75 – جىلدىڭ الدىندا، ەكى رەتكى دۇنيە جۇزىلىك سوعىستىڭ الاپاتىن باستان كەشىرگەن سوڭ، بىرلەسكەن مەملەكەتتەر ۇيىمى جۇرتتىڭ بەيبىتشىلىك پەن دامۋعا دەگەن كۇشتى ارمانى نەگىزىندە ومىرگە كەلدى. حالىقارالىق ساحناداعى ۋاكىلدىك سيپاتقا يە، ەڭ بەدەلدى كوپ جاقتىلى قۇرىلىم بولعان بىرلەسكەن مەملەكەتتەر ۇيىمى بوران – شاشىندى باستان وتكەرىپ، ەرەك جەتىستىكتەرگە قول جەتكىزدى. 75 جىلدان بەرى، كوپ جاقتىلىق كۇن سايىن جۇرت جۇرەگىنە تەرەڭ ۇيالادى. وتە – موتە، ادامزاتتىڭ تاعدىرلاس ورتاق تۇلعاسى قۋانىش پەن جۇبانىشتا بىرگە بولىپ وتىرعان، دۇنيە جۇزىلىك ماسەلەلەر كۇن سايىن كوبەيە تۇسكەن بۇگىنگى تاڭدا، كوپ جاقتىلىقتىڭ ادامزاتتىڭ بەيبىت دامۋى جاعىنداعى قۇنى بارعان سايىن كورنەكتىلەنە ءتۇستى. ءار ەلدىڭ حالىقارالىق ىستەردى بىرگە كەڭەسۋى، دۇنيە جۇزىلىك داعدارىستارعا بىرگە توتەپ بەرۋى، دامۋ جەتىستىكتەرىنەن تەڭ يگىلىكتەنۋى حالىقارالىق قوعامنىڭ كەڭ ورتاق تانىمىنا اينالدى.
ەلىمىز بىرلەسكەن مەملەكەتتەر ۇيىمىنىڭ ۋستاۆىنا ءبىرىنشى بولىپ قول قويعان مەملەكەت، بىرلەسكەن مەملەكەتتەر ۇيىمىنىڭ نەگىزىن سالۋشى مۇشە ەلى، سونىمەن بىرگە، حاۋىپسىزدىك القالار كەڭەسىنىڭ تۇراقتى القا ەلدەرى اراسىنداعى بىردەن – ءبىر دامۋ ۇستىندەگى ەل، باستان – اياق كوپ جاقتىلىقتى قولداپ، كوپ جاقتىلىقتى ءامالياتتا ايگىلەپ كەلەدى، اشىقتىق، سەلبەسۋشىلىك، تەڭ يگىلىكتەنۋ رۋحى بويىنشا دۇنيە جۇزىندەگى ءارقايسى ەلدەرمەن بىرگە دامۋدىڭ جولىن قاراستىرىپ كەلەدى. ءتوراعا شي جينپيڭ مىنانى اتاپ كورسەتكەن: «كوپ جاقتىلىقتى ءامالياتتا ايگىلەۋدە، وتىرىپ الىپ نازاريا سويلەمەستەن، ورنىنان تۇرىپ، ارەكەتكە كىرىسكەن ءجون، تەك رەتسەپ كەسۋدى عانا ءبىلىپ، ونىڭ ونىمدىلىگى بولماسا بەكەر». حالىقارالىق ءتارتىپتى باتىل قورعاۋدان تارتىپ، قازىرگى كوپ جاقتى مەحانيزمدى كەمەلدەندىرگەنگە دەيىن، كوپ جاقتى سەلبەستىك تانىمىندا جاڭالىق جاراتۋدان تارتىپ، كوپ جاقتى سەلبەستىك جاڭا تەكشەلەرىن قۇرعانعا دەيىن، ەلىمىز شىنايى ارەكەتتەرى ارقىلى كوپ جاقتىلىقتى ءامالياتتا ايگىلەپ، بەيبىت داميتىن جاۋاپكەرشىلىك ارقالاي الاتىن ءىرى ەل ەكەندىگىن ايگىلەدى.
بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭداردى نەگىز ەتكەن حالىقارالىق ءتارتىپ ادامزاتتىڭ بەيبىت دامۋى ىستەرىنە ماڭىزدى ۇلەس قوستى. ەلىمىز — حالىقارالىق ءتارتىپتىڭ قورعاۋشىسى، بىرلەسكەن مەملەكەتتەر ۇيىمى مەن دۇنيە جۇزىلىك ساۋدا ۇيىمى قاتارلىلاردى ۋاكىل ەتكەن كوپ جاقتىلى سەلبەستىك مەحانيزمدەرىن باتىل قولدايدى. جۋىرداعى جىلداردان بەرى، ەلىمىز جالپى سوماسى ءبىر ميلليارد ا ق ش دوللارى كەلەتىن «جۇڭگو – بىرلەسكەن مەملەكەتتەر ۇيىمى بەيبىتشىلىك جانە دامۋ قورىن» قۇرىپ، حاۋىپسىزدىك القالار كەڭەسىنىڭ تۇراقتى القا ەلدەرى ىشىندە بەيبىتشىلىكتى قورعاۋ قىزمەتكەرلەرىن ەڭ كوپ جىبەرگەن ەل بولدى ... وسىنىڭ بارلىعى ەلىمىزدىڭ كۇن سايىن كوپ جاقتى ىستەرگە بەلسەندى اتسالىسۋشى بولا باستاعانىن ايقىندايدى.
http://kazakh.people.com.cn/155422/15828936.html
