باس شۋجي شي جينپيڭ بىلاي دەپ اتاپ كورسەتتى: «‹14 - بەسجىلدىق› كەزى ەلىمىز جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، ەكىنشى 100 جىلدىق كۇرەس نىساناسىنا جورىق جاساعان العاشقى 5 جىل، ەلىمىز جاڭا دامۋ كەزەڭىنە وتەدى.» پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى «14 - بەسجىلدىق» مەزگىلىندە ەلىمىزدىڭ دامۋى جونىندە جۇيەلى جوبا جانە ستراتەگيالىق ورنالاستىرۋ جاسادى، «14 - بەسجىلدىق» كەزىندەگى ەكونوميكالىق، قوعامدىق دامۋ نىساناسى مەن 2035 - جىلعى بولاشاقتىق نىسانا ايقىندالدى. «14 - بەسجىلدىق» جوبا جانە 2035 - جىلعا دەيىنگى بولاشاقتىق نىسانانى ىسكە اسىرۋ ءۇشىن جاڭا دامۋ ساتىسىنىڭ مازمۇنى مەن ەرەكشەلىگىن تەرەڭ تانىپ، ەلىمىزدىڭ ماڭىزدى ستراتەگيالىق وراي مەزگىلىنىڭ ورايى مەن سايىسىن دۇرىس مەڭگەرۋ كەرەك، جاڭا دامۋ ۇستانىمىن دايەكتىلەندىرىپ، جاڭا دامۋ جۇيەسىن ورناتىپ، جوعارى ساپالى دامۋدى جۇزەگە اسىرۋ كەرەك.
جاڭا دامۋ ساتىسىن جەتە تانيىق
رەفورما جاساپ، ەسىك اشقاننان بەرى، ەلىمىز ەكونوميكاسىنىڭ دامۋى تاريحي سەكىرىستى جۇزەگە اسىردى. دۇنيە بانكەسىنىڭ ساندى مالىمەتىنە نەگىزدەلگەندە، 2010 - جىلى ەلىمىز قازىرگى باعا بويىنشا ەسەپتەلگەن ىشكى ءوندىرىس جالپى ءونىم قۇنى (GDP) 6 تريلليون 100 ميلليارد امەريكا دوللارىنا جەتىپ، جاپونيانىڭ 5 تريلليون 700 ميلليارد امەريكا دوللارىنان اسىپ ، دۇنيە جۇزىندەگى ەكىنشى ءىرى ەكونوميكالىق تۇلعاعا اينالدى. 2011 - جىلى ەلىمىزدە 15 - 59 جاس ارالىعىنداعى ەڭبەك جاسىنداعىلاردىڭ سانى ەڭ جوعارى شەككە جەتتى. بۇل ەلىمىزدىڭ ەكونوميكاسى مەن قوعامىنىڭ ءتىپتى دە پىسىپ - جەتىلگەن دامۋ ساتىسىنا وتكەندىگىنىڭ بەلگىسى. ەكونوميكالىق دامۋدىڭ ۇزاق پەريودى مەن دۇنيە ءجۇزىنىڭ ۇلكەن ارتقى كورىنىسىن شىعار ءتۇيىن ەتە وتىرىپ، باس شۋجي شي جينپيڭ ەلىمىز ەكونوميكاسىنىڭ دامۋى جاڭا قالىپقا ءوتتى دەگەن كەلەلى ستراتەگيالىق تۇجىرىم جاسادى. ەكونوميكالىق دامۋدىڭ جاڭا قالىبىنىڭ ماڭىزدى ءبىر ەرەكشەلىگى جان سانى پايداسىنىڭ السىرەۋىنەن بولدى، ءداستۇرلى ارتۋدىڭ قوزعاۋشى كۇشىنىڭ تومەندەۋىنەن كومەسكى ارتۋ مولشەرى تومەندەپ، ەكونوميكانىڭ ارتۋ قارقىنىندا سايكەستى تومەندەۋ بەتالىسى جارىققا شىقتى.
ەكونوميكا دامۋىنىڭ جاڭا قالىبى الدىندا، شي جينپيڭ جولداستى ۇيىتقى ەتكەن پارتيا ورتالىق كوميتەتى سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىردى، ۇكىمەتتىڭ رولىن ءتىپتى جاقسى ساۋلەلەندىرىپ، جاڭا دامۋ ۇستانىمىن جالپى بەتتىك دايەكتىلەندىردى، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، وسىزاماندانعان ەكونوميكالىق جۇيە قۇرۋدى جەدەلدەتىپ، جوعارى ساپالى دامۋدى ىلگەرىلەتىپ، ءبىرقىدىرۋ رەفورما جانە قىزمەت ورنالاستىرۋلارىن جاسادى، ەڭبەك ونىمدىلىگى مەن جالپى فاكتورلىق ءوندىرىس ونىمدىلىگىن جوعارىلاتۋ ارقىلى، GDPدىڭ كومەسكى ارتۋ مولشەرىن قامداۋ جاعىنان جوعارىلاتۋداي تاماشا ونىمدىلىككە جەتتى. ەلىمىز ەكونوميكاسى ارتۋىنىڭ تۇراقتىلىعى دا كۇشتى، جۇيەلىك حاۋىپ - قاتەر مەن ارتۋ قارقىنى زور دارەجەدە كوتەرىلىپ، كۇرت قۇلدىراعان جوق. 2010 - جىلدان 2019 - جىلعا دەيىن ەلىمىزدىڭ GDPنىڭ جىلدىق ورتاشا ارتۋ مولشەرى %7.4كە جەتىپ، دۇنيە ءجۇزى ەكونوميكاسىنىڭ ارتۋ مولشەرىنىڭ 2.6 ەسەسىندەي، ورتاشا كىرىستەگى ەلدەردىڭ ورتاشا ارتۋ مولشەرىنىڭ 1.6 ەسەسىندەي، جوعارى كىرىستەگى ەلدەردىڭ ورتاشا ارتۋ مولشەرىنىڭ 3.9 ەسەسىندەي بولدى. سونىمەن بىرگە، ەكونوميكانىڭ ارتۋىنداعى ورتاق يگىلىكتەنۋ سيپاتى كورنەكتى جوعارىلاپ، قالا - اۋىل تۇرعىندارىنىڭ قولداعى كىرىسى GDP مەن تەڭ ارتۋدى جۇزەگە اسىردى. 2020 ـ جىلى ءبىز اۋىل ـ قىستاقتاعى كەدەيلەردى تۇگەلدەي كەدەيلىكتەن ارىلتامىز، مۇلدە كەدەيلىك ماسەلەسىن تاريحي سيپاتتى شەشەمىز، «13 - بەسجىلدىق» جوبا اياقتالۋ الدىندا تۇر، جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ كەلەدى.
http://kazakh.people.com.cn/158373/15830940.html
