پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى قاراپ ماقۇلداعان «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق پلانى مەن 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى» (تومەندە قىسقاشا «ۇسىنىس» دەلىنەدى) جالپى حالىقتىڭ بىرگە اۋقاتتانۋى اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى بولاشاقتىق نىسانا رەتىندە ورتاعا قويدى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ حالىقتى وزەك ەتۋگە تاباندى بولۋ سىندى ءتۇبىرلى مايدانىن تولىق ايگىلەدى، بۇل − ەلىمىزدىڭ كەزەكتەگى جانە بۇدان بىلايعى ەكونوميكالىق، قوعامدىق دامۋىنداعى ماڭىزدى قۇلشىنۋ بەتالىسى جانە نەگىزگى ولشەمى.
بىرگە اۋقاتتانۋ − سوتسياليزمنىڭ ماندىك تالابى، جۇڭگو كوممۋنيستىك پارتياسىنىڭ ماڭىزدى بورىشى. جاڭا جۇڭگو قۇرىلعان العاشقى كەزدە، ماۋ زىدۇڭ جولداس: «ءبىز قازىر وسىنداي ءتۇزىم، وسىنداي جوسپاردى اتقارامىز، جىل سايىن ءتىپتى دە بايىپ، ءتىپتى دە قۇدىرەتتەنۋگە بەت الامىز، ال، بۇل بايلىق ورتاق بايلىق، بۇل قۇدىرەتتەنۋ ورتاق قۇدىرەتتەنۋ، كوپشىلىكتىڭ دە ۇلەسى بار.» رەفورما جاساپ، ەسىك اشقاننان كەيىن، دىڭ شياۋپيڭ جولداس بىرگە اۋقاتتانۋدى سوتسياليزمنىڭ ءمانى كاتەگورياسىنا ەنگىزۋدى ايقىن ورتاعا قويدى، «سوتسياليزمنىڭ ءمانى − وندىرگىش كۇشتەردى ازات ەتۋ، وندىرگىش كۇشتەردى دامىتۋ، قاناۋدى، ەكى ۇيەككە جىكتەلۋدى جويىپ، ەڭ سوڭىندا ورتاق اۋقاتتانۋعا جەتۋ.» پارتيانىڭ 18 ـ قۇرىلتايىنان بەرى، باس شۋجي شي جينپيڭ: «كەدەيلىكتى جويىپ، حالىق تۇرمىسىن جاقسارتىپ، بىرگە اۋقاتتانۋدى بىرتىندەپ جۇزەگە اسىرۋ − سوتسياليزمنىڭ ماندىك تالابى، پارتيامىزدىڭ ماڭىزدى بورىشى.» ورتاق اۋقاتتانۋ سوتسياليزمنىڭ كاپيتاليزمنەن پارىقتالاتىن ماڭىزدى بەلگىسى، ول سوتسياليزمنىڭ ابزالدىلىعىن تۇبىرىنەن بەينەلەيدى دەۋگە بولادى.
پارتيامىز بىرگە اۋقاتتانۋدى قۇن كوزقاراسى رەتىندە ىزدەنۋمەن بىرگە، بىرگە اۋقاتتانۋدى امالياتتىق تالاپ رەتىندە ىلگەرىلەتتى. دەموكراتيالىق توڭكەرىس كەزىندە پارتيامىز قالىڭ ديقاندارعا باسشىلىق ەتىپ، «جۋان جۇدىرىقتارعا سوققى بەرىپ، ەگىستىك جەردى بولىسكە سالدى»، قالىڭ ديقانداردى ازاتتىققا شىعاردى، بۇل − ورتاق اۋقاتتانۋدى جۇزەگە اسىرۋ ءۇشىن بولاتىن. جاڭا جۇڭگو قۇرىلعاننان كەيىن، پارتيامىز قالىڭ ديقاندارعا باسشىلىق ەتىپ، «كەدەيلىكتەن ارىلىپ، اۋقاتتانۋ»، قالىڭ ديقانداردى ىرعىن تۇرمىسقا كەنەلتۋ دە − ورتاق اۋقاتتانۋدى جۇزەگە اسىرۋ ءۇشىن بولىپ تابىلادى. رەفورما جاساپ، ەسىك اشقان 40 نەشە جىلدان بەرى، ەلىمىز اۋىل ـ قىستاقتاعى 700 ميلليوننان استام كەدەيدى كەدەيلىكتەن ءساتتى ارىلتىپ، ادامزاتتىڭ كەدەيلىكتى ازايتۋداعى كەرەمەتىن جاراتتى. پارتيانىڭ 18 - قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويدى، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ساياسي ابزالدىلىعىن تولىق ساۋلەلەندىرىپ، ءتول جاسامپازدىق سيپاتقا، وزىندىك ەرەكشەلىككە يە كوپتەگەن كەلەلى شارالاردى قولدانىپ، ادامزات تاريحىنداعى كولەمى ەڭ زور، سەرپىنى ەڭ كۇشتى كەدەيلىكتەن ارىلتۋدان قامال الۋ شايقاسىن ۇيىمداستىرىپ اتقاردى. 8 جىل جالعاستى كۇرەس جاساۋ ارقىلى ءبىز جاڭا داۋىردەگى كەدەيلىكتەن ارىلتۋدان قامال الۋ نىسانالىق مىندەتىن ۋاعىندا ورىنداپ، قازىرگى ولشەم بويىنشا اۋىل ـ قىستاقتاعى كەدەيلەردى تۇگەلدەي كەدەيلىكتەن ارىلتتىق، كەدەي اۋدانداردىڭ بارلىعى كەدەيلىك قالپاعىن الىپ، مۇلدە كەدەي جانە وڭىرلىك تۇتاسقان كەدەيلىك جويىلدى، 100 ميلليونعا جۋىق كەدەي جان سانى كەدەيلىكتەن ارىلىپ، بۇكىل دۇنيە ءجۇزىن جالت قاراتقان كەلەلى جەڭىسكە قول جەتكىزدىك.
http://kazakh.people.com.cn/158373/15831936.html
