2025 – جىلعا بارعاندا، جاڭا ەنەرگيالى اۆتوموبيلدەردىڭ ىشىندە جاڭا اۆتوموبيلدەرىنىڭ ساتىلۋ مولشەرى جاڭادان ساتىلعان اۆتوموبيلدەرىنىڭ ساتىلۋ جالپى مولشەرىنىڭ %20 مولشەرىنە جەتىپ، جوعارى دارەجەدەگى اۆتوماتتى جۇرەتىن اۆتوموبيىل بەلگىلەنگەن ءوڭىر جانە ەرەكشە ورتادا ساۋدا سيپاتتى قولدانىسقا تۇسەدى؛ 2035 - جىلعا بارعاندا، تازا ەلەكترلى اۆتوموبيل جاڭا ساتىلعان اۆتوموبيلدەردىڭ نەگىزگى اعىنىنا اينالىپ، جوعارى دارەجەدەگى اۆتوماتتى جۇرەتىن اۆتوموبيىل كولەمدى قولدانىلۋدى ىسكە اسىرادى... نازارىمىزدى اۋدارىپ وتىرعان «جاڭا ەنەرگيالى اۆتوموبيل كاسىبىن دامىتۋ جوباسى (2021 - 2035 - جىلدار)» جۋىقتا جاريالاندى، بۇدان بىلايعى ءبىر مەزگىلدە جاڭا ەنەرگيالى اۆتوموبيل كاسىبىنىڭ جوعارى ساپالى دامۋىن ىلگەرىلەتۋگە ناقتى جول كورسەتىپ بەردى، كاسىپپەن شۇعىلدانۋشىلارعا سەنىم جانە قوزعاۋشى كۇش بەردى.
باس شۋجي شي جينپيڭ بىلاي دەپ اتاپ كورسەتتى: جاڭا ەنەرگيالى اۆتوموبيلدى دامىتۋ ‐ _ ەلىمىزدىڭ اۆتوموبيل وندىرۋدە ءىرى ەلدەن اۆتوموبيل وندىرۋدە قۇدىرەتتى ەلگە قادام تاستاعاندىعىنىڭ بەلگىسى. «13 - بەسجىلدىق» جوبا كەزىندە ەلىمىزدىڭ جاڭا ەنەرگيالى اۆتوموبيل كاسىبى تەز دامىپ، بىرتىندەپ دۇنيە جۇزىندەگى جاڭا ەنەرگيالى اۆتوموبيل سالاسىنداعى جاڭالىق جاراتۋ بيىگىنە اينالدى. تاياۋدا اشىلعان مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە، ونەركاسىپ جانە ينفورماتسيالاندىرۋ مينيسترلىگىنىڭ اقپارات مالىمدەمەشىسى جاڭا ەنەرگيالى اۆتوموبيل كاسىبىنىڭ دامۋ ناتيجەسىن «بىردە جەتەكشىلىك ەتۋ، ۇشتە قامال الۋ» دەپ جيناقتادى، ياعني كاسىپ سالاسىنىڭ دامۋى جەتىلدىرۋ مەزگىلىنەن دامۋ كەزەڭىنە ٶتىپ، بۇكىل جەر شارى اۆتوموبيل كاسىبىنىڭ بۇرىلىس جاساۋىنا جەتەكشىلىك ەتەتىن ماڭىزدى كۇشكە اينالدى؛ بازاردا قامال الىنىپ، ساتىلۋ مولشەرى ءۇرتىس 5 جىل دۇنيە ءجۇزى بويىنشا ءبىرىنشى ورىندى يەلەدى، جالپىلاستىرىلۋ مولشەرى 4 ميلليون 800 مىڭنان اسىپ، دۇنيە ءجۇزىنىڭ جارىمىنان استامىن ۇستادى؛ تەحنيكادا قامال الىندى، باتەريا، ەلەكتر ارقىلى مەڭگەرۋ سياقتى شەشۋشى سالالاردا جاڭالىق اشۋ جاندانىپ، اككۋمۋلياتوردىڭ تەحنيكالىق ورەسى دۇنيە ءجۇزىنىڭ الدىڭعى لەگىنە ٶتتى؛ ونىمدە قامال الىنىپ، قامداۋ ساپاسى ۇزدىكسىز جوعارىلادى، وندىرىسكە تۇسكەن اۆتوموبيل تۇرلەرىنىڭ جالعاستى قاتىناۋ ارالىعى 500 كيلومەتردەن اسىپ، تۇتىنۋشىلاردىڭ مويىنداۋ دارەجەسى كۇن سايىن جوعارىلادى. جاڭا ەنەرگيالى اۆتوموبيل كاسىبىنىڭ ومىرشەڭدىك كۇشى زور، ەلىمىز ەكونوميكاسىنىڭ ارتۋىنا پارمەندى جاڭا قوزعاۋشى كۇش ۇستەپ قالماستان، جاسىل دامۋدى ىلگەرىلەتۋدىڭ پارمەندى تىرەگىنە اينالدى.
http://kazakh.people.com.cn/158373/15829000.html
