قوعامدىق وركەنيەت دەڭگەيىن تىڭ ورەگە جەتكىزۋ ەلىمىزدىڭ «14 - بەسجىلدىق» كەزىندەگى ەكونوميكالىق، قوعامدىق دامۋىنداعى باستى نىسانالاردىڭ ءبىرى بولىپ تابىلادى. باس شۋجي شي جينپيڭ: «جول - جوسىن − قۇن كوزقاراسىن ايگىلەۋدىڭ، حالىقتى تاربيەلەۋدىڭ ءونىمدى ءتاسىلى» دەپ اتاپ كورسەتتى. جول - جوسىن ءبىر ءتۇرلى ءتۇزىم ولشەمى جانە قۇن دانەكەرى بولىپ، سالت قالىپتاستىرىپ، ادام تاربيەلەۋ رولىنا يە. قوعامدىق مادەنيەت دارەجەسىن جاڭا بيىك نىساناعا جەتۋىن ىسكە اسىرۋدا جول - جوسىن تاربيەسىن بەلسەنە ىلگەرىلەتىپ، حالىق بۇقاراسىنىڭ وركەنيەت ساپاسىن ۇزدىكسىز جوعارىلاتىپ، تۇتاس قوعامدا جاڭا ءداۋىردىڭ تالابىنا ۇيلەسەتىن يدەيالىق كوزقاراس، رۋحاني بەت ـ بەينە، وركەنيەتتى سالت ـ سانا، ولشەمدى ءىس - ارەكەت قالىپتاستىرۋ كەرەك.
جول - جوسىن ءتۇزىمىن ورناتۋ كەرەك. باس شۋجي شي جينپيڭ بىلاي دەپ اتاپ كورسەتتى: «كەيبىر جول - جوسىن ءتۇزىمىن ورناتۋ جانە ارناعا ءتۇسىرۋ كەرەك.» الۋان فورمالى قۇتتىقتاۋ قيمىلدارىن ۇيىمداستىرىپ، ورىستەتىپ، نەگىزگى اعىمدىق قۇندى تاراتىپ، ادامداردىڭ مۇراتتاستىعى مەن تاۋەلدىلىك سەزىمىن كۇشەيتۋ كەرەك.» جول - جوسىن ءتۇزىمى ءتۇرلى قوعامدىق قاتىناستاردى رەتتەيدى، بۇل جول - جوسىن تاربيەسىن كۇشەيتۋدىڭ ماڭىزدى نەگىزى. جول - جوسىن ءتۇزىمى قۇرىلىسىن كۇشەيتۋدە سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، تاڭداۋلى داستۇرگە مۇراگەرلىك ەتىپ، وسى زامانعى امالياتتى تياناق ەتىپ، جۇڭگوشا ەرەكشەلىكتى كۇشەيتۋ كەرەك. جان – جاقتىلىقتى دارىپتەۋ، مەملەكەت دەڭگەيىندەگى ەلەۋلى ەسكە ءتۇسىرۋ، قۇتتىقتاۋ قيمىلىنىڭ جول - جوسىن ءتۇزىمىن كەمەلدەندىرۋمەن بىرگە، قوعامدىق دەڭگەيدەگى ءوندىرىس - تۇرمىس جول - جوسىنى ءتۇزىمىن ارناعا ءتۇسىرۋ كەرەك؛ ءارى تۇتاس قوعام ورتاق بويسۇناتىن سالت - سانا ولشەمىن كەمەلدەندىرۋ كەرەك، ءارى ءار سالا، ءار كاسىپتىڭ ەرەكشەلىگىن ايگىلەيتىن ارەكەت ولشەمىن بەلگىلەۋ كەرەك. ۇلتتىق قاسيەتتى، وتانشىلدىقتى وزەك ەتكەن ۇلتتىق رۋحتى ايگىلەپ، جۇڭحۋانىڭ تاڭداۋلى ءداستۇرلى سالت ـ سانا مادەنيەتىن جالعاستىرىپ جانە دامىتىپ، مازمۇنى مەن فورماسى جاعىنان جۇڭگو رۋحىن، جۇڭگو قۇنىن، جۇڭگو كۇشىن ايگىلەپ، وركەنيەتتى بايىرعى ەل، جول - جوسىندى ەل سىندى تاماشا وبراز ورناتۋ كەرەك. داۋىرلىك سيپاتىن، رەفورما جاساپ، جاڭالىق اشۋدى وزەك ەتكەن جاعدايدى ايگىلەپ، وسى زامانعى وركەنيەتتىڭ نەگىزگى ۇستانىمىنا ۇيلەسىپ، جۇڭحۋانىڭ ءداستۇرلى سالت - سانا مادەنيەتىنىڭ داۋىرلىك قۇنىن كورنەكتىلەندىرۋ كەرەك ءارى توراپ ينفورماتسيا تەحنيكاسىنان پايدالانىپ ونىڭ فورماسى مەن ۇلگىسىن بايىتۋ كەرەك.
http://kazakh.people.com.cn/158373/15832251.html
