ايبىندى حالىق قۇرىلتايى سارايى سالتاناتقا تولى، مەيىرگە شومعان. 11 – ايدىڭ 24 – كۇنى تۇستەن بۇرىن، مەملەكەتتىك ەڭبەك ەرلەرى جانە وزات قىزمەتكەرلەردى ماداقتاۋ – سيلاۋ ءماجىلىسى بەيجيڭدە سالتاناتپەن اشىلدى. كوپشىلىك ءبىر ارادا باس قوسىپ، جاڭا داۋىردەگى ەڭ سۇيىكتى كۇرەسكەرلەرگە بىرگە قۇرمەت ءبىلدىرىپ، جاڭا ساپاردى باستاپ، جەلكەن جايىپ، قايتا ساپارعا اتتانۋ ءۇشىن قول ۇستاسا رۋحاني كۇش توپتادى.
«ەڭبەك ەرلەرى ۇلتتىڭ ەگەيلەرى، حالىقتىڭ ۇلگىسى، رەسپۋبليكانىڭ ارداگەرى». ماداقتاۋ – سيلاۋ ماجىلىسىندە، باس شۋجي شي جينپيڭ ماڭىزدى ءسوز سويلەپ، ەڭبەك ەرلەرى رۋحىن، ەڭبەك رۋحىن، شەبەرلەر رۋحىن كۇش سالا ساۋلەلەندىرۋدى باسا دارىپتەپ، ەڭبەك ەرلەرى رۋحىنىڭ، ەڭبەك رۋحىنىڭ، ىسكەرلىك رۋحىنىڭ وتانشىلدىقتى وزەك ەتكەن ۇلتتىق رۋح جانە رەفورمالاپ، جاڭالىق اشۋدى وزەك ەتكەن ءداۋىر رۋحىنىڭ جاندى بەينەلەنۋى، بۇكىل پارتياداعىلار مەن بۇكىل ەلدەگى ءار ۇلت حالقىنىڭ بوران – شاشىننەن بوگەلمەي، باتىلدىقپەن العا تارتۋداعى قۋاتتى رۋحاني قوزعاۋشى كۇشى ەكەنىن تەرەڭ اتاپ كورسەتتى. جاڭا ساپارعا ۇدەرە العا تارتقان شاقتا، ءبىز ەڭبەك ەرلەرى رۋحىنىڭ باي مازمۇنى مەن وسىزامانعى قۇنىن اناعۇرلىم عىلىمي مەڭگەرۋىمىز، جاقسىدان ءتالىم الىپ، ەڭبەك ەرلەرىنەن ۇيرەنۋىمىز، ەڭبەك ەرلەرى رۋحىن كۇش سالا ساۋلەلەندىرۋىمىز، بۇكىل قوعامدا ەڭبەكتى قۇرمەتتەيتىن، ەڭبەكتى داڭق سانايتىن تاماشا سالتتى قالىپتاستىرۋدى ىلگەرىلەتۋىمىز، ەرەن ەڭبەگىمىز ارقىلى تاماشا بولاشاققا باراتىن جولدىڭ تاعانىن جاراتۋىمىز جانە بەكەمدەۋىمىز كەرەك.
جۇڭحۋانىڭ ءداستۇرلى مادەنيەتى ەڭبەك امالياتىن تاني ءبىلۋدى، ەڭبەك رۋحىنا مۇراگەرلىك ەتۋدى، ەڭبەك مادەنيەتىن تاراتۋدى تەگىننەن قاستەرلەيدى. ەڭبەك ەرلەرى ميلليارد ەڭبەكشىلەردىڭ ۇزدىك ۋاكىلدەرى، ولار جۇمىسشى تابى مەن قالىڭ ەڭبەكشى جۇرتشىلىقتىڭ تاڭداۋلى قاسيەتىن شوعىرلى ايگىلەيدى. «شەكارا وڭىردەگى جۇمىسشىلاردىڭ تۋى» جاۋ جانكۇي، «اسكەري ونەركاسىپ ىستەرىنە جول سالۋشى» ۋ يۇندو، «جاڭا ەڭبەكشىلەر قوزعالىسىنىڭ تۋ ۇستاۋشىسى» جىن رۇڭديان قاتارلى ەڭبەك ەرلەرىنەن تارتىپ، «دومنا پەش قورعاۋشىسى» مىڭ تاي، «تەمىر ادام» ۋاڭ جينشي، «ەكى بومبى ارداگەرى» دىڭ جياشيان قاتارلى ءبىر توپ وزات ۇلگىلەرگە دەيىن، ونان سوڭ، «كوك جاعالى مامان» كۇڭ شياڭرۇي، «جاڭا زاماننىڭ لەي فىڭى» شۇي حۋ، «اتتى پوچتاليون» ۋاڭ شۇنيوۋ قاتارلى ءبىر توپ ەڭبەك ەرلەرى جانە وزات قىزمەتكەرلەرگە دەيىن ... پارتيامىز حالىقتى ىنتىماقتاستىرىپ جانە ولارعا جەتەكشىلىك ەتىپ، توڭكەرىس، قۇرىلىس، رەفورما جۇرگىزگەن ءارقايسى تاريحي كەزەڭدە، ەڭبەك ەرلەرى باستان – اياق ەلىمىزدىڭ جۇمىسشى تابى اراسىنداعى جالىنداعان شوعىر بولىپ كەلدى، ولار وسكەلەڭ داڭققا يە بولىپ، حالىقتىڭ قۇرمەتىنە بولەندى.
http://kazakh.people.com.cn/158373/15831352.html
