كاسىپكەرلەر — جاڭا داۋىردەگى جاڭالىق اشۋ تيپىندەگى ەكونوميكانى دامىتۋداعى، جاڭالىق اشۋ تيپىندەگى مەملەكەتتى جانە عىلىم – تەحنيكادا دۇنيە جۇزىلىك قۇدىرەتتى مەملەكەتتى قۇرۋداعى ماڭىزدى كۇش
كاسىپكەرلەرمەن وتكىزىلگەن اڭگىمە ماجىلىسىندە، باس شۋجي شي جينپيڭ مىنانى باسا دارىپتەگەن: «كاسىپكەرلەر رۋحىن ساۋلەلەندىرىپ، كاسىپورىنداردىڭ اناعۇرلىم زور رول اتقارىپ، اناعۇرلىم زور دامۋدى ورىنداۋىن ىلگەرىلەتىپ، ەكونوميكانىڭ دامۋىنا نەگىزگى كۇش – قۋات ازىرلەۋ كەرەك». كەزەكتە، ءبىز كاسىپكەرلەر رۋحىن كۇش سالا ساۋلەلەندىرۋىمىز قاجەت، وتانشىل، جاسامپاز، سەنىمدى، قوعامدىق جاۋاپكەرشىلىك ارقالايتىن جانە حالىقارالىق كوز اياسى كەڭ ەرەكشەلىكتەرگە يە ۇزدىك كاسىپكەرلەر قوسىنىن شىنىقتىرىپ، جاڭا دامۋ كەزەڭىن تياناق ەتىپ، جاڭا دامۋ تانىمىن دايەكتىلەندىرىپ، جاڭا دامۋ اۋقىمىن قالىپتاستىرىپ، جوعارى ساپالى دامۋعا قوزعاۋشى كۇش قوسۋىمىز كەرەك.
قازىرگى تاڭدا، دۇنيە ءجۇزى ەكونوميكاسى بارىنشا تۇرالادى، ەكونوميكانىڭ جاھاندانۋى كەرى اعىسقا ءدوپ كەلدى. كۇردەلى دە قۇبىلمالى حالىقارالىق جاعدايعا ءدوپ كەلگەن ساتتە، كاسىپكەرلەر رۋحىن اناعۇرلىم كۇش سالا ساۋلەلەندىرۋ، كاسىپكەرلەردىڭ وتانشىلدىق سەزىمىن كۇشەيتۋ، كاسىپورىنداردىڭ دامۋىن مەملەكەتتىڭ كوركەيۋى، ۇلتتىڭ گۇلدەنۋى، حالىقتىڭ باقىتتى بولۋىمەن تىعىز بايلانىستىرىپ، بازارداعى ورايدى مقتى ۇستاپ، ماڭداي الدى كاسىپورىن قۇرۋ، ساپاسى اناعۇرلىم جاقسى، ونىمدىلىگى اناعۇرلىم جوعارى، باسەكەلىك قۋاتى اناعۇرلىم كۇشتى، ىقپالى اناعۇرلىم زور بولعان دامۋدى ورىنداپ، ەلىمىزدىڭ ەكونوميكاسى مەن قوعامىنىڭ دامۋىنا تىڭ، اناعۇرلىم زور ۇلەس قوسۋ كەرەك.
جاڭالىق اشۋ — ەكونوميكانىڭ دامۋىن ىلگەرىلەتۋدەگى ماڭىزدى موتور، جاڭالىق اشا دامۋدى جەدەلدەتۋ كاسىپكەرلەر رۋحىن قاجەت ەتەدى. كاسىپكەرلەر — جاڭا داۋىردەگى جاڭالىق اشۋ تيپىندەگى ەكونوميكانى دامىتىپ، جاڭالىق اشۋ تيپىندەگى مەملەكەتتى جانە عىلىم – تەحنيكادا دۇنيە جۇزىلىك قۇدىرەتتى مەملەكەتتى قۇرۋداعى ماڭىزدى كۇش. كاسىپكەرلەر جاڭالىق اشا دامۋ جاعىنداعى ىزدەنۋشىلەر، ۇيىمداستىرۋشىلار، باستاۋشىلار بولعاندىقتان، ولار ۇزدىك بولۋعا تالپىنۋى، باتىلدىقپەن سىناپ كورۋى، باتىلدىقپەن حاۋىپ – قاتەردى ارقالاۋى، ءوندىرىس بارىسىندا ۇيىمداستىرۋدا جاڭالىق اشۋدى، تەحنيكادا جاڭالىق جاراتۋدى، بازاردا جاڭالىق اشۋدى ىلگەرىلەتۋى، تەحنيكالىق جاقتاعى زەرتتەۋ – اشۋعا جانە ادام كۇشى مەن كاپيتال جاعىنداعى قوسىلىمعا ءمان بەرىپ، قىزمەتكەرلەردىڭ جاسامپازدىق قۋاتىن ءونىمدى اتتانىسقا كەلتىرىپ، كاسىپورىندى قۋاتتى جاڭالىق اشۋ نەگىزگى تۇلعاسى ەتىپ قۇرىپ شىعۋعا قۇلشىنۋى، دەربەس زەرتتەۋ – اشۋ ارقىلى ءتۇرلى سالالارداعى وزەكتى تەحنيكالاردا قامال الۋدى جەدەل ىلگەرىلەتۋى، «تىعىرىققا تىرەگەن» ماسەلەنى كۇش سالا شەشىم ەتۋى كەرەك.
http://kazakh.people.com.cn/158373/15832256.html
