شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ ماجىلىسىندە، باس شۋجي شي جينپيڭ شىنجىن قاتارلى ەكونوميكالىق ەرەكشە رايونداردىڭ 40 جىلدان بەرگى رەفورما جاساپ، ەسىك اشۋ ءامالياتىندا جيناقتاعان قىمباتتى تاجىريبەلەرىن تەرەڭ قورىتىندىلاپ، سىرتقا جاپپاي ەسىك اشۋدا، ءسوزسىز، تاباندى بولۋدى باسا دارىپتەدى. گۋاڭدۇڭدا قىزمەت تەكسەرگەن كەزدە، باس شۋجي شي جينپيڭ «اناعۇرلىم زور باتىلدىقپەن اناعۇرلىم جوعارى باستالۋ نۇكتەسىندە رەفورما جاساپ، ەسىك اشۋدى ىلگەرىلەتۋدى»، «تىڭ دا اناعۇرلىم زور ىسكەرلىك تانىتۋدى» باسا دارىپتەدى، مۇنداعى ماڭىزدى جاق اناعۇرلىم جوعارى ورەدە سىرتقا ەسىك اشۋدى ىلگەرىلەتۋ بولىپ تابىلادى. بۇل ماڭىزدى تالاپ، اناعۇرلىم جوعارى باستالۋ نۇكتەسىندە رەفورما جاساپ، ەسىك اشۋدى ىلگەرىلەتۋگە باعىت كورسەتتى جانە نازاريالىق جاقتان جەتەكشىلىك ەتتى.
ەكونوميكالىق ەرەكشە رايوندى كوركەيتۋ — پارتيا مەن مەملەكەتتىڭ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن جۇرگىزگەن ۇلى باستاماسى. 40 نەشە جىلدىڭ الدىندا، پارتيا مەن مەملەكەت شىنجىن، جۋحاي، شانتوۋ، شيامىن قاتارلى ءتورت جەردە ەكونوميكالىق ەرەكشە رايون قۇرۋدى بەكىتتى، بۇل ەكونوميكالىق ەرەكشە رايوننىڭ جۇڭگودا رەسمي ومىرگە كەلگەنىنەن دەرەك بەرىپ، جۇڭگونىڭ دۇنيە جۇزىمەن توعىسۋ ءارى جاھاندانۋدى ىلگەرىلەتۋ جاعىنداعى تىڭ شاراسىنا اينالدى، جۇڭگو وسىدان باستاپ سىرتقا ەسىك اشۋدىڭ ايبىندى سۋرەتىن سالدى.
40 جىلدان بەرى، ەسىك اشۋ باستان – اياق ەكونوميكالىق ەرەكشە رايوننىڭ بەتكە ۇستاعان باعدارى بولدى. ەسىك اشۋ، كەڭ پەيىلدىلىك سىندى رەفورما قاسيەتىنەن تيىمدىلىككە كەنەلگەن شىنجىن باستابىنداعى تەك 30 مىڭنان استام جان سانى بار شەكاراداعى شاعىن قالاشىقتان ون ميلليوننان استام جان سانى بار ەرەكشە ءىرى قالاعا اينالدى. شىنجىنعا تابان تىرەگەندەر ءۇشىن، مەيلى، جۇڭگو كاسىپورنى بولسىن، الدە، شەتەل كاسىپورنى بولسىن، مەيلى، جەرگىلىكتى تۇرعىندار بولسىن، الدە، سىرتتان كەلگەندەر بولسىن، مەيلى، الدىمەن كەلگەندەر بولسىن، الدە، كەيىن كەلگەندەر بولسىن، شىنجىن بارلىعىنا دا ىقىلاستى كومەك بەرىپ، ءادىل مامىلە جاسادى، وركەنيەتتى قوعامدىق ورتا، جاراسىمدى تۇرمىس رايى دۇنيە جۇزىندەگى دارىندىلاردى وسى ارادا توعىستىرىپ، ولاردى تۇرمىس كەشىرۋگە، قارجى قوسۋعا، كاسىپ كوزىن اشۋعا باۋرادى. قازىرگە دەيىن، بيىل الدىڭعى جارىم جىلدا، شەتەلدىك ساۋداگەرلەر تىكەلەي قارجىلاندىرعان نىسانداردىڭ جالپى سانى 94 مىڭنان اسىپ، ءىس جۇزىندە پايدالانىلعان سىرتقى قارجى سوماسى جيىنى 117 ميلليارد ا ق ش دوللارىنان استى.
http://kazakh.people.com.cn/158373/15828217.html
