باس شۋجي شي جينپيڭ عالىمداردىڭ اڭگىمە ماجىلىسىندە مىنانى باسا دارىپتەدى: ءتول جاسامپازدىق قابىلەتىن جوعارىلاتۋدى ءتىپتى دە كورنەكتى ورىنعا قويىپ، اناعۇرلىم كوپ «0دەن 1گە دەيىنگى» قامال الۋدى قۇلشىنا جۇزەگە اسىرۋ كەرەك. ورتالىق كوميتەت ساياسي بيۋروسىنىڭ 24 ـ رەتكى توپتىق ۇيرەنۋىندە باس شۋجي شي جينپيڭ مىنالاردى باسا دارىپتەدى: بۇگىنگى دۇنيە ءجۇزى 100 جىلدا بولماعان زور وزگەرىستەردى باستان كەشىرىپ وتىر، عىلىم ـ تەحنيكادا جاڭالىق اشۋ مۇنىڭ ىشىندەگى شەشۋشى اينىمالى شاما.
ەلىمىزدىڭ «14 - بەسجىلدىق» كەزىن جانە ءتىپتى دە ۇزاق دامۋدى بەتكە الا وتىرىپ، عىلىم - تەحنيكا قىزمەتكەرلەرى ءتول جاسامپازدىق قابىلەتىن جوعارىلاتۋعا ەرەكشە ءمان بەرىپ، «0دەن 1گە دەيىنگى» قامال الۋدى جۇزەگە اسىرۋ كەرەك.
كەزەكتە، ەلىمىز ءبىرقانشا وزەكتى، شەشۋشى سالالاردا ءالى دە «قىسپاقتا قالۋ» ماسەلەسىنە ءدوپ كەلىپ وتىر. باسقالاردىڭ تەجەۋىندە بولاتىن ىرىقسىز جاعدايدى وزگەرتىپ، ءتول جاسامپازدىق قابىلەتىن شىنايى جوعارىلاتۋ ەلىمىزدىڭ دەربەس عىلىم - تەحنيكادا جاڭالىق جاراتۋ جۇيەسىن كەمەلدەندىرۋدى شۇعىل قاجەت ەتەدى. نەگىزدىك زەرتتەۋ، قولدانىلمالى زەرتتەۋ، تەحنيكالىق زەرتتەپ اشۋدان كاسىپ سالالانۋعا دەيىنگى تۇتاس تىزبەكتى ورنالاستىرۋدى اقاۋسىزداندىرۋ كەرەك. قازىرگى كەلەلى عىلىم - تەحنيكادا قامال الۋ بارعان سايىن كوپ پاندەردىڭ توعىسۋى مەن ءتۇرلى شەشۋشى تەحنيكالاردىڭ شوعىرلانۋىنا سۇيەنۋدە، ءارقانداي ءبىر بۋىننىڭ كەمدىگى «قىسپاقتا قالۋ» حاۋىپ - قاتەرىن تۋدىرۋى مۇمكىن. جاڭالىق جاراتۋدىڭ تۇتاس تىزبەگى تۇتاس ونەركاسىپ جۇيەسىنە سايادى، مۇنى ءبىر ورىن، ءبىر تاراۋ ورىنداي المايدى، ونىڭ ۇستىنە ۇزاق ۋاقىت قور توپتاۋعا تۋرا كەلەدى. سوندىقتان، مەملەكەتتىڭ ۇزاق بولاشاقتىق باسەكەلىك قۋاتىنا ساياتىن وزەكتى، شەشۋشى سالالار جونىنەن العاندا، جوعارى دەڭگەيلى جوبالاۋ ارقىلى ۇزاق بولاشاقتىق نىساناعا قاراي جۇيەلى ورنالاستىرۋ جاساپ، تەحنيكادا بولجامپازدىقپەن ازىرلىك بولۋ كەرەك. تۇتاس تىزبەكتىڭ ورنالاستىرىلۋى ەركىن ىزدەنۋدى قاجەت ەتىپ قالماستان، ونىڭ ۇستىنە «تۋ باستان جانە تومەن ساتىدان» باستاپ ۇزاق بولاشاقتىق ستراتەگيالىق نىساناعا تىرەك بولىپ، عىلىم - تەحنيكا بايلىعىن ورنالاستىرۋدى رەتتەپ، ساپالىلاندىرىپ، جوعارى ساپالى سەلبەسىپ قامال الۋدى ورىستەتۋ كەرەك. باس شۋجي شي جينپيڭ: «ءبىر توپ مەملەكەتتىك تاجىريبەحانا قۇرۋ كەرەك»، «ەلىمىزدىڭ تاجىريبەحانا جۇيەسىن قالىپتاستىرۋ كەرەك» دەپ اتاپ كورسەتتى. مەملەكەتتىك تاجىريبەحانانىڭ سالماعى ءتىپتى دە زور، پاندەرى ءوزارا توعىسقان، جالپىلىق جيناقتالعان ەرەكشەلىككە يە. تۇتاس تىزبەك ورنالاستىرۋدا جاڭالىق جاراتىپ، جالپى فاكتوردى ءبىر تۇلعالاندىرىپ ورنالاستىرۋداعى ەڭ تاماشا اتقارۋ تەكشەسى. وسى نەگىزدە، مەملەكەتتىڭ تاجىريبەحانالارى ارقىلى قاتىستى سالالارداعى كەلەلى عىلىم - تەحنيكا نىساندارىن ءبىرتۇتاس ۇيىمداستىرىپ اتقارۋ ‐ جاڭاشا مەملەكەت قۇرۋ ءتۇزىلىسىنىڭ ابزالدىلىعىن ساۋلەلەندىرىپ، كۇشتى شوعىرلاندىرا وتىرىپ قامال الۋدى جۇزەگە اسىرۋدىڭ ەڭ ءونىمدى جولى.
عىلىم - تەحنيكادا جاڭالىق جاراتۋ ەڭ سوڭىندا قالىڭ عىلىم - تەحنيكا قىزمەتكەرلەرىنىڭ تاماشا قىزمەت جاعدايى مەن رۋحاني بەت - بەينەسى ارقىلى جۇزەگە اسادى. باس شۋجي شي جينپيڭ مىنالاردى باسا دارىپتەدى: «سەنىمدى العى شارت ەتكەن ەڭ ۇزدىك عالىم جاۋاپتى بولۋ ءتۇزىمىن ورناتىپ، ولارعا ادام، قازىنا، ماتەريال جاعىنان تولىق دەربەس شەشىم جاساۋ ۇقىعىن جانە تەحنيكالىق لۋشيان بەلگىلەۋ ۇقىعىن بەرۋ كەرەك». عىلىم - تەحنيكا قىزمەتكەرلەرى پارتيا مەن حالىقتىڭ سەنىمىن اقتايتىنداي، كوشباسشى جانە ءورىس اشۋشى بولۋ باتىلدىعى مەن باسىمدىلعىىن ازىرلەپ، عىلىم - تەحنيكادا جاڭالىق جاراتۋ تاريحي بورىشىن ارقالاۋى كەرەك، «0دەن 1گە دەيىنگى» قامال الۋدى جۇزەگە اسىرىپ، اناعۇرلىم كوپ وزەكتى، شەشۋشى تەحنيكالاردى يگەرىپ، دۇنيە جۇزىندەگى عىلىم - تەحنيكادا قۇدىرەتتى ەل قۇرۋعا پارمەندى تىرەك بولۋ كەرەك.
http://kazakh.people.com.cn/158373/15828998.html
