پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە «14 - بەسجىلدىق» جوسپار مەزگىلىندەگى ەكونوميكا مەن قوعام دامۋىنىڭ باستى نىساناسى ورتاعا قويىلىپ، «قوعامدى جونگە سالۋ ورەسىن، وتە - موتە، نەگىزگى ساتىلارداعى جونگە سالۋ ورەسىن كورنەكتى جوعارىلاتۋ» تالابى ايقىندالدى. اۋىل ەرەجەسى - تۇرعىندار شارتى — نەگىزگى ساتىلارداعى جۇرتشىلىقتىڭ ءوزىن - ءوزى باسقارۋدى جونگە سالۋىنداعى ءبىر ءتۇرلى فورما بولىپ، بۇل اۋىل - قىستاقتى جونگە سالۋ بارىسىندا دارالىق رولعا يە. اۋىل ەرەجەسىن - تۇرعىندار شارتىن اناعۇرلىم كەمەلدەندىرۋ، ونىڭ باعىتتامالىلىعىن، مەڭگەرىمدىلىگىن جوعارىلاتۋ، ونىڭ سوتسياليستىك وزەكتى قۇن كوزقاراسىنىڭ نەگىزگى تالاپتارىن اناعۇرلىم ويداعىداي ايگىلەپ، اۋىل - قىستاقتى جونگە سالۋداعى ونىمدىلىگىن جوعارىلاتۋىنا شارت - جاعداي جاراتۋ، ەلىمىزدىڭ نەگىزگى ساتىلارداعى قوعامدى جونگە سالۋ ورەسىن جوعارىلاتۋدا ماڭىزدى ءمان الادى.
اۋىل ەرەجەسى – تۇرعىندار شارتىنىڭ بەلسەندى رولى نەگىزىنەن اۋىل - قىستاقتاردا قوعامدىق قارىم - قاتىناستى سايكەستىرىپ، قىستاق تۇرعىندارىنىڭ قوعامدىق ارەكەتتەرىن جونگە سالۋ، نەگىزگى ساتىلارداعى جۇرتشىلىقتىڭ مۇددەسىنە كەپىلدىك ەتۋ، قوعامدىق وركەنيەتتىڭ جاڭا ستيلىن ساۋلەلەندىرۋ قاتارلى جاقتاردا بايقالادى. اۋىل ەرەجەسى - تۇرعىندار شارتى ارقىلى اۋىل - قىستاق قوعامىنداعى الەۋمەتتىك ءتارتىپ پەن تاماشا سالتتى قالىپتاستىرۋدى ىلگەرىلەتۋ — ەلىمىزدىڭ ءداستۇرلى قوعامدى جونگە سالۋ پاراساتىنىڭ ماڭىزدى ايگىلەنۋى. ءداستۇرلى قوعامداعى اۋىل ەرەجەسى – تۇرعىندار شارتىنىڭ فورماسى الۋان ءتۇرلى، مازمۇنى ناقتى، اۋىل - قىستاقتاعى جۇرتشىلىقتىڭ ءوندىرىسى مەن تۇرمىسىنا تىعىز قاتىستى، باستىسى اۋىل – قىستاق ءوندىرىسى مەن تۇرمىسىنداعى بايلىق قاينارى ءبولىنىسى، ەكولوگيالىق ورتانى قورعاۋ، ۇرپاق تاربيەسى جانە مۇگەدەكتەرگە كومەكتەسۋ، قاتتاردى كۇتىمدەۋ، قوعام اماندىعىن جونگە سالۋ، توي - تومالاق، ءولىم - ءجىتىم، وقۋ - اعارتۋ جانە ءتالىم - تاربيە، ءوزارا كومەكتەسۋ جانە ءوزارا تيىمدىلىك جەتكىزۋ قاتارلى جاقتاردى قامتيدى، وندا ۇلكەنگە قۇرمەت ەتىپ، كىشىنى ايالاۋ، ءوزارا كومەكتەسۋ جانە ءوزارا قامقورلىق جاساۋ، بەرەكە - بىرلىك، ەڭبەكشىلدىك جانە كاسىپكە بەرىلۋ، ادالدىق جانە ىزگىلىك قاتارلى رۋحتار قامتىلادى، بۇل بۇگىنگى تاڭدا ءالى دە بەلسەندى مانگە يە.
پارتيا 18 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «قاۋلىسىندا» بىلاي دەپ باسا دارىپتەلگەن: قالا تۇرعىندارى شارتى، اۋىل ەرەجەسى - تۇرعىندار شارتى، كاسىپ سالاسى قاعيدالارى، ۇيىمدىق ەرەجە قاتارلى جۇيەلەردىڭ قوعامدى جونگە سالۋ جاعىنداعى بەلسەندى رولىن ساۋلەلەندىرۋ كەرەك. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «قاۋلىسىندا» بىلاي دەپ اتاپ كورسەتىلگەن: پارتيا ۇيىمدارى باسشىلىق ەتكەن ءوزىن - ءوزى باسقارۋ، زاڭمەن باسقارۋ، مورالمەن باسقارۋ ۇشتاستىرىلعان قالا - اۋىلدارداعى نەگىزگى ساتىلاردى جونگە سالۋ جۇيەسىن كەمەلدەندىرۋ كەرەك.
http://kazakh.people.com.cn/158373/15829215.html
