پارتيا 19 – كەزەكتى ورتالىق كوميتەتىنىڭ بەسىنشى جالپى ماجىلىسىندە قارالىپ ماقۇلدانعان «ج ك پ ورتالىق كوميتەتىنىڭ حالىق شارۋاشىلىعى جانە قوعام دامۋىنىڭ 14 – بەسجىلدىق جوسپارى مەن 2035 – جىلعا دەيىنگى بولاشاقتىق نىسانانى بەلگىلەۋ جونىندەگى ۇسىنىسىندا» بىلاي دەلىنگەن: «جاڭالىق اشۋدى ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنىڭ وزەكتى ورنىنا قويۋدا تاباندى بولىپ، عىلىم – تەحنيكادا ءوز كۇشىنە سۇيەنىپ ءوزىن قۇدىرەتتەندىرۋدى مەملەكەتتى دامىتۋدىڭ ستراتەگيالىق تىرەگى ەتۋ كەرەك». بۇل شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ دۇنيە ٴجۇزىنىڭ دامۋ اۋقىمىن مەڭگەرىپ، قازىرگى جاعدايدى تياناق ەتىپ، ۇزاق بولاشاققا كوز تاستاعان ستراتەگيالىق ويىن تولىق ايگىلەيدى. عىلىم – تەحنيكا قىزمەتكەرلەرى جاڭا داۋىردەگى عىلىم – تەحنيكادا جاڭالىق اشۋدىڭ كەزەڭدىك سيپاتتى ەرەكشەلىكتەرى مەن ماڭىزدى مىندەتتەرىن تەرەڭ يگەرىپ، جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىندا تاباندى بولىپ، عىلىم – تەحنيكادا ءوز كۇشىنە سۇيەنىپ ءوزىن قۇدىرەتتەندىرۋدى مەملەكەتتى دامىتۋدىڭ ستراتەگيالىق تىرەگى ەتۋى، مەملەكەتتىڭ جاڭالىق اشۋ جۇيەسىن كەمەلدەندىرىپ، عىلىم – تەحنيكادا قۇدىرەتتى ەل قۇرۋدى جەدەل ىلگەرىلەتۋى كەرەك.
باس شۋجي شي جينپيڭ مىنانى اتاپ كورسەتتى: «جۇڭگونى قۇدىرەتتەندىرۋ، كوركەيتۋ ءۇشىن، ءسوزسىز، عىلىم – تەحنيكانى كۇش سالا دامىتۋ، دۇنيە جۇزىندەگى باستى عىلىم ورتالىعى جانە جاڭالىق اشۋ بيىگى بولۋعا قۇلشىنۋ كەرەك». پارتيا 18 – قۇرىلتايىنان بەرى، ەلىمىز عىلىم – تەحنيكا ىستەرىندە سەكىرمەلى دامۋدى ورىنداپ، تاريحي سيپاتتى جەتىستىكتەرگە قول جەتكىزدى، جاڭالىق اشۋ سيپاتىنداعى ءىرى جەتىستىكتەر جارىسا جارىق كوردى، ءىشىنارا الدىڭعى دەڭگەيدەگى سالالاردا قاتارلاسا جۇگىرۋ، باستاپ جۇگىرۋ كەزەڭىنە قادام تاستادى. «13 – بەسجىلدىق» جوسپار مەزگىلىندە، ەلىمىزدىڭ زەرتتەۋ – اشۋ جاعىنداعى قوسىلىم كۇشەمەلىلىگى %2.06 تەن %2.23 كە جوعارىلاتىلىپ، نەگىزدىك زەرتتەۋ قاراجاتىنىڭ ارتۋ مولشەرى ءبىر ەسەگە دەيىن ءوسىپ، دۇنيە جۇزىلىك جاڭالىق اشۋ كورسەتكىشىندەگى ورنى 2015 – جىلداعى 29 – ورىننان 2020 – جىلداعى 14 – ورىنعا جوعارىلادى، جاڭالىق اشۋ تيپىندەگى مەملەكەت قۇرۋدا كەلەلى ىلگەرىلەۋشىلىكتەرگە قول جەتكىزىلدى.
سونىمەن بىرگە، مىنانى دا كورە ٴبىلۋىمىز كەرەك: ەلىمىزدىڭ عىلىم – تەحنيكادا جاڭالىق اشۋ ىستەرى جالپى تۇلعالىق جاقتان ءالى دە قۋالاۋ – تەڭەلۋ جولىندا تۇر، ءىشىنارا «القىمنان الاتىن» تەحنيكالىق ماسەلەلەرگە ءدوپ كەلىپ وتىرمىز. دۇنيە ءجۇزى دامۋىنىڭ جالپى بەتالىسىن عىلىمي مەڭگەرىپ، جاڭالىق اشۋدى جاڭاشا دامۋ اۋقىمىنىڭ شەشۋشى اينىمالى شاماسى رەتىندە قاراپ، جاڭالىق اشۋدى دۇنيە جۇزىلىك تۇرعىدان جوسپارلاۋ جانە ىلگەرىلەتۋ قاجەت، ءتۇيىندى، وزەكتى تەحنيكالاردا قامال الۋ شايقاسىن ويداعىداي ورىستەتىپ، جاڭالىق اشۋ تىزبەگىنىڭ جالپى تۇلعالىق ونىمدىلىگىن جوعارىلاتىپ، ماڭىزدى عىلىم – تەحنيكالىق سالالاردا سەكىرمەلى دامۋدى ورىنداۋعا كۇش سالۋىمىز، ءتىپتى دۇنيە جۇزىلىك عىلىم – تەحنيكا دامۋىنىڭ جاڭا باعدارىنا جەتەكشى بولۋىمىز، جاڭا كەزەكتى دۇنيە جۇزىلىك عىلىم – تەحنيكا باسەكەسىندە ستراتەگيالىق ىرىقتىلىقتى يگەرۋىمىز كەرەك.
http://kazakh.people.com.cn/158373/15830020.html
