حالىقتىڭ حاۋىپسىزدىگى − مەملەكەت حاۋىپسىزدىگىنىڭ ىرگە تاسى، ادامزاتتىڭ دەنساۋلىعى − قوعامدىق وركەنيەتتىڭ العا باسۋىنىڭ نەگىزى. باس شۋجي شي جينپيڭ مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋشىلاردى ماداقتاۋ جينالىسىندا سويلەگەن ماڭىزدى سوزىندە بىلاي دەپ باسا دارىپتەدى: «حالىقتىڭ باس اماندىعىن قورعاۋ الدىندا، ءبىز، ءسوز جوق، ءارقانداي بوداۋ بەرۋدەن تايىنباۋىمىز كەرەك، ءبىز ءارقانداي بوداۋ بەرۋدەن تايىنباۋدى ورىنداي الامىز». باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، ىندەتتەن ساقتانۋ جانە ونى تىزگىندەۋ جۇيەسىن كەمەلدەندىرۋ، ەمدەۋ ـ قۇتقارۋ قابىلەتىن جوعارىلاتۋ، حالىق بۇقاراسىنىڭ دەنساۋلىق دەڭگەيىن جوعارىلاتۋ سياقتى جاقتاردا ۇزدىكسىز قۇلشىنىپ، سالاماتتى جۇڭگو قۇرىلىسىن جەدەل ىلگەرىلەتۋ كەرەك.
باس شۋجي شي جينپيڭ بىلاي دەپ اتاپ كورسەتتى: «ساقتانۋ − دەنساۋلىق ساقتاۋدىڭ ەڭ ۇنەمدى، ەڭ ءونىمدى اقاۋسىزدىق تاكتيكاسى.» ەلىمىزدىڭ ىندەتتەن ساقتانۋ جانە ونى تىزگىندەۋ جۇيەسى 1953 - جىلى قۇرىلعان، اماليات بارىسىندا ۇزدىكسىز كەمەلدەنىپ، تاماشا ساقتانۋ، تىزگىندەۋ ونىمدىلىگىنە قول جەتكىزدى. ەلىمىزدە ىندەتتىڭ جالپى پايدا بولۋ مولشەرى كورنەكتى تومەندەدى، جۇقپالى اۋرۋدان قايتىس بولۋ سالىستىرماسى جاڭا جۇڭگو قۇرىلۋدان بۇرىنعى 1 - ورىننان 10 - ورىنعا ءتۇسىپ، كىسى باسىنا تۋرا كەلەتىن مەجەلى عۇمىرىنىڭ 34 جاستان قازىرگى 77.3 جاسقا كوتەرىلۋىنە ۇلەس قوستى. بيىل شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعى مەن ءبىرتۇتاس قولباسشىلىعىندا، ءبىز مەملەكەت بويىنشا ىندەتكە قارسى تۇرۋ كۇرەسىنىڭ كەلەلى ستراتەگيالىق جەتىستىگىنە قول جەتكىزدىك، جۇڭگوشا سوتسياليستىك ءتۇزىمنىڭ كورنەكتى ابزالدىلىعىن ايگىلەدىك، سونىمەن بىرگە ەلىمىزدىڭ بۇدان بىلايعى اۋىر الەۋمەتتىك دەنساۋلىق ساقتاۋ ىستەرىنە ءتىپتى دە جوعارى تالاپ قويدى. باس شۋجي شي جينپيڭ مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋشىلاردى ماداقتاۋ - سيلاۋ جينالىسىندا سويلەگەن سوزىندە مىنانى باسا دارىپتەدى: «ولقىلىقتاردى تولىقتاۋدى، ساڭىلاۋلاردى بەكىتۋدى، ءالسىز بۋىنداردى كۇشەيتۋدى مىقتى يگەرىپ، ءار جاقتاعى ءتۇزىلىس مەحانيزمىن كەمەلدەندىرۋدى تەزدەتۋ كەرەك». بۇل الەۋمەتتىك دەنساۋلىق ساقتاۋ جۇيەسىن قۇرىپ، اۋرۋدان ساقتانۋ جانە ونى تىزگىندەۋ جۇيەسىن كەمەلدەندىرۋدى، بەيبىتشىلىك پەن سوعىس ۇشتاستىرىلعان اۋىر جۇقپالى اۋرۋلاردان ساقتانۋ جانە ونى ەمدەۋ جۇيەسىن قۇرۋدى قاجەت ەتەدى، الەۋمەتتىك دەنساۋلىق ساقتاۋدى زاڭمەن باسقارۋ قامتاماسىزدىعى مەن عىلىم - تەحنيكا تىرەگىن كۇشەيتىپ، شۇعىل جاعدايعا توتەپ بەرۋ زات زاپاسى مەن قامتاماسىزداندىرۋ قۋاتىن جوعارىلاتىپ، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ نەگىزگى ساتىنىڭ نەگىزىن بەكەمدەۋ كەرەك.
http://kazakh.people.com.cn/158373/15831305.html
