سىرتقا اشىق ۇستالاتىن جاڭا تەكشەنى قۇرۋدان، اشىق تۇرپاتتى ەكونوميكالىق جاڭا ءتۇزىلىس ورناتۋعا دەيىن، ونان ارى جاڭا دامۋ اۋقىمىن جەدەل قۇرۋعا دەيىن، جۇڭگونىڭ جاڭا كەزەكتى جوعارى ورەدە سىرتقا ەسىك اشۋ ىستەرى كۇننەن – كۇنگە جەدەلدەپ، جاپپاي اشىق ۇستاۋدىڭ جاڭا كورىنىسى كەستەلەندى
بولاشاقتى بەتكە العان ساتتە، ءبىز ءوزارا تيىمدىلىك جەتكىزۋ، تەڭ يگىلىكتەنۋ سىندى ەسىك اشۋ ستراتەگياسىن اتقارۋدا تاباندى بولىپ، دۇنيە جۇزىنەن دامۋ قوزعاۋشى كۇشىن قابىلداپ قالماستان، جۇڭگونىڭ دامۋى ارقىلى دۇنيە ءجۇزىن دە اناعۇرلىم ويداعىداي تيىمدىلىككە كەنەلتتىك
ءۇشىنشى كەزەكتى جۇڭگو حالىقارالىق يمپورت كورمەسىندە، جوعارى ورەدەگى جابدىقتار عىلىم – تەحنيكادا جاڭالىق اشۋ ءۇردىسىن ايگىلەپ، ءتۇرلى زەردەلى ونىمدەر دۇنيە ءجۇزى بويىنشا تۇڭعىش رەت تاراتىلىپ، ەل ءىشى – سىرتىنداعى اقپارات قۇرالدارىنىڭ نازارىن وزىنە اۋداردى. جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزى بويىنشا تارالعان، دۇنيە ءجۇزى ەكونوميكاسى ۇزدىكسىز توقىراعان ەرەكشە مەزگىلدە، وسى ءبىر دۇنيە جۇزىلىك ساۋدا سالتاناتى ىندەتتەن ساقتانۋ حاۋىپسىزدىگىنە كەپىلدىك ەتۋ العى شارتىندا، بەلگىلەنگەن مەرزىمدە وتكىزىلدى، بۇل جۇڭگونىڭ اناعۇرلىم جوعارى ورەدە ەسىك اشۋدى ىلگەرىلەتۋ اياق الىسىنىڭ توقىراپ قالمايتىنىن انىق اڭعارتىپ، جۇڭگونىڭ دۇنيە جۇزىمەن بازار ورايىنان تەڭ يگىلىكتەنىپ، دۇنيە ءجۇزى ەكونوميكاسىنىڭ قايتا جاندانۋىن ىلگەرىلەتۋ سىندى شىنايى تىلەگىن ايگىلەيدى.
باس شۋجي شي جينپيڭ ەسىك اشۋدىڭ العا ىلگەرىلەتىپ، توماعا – تۇيىق ۇستاۋدىڭ، ءسوزسىز، ارتتا قالدىراتىنىن كوپ رەت باسا دارىپتەگەن. رەفورمالاپ، ەسىك اشقان 40 جىلدان بەرى، ەسىك اشۋ ارقىلى رەفورمانى ىلگەرىلەتۋ، دامۋدى ىلگەرىلەتۋ — ەلىمىزدىڭ وسىزامانداندىرۋ قۇرىلىسىندا ۇزدىكسىز جاڭا ناتيجەلەرگە قول جەتكىزۋىندەگى ماڭىزدى تاجىريبەسى. «13 – بەسجىلدىق» جوسپار مەزگىلىندە، ەلىمىز سىرتقا ەسىكتى اشىق ۇستاۋدى ۇزدىكسىز كەڭەيتىپ، «ءبىر بەلدەۋ، ءبىر جولدى» بىرگە كوركەيتۋ ناتيجەلەرى سۇبەلى بولدى.
5 جىلدان بەرى، ەل ءىشى – سىرتىنداعى دامۋ شارت – جاعدايى مەن ورتاسىندا تەرەڭ وزگەرىستەر تۋىلعان جاعدايدا، جۇڭگو تاريحتىڭ دۇرىس جاعىندا باتىل تۇرىپ، ەكونوميكانىڭ جاھاندانۋىن باتىل قورعادى جانە ىلگەرىلەتتى، ەسىكتى اشىق ۇستاۋ سىندى دامۋ ۇستانىمىن امالياتتا ايگىلەپ، سىرتقا ەسىكتى اشىق ۇستاۋدا تىڭ، كەلەلى تابىستارعا قول جەتكىزىپ، جۇڭگو مەن دۇنيە جۇزىندەگى ءار ەلدىڭ سەلبەسە دامۋىنىڭ جاڭا سيمفونياسىن شارىقتاتتى. ءبىز «ءبىر بەلدەۋ، ءبىر جول» قۇرىلىسىن جەتەكشى ەتىپ، سىرتقا ەسىك اشۋدىڭ ىشكى ءمانىن بايىتىپ، سىرتقا ەسىك اشۋ ورەسىن جوعارىلاتىپ، ستراتەگيالىق جاقتا ءوزارا سەنىمدىلىك ورناتۋدى، قارجىلاندىرۋ مەن ەكونوميكالىق سەلبەستىكتى، گۋمانيتارلىق اۋىس - كۇيىستى سايكەسە ىلگەرىلەتىپ، ىشكەرىلەي توعىستىرىلعان، ءوزارا تيىمدىلىك جەتكىزەتىن سەلبەستىك اۋقىمىن قۇلشىنا قالىپتاستىرىپ، سىرتقا ەسىك اشۋدىڭ جاڭا اۋقىمىن جاراتتىق.
http://kazakh.people.com.cn/158373/15830002.html
