باس شۋجي شي جينپيڭ مىنانى باسا دارىپتەگەن: كادرلار، وتە – موتە، جاس كادرلار «ماسەلەگە باتىلدىقپەن بەتپە – بەت كەلۋى، جۇمىستى تىندىرىمدى ىستەۋدى ويلايتىن، ىسكەر، ءىستى تىندىرا الاتىن بولۋى، ماسەلەلەردى، قيىن تۇيىندەردى ۇزدىكسىز شەشىم ەتۋى كەرەك». جىل باسىنان بەرى، جاڭا تيپتى ايدارشا ۆيروس وكپە قابىنۋ ىندەتىنىڭ سوققىسىنا ۇشىراعاندىقتان، سىرتقى ورتا كۇردەلى دە وزگەرىسكە تولى بولدى، ءىشىنارا كاسىپورىنداردىڭ ءوندىرىسى مەن تيجاراتى ىقپالعا ۇشىرادى. مەملەكەت مەنشىگىندەگى كاسىپورىندارىنىڭ باسشى كادرلارى، وتە – موتە، جاس كادرلار جونىنەن ايتقاندا، دامۋ بارىسىنداعى قيىن ماسەلەلەر مەن سايىستارعا ءدوپ كەلگەندە، ناقتى ماسەلەنى شەشىم ەتۋ قابىلەتىن ۇزدىكسىز جوعارىلاتۋى قاجەت.
دامۋ قاشان دا ماسەلەلەردى ۇزدىكسىز شەشىم ەتۋ بارىسىندا ورىندالادى. دامۋعا ۇمتىلۋ، تابىسقا تالپىنۋ ءۇشىن ناقتى ماسەلەلەرگە بەتپە – بەت كەلۋ، دامۋ جولىنداعى كەدەرگىلەردى ءبىر - بىرلەپ الاستاۋ قاجەت. جۋىرداعى جىلداردان بەرى، مەملەكەت مەنشىگىندەگى كاسىپورىنداردىڭ دامۋى ءبىرقىدىرۋ رەفورما ماسەلەلەرىنە ءدوپ كەلدى. قايتكەندە مەملەكەت مەنشىگىندەگى كاسىپورىنداردى ۇلعايتۋعا، كۇشەيتۋگە، ساپالىلاندىرۋعا بولادى، قايتكەندە مەملەكەت مەنشىگىندەگى كاسىپورىندار رەفورماسىن ىلگەرىلەتۋگە بولادى، قايتكەندە بازار تيجاراتى بارىسىندا مەملەكەت مەنشىگىندەگى كاپيتالدىڭ قۇنىن ساقتاۋعا، ارتتىرۋعا بولادى، قايتكەندە پارتيانىڭ مەملەكەت مەنشىگىندەگى كاسىپورىندارعا بولعان باسشىلىعىن كۇشەيتۋگە بولادى؟ مەملەكەت مەنشىگىندەگى كاسىپورىندارداعى كادرلار جونىنەن ايتقاندا، ءاربىر ماسەلە تۇگەلدەي جاۋاپكەرشىلىكتى، قابىلەتتى جانە ونەردى سىنايتىن ماسەلە، تەك قيىن ماسەلەلەردى باتىلدىقپەن شەشىپ، «تەڭدەۋلەردى» شەشۋگە شەبەر بولعاندا عانا، ىشكى قوزعاۋشى كۇشتى اناعۇرلىم ويداعىداي قوزعاپ، باسەكە بارىسىندا ناقتى قۋاتتى كۇشەيتۋگە بولادى.
ناقتى ماسەلەلەردى شەشىم ەتۋ قابىلەتىن جوعارىلاتۋدا، الدىمەن دامۋ جونىندەگى تانىمدا بۇرىلىس جاساۋ قاجەت. باس شۋجي شي جينپيڭ مەملەكەت مەنشىگىندەگى كاسىپورىندار رەفورماسى جونىندە ماڭىزدى نۇسقاۋ بەرگەندە مىنانى باسا دارىپتەگەن: جاڭالىق جاراتا دامۋ، سايكەسە دامۋ، جاسل دامۋ، اشىق دامۋ، تەڭ يگىلىكتەنە دامۋ ۇستانىمىنىڭ تالاپتارىنا ساي، قۇرىلىمدى رەتكە سالۋدى، جاڭالىق جاراتا دامۋدى، ورنالاستىرۋدى ساپالىلاندىرۋدى ىلگەرىلەتۋ كەرەك.
http://kazakh.people.com.cn/158373/15829432.html
