ءجونىن قۋعاندا، زاڭ بويىنشا قولعا كەلتىرگەن قورا – جايدىڭ كۋالىگىن ءبىتىرۋ ونشا قيىن جاعداي بولماۋى كەرەك. الايدا، كەزىندە ءجۇز نەشە قارت ۇزاق ۋاقىت ابىگەر بولسا دا، بۇل جۇمىستى بىتىرە الماعان. بۇل جۇمىستى ءبىتىرۋ شىنىندا دا قيىن بولعان، قارتتاردىڭ ءۇيى ورنالاسقان جەر قارىز داۋ – شارىنا، ءادىليالىق داۋ – شارعا ساياتىن بولىپ شىققان. بۇل جۇمىستى بىتىرۋگە مۇمكىندىك جوق بولعانى ما؟ ارينە، ولاي ەمەس. اقپارات قۇرالدارى نازار اۋدارعان سوڭ، قاتىستى تاراۋلار زور مولشەردە قىزمەت ىستەدى، قارتتار تەك 3 اي ىشىندە قورا – جاي كۋالىگىن قولدارىنا الدى.
ءىس جۇزىندىك قىزمەت بارىسىندا، شىنىندا دا وسى تەكتەس ۇزاققا سوزىلىپ، شەشىلمەي قوياتىن ىستەر بولادى. مۇنداعى سەبەپ، بۇل ىستەردى شەشۋگە بولمايتىندىقتان ەمەس، قايتا اۋىرەشىلىكتەن الاڭداۋ. جۇرتشىلىق اڭىس ەتكەن ماسەلەلەردى سوزباقتاتا بەرۋ ءىشىنارا كادرلاردىڭ جۇرتشىلىققا دەگەن سۇيىسپەنشىلىگىنىڭ ءالى دە جەتەرلىك تەرەڭ ەمەس ەكەنىن، كوپشىلىكتىڭ جۇمىسىنا كوپ وي جۇگىرتپەيتىنىن، كوپشىلىكتىڭ مۇددەسى مەن سەزىمىنە كوڭىل ءبولۋىنىڭ جەتكىلىكتى ەمەس ەكەنىن اشىپ كورسەتەدى. بەينەتتە حالىقپەن بىرگە بولىپ، حالىقتىڭ قامىن جەپ، جۇرتشىلىقتىڭ اراسىنا بارىپ، حالىق تىلەگىن تىڭداعاندا، كەۋدە كەرە اۋىر مىندەت ارقالاعاندا عانا پارتيالى كادرلاردىڭ مىندەت ارقالاپ، ناتيجە جاراتۋداعى بولۋعا ءتيىستى بەينەسى ايگىلەنەدى. جۇرتشىلىق اڭىس ەتكەن «ۇساق ءىس»، ادەتتە ولاردىڭ شىنايى ۇقىق – مۇددەسىنە ساياتىن ءىرى ىستەرگە سايادى، ءتىپتى شۇعىل ىستەر، قيىن ىستەر بولۋى مۇمكىن، مۇندايدا تىپتەن كوڭىل قويۋ، مۇقيات مامىلە جاساۋ، شۇعىل شەشىم ەتۋ كەرەك.
تاعى ءبىر سەبەپ، قولىنان كەلمەۋ. جۇرتشىلىق اڭىس ەتكەن جاڭا جاعدايعا، جاڭا ماسەلەگە ءدوپ كەلگەندە، كۇردەلى، قيىن سەزىنەدى، بەلگىلى دەڭگەيدەن ايتقاندا، بۇل جۇرتشىلىقتىڭ اراسىنا ىشكەرىلەي بارماۋدان، جۇرتشىلىقتان ۇيرەنۋدىڭ جەتەرسىز بولۋىنان تۋىندايدى. جۇرتشىلىقتىڭ امالياتتىق تاجىريبەلەرى ەڭ باي، ەڭ جاندى، جۇرتشىلىقتىڭ سانا – سەزىمى ەڭ شىنايى، ەڭ قاراپايىم، ماسەلەنى شەشىم ەتۋدىڭ ءادىسى ۇنەمى وسىندا جاتادى. پارتيالى كادرلار، ءسوزسىز، بەلدى بەكەم بايلاپ، شىنايى سۇيىسپەنشىلىكپەن ىشكەرىلەي تەكسەرۋ – زەرتتەۋ جۇرگىزۋى، جۇرتشىلىقتىڭ پىكىرىن كوبىرەك تىڭداۋى، جۇرتشىلىقتىڭ قاجەتىن ۇعىسۋمەن بىرگە، جۇرتشىلىقتان شەشىم ەتۋدىڭ ءادىسىن دە سۇراستىرۋى كەرەك. كوپ جاعدايدا، جۇرتشىلىقتىڭ تۇرمىسىنداعى قيىن تۇيىندەردى اداقتاپ، جۇرتشىلىق ءىس بىتىرۋدە قينالاتىن تۇيىندەردى ايقىنداپ، جۇرتشىلىق قىزۋ تالقىلاعان وزەكتى ءتۇيىندى تىڭداپ وتىرعاندا عانا، ماسەلەنى شەشىم ەتۋدىڭ تەتىگىن تابۋعا بولادى.
http://kazakh.people.com.cn/158373/15832813.html
