«حالىقتىڭ تاماشا تۇرمىسقا دەگەن ارمانى — ءبىزدىڭ كۇرەس نىسانامىز». پارتيا 19 – كەزەكتى ورتالىق كوميتەتى بەسىنشى جالپى ماجىلىسىندە قارالىپ ماقۇلدانعان «ج ك پ ورتالىق كوميتەتىنىڭ حالىق شارۋاشىلىعى مەن قوعام دامۋىنىڭ 14 – بەسجىلدىق جوسپارى جانە 2035 – جىلعا دەيىنگى ۇزاق بولاشاقتىق نىساناسى جونىندەگى ۇسىنىستا» بىلاي دەپ ورتاعا قويىلعان: «14 – بەسجىلدىق» جوسپار مەزگىلىندە ەكونوميكا مەن قوعام دامۋىندا، ءسوزسىز، حالىقتى وزەك ەتۋ پرينسيپىنە بويسۇنىپ جانە وعان تاباندى بولىپ، حالىقتى نەگىزگى تۇلعالىق ورىنعا قويۋعا تاباندى بولىپ، ورتاق اۋقاتتانۋ باعىتىندا تاباندى بولىپ، باستان – اياق دامۋ حالىق ءۇشىن بولۋىن، دامۋ بارىسىندا حالىققا سۇيەنۋدى، دامۋ جەتىستىكتەرىنەن حالىقتى تەڭ يگىلىكتەندىرۋدى ورىنداپ، حالىقتىڭ ءتۇبىرلى مۇددەسىن قورعاپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن قوزعاپ، قوعامنىڭ تەڭدىگىن ىلگەرىلەتىپ، حالىقتىڭ ىرىسىن ارتتىرىپ، حالىقتىڭ تاماشا تۇرمىسقا دەگەن ارمانىن ۇزدىكسىز ورىنداۋ كەرەك.
جۇڭگو كوممۋنيستىك پارتياسىنىڭ ىرگەتاسى — حالىق، قان تامىرى حالىققا جالعاسىپ جاتادى. پارتيانىڭ حالىقتى ىنتىماقتاستىرىپ، توڭكەرىس جاساپ، قۇرىلىس جۇرگىزىپ، رەفورما جاساۋداعى ءتۇبىرلى ماقساتى — حالىقتى جاقسى تۇرمىسقا كەنەلتۋ، مەيلى، قانشاما زور سايىستار مەن قىسىمدارعا ءدوپ كەلسە دە، مەيلى، قانشاما زور قۇرباندىقتار مەن بوداۋلار بەرسە دە، بۇل باعىتتان باستان – اياق جازبايدى، بۇلجىتپاي اتقارادى. رەفورما جاساپ، ەسىك اشۋدىڭ باستاپقى مەزگىلىندە پارتيا ورتالىق كوميتەتى دوڭگەلەك داۋلەتتى قوعام ورناتۋ ستراتەگيالىق ويىن ورتاعا قويعاننان باستاپ، پارتيامىز حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، دامۋ بارىسىندا حالىق تۇرمىسىن قامتاماسىزداندىرۋ جانە ونى جاقسارتۋعا باستان – اياق تاباندى بولدى، بالالار مەكتەپكە دەيىنگى تاربيەدەن يگىلىكتەنە الۋ، وقىسا مەكتەبى بولۋ، ەڭبەگىنىڭ جەمىسىن كورە الۋ، اۋىرعاندا ەمدەلە الۋ، قارتايعاندا كۇتىمدەلە الۋ، تۇرعىن ءۇيى بولۋ، كومەككە ءزارۋ جاندار كومەكتەن يگىلىكتەنە الۋ ىستەرىن جاپپاي ىلگەرىلەتىپ، حالىقتىڭ تۇرمىسىن ۇزدىكسىز جاقسارتىپ، حالىقتىڭ ىرىسىن ۇزدىكسىز ارتتىردى.
«13 – بەسجىلدىق» جوسپار مەزگىلىندە، كەدەيلىكتەن ارىلتۋدان قامال الۋ شايقاسىنىڭ تابىسىنا دۇنيە ءجۇزى كوز تىگۋدە، اۋىل – قىستاقتارداعى 55 ميلليون 750 مىڭ كەدەي جان سانىن كەدەيلىكتەن ارىلتۋ ورىندالدى، حالىقتىڭ تۇرمىس ورەسى كورنەكتى جوعارىلاتىلدى، قالا – قالاشىقتارداعى جاڭادان ارتقان كاسىپتەنگەندەردىڭ سانى 60 ميلليون ادامنان اسىپ، دۇنيە ءجۇزى بويىنشا كولەمى ەڭ زور بولعان قوعامدىق قامتاماسىزداندىرۋ جۇيەسى قۇرىلدى، نەگىزدىك ەمدەۋ قامسىزداندىرۋىنىڭ قامتۋ كولەمى ءبىر ميلليارد 300 ميلليون ادامنان اسىپ، نەگىزدىك زەينەتكەرلىك قامسىزداندىرۋىنىڭ قامتۋ كولەمى ءبىر ميلليارد ادامعا جۋىقتادى. ۇزاق ۋاقىت بويى تالىقپاي قۇلشىنۋدىڭ ارقاسىندا، جۇڭحۋا ۇلتى مىڭداعان جىلداردان بەرگى مۇلدە كەدەيلىك ماسەلەسىنە تاريحي سيپاتتى نۇكتە قويىپ، مىڭداعان جىلداردان بەرگى «حالىق بەينەتتى كوپ تارتتى، قام – قايعىسز تۇرمىسقا كەنەلەتىن كەزى كەلدى» دەيتىن تىلەكتى رەالعا اينالدىردى.
http://kazakh.people.com.cn/158373/15828760.html
