ءتوراعا شي جينپيڭ ب م ۇ 75 - كەزەكتى ءماجىلىسىنىڭ جاي تالقىسىندا سويلەگەن ماڭىزدى سوزىندە جاڭا تيپتى ايدارشا ۆيروس وكپە قابىنۋ ىندەتى ادامزاتقا ءتورت ءتۇرلى وي سالعانىن تەرەڭ تۇجىرىمدادى، ەڭ ءبىرىنشى تۇجىرىمى، اتاپ ايتقاندا: «ءبىز تۇتاسقان - توعىسقان، قۋانىش پەن جۇبانىشتا بىرگە بولاتىن جەر شارى قىستاعىندا ءومىر ءسۇرىپ وتىرمىز. ءار ەلدىڭ قارىم - قاتىناسى تىعىز، ادامزاتتىڭ تاعدىرى ورتاق» . جەر شارى قىستاعىندا تاعدىرى ورتاق بولىپ جاساپ جاتقان ءار ەل بەيبىت جولمەن، تەڭ يگىلىكتەنۋ تانىمىن ورناتۋى قاجەت.
قازىر دۇنيە جۇزىندە ءار ەلدىڭ ءبىر - بىرىنە سۇيەنۋ، قۋانىش پەن جۇبانىشتا بىرگە بولۋ دارەجەسى بۇرىنعى كەزدەردەگىدەن الدەقايدا جوعارى. ءوندىرىس فاكتورلارىنىڭ، ادامداردىڭ، ينفورماتسيالاردىڭ جوعارى جىلدامدىقپەن اعىلۋى ءاربىر ءتۇيىن ءبىر - بىرىمەن ۇشتاسقان، بولە قاراۋعا كەلمەيتىن دۇنيە جۇزىلىك قامداۋ تىزبەگىن، ءوندىرىس تىزبەگىن، قۇن تىزبەگىن جانە حالىقارالىق اۋىس - كۇيىس پەن ينفورماتسيا تورىن قالىپتاستىردى. دۇنيە جۇزىندەگى ءارقايسى ەلدەر وسىنداي قوزعالىستاعى توردان اسا زور يگىلىككە كەنەلەدى. الايدا، دۇنيە ءجۇزى ءدوپ كەلگەن حاۋىپسىزدىك حاۋىپ - قاتەرىندە دە جاڭا وزگەرىستەر تۋىلدى. مەيلى، ءىرى كولەمدى جۇقپالى اۋرۋلار بولسىن، الدە، فينانس داعدارىسى، كليمات وزگەرىسى، لاڭكەستىك قاتارلىلار بولسىن، بارلىعى دا بۇكىل ادامزات پەن تۇتاس حالىقارالىق قوعامعا حاۋىپ - قاتەر توندىرەدى. بۇل حاۋىپ - قاتەرلەرگە ءدوپ كەلگەندە، مەيلى، مەملەكەتتىڭ ناقتى قۋاتى قانشالىق كۇشتى بولسا دا، تەك ءوز كۇشىنە سۇيەنىپ حاۋىپ - قاتەردى الاستاۋعا، ءوزىنىڭ عانا قامىن جەۋگە شاراسىز.
كۇردەلى دە كوپ ولشەمدى، ءوزارا بايلانىستى دۇنيە جۇزىلىك تور بۇكىل حالىقارالىق قوعامنىڭ حاۋىپسىزدىك ماسەلەسىن بىرگە شەشۋىن قاجەت ەتەدى، سوندا عانا ءاربىر مۇشەنىڭ ءوز باسىنىڭ حاۋىپسىزدىگىنە قول جەتكىزۋگە بولادى؛ ونىڭ ۇستىنە، ءاربىر مۇشە حاۋىپسىز بولعاندا عانا، حالىقارالىق قوعام تۇتاس تۇلعالىق جاقتان حاۋىپسىزدىگىن ساقتاي الادى. ءاربىر مەملەكەتتىڭ تاعدىرى تۇگەل حالىقارالىق قوعامنىڭ تاعدىرىمەن بايلانىستى، ءاربىر مەملەكەتتىڭ مۇددەسى دە باسقا مەملەكەتتەردىڭ مۇددەسىمەن بايلانىستى، تۇتاس ادامزات قۋانىش پەن جۇبانىشتا بىرگە بولاتىن تاعدىرلاس ورتاق تۇلعاعا اينالدى.
وسىنداي رەال الدىندا، ءار ەل جان - جاقتىلى سەلبەستىك ورىستەتۋى، دۇنيە جۇزىلىك جونگە سالۋدى كوپ جاقتى ىلگەرىلەتۋى قاجەت. دۇنيە ءجۇزىنىڭ جاڭا تيپتى ايدارشا ۆيروس وكپە قابىنۋ ىندەتىنە توتەپ بەرۋ ءامالياتى مىنانى تالاسسىز دالەلدەدى: ادامزات ورتاق ءدوپ كەلگەن حاۋىپ - قاتەرلەردى جەڭۋدىڭ بىردەن - ءبىر ءونىمدى ءتاسىلى — حالىقارالىق قوعام جان - جاقتىلى سەلبەستىك ورىستەتۋ، ءار ەل كۇش بىرىكتىرىپ، ءبىر نيەتكە كەلۋ، تار جول - تايعاق كەشۋدەن بىرگە ءوتۋ. حالىقارالىق سەلبەستىك تەك ىندەتتى جەڭۋ ءۇشىن عانا قاجەتتى بولىپ قالماستان، دۇنيە ءجۇزىنىڭ ورنىقتىلىعىنا كەپىلدىك ەتۋدىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ماڭىزدى شارتى ەسەپتەلەدى.
http://kazakh.people.com.cn/158373/15829217.html
