وقۋ - اعارتۋ مينيسترلىگى جاريالاعان «جوعارى، ورتا، باستاۋىش مەكتەپتەردىڭ مەملەكەت حاۋىپسىزدىگى تاربيەسى جەتەكشى باعدارلاماسىنا» (تومەندە قىسقاشا «جەتەكشى باعدارلاما» دەلىنەدى) ساي، مەملەكەت حاۋىپسىزدىگى تاربيەسىنىڭ مازمۇنى بۇدان بىلاي تۇرلىشە ساتىداعى وقۋشىلاردىڭ جالپىلىق ساپاسى ارحيۆىنە ەنگىزىلەدى.
جەتەكشى باعدارلاماعا ساي، باستاۋىش مەكتەپ ساتىسىندا مەملەكەت حاۋىپسىزدىگى تاربيەسىنە قاتىستى قيمىلدارعا قاتىناسۋ جاعدايىن باقىلاۋ كەرەك؛ ورتا مەكتەپ ساتىسىنداعى قاتىستى پاندەر مەملەكەت حاۋىپسىزدىگى تاربيەسىنە قاتىستى مازمۇنداردى تەكسەرىپ باعالاۋ كولەمىنە ەنگىزىپ، قيمىلعا قاتىناسۋ جاعدايىن تەكسەرۋگە تەڭ ءمان بەرۋ كەرەك؛ جوعارى مەكتەپ ساتىسىندا الۋان ءتۇرلى فورمامەن ساباق ەمتيحانىن الىپ، بارىستىق سىناۋعا تەڭ ءمان بەرىلۋى كەرەك. ءارقايسى باسقىشتاعى قاتىستى مەكتەپتەر وقۋشىلاردىڭ مەملەكەت حاۋىپسىزدىگى ارناۋلى تاربيەسى، ساباق ۇيرەنۋ جانە قوعامدىق اماليات قاتارلى قيمىلدارداعى پوزيتسياسى، قيمىل بەينەسى جانە ۇيرەنۋ ناتيجەسى ەستەلىگىنىڭ شىنايى، سەنىمدى بولۋىنا شىنايى كەپىلدىك ەتىپ، وقۋشىلاردىڭ جالپىلىق ساپا ارحيۆىنە ەنگىزۋ كەرەك.
جەتەكشى باعدارلامادا مىنالار ايقىن بەلگىلەندى: باستاۋىش مەكتەپ ساتىسىندا مەملەكەت ۇعىمىن ورناتۋدى ءتۇيىن ەتىپ، وقۋشىلارعا مەملەكەت حاۋىپسىزدىگى جونىندەگى نەگىزگى ساۋاتتى العاشقى ادىمدا ۇعىندىرىپ، وتانشىلدىق سەزىمدى كۇشەيتۋ كەرەك. ورتالاۋ مەكتەپ ساتىسىندا جەكە مەن مەملەكەتتىڭ قاتىناسىن ءتۇيىندى تۇردە ارقاۋ ەتىپ، مەملەكەت حاۋىپسىزدىگى تانىمىن كۇشەيتىپ، وقۋشىلاردىڭ جالپى تۇلعالىق مەملەكەت جاعدايىن العاشقى ادىمدا تۇسىنۋىنە مۇمكىندىك جاراتىپ، مەملەكەت حاۋىپسىزدىگى نەگىزدىك بىلىمدەرىن يگەرىپ، مەملەكەت حاۋىپسىزدىگىنىڭ جەكەنىڭ ءوسىپ - جەتىلۋىندەگى ماڭىزدى رولىن ءتۇسىندىرىپ، مەملەكەت مۇددەسى كوزقاراسىن العاشقى ادىمدا ورناتۋ كەرەك. ورتا مەكتەپ ساتىسىندا حالىقتىڭ باقىتى مەن مەملەكەتتىڭ قاتىناسىن ءتۇسىنۋدى ءتۇيىن ەتۋ كەرەك، جالپى تۇلعالىق مەملەكەت حاۋىپسىزدىگى كوزقاراسىن ورناتۋ، وقۋشىلاردىڭ جالپى تۇلعالىق مەملەكەت جاعدايىن تۇسىنۋىنە مۇمكىندىك جاراتىپ، مەملەكەت حاۋىپسىزدىگىنىڭ ءارقايسى سالاسىنىڭ ءمانىن جانە بايلانىسىن باستاپقى قادامدا يەلەپ، مەملەكەت حاۋىپسىزدىگى مەملەكەتتىڭ دامۋىنداعى ماڭىزدى رولىن تانىتىپ، مەملەكەت حاۋىپسىزدىگىن سانالى قورعاۋ جونىندەگى بورىشتىلىق سەزىمدى كۇشەيتۋ كەرەك. جوعارى مەكتەپ ساتىسىندا جۇڭحۋا ۇلتتارىنىڭ تاعدىرى مەن مەملەكەتتىڭ بايلانىسىن ءتۇيىندى تۇردە نەگىز ەتۋ كەرەك، جالپى تۇلعالىق مەملەكەت جاعدايىن امالياتتا ايگىلەپ، وقۋشىلار جۇيەسىنىڭ جالپى تۇلعالىق مەملەكەت حاۋىپسىزدىگى كوزقاراسىنىڭ مازمۇنى مەن ءمانىن يگەرۋىنە مۇمكىندىك جاساپ، جۇڭگوشا مەملەكەت حاۋىپسىزدىگى جۇيەسىن ءتۇسىنىپ، مەملەكەت حاۋىپسىزدىگىنىڭ تومەنگى شەگىن بەلگىلەپ، مەملەكەت حاۋىپسىزدىگى تانىمىن سانالى ارەكەتكە اينالدىرىپ، جاۋاپكەرشىلىك ارقالاۋدى كۇشەيتۋ كەرەك.
http://kazakh.people.com.cn/155769/15828073.html
