جاڭا جۇڭگو قۇرىلعاننان بەرگى تۇڭعىش رەت «زاڭناما» اتىمەن اتالعان زاڭ بولعان ازاماتتىق زاڭناما ازاماتتىق ىستەر ۇقىعى جارناماسى، كەپىلناماسى بولىپ قالماستان، مەملەكەتتى باسقارۋداعى ازاماتتىق ىستەر جاعىنداعى زاڭدىق نەگىزى بولىپ، بۇل مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋ جاعىندا كەلەلى ماڭىزعا يە. پارتيا 19 – قۇرىلتايى ءتورتىنشى جالپى ماجىلىسىندە جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋدى ىلگەرىلەتۋ جونىندە جالپى بەتتىك ورنالاستىرۋ جاسالدى، ازاماتتىق زاڭنامانىڭ جاريالانۋى جانە اتقارىلۋى ءدال ۋاعىندا بولدى دەۋگە بولادى. ءبىز ازاماتتىق زاڭناماداعى بەلگىلەمەلەردى شىنايى تياناقتاندىرىپ، زاڭمەن جۇيەگە سالۋدىڭ جونگە سالۋ ونىمدىلىگىن ۇزدىكسىز جوعارىلاتۋىمىز كەرەك.
جۇڭگوشا ەرەكشەلىككە يە سوتسياليستىك زاڭمەن باسقارۋ جۇيەسىن قۇرۋ، مەملەكەتتىڭ ءتۇرلى قىزمەتتەرىن زاڭمەن باسقارۋدى قۇلشىنا ورىنداۋ، پارتيانىڭ، مەملەكەتتىڭ، قوعامنىڭ ءتۇرلى ىستەرىن باسقارۋدى تۇزىمدەندىرۋدى، جۇيەلىلەندىرۋدى، تارتىپتەندىرۋدى ورىنداۋ — جۇڭگوشا سوتسياليستىك تۇزىمدە تاباندى بولۋ مەن ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋ ىستەرىنىڭ ماڭىزدى جاعى. ازاماتتىق زاڭناما جۇڭگوشا سوتسياليستىك زاڭ جۇيەسىندە ماڭىزدى ورىن الادى. ازاماتتىق زاڭنامانى جاريالاۋ جانە اتقارۋ جۇڭگوشا سوتسياليستىك زاڭمەن باسقارۋ جۇيەسىندە تاباندى بولۋ جانە ونى كەمەلدەندىرۋدە كەلەلى ءمان الادى، مەملەكەتتىڭ ازاماتتىق ىستەر قارىم – قاتىناسىن رەتكە سالۋدى تۇزىمدەندىرۋ، جۇيەلىلەندىرۋ ىستەرىن ىلگەرىلەتۋگە، وسى ارقىلى اكىمشىلىك زاڭىن اتقارۋ جانە ءادىليا جاعىنداعى زاڭمەن باسقارۋ ورەسىن جوعارىلاتۋعا ءتيىمدى.
پارتيا 19 – قۇرىلتايى ءتورتىنشى جالپى ءماجىلىسىنىڭ «قاۋلىسىندا» بىلاي دەپ باسا دارىپتەلگەن: مەملەكەتتى زاڭ بويىنشا باسقارۋدا، الدىمەن، مەملەكەتتى نەگىزگى زاڭ بويىنشا باسقارۋعا تاباندى بولۋ كەرەك، زاڭ بويىنشا بيلىك جۇرگىزۋدە، الدىمەن، نەگىزگى زاڭ بويىنشا بيلىك جۇرگىزۋدە تاباندى بولۋ كەرەك. مەملەكەتتى نەگىزگى زاڭ بويىنشا باسقارۋ ، نەگىزگى زاڭ بويىنشا بيلىك جۇرگىزۋ ءۇشىن نەگىزگى زاڭدى جالپى بەتتىك دايەكتى تياناقتاندىرۋ قاجەت، بۇل مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋدىڭ ىشكى تالابى. مۇندا، نەگىزگى زاڭدا ازاماتتارعا بەرىلگەن نەگىزگى ۇقىقتارىنا كەپىلدىك ەتۋ نەگىزگى زاڭنىڭ اتقارىلۋ ورەسىن ۇزدىكسىز جوعارىلاتۋداعى ماڭىزدى تۇتقا بولىپ تابىلادى.
ازاماتتىق زاڭنامادا حالىقتى وزەك ەتە دامۋ يدەياسى باستان – اياق سىڭىرىلگەن، ازاماتتىق ىستەر نەگىزگى تۇلعاسىنىڭ زاڭدى ۇقىق – مۇددەسىن قورعاۋ زاڭ جاساۋداعى باستى ماقسات ەتىلگەن، حالىقتىڭ كىسىلىك ۇقىعىن، مال – مۇلىك ۇقىعىن، ادامدىق ار - نامىس ۇقىعىن جالپى بەتتىك قورعاۋ، ازاماتتىق ىستەر نەگىزگى تۇلعاسىنىڭ ەكونوميكا، قوعام، تۇرمىس بارىسىنداعى ءتۇرلى ۇقىقتارىن جان – جاقتىلى ايقىن جاريالاپ جانە بەلگىلەپ، ەلىمىزدىڭ ازاماتتىق ىستەر ۇقىق تۇرلەرىن كەمەلدەندىرىپ جانە جۇيەگە ءتۇسىرىپ، اناعۇرلىم كەمەلدەنگەن ازاماتتىق ىستەر ۇقىق جۇيەسى قالىپتاستىرىلعان. سونىمەن بىرگە، ۇقىقتى قورعاۋ مەن كومەكتەسۋدەگى بەلگىلەمەلەر كەمەلدەندىرىلىپ، جۇيەلى دە ءونىمدى ۇقىقتى قورعاۋ مەحانيزمى قالىپتاستىرىلىپ، حالىق جۇرتشىلىعىنىڭ ءتۇرلى ازاماتتىق ىستەر ۇقىعىنان شىنايى يگىلىكتەنۋىنە كەپىلدىك ەتىلگەن.
http://kazakh.people.com.cn/306611/15827382.html
