باس شۋجي شي جينپيڭ بىلاي دەپ اتاپ كورسەتتى: « كەدەيلەردى كاسىپ سالاسى ارقىلى سۇيەمەلدەۋ − ەڭ تىكە، ەڭ ءونىمدى ءادىس، سونداي ـ اق كەدەي وڭىرلەردىڭ قان جاساۋ فۋنكتسياسىن كۇشەيتىپ، بۇقارانىڭ سول جەردىڭ وزىندە جۇمىستانۋىنا كومەكتەسۋدىڭ ۇزاق بولاشاقتىق جوسپارى. كەدەيلەردى كاسىپ سالاسى ارقىلى سۇيەمەلدەۋ نىسان جوباسىن كۇشەيتىپ، اناعۇرلىم كوپ كاسىپ نىساندارىن كەدەي وڭىرلەرگە ىرگە تەبۋگە جەتەكتەۋ جانە ىلگەرىلەتۋ كەرەك.» كەدەيلەردى كاسىپ سالاسى ارقىلى سۇيەمەلدەۋدىڭ ءتۇيىنى − باياندى مەحانيزم قالىپتاستىرۋ كەرەك. پارتيانىڭ 18 - قۇرىلتايىنان بەرى، مەملەكەتتىك اشۋ، قارجى قوسۋ توبى شەكتى سەرىكتەستىگى (تومەندە قىسقارتىلىپ مەملەكەتتىك قارجى قوسۋ دەلىنەدى) باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋ جونىندەگى شەشىمدەرى مەن ورنالاستىرۋلارىن مۇقيات تياناقتاندىرىپ، كەدەيلەردى كاسىپ سالاسى ارقىلى سۇيەمەلدەۋدىڭ باياندى مەحانيزمىن بەلسەنە قاراستىرىپ، مەملەكەت مەنشىگىندەگى كاپيتالدى جەتەكشى ەتىپ، قوعامدىق كاپيتال قوسىلىمىن جەبەپ، كەدەي رايونداردىڭ قان جاساۋ فۋنكتسياسىن كۇش سالا كۇشەيتتى.
مەملەكەت مەنشىگىندەگى كاپيتالدىڭ جەتەكشىلىك رولىن ساۋلەلەندىرىپ، كەدەي وڭىرلەردىڭ دامۋ قارجىسىنىڭ قيىنشىلىعىن شەشۋ كەرەك. كەدەي رايونداردىڭ قان جاساۋ فۋنكتسياسىن كۇشەيتۋ كەدەي رايوندارداعى كاسىپورىنداردىڭ ومىرشەڭدىك كۇشىن قوزعاۋدى قاجەت ەتەدى، كاسىپ سالاسىن دامىتۋ ارقىلى جۇمىستانۋ ورايىن ارتتىرۋ جانە باجى كىرىسىن جوعارىلاتۋ جەبەلىپ، جەرگىلىكتى ورىننىڭ ەكونوميكالىق، قوعامدىق ۇتىمدى دامۋىن جەبەپ، سول ارقىلى كەدەيلىكتەن ورنىقتى ارىلتۋدى جۇزەگە اسىرۋ كەرەك. كەدەي رايونداردىڭ، اسىرەسە، «ءۇش رايون، ءۇش وبلىس» رايوندارىنىڭ كاسىپ نەگىزى ءالسىز، كاسىپورىنداردىڭ ەكونوميكالىق ونىمدىلىگى تومەن، قوسقان قارجىسىنىڭ قارىمجىسى تومەن. تۇڭعىش توپتاعى مەملەكەت مەنشىگىندەگى كاپيتالمەن قارجىلاندىرۋ سەرىكتىگى رەفورماسىن تۇيىندە سىناق ەتەتىن ورىن رەتىندە، مەملەكەت قارجىلاندىرۋى مەملەكەت مەنشىگىندەگى كاپيتالدىڭ جەتەكشىلىك رولىن ساۋلەلەندىرىپ، مەملەكەت دارەجەلى ەكى كاسىپ سالاسى ارقىلى كەدەيلەردى سۇيەمەلدەۋ قورىن تۇعىر ەتەدى، قارجى قوسۋ ۇستانىمىنا بەلسەنە بۇرىلىس جاساپ، كەدەيلەردى قور ارقىلى سۇيەمەلدەۋ جانە كاسىپ سالاسىن دامىتۋدىڭ جاڭا جولىن اشۋ كەرەك؛ قور باسقارۋ ۇلگىسىندە جاڭالىق جاراتىپ، ارنايىلانعان قارجىلاندىرۋدى باقىلاۋ - باسقارۋ قۋاتىن جوعارىلاتىپ، قوعامدىق كاپيتالدى ات سالىسۋعا جەتەكتەپ جانە باستاپ، ءتۇرلى بازار سۋبيەكتىلەرىنىڭ بەلسەندىلىگىن جۇمىلدىرۋ كەرەك؛ كەدەيلەردى سۇيەمەلدەۋ ارقىلى سەرىكتەستىكتى جونگە سالۋدى ىلگەرىلەتىپ جانە كەمەلدەندىرىپ، قورعا قارجى قوسۋدىڭ بازارلانۋى مەن الەۋمەتتىك يگىلىك سيپاتىنىڭ ورگانيكالى ۇشتاسۋىن جەبەۋ كەرەك؛ كەدەي رايونداردىڭ كاسىپ دامۋىن بازارلاندىرىپ قولداۋ ارقىلى كاسىپورىنداردىڭ دامۋ تانىمىندا بۇرىلىس جاساۋىنا كومەك بەرىپ، كەدەي وڭىرلەردىڭ كاسىپ سالاسىنىڭ قان جاساۋ فۋنكتسياسىن كۇشەيتىپ، مەملەكەت مەنشىگىندەگى كاپيتالمەن قارجى قوسۋ مەن كەدەي وڭىرلەردىڭ كاسىپ سالاسىنىڭ باياندى دامۋىن جەبەۋ كەرەك.
http://kazakh.people.com.cn/158373/15831934.html
