زاڭمەن باسقارۋ كۇشەيسە، مەملەكەت گۇلدەنەدى، زاڭمەن باسقارۋ ‐ تاماشا بيلىك جۇرگىزۋدىڭ، جاقسى باسقارۋدىڭ پارمەندى كەپىلى.پارتيانىڭ 18 - قۇرىلتايىنان بەرى، زاڭمەن باسقارۋدىڭ پارتيا مەن مەملەكەت ىستەرىنىڭ جالپى جاعدايىنداعى ورنى بارعان سايىن ماڭىزدى بولىپ، جەتەكشىلىك ەتۋ، ارناعا ءتۇسىرۋ، قامتاماسىزداندىرۋ رولى بارعان سايىن كورنەكتىلەنۋدە. ىندەتكە توتەپ بەرۋدەن رەفورمانى ىلگەرىلەتۋگە دەيىن، ءۇش ۇلكەن قامال الۋ شايقاسىنىڭ جەڭىسىنە قول جەتكىزۋگە دەم بەرۋدەن قارا كۇشتەردى الاستاۋ ارناۋلى كۇرەسىن ىشكەرىلەي ورىستەتۋگە دەيىن، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ سىندى قامتاماسىزداندىرۋ رولى تولىق ساۋلەلەندىرىلدى، پارتيا مەن مەملەكەت قىزمەتىنىڭ جالپى جاعدايىنا قىزمەت وتەۋ ناتيجەسى كورنەكتى بولدى.
كەلەلى رەفورمانىڭ زاڭدىق نەگىزى بار
بيىل شاڭحاي فۋدىڭ رايونى 30 جاسقا تولدى، الدىمەن اتقارىلىپ، الدىمەن سىناق ەتىلەتىن رەفورمانىڭ الدىڭعى لەگى رەتىندە جۇڭگو (شاڭحاي) ەركىن ساۋدا سىناق رايونى 2013 – جىلى 9 – ايدىڭ 29 – كۇنى رەسمي ماڭدايشالىق استى، قازىرگە دەيىن 328 ءتۇرلى تۇزىمدە جاڭالىق اشۋ جەتىستىگى بۇكىل ەلگە جالپىلاستىرىلدى.
زاڭ بويىنشا رەفورما جاساۋ، زاڭ بويىنشا جاڭالىق اشۋ شاڭحاي ەركىن ساۋدا سىناق رايونىنىڭ تۇزىمدە جاڭالىق اشۋداعى ءبىر ۇلكەن ەرەكشەلىگى. مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىپ جانە «مەملەكەتتىك كەڭەسكە جۇڭگو شاڭحاي ەركىن ساۋدا سىناق رايونى قاتارلى مەملەكەتتىك كەڭەس بەلگىلەگەن سىناق رايوندارىندا شەتەل قارجىسى، جۇڭگو - شەتەل سەرىكتەسكەن كاسىپورىنداردى قۇرۋ جانە تەكسەرىپ بەكىتۋ قاتارلى قاتىستى زاڭ بەلگىلەمەلەرىن اتقارۋدى ۋاقىتشا توقتاتۋ جونىندەگى قاۋلى جوباسىن» ماقۇلداۋدان تارتىپ، شاڭحايدىڭ «جۇڭگو (شاڭحاي) ەركىن ساۋدا سىناق رايونى ەرەجەسىن» جاساۋعا دەيىن، ورتالىقتىڭ ەركىن ساۋدا سىناق رايونىنا بەرگەن ءىس ۇقىعى بەكەمدەلدى، وسى زاڭ شىعارۋلار ەركىن ساۋدا سىناق رايونى رەفورماسىن ۇزاق ۋاقىتتىق تۇزىمدىك كەپىلمەن قامدادى.
زاڭمەن باسقارۋ جاعدايىندا رەفورمانى ىلگەرىلەتۋ، رەفورما بارىسىندا زاڭمەن باسقارۋدى كەمەلدەندىرۋ كەرەك. پارتيانىڭ 18 - قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى ماڭىزدى سالالاردا زاڭ شىعارۋدى ۇزدىكسىز كۇشەيتىپ، مەملەكەتتىڭ دامۋىنا، كەلەلى رەفورمالاردىڭ زاڭدىق نەگىزى بولۋىنا شىنايى كەپىلدىك ەتتى، دامۋ، رەفورما شەشىمى زاڭ شىعارۋ شەشىمىمەن جاقسى ۇشتاستىرىلدى: باقىلاۋ زاڭى جاسالدى، پارتيانىڭ شىرىكتەسۋگە قارسى تۇرۋ قىزمەتىنە بولعان باسشىلىعىنا تاباندى بولدى جانە ونى كۇشەيتتى، مەملەكەتتىڭ ورتالىقتانعان ءبىرتۇتاس، بەدەلدى، جوعارى ءونىمدى باقىلاۋ ءتۇزىلىسىن ورناتىپ، جاڭا جاعدايدا شىرىكتەسۋگە قارسى تۇرۋ كۇرەسىن زاڭمەن باسقارۋدىڭ پارمەندى كەپىلىن ازىرلەدى؛ حالىق سوت مەكەمەسىنىڭ ۇيىمدىق زاڭى مەن حالىق پروكۋراتۋراسىنىڭ ۇيىمدىق زاڭىنا وزگەرىس ەنگىزىپ، زاڭ شىعارۋ ارقىلى ءادىليا ءتۇزىلىسى رەفورماسىنىڭ جەتىستىكتەرىن تۇراقتاندىردى جانە بەكەمدەدى؛ زاڭ شىعارۋشى ورگاندار زاڭعا وزگەرىس ەنگىزۋ، شەشىم جاساۋ سياقتى تاسىلدەر ارقىلى پارتيا مەن مەملەكەتتىڭ قۇرىلىم رەفورماسىن تەرەڭدەتۋگە قاتىستى زاڭ شىعارۋدى ىلگەرىلەتتى...
http://kazakh.people.com.cn/158373/15829886.html
