باس شۋجي شي جينپيڭ كاسىپورىنشىلاردىڭ اڭگىمە ماجىلىسىندە بىلاي دەپ اتاپ كورسەتتى: « كاسىپكەرلەر كاسىپورىنداردى قازىرگى قيىنشىلىقتاردى جەڭىپ، اناعۇرلىم نۇرلى بولاشاققا بەت الۋعا جەتەكتەۋ ءۇشىن، كاسىپكەرلەر رۋحىن اسقاقتاتىپ، وتاندى ءسۇيۋ، جاڭالىق اشۋ، ادالدىق، قوعامدىق جاۋاپكەرشىلىك جانە حالىقارالىق كوز ايا سياقتى جاقتاردا وزدەرىن ۇزدىكسىز ءوسىرىپ، جاڭا داۋىردە جاڭا دامۋ ارناسىن ورناتۋدىڭ، وسىزاماندانعان ەكونوميكا جۇيەسىن قۇرۋدىڭ، جوعارى ساپالى دامۋدى ىلگەرىلەتۋدىڭ جالىندى كۇشىنە اينالۋعا قۇلشىنۋ كەرەك.» وسى ماڭىزدى بايىمداۋ جاڭا داۋىردەگى كاسىپورىنشىلاردىڭ رولىن اناعۇرلىم جاقسى ساۋلەلەندىرۋىنە ايقىن باعدار كورسەتتى.
رەفورما جاساپ، ەسىك اشقان 40 نەشە جىلدان بەرى، ەلىمىزدە زور توپتاعى كاسىپكەرلەر جارىققا شىعىپ، رەفورما جاساپ، ەسىك اشۋدى ىلگەرىلەتىپ، مەملەكەتتىڭ قۇدىرەتتەنۋىن، ۇلتتىڭ گۇلدەنۋىن جەبەۋ تاريحي بارىسىندا ماڭىزدى رول اتقاردى. ەلىمىزدىڭ سىرتقا ەسىك اشۋ ورەسىنىڭ ۇزدىكسىز جوعارىلاۋىنا بايلانىستى، كوپتەگەن كاسىپكەرلەر دۇنيە ءجۇزى ەكونوميكاسىنىڭ ۇلكەن ساحناسىنا شىعىپ، ەلىمىز ەكونوميكاسىنىڭ حالىقارالىق باسەكەلىك قۋاتىن جوعارىلاتتى. جاڭا تيپتى ايدارشا ۆيرۋس وكپە قابىنۋ ىندەتى ەلىمىز ەكونوميكاسى مەن دۇنيە ءجۇزى ەكونوميكاسىنا وراسان زور ىقپال جاسادى، ەلىمىزدىڭ كوپتەگەن بازار تۇلعالارى بۇرىن بولىپ كورىلمەگەن قىسىمعا ءدوپ كەلدى. قالىڭ كاسىپكەرلەر كاسىپكەرلەر رۋحىن ىشكەرلەي ساۋلەلەندىرىپ، قيىن كۇندەردە كاسىپورىنداردىڭ اناعۇرلىم زور دامۋدى جۇزەگە اسىرۋىن ىلگەرىلەتىپ، ەلىمىزدىڭ ەكونوميكا كەمەسىنىڭ ورنىقتى قارقىنمەن الىسقا جول الۋىنا تىڭ دا اناعۇرلىم زور ۇلەس قوستى.
باس شۋجي شي جينپيڭ بىلاي دەپ اتاپ كورسەتتى: «كاسىپورىندار ساۋداسىندا شەكارا جوق، كاسىپكەرلەردە وتان بار.» مەملەكەت جاقسى بولعاندا، ۇلت جاقسى بولعاندا عانا، كاسىپورىن جاقسى بولادى، كاسىپورىننىڭ دامۋى مەملەكەتتىڭ، ۇلتتىڭ گۇلدەنۋى جانە قۇلدىراۋىمەن تىعىز بايلانىستى. كاسىپكەرلەر مەملەكەتكە، ۇلتقا وسكەلەڭ بورىشتىلىق سەزىمى مەن كۇشتى جاۋاپكەرشىلىك سەزىمىن مەملەكەتتىڭ گۇلدەنۋىمەن، ۇلتتىڭ گۇلدەنۋىمەن، حالىقتىڭ باقىتىمەن تىعىز ۇشتاستىرۋ كەرەك. جاڭا تيپتى ايدارشا ۆيرۋس وكپە قابىنۋ ىندەتى بۇكىل جەر شارىن شارپىدى، دۇنيە ءجۇزى ەكونوميكاسى اۋىر جاعدايعا ۇشىرادى، ەل ءىشى ەكونوميكاسى دا سوققىعا ۇشىرادى. قىسىم مەن سىن الدىندا، ەلىمىز كاسىپكەرلەرى قيىنشىلىقتان قورقىپ توقتاپ قالماي، قايتا قيىندىقتان تايسالماي العا ۇمتىلىپ، مەملەكەتتىڭ ۇندەۋىنە بەلسەنە ءۇن قوستى، ىندەتكە قارسى زاتتىق ماتەريالدارمەن قامداۋدى بار كۇشپەن قامتاماسىز ەتىپ، وسى زامانعى كاسىپكەرلەردىڭ رۋحاني قاسيەتى مەن وتباسى، وتان سۇيىسپەنشىلىگىن ءىس جۇزىندىك ارەكەتى ارقىلى ايگىلەدى. كاسىپكەرلەر رۋحىن ساۋلەلەندىرۋدە وتانشىلدىق سۇيىسپەنشىلىكتى جەتىلدىرۋدى، كاسىپورىننىڭ قوعامدىق جاۋاپكەرشىلىگىن امالياتتا ايگىلەۋدى نەگىز جانە العى شارت ەتۋ كەرەك، بار ويىن نەگىزگى كاسىپتى يگەرۋگە، ناقتى كاسىپتى ىستەۋگە، كاسىپ سالاسىن گۇلدەندىرۋگە ارناپ، كاسىپورىننىڭ دامۋىن مەملەكەتتىڭ گۇلدەنۋى، ۇلتتىڭ گۇلدەنۋى سىندى جالپى جاعدايعا قويا ءبىلۋ كەرەك.
http://kazakh.people.com.cn/158373/15831281.html
