڭ گۇلدەنۋىن جەبەۋگە ماڭىزدى دا تەرەڭ ىقپال جاسايدى.
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جاڭا دامۋ ارناسىن جەدەل قالىپتاستىرۋ جونىندە كەلەلى قىزمەت ورنالاستىرۋىن جاسادى. كەلەر جىلعى ەكونوميكالىق قىزمەتتى جاڭا دامۋ ارناسىن جەدەل قالىپتاستىرۋدى تىعىز ارقاۋ ەتىپ ورىستەتۋ، ورتالىقتىڭ ەكونوميكالىق قىزمەت ءماجىلىسى تۇراقتاندىرعان ءتۇيىندى مىندەتتەر بويىنشا جاقسى، ناقتى يگەرۋ كەرەك: بىرىنشىدەن، مەملەكەتتىڭ ستراتەگيالىق عىلىم - تەحنيكا كۇشىن نىعايتىپ، مەملەكەتتىڭ كەلەلى عىلىم - تەحنيكالىق جاڭالىق اشۋدى ۇيىمداستىرۋشى رەتىندەگى رولىن تولىق ساۋلەلەندىرىپ، ستراتەگيالىق سۇرانىستى باعدار ەتۋگە تاباندى بولىپ، عىلىم - تەحنيكالىق جاڭالىق اشۋدىڭ بەتالىسى مەن تۇيىندەرىن تۇراقتاندىرىپ، مەملەكەتتىڭ دامۋى مەن حاۋىپسىزدىگىنە تۇساۋ بولاتىن ەلەۋلى قيىن ماسەلەلەردى كۇش سالا شەشۋ كەرەك. ەكىنشىدەن، كاسىپ سالاسى تىزبەگىنىڭ، قامداۋ تىزبەگىنىڭ ءوز كۇشىنە سۇيەنۋ، مەڭگەرۋ قابىلەتىن كۇشەيتىپ، ولقىلىقتاردى تولىقتاۋ مەن ارتىقشىلىقتاردى جارىققا شىعارۋدى ءبىرتۇتاس جوسپارلاپ ىلگەرىلەتىپ، كاسىپ سالاسىنداعى ءالسىز بۋىندارعا باعىتتاي وتىرىپ شەشۋشى، وزەكتى تەحنيكالاردان قامال الۋ ينجەنەرياسىن ويداعىداي جۇرگىزىپ، كىلتەڭ ماسەلەلەردەن ءبىر توبىن جەدەل شەشىپ، كاسىپ باسىمدىعى بار سالالاردا جۇمىستى قۇنىتتى، ۇقىپتى ىستەپ، اناعۇرلىم كوپ دارا، بىرەگەي ونەرگە قول جەتكىزۋ كەرەك. ۇشىنشىدەن، ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولىپ، تۇتىنۋدى، امانات قويۋدى، قارجى قوسۋدى ۇيلەسىمدى جەتەكتەۋ سياقتى جاقتاردا ءونىمدى تۇزىمدىك ورنالاستىرۋ جاساپ، قۋاتتى ەل ءىشى بازارىن قالىپتاستىرۋ كەرەك. تورتىنشىدەن، رەفورما جاساۋدى، ەسىك اشۋدى جاپپاي ىلگەرىلەتىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتىپ، جوعارى دەڭگەيدە سىرتقا ەسىك اشۋدى اتقارىپ، رەفورما جاساۋ مەن ەسىك اشۋدىڭ ءوزارا جەبەۋىن ىلگەرىلەتۋ كەرەك. بەسىنشىدەن، تۇقىم جانە ەگىستىك جەر ماسەلەسىن ويداعىداي شەشىپ، استىق القاپتارىن قورعاپ، ەگىستىك جەر بايلىعىنان عىلىمي، ۇيلەسىمدى پايدالانۋ ستراتەگياسىن تياناقتاندىرىپ، استىق حاۋىپسىزدىگىن قامتاماسىز ەتۋ كەرەك. التىنشىدان، مونوپوليالاۋعا قارسى تۇرۋدى كۇشەيتۋ جانە كاپيتالدىڭ ءتارتىپسىز داليۋىنان ساقتانىپ، تۇعىرلىق كاسىپورىنداردىڭ جاڭالىق اشا دامۋىن، حالىقارالىق باسەكەلىك قۋاتىن كۇشەيتۋىن قولداپ، جالپىلىق مەنشىكتەگى شارۋاشىلىق پەن جالپىلىق مەنشىككە جاتپايتىن شارۋاشىلىقتىڭ بىرگە دامۋىن قولداۋ، سونىمەن بىرگە، دامۋدى زاڭ بويىنشا ارناعا ءتۇسىرىپ، سيفر قاعيداسىن اقاۋسىزداندىرۋ كەرەك. جەتىنشىدەن، ءىرى قالالاردىڭ تۇرعىن ءۇي جاعىنداعى كورنەكتى ماسەلەلەرىن ويداعىداي شەشىپ، ء ۇي ساۋدالاۋعا ەمەس، تۇرۋعا ارنالعان دەگەنگە تاباندى بولىپ، جەرگىلىكتى جاعدايعا قاراي شارا قولدانىپ، كوپ شارانى قاتار اتقارىپ، قورا - جاي كاسىبى بازارىنىڭ ورنىقتى، اقاۋسىز دامۋىن جەبەۋ كەرەك. سەگىزىنشىدەن، كومىرتەگىن جوعارى شەككە جەتكىزۋ، كومىرتەگىن بەيتاراپتاندىرۋ قىزمەتىن ويداعىداي ىستەپ، 2030 - جىلدان بۇرىن كومىرتەگىنىڭ ىعىستىرىلۋىن جوعارى شەككە جەتكىزۋ ارەكەت جوباسىن جاساۋدى مىقتى يگەرىپ، شارت - جاعدايى بار جەرلەردىڭ الدىمەن جوعارى شەككە جەتكىزۋىنە قولداۋ كورسەتۋ كەرەك. ءتۇيىندى مىندەتتەردى يگەرىپ، ءىس جۇزىندىكپەن ۇشتاستىرا قاز - قالپىندا دايەكتىلەندىرسەك، تياناقتاندىرساق جوبانىڭ باستالۋ جىلىندا، ءسوزسىز، تىڭ بەينە بايقاتا الامىز.
http://kazakh.people.com.cn/158373/15833719.html
