قالا ‐ ادامدار شوعىرلى تۇرمىس كەشىرەتىن جەر، وسىزاماندانۋدىڭ ماڭىزدى دانەكەرى. باس شۋجي شي جينپيڭ بىلاي دەپ اتاپ كورسەتتى: «مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە، ءسوز جوق، قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى مىقتى يگەرۋ كەرەك.» پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى قاراپ ماقۇلداعان «ج ك پ ورتالىق كوميتەتىنىڭ حالىق شارۋاشىلىعى مەن الەۋمەتتىك دامۋدىڭ 14 - بەسجىلدىق پلانى مەن 2035 - جىلعا دەيىنگى بولاشاقتىق نىساناسىن جاساۋ جونىندەگى ۇسىنىسىندا»: «قالانى جونگە سالۋ ورەسىن جوعارىلاتۋ» ورتاعا قويىلدى. قالانى باسقارۋ ورەسىن ءوسىرۋ ءۇشىن عىلىمي، ۇيلەسىمدى ءتۇزىلىس مەحانيزمىن ورناتۋ كەرەك، قالانى جونگە سالۋدا سەزىمدىك تەمپەراتۋرانى ايگىلەۋگە، جونگە سالۋ ونىمدىلىگىن جوعارىلاتۋعا، جونگە سالۋدىڭ بىرىككەن كۇشىن ۇيىستىرۋعا كۇش سالىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، قالا تۇرمىسىن اناعۇرلىم جاقسارتۋ كەرەك.
سۇيىسپەنشىلىك تەمپەراتۋراسىن ايگىلەۋ كەرەك. حالىقتىڭ قالاسىن حالىق كوركەيتەدى، حالىقتىڭ قالاسى حالىق ءۇشىن قىزمەت ىستەيدى. باس شۋجي شي جينپيڭ بىلاي دەپ اتاپ كورسەتتى: «قالانى جونگە سالۋدى ىلگەرىلەتۋدىڭ ءتۇبىرلى ماقساتى − حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ.» ءبىر قالانىڭ ادامدارعا قالدىرعان جاقسى اسەرى، قاز - قاتار تىزىلگەن ءزاۋلىم عيماراتتارمەن عانا توقتاپ قالۋىنا بولمايدى، وندا جاساپ جاتقان ادامدارعا جىلىلىق، جايلىلىق، قولايلىلىق سيلاۋ كەرەك. سوندىقتان، قالانى جونگە سالۋدا تەمپەراتۋرا كەم بولسا بولمايدى. قالانى جونگە سالۋ سۇيىسپەنشىلىك جىلىلىعىن ايگىلەۋ، حالىق بۇقاراسى ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن كۇش سالا شەشۋ قاجەت، بۇل ءارى وسىزامانعى قالانى جونگە سالۋدىڭ ىشكى تالابى، ءارى حالىق بۇقاراسىنىڭ تۇلعالىق رولىن تولىق ساۋلەلەندىرىپ، قالانى جونگە سالۋدىڭ ىشكى قوزعاۋشى كۇشىن تاسقىنداتۋدا بولۋعا ءتيىستى مازمۇن. سۇيىسپەنشىلىك پەن تەمپەراتۋرانى ايگىلەيتىن قالانى جونگە سالۋدا حالىق بۇقاراسىن قاي ـ قاشان دا كوكەيدە ساقتاۋ كەرەك، حالىقتى وزەك ەتۋگە باستان ـ اياق تاباندى بولىپ، حالىقتىڭ مۇددەسىن ماڭىزدى ورىنعا قويىپ، حالىقتىڭ ءۇمىتىن ەستە بەرىك ساقتاپ، بۇقارانىڭ ۇنىنە شىنايى قۇلاق اسىپ، بۇقارانىڭ تىلەگىن شىنايى بەينەلەپ، بۇقارانىڭ مۇڭ - مۇقتاجىنا كوڭىل ءبولىپ، بۇقارانىڭ مايدانىندا تۇرىپ ماسەلەگە قاراۋ، ءادىس - امال قاراستىرۋ كەرەك، الەۋمەتتىك قىزمەت وتەۋدىڭ تەڭگەرىلۋ، ساپالانۋ دەڭگەيىن ۇزدىكسىز جوعارىلاتىپ، بۇقارانىڭ الاڭدايتىن، مازالاناتىن، باس قاتىراتىن ىستەرىن شەشۋ كەرەك.
http://kazakh.people.com.cn/158373/15831922.html
